Frjáls verslun - 01.02.2000, Blaðsíða 34

cd ■ ii■ o iicnoi nni
Ríkisskattstjóri
Námskeið um skattskil
þeirra sem hefja rekstur
Hrefna Einarsdóttir erfrœðslustjóri skattafræðslu ríkisskattstjóra.
Frá því um áramótin hefur embætti ríkisskattstjóra boðið
upp á nýja tegund námskeiða sem ætluð eru þeim sem eru
að hefja atvinnurekstur, einnig einyrkjum og verktökum.
Aðsókn hefur verið mikil og sýnir það glöggt að þörf hefur ver-
ið fyrir þá fræðslu sem þarna er í boði, að sögn Hrefnu Einars-
dóttur, fræðslustjóra hjá ríkisskattstjóra. Ákveðið hefur verið
að halda þessi námskeið ekki aðeins í Reykjavík heldur einnig
úti á landi, til dæmis á ísafirði, Akureyri og á Egilsstöðum.
Markmiðið með námskeiðunum er að kynna mönnum helstu undir-
stöðuatriði almennra skattskila þeirra sem hafa með höndum sjálf-
stæða starfsemi. Allt frá því virðisaukaskattur var tekinn upp í stað
söluskatts fyrir einum tíu árum hefur ríkisskattstjóri efnt nokkuð reglu-
lega til námskeiða fyrir þá sem eru með virðisaukaskattskylda veltu en
þau námskeið hafa einungis snúist um virðisaukaskatt og það sem að
honum lýtur. Ýmsir rekstraraðilar hafa hins vegar óskað eftir námskeið-
um um almenn skattskil og var því orðið Ijóst að mikil þörf væri á
fræðslu um þetta efni og er nú verið að koma til móts við þá þörf.
Tvískipt námskeið
Námskeiðunum er skipt í tvo hluta og leiðbeinendur eru starfsmenn
ríkisskattstjóraembættisins. Fyrri hlutinn fjallar um almenn skattskil
rekstraraðila en sá síðari um virðisaukaskatt.
í fyrri hlutanum er farið yfir það hverjir teljast hafa með höndum at-
vinnurekstur í skilningi skattalaga, rætt er um launagreiðendaskrá,
reiknað endurgjald, staðgreiðslu, tryggingagjald, lífeyrissjóðsiðgjöld,
skattframtal og rekstrarkostnað. Þá er farið yfir tekjuskráningu og
tekjuskráningargögn, fjallað um sjóðvélar, bókhaldsskyldu og bók-
haldsgögn.
Síðari hluti námskeiðsins lýtur að virðisaukaskatti og fjallað er um
hann almennt; um útskatt og innskatt, skattskyldu, skráningarskyldu,
undanþágur, skattverð og loks um leiðréttingarskyldu, uppgjör og skil.
Erfitt að ná til nýrra verktaka
Hrefna segir að oft hafi verið erfitt að ná til þeirra sem eru að hefja at-
vinnurekstur eða fara út í verktakavinnu því þeir viti jafnvel ekki sjálfir
að þeim ber að skrá sig sérstaklega á launagreiðendaskrá. Um leið og
það hefur verið gert fá þeir ýmsa þjónustu sem ríkisskattstjóraembætt-
ið býður upp á, fá til dæmis sendar orðsendingar með nauðsynlegum
upplýsingum sem og auðvitað gíróseðla fyrir uppgjör staðgreiðslu og
tryggingargjalds. Vegna þess hve erfitt hefur reynst að ná til nýrra að-
ila í atvinnurekstri var ákveðið að auglýsa áðurnefnd námskeið um síð-
ustu áramót og urðu viðbrögð geysimikil. Reiknað hafði verið með að
halda eitt námskeið í mánuði en augljóst er að það mun engan veginn
nægja nú í byrjun. Reyndar eru margir sem sóst hafa eftir námskeiðun-
um ekki algjörir nýgræðingar f atvinnurekstri en telja sig engu að síður
hafa mikið gagn af þessum námskeiðum. Þegar frá líður má þó reikna
Ríkisskattstjóri er til húsa að Laugavegi 166 ogþar fara námskeiðin
fram.
34
ERnm