Morgunblaðið - 09.02.2001, Side 17

AKUREYRI
MORGUNBLAÐIÐ FÖSTUDAGUR 9. FEBRÚAR 2001 17
Ný förðunarlína
Kynning í Hagkaup, Kringlunni, í dag
og á morgun, laugardag
FYRSTA bikarmót Skíðasambands
Íslands í alpagreinum á þessum vetri
fer fram í Hlíðarfjalli við Akureyri
um helgina og verður keppt í svigi og
stórsvigi í karla- og kvennaflokki.
Á morgun, laugardag, keppa karl-
ar í stórsvigi kl. 10 og konur í svigi
kl. 10.45. Á sunnudag snýst dæmið
við, konur keppa í stórsvigi kl. 10 og
karlar í svigi kl. 11. Verðlaunaaf-
hending fer svo fram við Strýtu að
lokinni keppni á sunnudag.
Snjóleysi víða um land hefur gert
mörgum skíðamönnum erfitt fyrir. Í
Hlíðarfjalli hafa hins vegar aðstæður
til skíðaiðkunar verið með besta móti
undanfarna mánuði og þangað hafa
skíðamenn víðs vegar af landinu
komið til að stunda sínar æfingar.
Morgunblaðið/Kristján
Garðar, Jóhann, Finnur Ingi og Elvar úr skíðaliði Reykjavíkur hafa
dvalið á Akureyri í rúma viku og æft. Þeir keppa á fyrsta bikarmóti SKÍ.
Fyrsta bikarmót SKÍ í vetur
Aðstæður í Hlíðar-
fjalli mjög góðar
Minningarsjóður Þorgerðar S. Eiríksdóttur
Tónleikar í Laugaborg
TÓNLEIKAR til styrktar minning-
arsjóði Þorgerðar S. Eiríksdóttur
verða haldnir í Laugaborg í Eyja-
fjarðarsveit á morgun, laugardag,
10. febrúar, kl. 16.
Þorgerður lauk burtfararprófi frá
Tónlistarskólanum á Akureyri og
var nýkomin til Lundúna í fram-
haldsnám þegar hún lést af slysför-
um í febrúar árið 1972. Ári síðar
stofnuðu aðstandendur hennar
ásamt Tónlistarskólanum og Tónlist-
arfélagi Akureyrar minningarsjóð til
að styrkja efnilega nemendur frá
Tónlistarskólanum á Akureyri til
framhaldsnáms. Eru tónleikar helsti
vettvangur til að styrkja sjóðinn, auk
þess sem hann hefur tekjur af sölu
minningarkorta.
Á tónleikunum koma fram nem-
endur og kennarar við Tónlistarskól-
ann á Akureyri. Aðgangur er ókeyp-
is en tekið er á móti frjálsum
framlögum í sjóðinn.
Kirkjustarf
LAUFÁSPRESTAKALL:
Kirkjuskólinn fer í heimsókn í
Glerárkirkju á sunnudag, 11.
febrúar. Fjölmennum í Glerár-
kirkjum þennan dag. Guðsþjón-
usta verður í Grenivíkurkirkju
næsta sunnudag kl. 14. Kyrrð-
arstund verður í Svalbarðs-
kirkju kl. 21 á sunnudagskvöld.