Frjáls verslun - 01.06.1975, Qupperneq 35

Jón Egilsson, forstjóri Ferðaskrifstofu Akureyrar:
Akureyri er ekki samkeppnisfær á
meðan flugvöllurinn er of stuttur
— Það vantar 500 metra upp á að flugvöllurinn á Akureyri sé næglilega Iangur til þess að taka. á
móti stórum millilandavélum með góðu móti. Á meðan svo er verður staðurinn aldrei samkeppnis-
fær við höfuðborga.rsvæðið um ferðamenn. Reykjavík ræður öllu í ferðamálum og við erum möt-
uð. Þetta er dapurleg staðreynd fyrir okkur, sem vinnum að ferðamálum á Norðurlandi. — Þetta
sagði Jón Egilsson forstjóri Ferðaskrifstofu Akureyrar í viðtali við Frjálsa verslun fyrir skömmu.
Jón telur að Norðurland sé
ekki síður áhugavert fyrir er-
lenda ferðamenn en Suðurland
og því beri að bæta úr þeim at-
riðium sem rýra möguleika
norðanmanna til þess að laða til
sín ferðamenn og það þurfi að
gerast sem allra fyrst.
SKIPULEGGJA ÞARF
BÆJARFERÐIR
— Þegar við verðum búin að
fá flugvöllinn lengdan þá þurf-
um við að snúa okkur að ein-
stökum atriðum, sem betur
mega fara. Ef við lítum t. d. á
Akureyri, með augum ferða-
mannsins, þá er margt sem bet-
ur mætti fara. Við þurfum t. d.
nauðsynlega að skipuleggja
ferðir um bæinn þar sem það
markverðasta væri undirstrik-
að, söfn heimsótt og fleira í
þeim dúr, sagði Jón.
Ferðaskrifstofa Jóns gegnir
fjölþættu hlutverki. Eitt af
verkefnunum er að taka á móti
erlendum ferðamannahópum,
sem koma með flugvélum til
Akureyrar. Er ekið þaðan með
hópana austur í Mývatnssveit
og þaðan er þeim ekið aftur á
Akureyrarflugvöll og síðan
flogið aftur til Reykjavíkur.
Bílstjórar Jóns fara daglega í
þessar ferðir og stundum er
farið í fleiri en eina ferð vegna
mikillar þátttöku, því einhvern
vegin er það orðið svo að er-
lendur ferðamaður getur helst
ekki heimsótt landið án þess að
geta sagt frá því heima að hann
hafi komið til „lake Mývatn".
En þó þetta sé ágætt svo langt
sem það nær, þá hefur Jón sín-
ar athugasemdir við fyrirkomu-
lagið.
AKUREYRI — MÝVATN —
HÚSAVÍK
— Ég held að við þyrftum að
reyna að notfæra okkur tæki-
færið betur. Það er margt fleira
að sjá á Norðurlandi en Mý-
vatn. Húsavík hefur upp á mjög
góða aðstöðu að bjóða. Þar er
nýtt hótel og margt að sjá. Ef
Akureyri og Húsavík gætu
komið á samvinnu í ferðamál-
um þá ættu báðir aðilar að
geta hagnast á því. Ég gæti
hugsað mér ferðir þannig skipu-
lagðar að ferðamenn kæmu til
Akureyrar með flugi, ækju héð-
an til Mývatnssveitar og síðan
til Húsavíkur þar sem þeir
gistu. Síðan væri komið til Ak-
ureyrar, bærinn og nágrenni
skoðað og gist hér næstu nótt
og flogið síðan til Reykjavíkur.
Þetta væri ferð sem gæfi ferða-
manninum miklu meira en
hraðferðirnar sem við skipu-
leggjum nú í Mývatnssveit.
VÍÐA SKORTIR AÐSTÖÐU
FYRIR FERÐAFÓLK
Síðan vék Jón að því að
margt væri að skoða og sjá í
nágrenni Akureyrar, en litlu
staðirnir við Eyjafjörð þyrftu
að gera stórátak til þess að geta
tekið á móti ferðamönnum
þannig að sómi væri að. Víða
væri engin aðstaða til þess að
taka á móti fólki í gistingu og
35
Jón
Egilsson
á Ferða-
skrif-
stof,unni.
FV 6 1975
i