Frjáls verslun - 01.05.1984, Page 75

flutningi okkar. Hin siðustu ár
hefur hann dregist enn frekar
saman og ekki verið nema um
eitt prósent. Langstærsti hlutinn
hin síðari ár var loónumjöl. Ekk-
ert loðnumjöl var þó flutt út árin
1982 og 1983 enda loðnuveiði
bönnuð þessi ár. Útflutningur
okkar til Tékkóslóvakíu hrapaði
þá niður í 0.2% af heildarútflutn-
ingi okkar. Auk þess sem út-
flutningur loðnumjöls lagðist af
dró úr sölu á þorskmjöli til
Tékkóslóvakíu meðal annars
vegna minnkandi fiskimjöls-
framleiðslu.
Rætist úr í ár?
í ár lítur út fyrir að heldur muni
rætast úr í útflutningsmálum
okkar til Tékkóslóvakíu og því
hugsanlegt að útflutningurinn
komist í um eitt prósent af heild-
arútflutningi okkar. Á þessu ári
verður heldur meiri sala á frystri
síld en áður og loðnumjölssala
hefst á nýjan leik. Eins og áður
var getið kaupa Tékkar af okkur
kísilgúr í auknum mæli. Til
dæmis keyptu þeir af okkur 635
tonn árið 1980 en í fyrra. 1983.
2.150 tonn. Árið 1980 keyptu
þeir tæplega 700 tonn af frystri
síld en í fyrra 1.368 tonn. Einnig
hefur osturinn orðið vinsæll eins
og áður var getið; 1980 keyptu
þeir 46 tonn af frystri síld en í
fyrra 1.368 tonn. Einnig hefur
osturinn orðið vinsæll eins og
áður var getið; 1980 keyptu þeir
46 tonn en í fyrra 110 tonn.
Nokkuð hefur verið reynt að
flytja út ullarvörur til Tékkósló-
vakíu en lítill árangur hefur náðst
enn. Talið er. að ullarvörurnar
séu heldur dýrar fyrir þennan
markað.
Margar ástæður
fyrir samdrættinum
En það er ekki einungis sam-
dráttur í sölu á fiskafurðum sem
hefur orðið til þess. að minni
viðskipti eru á milli landanna en
áður. Margt annað kemur til:
Viðskipti Tékkóslóvakíu við
önnur austantjaldsríki hafa vaxið
undanfarin ár. þrátt fyrir að
Tékkar virðist leggja mjög mikla
áherslu á viðskipti við Vestur-
heim. fyrst og fremst til að kom-
ast yfir vestrænan gjaldeyri.
Gjaldeyrisskortur og almenn
efnahagsvandræði þeirra hafa
leitt til þess. að þeir geta ekki
lengur greitt fyrir þá vöru sem
þeir kaupa. Þær þjóðir. sem
bjóða þeim lánsviðskipti, einsog
t.d. Norðmenn halda því mark-
aðnum. meðan við. sem viljum fá
staðgreiðslu fyrir vöruna. dettum
út. Þeir óska einnig eftir, að í
stað þess að greiða fyrir vöruna
með gjaldeyri, að selja okkur
varning í staðinn en slíkt er ekki í
anda frjálsra viðskipta sem við-
gangast á Vesturlöndum.
Innflutningur frá
Tékkóslóvakíu
Um árabil var útflutningur
Tékkóslóvakíu til íslands mjög
mikilvægur báðum löndunum.
En undanfarin ár hafa orðið
nokkrar breytingar þar á.
Fyrir seinni heimsstyrjöld nam
útflutningur Tékka til Sovétríkj-
anna um tveimur prósentum af
heildarútflutningi landsins en er
75