Frjáls verslun - 01.08.1979, Blaðsíða 8

áfangar;
Pétur Sveinbjarnarson hefur verið ráðinn
framkvæmdarstjóri nýrra samtaka er nefnast
Viðskipti og verslun. Aðild að samtökum þess-
um eiga eftirtalin félög: Verslunarráð íslands,
Landssamband ísl. verslunarmanna, Verslun-
arbanki íslands, Lífeyrissjóður verslunar-
manna, Verslunarmannafélag Reykjavíkur,
Kaupmannasamtök íslands, Félag ísl. stór-
kaupmanna og Bílgreinasambandið. Hlutverk
þessara samtaka er m.a. að efla kynningu a
versluninni í landinu og auka menntun starfs-
fólks innan greinarinnar, ásamt fleiru.
Pétur er fæddur 23. ágúst, 1945. Eftir gagn-
fræðapróf hélt hann til Englands þar sem hann
stundaði nám í almenningstengslum árin
1962—63 og aftur árið 1965. Á árinu 1965 var
hann í starfsþjálfun hjá AA (Automobile Asso-
ciation).
Árið 1966 var Pétur ráðinn fulltrúi hjá Um-
ferðarnefnd Reykjavikur og varð síðan for-
stöðumaður fræðslu- og upplýsingadeildar
skrifstofu Umferöarnefndar og lögreglu vegna
gildistöku hægri umferðar á íslandi, árin 1968
og '69. 1969—1971 var Pétur umferðarmála-
fulltrúi Umferðarráðs en síðan var hann ráðinn
sem framkvæmdastjóri Umferöarráðs. Því
starfi gegndi hann til ársins 1976 er hann tók
við framkvæmdastjórastöðu iðnkynningar og
tveimur árum síðar varð hann framkvæmda-
stjóri Félags ísl. iðnrekenda.
Markmið samtakanna Viðskipti og verslun er
m.a. að auka álit verslunar- og viðskiptalífsins,
kynna almenningi verslun og viðskipti, svo og
að sýna, hvernig má nýta innlenda verslunar-
þekkingu og samstarf við aðrar atvinnugreinar
til að efla iðnað og aðra frjálsa atvinnustarf-
semi í landinu.
Brynjar Haraldsson hefur verið ráðinn
rekstrarráðgjafi tæknisviós Hagvangs h.f.
Hagvangur stofnaði þetta svið fyrir stuttu og er
það liður í þeirri viðleitni fyrirtækisins að veita
íslenskum atvinnufyrirtækjum alhliða þjónustu
á sviði rekstrarráðgjafar.
Brynjar er fæddur 22. maí 1947. Á árunum
1964 til 1969 var Brynjar í iðnnámi í vélsmíði og
vann aðallega við skipasmíðar. Hann lauk síð-
an sveinsprófi í vélvirkjun og einnig tók hann
lokapróf frá Tækniskóla íslands 1969 (I. hl.).
Brynjar hélt þá til Danmerkur og lauk þaðan
þrófi í véltæknifræði frá Aalborg Teknikum
1971. Að því námi loknu kom hann aftur til (s-
lands og starfaði sem framleiðslustjóri hjá
verksmiðjunni Nói, Hreinn og Síríus í tvö ár.
Árið 1973 flutti hann aftur til Danmerkur og hóf
störf, sem tæknifræðingur, hjá Metallic
Trykkstöberi Nyköbing Mors. Sumarið 1977 hóf
hann síðan störf hjá M. Kjærs Maskinfabrik í
Álaborg.
Starf Brynjars hjá Hagvangi h.f. felst í rekstr-
arráðgjöf með framleiðslu og véltæknifræði
sem sérsvið.
„Eftirspurn eftir þessari þjónustu hefur verið
mikil", sagði Brynjar. ,,Við ætlum að bæta við
tveim mönnum til að vinna að þessu verkefni.
Um þessar mundir er unnið fyrir 15 fyrirtæki,
bæöi opinber og einkafyrirtæki. Það eru fram-
leiðslufyrirtæki eins og trésmiöjur, prentsmiðj-
ur og saumastofur. í mörgum tilfellum er þaö
bankakerfið sem þrýstir á að athuganir eða út-
tektir eru gerðar á tæknimálum fyrirtækjanna".
4
8