Frjáls verslun - 01.09.1972, Blaðsíða 16

En er ekki unnt að miða
stjórn þjóðfélagsins meira við
sveiflurnar en verið hefur?
TRYGGARI EFNAHAGUR
EÐA STÓRI VINNINGURINN?
Hjá því verður ekki komizt,
að stjórnmálaleg atriði hljóta
að ráða ferðinni og ná stund-
um yfirhöndinni yfir hag-
stjórnartækjunum, sem þýðir,
að tiltækum ráðum er ekki
beitt sem skyldi.
Líta má á sveiflujöfnunar-
verkefnið frá sjónarhóli ráð-
stöfunarþáttanna fjármagns,
vinnuafls og innlendra og er-
lendra hráefna. Hvernig á að
stýra notkun þessara fram-
leiðslugæða, þannig að hag-
sæld aukist og sveiflur verði
ekki alltof miklar í einstökum
atvinnugreinum og þar með í
þjóðarbúskapnum í heild?
í öldudölunum hefur einatt
verið fjölyrt um að renna fleiri
stoðum undir atvinnuvegina,
en þetta hefur viljað gleymast,
þegar uppgangur hefur hafizt
á ný. En samspilið milli
skammtímaráðstafana og lang-
tímalausna verður alltaf mjög
ófullkomið, á meðan þar við
situr. Útkoman er einfaldlega
sú, að allur tiltækur mann-
skapur er sífellt að glíma við
að undirbúa tímabundnar efna-
hagsráðstafanir. Vonandi á hér
eftir að verða meiri breyting
á. Eða viljum við alltaf spila
upp á stóra vinninginn?
14 FV 9 1972
a