Frjáls verslun - 01.01.1989, Blaðsíða 46

AFMÆLI
Fjöldi manna á ritstjórn Frjáls framtaks kemur nærri útgáfu Frjálsrar verslunar. Hér gefur að líta hluta þeirra. Frá
vinstri: Friðrik Erlingsson, yfirmaður hönnunardeildar, Halldóra Sigurdórsdóttir, blaðamaður, Þorgrímur Þráins-
son, blaðamaður, Valþór Hlöðversson, ritstjórnarfulltrúi, Þórunn Hafstein, prófarkarlesari, Bjarni Brynjólfsson,
blaðamaður, KristínEggertsdóttir auglýsingastjóri, Helgi Magnússon, ritstjóri, Sjöfn Sigurgeirsdóttir, auglýsinga-
stjóri, Eiríkur S. Eiríksson, blaðamaður og Þorsteinn G. Gunnarsson, blaðamaður.
TÍÐRÆTT UM STÓRIÐJU
A 1964-’66 skeggræða menn mjög
um stóriðjumöguleika á íslandi í
Frjálsri verslun. Þar ríða á vaðið
menn eins og Jóhannes Nordal og
Eyjólfur Konráð Jónsson þáverandi
ritstjóri Morgunblaðsins. Rætt er um
fyrirhugaðar virkjanir fallvatna og
iðjuvera í kjölfar þeirra svo og álverk-
smiðju, kísiliðju við Mývatn og ok'u-
hreinsunarstöð, sem Eyjólfur Konráð
mælti mjög fyrir. Hann segir m.a. í
viðtali árið 1965 að þjóðhagsleg hag-
kvæmni slíkrar stöðvar sem byggð
yrði og rekin í samstarfi við útlend-
inga væri án efa mjög mikil. — Þrátt
fyrir þetta mat Eykons og fleiri manna
varð ekkert úr framkvæmdum en á
hinn bóginn var hafist handa um bygg-
ingu fyrsta stóriðjuversins hér á landi
þ.e.a.s. ÍSAL í Straumsvík.
NÝTT TÍMABIL
HEFST1967
Ef skilgreina á
útgáfu Frjálsrar
verslunar fram til
þessa tíma má segja að þar beri mest
á greinum eftir ýmiss konar sérfræð-
inga, mótandi afstöðu blaðsins í leið-
urum og síðast en ekki síst birtingu
ræðna eftir forystumenn í viðskipta-
lífínu. Með 1. tölublaði ársins 1967
verður breyting á þessu. Hlutafélagið
Frjáls verslun hættir útgáfunni og
Verslunarútgáfan hf. undir stjórn Jó-
hanns Briem tekur við.
Blaðið tók nú fljótlega stakkaskipt-
um. Ráðnir voru blaðamenn að ritinu
og það tók smám saman á sig nútíma-
legri svip. Útgefandinn ungi segir í
bréfi til lesenda í fyrsta tölublaði árs-
ins 1967 sem út kom í ágúst:
„Hlutverk blaða og tímarita er í sí-
fellu að færast meira í það horf að
flytja lesendum fróðleik og fréttaefni
á hlutlausan og sannan hátt — flytja
staðreyndir fremur en skoðanir.
Þetta er þróun tímans, og þar eiga
hraðvirkari fjölmiðlunartæki, svo
sem útvarp og sjónvarp, mikinn þátt
í.
EfnisskiptinguF.V. ermjögþannig
háttað, að blaðið höfði ekki einvörð-
ungu til þeirra manna, er eiga atvinnu
sína og afkomu beint til verslunar og
viðskipta að sækja, — heldur er þess
vænst, að hverjum ábyrgum borgara,
er fýlgist með efnahagsmálum og
þjóðarhag, sé blaðið bæði gagn og
nauðsyn."
VERÐLAGSMÁL í BRENNIDEPLI
Mikið fjaðrafok varð á útmánuðum
árið 1970 þegar Eggert G. Þorsteins-
son þáverandi ráðherra í samstjóm
Sjálfstæðisflokks og Alþýðuflokks brá
fæti fyrir stjómarfrumvarp um afnám
verðlagseftirlits. Frjáls verslun var
ekki ánægð með framtak ráðherrans
og í grein, sennilega eftir þáverandi
ritstjóra Herbert Guðmundsson segir
m.a.:
„En verðlagsskorðurnar eru og
þess eðlis að þær beinlínis hvetja
verslunina til að versla með sem
dýrastar vörur. Og er þá ekki mælir-
inn fullur? Ekki alveg. Aðstaða versl-
unarinnar bitnar alveg sérstaklega á
innlendri framleiðslu, þar sem ís-
lenskir framleiðendur hafa ekki tök á
að bjóða sömu fyrirgreiðslu og margir
46