Morgunblaðið - 24.01.2001, Page 12

FRÉTTIR
12 MIÐVIKUDAGUR 24. JANÚAR 2001 MORGUNBLAÐIÐ
„MÉR er ómögulegt að
túlka skýrsluna sem
stuðning við þá nálgun
við Evrópusambands-
aðild sem formaður
flokksins hefur verið
að keyra. Öllu er hald-
ið opnu og hún er að
því leyti magalending
á þeirri flugferð sem
Halldór Ásgrímsson
hóf í þessum efnum.
Það var kannski ekki
við öðru að búast þar
sem vitað var að mjög
eru skiptar skoðanir
um málið í flokknum,“
segir Steingrímur J.
Sigfússon, formaður
Vinstrihreyfingarinnar – græns
framboðs.
„Ég verð einnig að segja að mér
sýnist það hefði verið óþarfi að
merkja Framsóknarflokknum þetta
plagg, það er svo opið í báða enda að
það þekkist óðar á því ætternið.“
Steingrímur segir að hann sé að
því leytinu til ánægður með skýrsl-
una að hún sé ekki einstefna í átt til
aðildar eins og hann hafi jafnvel tal-
ið að flokkurinn stefndi að.
„Það getur verið að skýrslan sé
ekki hugsuð sem nein endastöð hjá
flokknum heldur sé liður í að venja
framsóknarmenn við þá tilhugsun
að aðild sé á dagskrá, með fullum
fyrirvara á framhaldinu. Það er eins
og þeir hafi valið að semja vopnahlé
milli andstæðra fylkinga, því hafi ég
nokkurn tíma séð vandræðalegan
texta þar sem slegið er úr og í þá er
það þessi.“
Steingrímur bendir í þessu samb-
andi á lið c) í þriðja hluta niðurstöðu
skýrslunnar sem fjallar um hvað
gera skuli reynist ekki grundvöllur
til að byggja á EES-samningnum.
Þarna er orðalagið mjög óskýrt að
mati Steingríms og engu slegið
föstu.
Eina sem er skýrt í
skýrslunni segir Stein-
grímur er að það yrði
gripið til þjóðar-
atkvæðagreiðslu kom-
ist aðild að Evrópu-
sambandinu á
dagskrá. „Það er í
sjálfu sér ekki nýtt,
það hafa allir talað um
að það komi ekki ann-
að til mála.“
Samningsmarkmið
draumórar
Að mati Steingríms
er lítill fengur í samn-
ingsmarkmiðum þeim
sem reifuð eru í skýrsl-
unni. „Ég áskil mér rétt að kanna
þau betur en ég sé ekki betur en að
þar séu menn á ýmsum sviðum að
setja niður draumórakennd mark-
mið og tali um möguleika á sérstöðu
Íslands sem ég hefði talið að væri al-
gerlega óraunhæf. Það er eins og
menn telji að menn geti haldið hér
sérstöðu í ýmsum málum. Geti t.d.
jafnvel þó að evran verði tekin upp
varið sig sveiflum í efnahagslífinu á
meginlandinu. Ég held að fæstir
skilji hvernig það ætti að eiga sér
stað ef við erum seld undir takmark-
anir og þau þröngu skilyrði sem
upptaka evrunnar setur í sambandi
við ríkisfjármál og aðra hluti.“
Steingrímur segir að þegar á allt
sé litið sé ekki hægt að segja að
skýrslan sé stórtíðindi, það sé ein-
faldlega liður í flokksstarfi að ræða
mál eins og Evrópumálin í stjórn-
málaflokkum. „Þetta hefur verið
kynnt sem eitthvað stórmál sem var
kannski ekki hyggilegt þegar litið
er á niðurstöðuna sem er þó ekki
meiri tíðindi en þetta. Miklar vænt-
ingar voru gerðar til nefndarinnar
en svo kemur ósköp lítið út úr því
nema plagg sem er opið í allar átt-
ir.“
Steingrímur J.
Sigfússon.
Ómögulegt að túlka
skýrsluna sem
stuðning við aðild
„ÞETTA er í fljótu bragði almennt yfirlit
en ekki stefnumörkun. Þetta er opið í
báða enda eins og vant er um þennan
flokk,“ segir Sverrir Hermannsson, for-
maður Frjálslynda flokksins, um skýrslu
Evrópunefndar Framsóknarflokksins.
Tekur undir tillögur um
þjóðaratkvæðagreiðslu
Sverrir segist taka undir með tillögum
skýrslunnar um þjóðaratkvæðagreiðslu,
yrði sótt um aðild. Enn sem komið er hafi
hins vegar ekki annað komið í ljós en aðild
að Evrópusambandinu fylgi afsal á rétti
Íslendinga yfir auðlindum hafsins.
„Við þurfum að láta af hendi þau rétt-
indi og hleypa annarra þjóða skipum í
landhelgina.
Slíkt er óhugsandi að mínu viti. Slíkt
er nægilegt til að ég get ekki fallist á að
við göngum undir slíkt jarðarmen.“
Sverrir segir einnig athyglisvert að
skýrslan velti upp framsali fullveldis og
það sé enn langt í land með að allir vafa-
þættir hafi verið nægilega ræddir og
skýrðir.
„Það er enda skýrt tekið fram að það
eru ekki öll kurl komin til grafar. En í
heild tekið er þetta vafalaust góð sam-
antekt á stöðu og horfum en að þetta
getur ekki kallast að nein stefnumið hafi
verið sett fram af hálfu þessa flokks.
Það getur vel verið að hægt verði að
byggja á þessu að einhverju leyti, um
það get ég ekki dæmt en það á eftir að
koma í ljós.“
Yfirlit en ekki stefnumörkun
Sverrir
Hermannsson
„MÉR finnst eftir að
hafa lesið plaggið að
þetta sé undarleg lend-
ing. Þegar farið var af
stað hafði forysta
Framsóknarflokksins
uppi sverar yfirlýsing-
ar um að tengjast
sterkari böndum við
Evrópu og mér fannst
byr í segl þeirra sem
kalla mætti Evrópu-
sinna en þessi skýrsla
bendir til þess að þeir
hafi a.m.k. ekki orðið
ofan á,“ segir Össur
Skarphéðinsson, for-
maður Samfylkingar-
innar. „Sú forysta, sem Framsókn-
arflokkurinn kvaðst ætla að taka
sér í Evrópumálum, hefur gufað
upp.“
Össur segist efast um að skýrsl-
an verði til þess að blása byr í Evr-
ópuumræðuna hér á landi því menn
hafi í raun átt von á allt annarri nið-
urstöðu. „Forysta flokksins hafði
talað það ákveðið með nauðsyn
þess að kanna rækilega sterkari
tengsl við Evrópusambandið,
kanna rækilega hvort
sækja bæri um aðild
að Evrópusamband-
inu. Þannig hafði ég
og fleiri skilið forystu
Framóknarflokksins.
Það sem þarna kemur
fram er hins vegar
hálfgert japl, jaml og
fuður.“
Össur segir það
hans mat að afrakstur
nefndarinnar sé mjög
hefðbundinn fyrir
Framsóknarflokkinn.
„Það er talað um að
verði að skoða út í
hörgul þau tækifæri
sem bjóðast innan Evrópusam-
bandsins, komi í ljós að þau séu
ekki næg verði að leita annarra
leiða. Þetta er dæmigerð stefna
sem er opin í báða enda.“
Þannig hafi nefndin í raun ekki
skilað því sem til var stofnað, veikt
sé kveðið að orði í niðurstöðukafl-
anum og engin afstaða tekin. Fram-
tíðarstefna flokksins, eins og hún
birtist þar, sé afar óljós. Ekki megi
hins vegar gleyma því að þetta sé
eingöngu skýrsla, vel geti verið að
stefna flokksins fylgi nú í kjölfarið.
Pólitísk tvíhyggja
Hins vegar segir Össur athygl-
isvert að í raun birtist í skýrslunni
mikil pólitísk tvíhyggja. Niðurstöð-
urnar séu óljósar en greinargerð
skýrlunnar sé mun skeleggari og
Evrópusinnaðri.
„Í greinargerðinni kemur fram
sú niðurstaða að sameiginleg sjáv-
arútvegsstefna Evrópusambands-
ins sé ekki þrándur í götu aðildar,
sem mér finnst mjög merkilegt.
Þar eru lögð fram ýmisleg skyn-
samleg samningsmarkmið sýnist
mér. Þessi niðurstaða er í blárri
andstöðu við stefnu Sjálfstæðis-
flokksins í þessum efnum. En þetta
er vissulega niðurstaða nefndarinn-
ar ekki forystunnar. Í öðru lagi er
yfirlýsingin um að fyrirtækin í
landinu hagnist á aðild mjög mik-
ilvæg. Í þriðja lagi fæ ég ekki skilið
greinargerðina öðruvísi en að frá
sjónarhóli byggðastefnu sé aðild
æskileg. Það er helst í landbúnaði
að sé staldrað við en þar eru nið-
urstöður vægast sagt óljósar.“
Blæs ekki byrlega hjá
Evrópusinnum
Össur
Skarphéðinsson.
Leiðtogar stjórnarandstöðunnar um Evrópuskýrslu Framsóknarflokksins
Egilsstöðum - Tillaga að aðalskipu-
lagi Fellahrepps hefur undanfarið
verið til kynningar og rennur kæru-
frestur út í dag, 24. janúar. Tillagan
gerir m.a. ráð fyrir að landtaka Lag-
arfljótsbrúar færist ríflega 60 metr-
um ofar í Fljótið. Burðarþol hennar
er orðið ófullnægjandi. Brúin er
hluti af þjóðvegi 1 og skv. skipulag-
inu kæmi hann gegnum land jarð-
arinnar Helgafells, norðan við svo-
kallaðan Ullartanga, í gegnum
athafnasvæði Trésmiðju Fljótsdals-
héraðs og yfir götuna Heimatún.
Þaðan í norðvestur að götunni
Grundartúni og tengdist þar upp á
þjóðveg 1 um hálfum kílómetra ofar.
Deilur hafa nú risið meðal Fella-
manna um tilfærslu Lagarfljótsbrú-
ar og þjóðvegarins gegnum bæinn,
en á liðnum árum hafa ekki færri en
fimm tillögur verið nefndar að nýrri
staðsetningu Lagarfljótsbrúar.
Oddviti Fellahrepps, Eyjólfur Val-
garðsson, hefur gefið það út opin-
berlega að sveitarstjórnin telji
heppilegt að færa þjóðveg 1 í jaðar
þéttbýlisins í ljósi vaxandi umferð-
arþunga og margvíslegir mögu-
leikar opnist í lóðaframboði við til-
færsluna.
Andmælendur skipulagstillög-
unnar, sem nú hafa safnað undir-
skriftum, telja henni það t.d. til for-
áttu að vegurinn muni ekki einasta
liggja um miðja íbúðarbyggð heldur
þurfi að rífa fjögurra íbúða hús til
grunna og vegarmiðja þjóðvegar 1
eigi að liggja í 22 metra fjarlægð frá
húsgöflum í götunni Heimatúni. Að
auki líst mönnum misjafnlega á að
taka þjóðveg 1 út fyrir þjónustu-
kjarna bæjarins og hugsa þar til
tekjumöguleika af gegnumstreymi
umferðarinnar.
Kvartað er yfir að sveitarstjórn
Fellahrepps skuli ekki hafa séð
ástæðu til þess að óska eftir aðkomu
íbúa að hugmyndavinnunni sjálfri
og Austur-Hérað nú tekið sem dæmi
um sveitarfélag sem er um þessar
mundir að hefja skipulagsvinnu og
hefur boðið íbúum þátttöku í und-
irbúningi að tillögu aðalskipulags.
Enn rísa deilur um brúarmál og vegstæði á Fljótsdalshéraði
Þjóðvegur 1 gegnum íbúðarhús
Morgunblaðið/Steinunn Ásmundsdóttir.
Brúin yfir Lagarfljót hvílir á undirstöðum frá árinu 1905, en sjálf brúin var endursmíðuð 1956.
KONA á fertugsaldri, sem
handtekin var með tæplega 200
g af hassi innvortis á Keflavík-
urflugvelli þann 11. janúar sl.,
hefur verið dæmd í 30 daga skil-
orðsbundið fangelsi af Héraðs-
dómi Reykjaness.
Konan var handtekin við
komuna frá Kaupmannahöfn
þar sem hún hefur verið búsett
undanfarin 8 ár. Hún hefur við-
urkennt að eiga fíkniefnin. Þau
hafi hins vegar ekki verið ætluð
til sölu heldur hafi hún ætlað að
nota þau til eigin neyslu og til að
bjóða vinum og kunningjum hér
á landi. Þá hafi hún ekki gert sér
grein fyrir hversu alvarlega
væri litið á slík mál hér á landi.
Refsing konunnar fellur niður
að tveimur árum liðnum haldi
hún almennt skilorð. Hún var
einnig dæmd til greiðslu alls
sakarkostnaðar, þ.m.t. sinna
eigin málsvarnarlauna, 35.000
kr. Finnbogi H. Alexandersson
kvað upp dóminn.
30 daga
skilorðs-
bundið
fangelsi
Smyglaði tæplega
200 g af hassi
til landsins