Frjáls verslun - 01.08.1979, Blaðsíða 30

—t utan
Tölvur hafa valdið einu af stærstu þró-
unarþrepum mannkynsins á ekki lengri
tíma en tveim áratugum
Segja má aö tölvuvæðingin
hefjist fyrir alvöru upp úr 1960.
Síöan hefur þróunin veriö æfin-
týralega þröð, verð á tölvum og
tölvubúnáði hefur jafnt og þétt
lækkað um leið og tölvunotkun
hefur orðið algengari og tölvurnar
fullkomnari og fyrirferðarminni.
Og það er langt í frá að þessi þró-
un hafi náð fullu skriði, jafnvel
þessa stundina eru sérfræðingar
að spá nýrri byltingu, sem gæti
orðið í kjölfari tæknilegs framfara-
stökks. Margt athyglisvert er að
gerast á tæknisviðinu, sem boðar
vissulega breytingar sem gætu
valdið byltingu. Hér verður gerð
grein fyrir því helsta í stuttu máli.
Gerfihnettir — gera þeir IBM að
pólitísku afli eða ...
Fyrirtækið US Satellite Business
Systems er sameignarfyrirtæki
IBM, Comsat, Aetna Casualty og
Surety. Það vinnur nú að verkefni
sem felst i því að komið verður upp
gervihnattakerfi í sambandi við
tölvumiðstöövar, sem mun spanna
allt bandaríska meginlandið. Yfir-
völd í Bandaríkjunum hafa þegar
gefið fyrirtækinu leyfi til að bjóða
leigukaupasamninga þeim fyrir-
tækjum sem vilja tengjast þessu
tölvuneti. Með þessu móti er hægt
að fjarvinna í auknum mæli fjöl-
breyttustu verkefni auk þess sem
kerfið færir fyrirtækjum upp í
hendurnar fullan aðgang að þeim
fullkomnustu tölvumiðstöðvum
sem þekkjast, án þess að þau þurfi
að leggja út í umtalsverða fjárfest-
ingu. Segja má að allt sem til þarf
séu útstöðvar(terminals)sem hafa
nokkra, en þó takmarkaða,
vinnslugetu í eigin reikniverki.
Onnur fyrirtæki, svo sem Xerox og
ITT eru að fara inn á þessa sömu
braut. Sérfræðingar eru sammála
um að einungis sé tímaspurning,
hvenær þessi bandarísku mið-
tölvunet verði tengd sambærileg-
um miöstöðvum í Evrópu um
gerfihnetti.
Á hinn bóginn eru sérfræðingar
ekki á einu máli um hvaða áhrif
þetta gífurlega umfangsmikla kerfi
muni hafa á stöðu IBM sem
áhrifavalds. Sumir telja að með
þessu móti verði fyrirtækið IBM að
heimspólitísku afli, sem taka verði
til greina sem áhrifaaðila í pólitísk-
um samskiptum þjóða. Aðrir, og
þeir eru fleiri, halda því fram, að
vegna þess hve auövelt það sé
fyrir mörg fyrirtæki að ná sending-
um þessara gerfihnatta, og vegna
þess að IBM hefur ekki getað
komið í veg fyrir að fjöldi annarra
framleiðenda framleiði og selji út-
stöðvar sem tengja má IBM tölv-
um, sé allt útlit fyrir að þetta gerfi-
hnattakerfi verði til að draga stór-
lega úr drottnun IBM og sumra
tölvusamsteypa í Evrópu. Hvað
sem því líður er þarna á ferðinni
mál sem mun eiga eftir að hafa
veruleg áhrif á framþróun tölvu-
notkunar um víða veröld.
Tölvur og heimsmarkaðsverð á
olíu
í bók sem nefnist ,,The Wired
Society" er því haldið fram að
þróun tölvukerfa I heiminum hald-
ist í hendur við þróun olíuverðs.
Því dýrari olía — því fullkomnari
tölvur og því meiri tölvunotkun.
Þessi bók er eftir James Martin
fyrrum einn af hátt settum tækni-
mönnum IBM og nú vinsæll rithöf-
undur á sviði tölvufræða. Það
kemur fram í fullyrðingu Martins,
að eftir því sem olía og annað
eldsneyti hefur hækkað í verði,
hafa tölvur selst betur, orðið al-
gengari og um leið ódýrari.
Orsökin fyrir þessu er sú, að
mati Martins, að fyrirtæki um allan
heim verji töluverðu fé til þess eins
að nálgast upplýsingar, sem
nauðsynlegar eru fyrir reksturinn.
Forstjórar bregði sér gjarnan
bæjarleið til þess að hittast og
ræða málin, skiptast á upplýsing-
um auk þess sem fjöldi annarra
starfsmanna er á faraldsfæti utan
og innan stofnana og fyrirtækja til
þess að afla upplýsinga.
Þessi upplýsingaöflun leiðir af
sér talsverðan eldsneytiskostnað í
einni eða annarri mynd. Þegar
olíuvörur hækka eykst um leið
eftirspurn eftir tölvutækjum sem
aflað geta upplýsinga, t.d. um
símalínur og sparað fólki snún-
inga.
Tölvur verða sífellt ódýrari
Samkvæmt könnun sem breska
fyrirtækið Diebold Research hefur
framkvæmt, bendir margt til þess
að tölvur muni bókstaflega hrapa í
verði á næsta áratugi. Þeir benda
hinsvegar á, að tölvuframleiðend-
ur muni beita þeirri aðferð, á
mörgum sviðum, að bjóða miklu
afkastameiri tæki fyrir sama verð í
30