Frjáls verslun - 01.02.1978, Page 37

3 í Reykjavík, lííið útibú, þar sem skipulagðar
eru ferðir fyrir þá Islendinga, sem vilja nota
sér þjónustu SAS og taka þátt í ferðum, sem
fyrirtækið skipuleggur frá Skandinavíu.
Samkvæmt upplýsingum, sem fengust á skrif-
stofu SAS á Laugaveginum þá notfæra íslend-
ingar sér mikið þessa þjónustu og taka mjög
oft þátt í ferðum til mjög fjarlægra staða.
— Það er inikið um það að þeir, sem koma
til okkar, séu aðilar, sem vilja samræma við-
skiptaferðir sínar og sumarfrí. Þeim hentar vel
að geta flogið t.d. til Bankok áhyggjulaust, Ijúka
þar erindum sínum og hafa síðan frjálsar hend-
ur um það hvernig þeir verja tíma sínum það
sem eftir er ferðarinnar.
A sumrin eru áætlunarferðir milli Danmerk-
ur, íslands og Grænlands, á vegum SAS og geta
þeir farþegar notfært sér það, sem þurfa að
fara til Kaupmannahafnar, sem er útgangs-
punktur í SAS-ferðirnar, sem héðan eru skipu-
lagðar.
TIL FJARLÆGRA LANDA
í auglýsingabæklingi frá SAS eru kynntar
þær ferðir sem þeir bjóða upp á og yrði allt of
langt mál að telja upp alla þá staði. En þó má
nefna Asíulönd, Austur-Afríku, Vestur-Indíur,
Suður-Ameríku, Rússland, Egyptaland og fleiri
og fleiri. Þarna virðist vera allt sem hugurinn
girnist.
En af þessum ferðum, sem boðið er upp á,
virðast íslendingar hafa mestan áhuga á Asíu-
löndum og Afríku, sögðu stúlkurnar sem vinna
fyrir SAS hér í Reykjavík.
Að lokum má geta þess að starfsmenn SAS hér
eru fjórir, þar af einn á Keflavíkurflugvelli og
þrír í skrifstofunni í Reykjavík. Oll þjónustan
hér er inn í ramma áætlunarflugs og fellur und-
ir reglur sem gilda um það, þannig að farseðlar
eru greiddir í íslenskum krónum og ferðamanna-
gjaldeyrir 'er eins og um venjulegt áætlunarflug
væri að ræða.
Á ferð um náttúruverndarsvæði í Kenya.
í sólbaði fyrir framan hótel í Grikklandi.
Sunna:
Býður allt
nema snjó
— Við bjóðum upp á allt nema snjó, sagði
Jón Guðnason, hjá Ferðaskrifstofunni Sunnu,
þegar Frjáls verzlun innti hann eftir sumaráætl-
un ferðaskrifstofunnar. Að vanda er sumaráætl-
,un Sunnu fjölbreytt, en þar ber hæst sem fyrr
Mallorca ferðirnar, sem að sögn Jóns eru enn
lang vinsælustu ferðirnar hjá Islendingum, þeg-
ar valið stendur milli einstakra staða í sólar-
löndunum svokölluðu.
Þeir eru orðnir margir Islendingarnir sem hafa
heimsótt Mallorca að sumarlagi og sagði Jón
að mjög margir þeirra kæmu ár eftir ár, og vildu
þá gjarnan búa líka á sömu hótelunum. Ástæðan
fyrir þessu væri sennilega að einhverju leyti 1
þeim töfrum sem eru yfir eyjunni. Mallorca er
ein af eyjunum í Balear-eyjaklasanum undan
austurströnd Spánar. Að norðan er eyjan f jöllótt,
en þvert yfir hana gengur flatlendi. Baðstrend-
ur eru langar og miklar á eyjunni og landslag
fjölbreytt. Jón sagði að svo virtist sem allir
aldurshópar sæktu til Mallorca. Þar væri nóg
fjör fyrir unga fólkið, en jafnmikill möguleiki
á kyrrð og hvíld fyrir þá. sem vildu taka líf-
inu með ró.
SPÁNARSTRENDUR OG GRIKKLAND
Af öðrum stöðum, sem Sunna býður sínum
viðskiptavinum upp á má nefna Costa del Sol,
Ccsta Brava, Kanaríeyjar og Portúgal, en síð-
astnefndi staðurinn er nýr á nálinni í ferðaáætl-
un Sunnu. Auk þess má nefna ferðir til Grikk-
lands, Ítalíu, Rínarlanda, Kaupmannahafnar og
FV 2 1978
37