Morgunblaðið - 25.02.2001, Qupperneq 2
FRÉTTIR
2 SUNNUDAGUR 25. FEBRÚAR 2001 MORGUNBLAÐIÐ
MORGUNBLAÐINU í dag
fylgir blað frá tímaritinu Basic
– heilsa. Blaðinu verður dreift á
höfuðborgarsvæðinu.
HALLDÓR Ásgrímsson, formaður
Framsóknarflokksins, lagði áherslu
á samstöðu innan flokksins fram að
næstu kosningum í ræðu við upphaf
miðstjórnarfundar flokksins í
Reykjavík í gær. Hann sagði að for-
ysta flokksins hefði orðið fyrir
gagnrýni fyrir að láta ekki koma
skýrt fram áherslumun milli sín og
sjálfstæðismanna í stjórnarsam-
starfinu.
„Ég tel afskaplega mikilvægt að
Framsóknarflokkurinn sýni á
næstu árum, fram að næstu kosn-
ingum, mikla samstöðu og ég tel
það vera mikilvægast til að við get-
um skilað góðum árangri á næstu
árum og í komandi kosningum,“
sagði Halldór.
„Það hefur oft gefist vel í stjórn-
málum að hafa uppi nokkurn
ágreining bæði innan flokka og
milli flokka en það er hins vegar
ljóst að ef sá ágreiningur fer úr
böndum þá eyðileggur það viðkom-
andi flokka og það eyðileggur líka
viðkomandi ríkisstjórn,“ sagði Hall-
dór ennfremur.
Áherslumunur
Fram kom að hann hefði á und-
anförnum mánuðum setið 22 fundi
með um það bil 1.000 flokksmönn-
um. Þar hefðu komið fram marg-
víslegar áhyggjur og gagnrýni en
líka mikill vilji til að vinna að mál-
efnum flokksins og beita sér sam-
einað í baráttu fyrir málstað flokks-
ins.
„Ég geri mér grein fyrir því eftir
þessa fundi að menn vilja fá betur
fram hver er áherslumunur milli
flokkanna í ríkisstjórn. Mönnum
finnst oft á tíðum að við séum þar
ekki í miklum ágreiningi og sýnum
ekki mikla sérstöðu. Það er vissu-
lega rétt en við skulum hafa það í
huga að það er mikilvægt að rík-
isstjórn vinni vel saman. Það er
mikilvægt fyrir þjóðina og alla
framtíðarhagsmuni landsins,“ sagði
Halldór.
Einkavæðing
innan flokks
Halldór sagði að á fundunum
hefðu ýmis mál komið til umræðu,
meðal annars hefði mikið verið tal-
að um einkavæðingu og komið fram
áhyggjur af því sem kallað væri
einkavæðing innan flokks.
Flokksmenn hefðu líka áhyggjur
af velferðarkerfinu, heilsugæslu,
sjúkrahúsum og menntakerfinu og
meðal flokksmanna væri sterkur
vilji til að flokkurinn stæði vörð um
þá uppbyggingu sem hann hefði
staðið að í marga áratugi og það
kvaðst hann telja að flokkurinn ætti
að gera.
Einkavæðing í heilbrigðis-
og skólakerfinu
Halldór vék að einkavæðingu í
heilbrigðis- og menntakerfinu og
sagði að þeir sem störfuðu í heil-
brigðiskerfinu vildu í vaxandi mæli
hafa þjónustuna á eigin höndum en
hættan væri sú að smátt og smátt
yfirtækju einstaklingar bestu bit-
ana en skildu ríkisvaldið eftir með
það sem væri erfiðast og dýrast.
„Ég tel að það megi ekki eiga sér
stað,“ sagði Halldór. „Og það sama
á við um menntakerfið. Það er auð-
velt að taka að sér þá nemendur
sem gengur best í skóla, sem skara
fram úr og eiga ekki við nein vanda-
mál að etja. En það er ekki auðvelt
að styðja við bakið á þeim sem ein-
hverra hluta vegna gengur ekki
jafnvel og hinum. Ég óttast að ef
einkaaðilar taka yfir skólarekstur í
vaxandi mæli þá muni eiga sér stað
meiri skipting í þjóðfélaginu, skipt-
ing milli þeirra sem hafa meiri efni
og gengur betur og þeirra sem
dragast aftur úr af ýmsum ástæð-
um,“ sagði Halldór.
„Við höfum ekki efni á því sem
Íslendingar að taka áhættu á þessu
sviði. Við erum lítil þjóð sem hefur
staðið vel saman og við verðum að
halda þeirri samstöðu og þeirri
samhjálp sem við höfum þroskað
með okkur í gegnum aldirnar og
hefur gert okkur að því sem við er-
um.“
Þá sagði Halldór að stundum
væri lítið gert úr því að framsókn-
armenn legðu of mikið upp úr því að
miðla málum. „En það er göfugt
hlutverk í þjóðfélaginu því aðeins
með málamiðlunum verða framfarir
í sæmilegum friði og það verða eng-
ar framfarir nema með friði,“ sagði
Halldór og sagði að það skyldu
menn einnig hafa í huga innan
flokksins.
Fjallað um
lagabreytingar
Á miðstjórnarfundinum var m.a.
fjallað um breytingar á lögum
flokksins, m.a. í þá átt að ritari
flokksins mætti ekki jafnframt
gegna ráðherraembætti. Núverandi
ritari er Ingibjörg Pálmadóttir heil-
brigðisráðherra.
Einnig var fjallað um drög að
nýrri grundvallarstefnuskrá flokks-
ins svo og drög að ályktunum
flokksþings sem haldið verður í
næsta mánuði. Þar verður m.a. kos-
inn nýr varaformaður flokksins.
Formaður Framsóknarflokksins við upphaf miðstjórnarfundar í gær
Mikilvægt er að sýna
samstöðu innan flokksins
Morgunblaðið/Árni Sæberg
Ingibjörg Pálmadóttir heilbrigðisráðherra og Halldór Ásgrímsson, utanríkisráðherra og formaður flokksins,
ræddu saman við upphaf miðstjórnarfundarins í gær. Í upphafi ræðu sinnar bað Halldór viðstadda að rísa úr
sætum og hylla Ingibjörgu með lófataki en hún er nú að snúa til starfa eftir veikindaleyfi.
PÁLL Magnússon, upplýsinga-
fulltrúi Íslenskrar erfðagreining-
ar, segir að það hafi aldrei verið
neitt leyndarmál hver niðurstaða
skoðanakönnunar Gallups fyrir
Íslenska erfðagreiningu hafi verið
varðandi afstöðu lækna til slita
stjórnar Læknafélags Íslands á
viðræðum við Íslenska erfða-
greiningu vegna miðlægs gagna-
grunns á heilbrigðissviði.
Niðurstaða könnunarinnar
meðal lækna samkvæmt upplýs-
ingum Páls var sú að 56,7% lækna
voru sammála viðræðuslitum,
38,8% voru ósammála og 4,5%
tóku ekki afstöðu. Spurt var:
„Ertu sammála eða ósammála
þeirri ákvörðun stjórnar Lækna-
félagsins að slíta viðræðum við Ís-
lenska erfðagreiningu um mið-
lægan gagnagrunn á heilbrigðis-
sviði.“
Í Morgunblaðinu í gær kemur
fram að á blaðamanafundi þar
sem niðurstöður könnunarinnar
voru kynntar hafi ekki verið
greint frá niðurstöðum varðandi
spurningu um afstöðu lækna til
viðræðuslitanna.
Páll sagði að upplýsingar í þess-
um efnum hefðu aldrei verið neitt
leyndarmál. Stjórn Læknafélags-
ins hefði sjálf tekið þá ákvörðun
að hún væri ekki aðili að þessu
máli lengur. Hún hefði hafnað því
að taka upp viðræður aftur og því í
reynd verið búin að segja sig frá
málinu. Þeim hefði því þótt þessi
spurning ekki eiga neitt erindi inn
á blaðamannafundinn hvaða af-
stöðu menn hefðu tekið til ákvarð-
ana stjórnar Læknafélagsins.
Spurningu sama efnis var einn-
ig beint til almennings og voru
16,4% sammála afstöðu Lækna-
félagsins, 72,4% ósammála og
11,2% tóku ekki afstöðu.
Upplýsingafulltrúi ÍE
Niðurstöðurnar
voru aldrei neitt
leyndarmál
HEIMSÓKN Geirs H. Haarde fjár-
málaráðherra og Ingu Jónu Þórð-
ardóttur, eiginkonu hans, til Mani-
toba hófst síðastliðinn föstudaginn
með því að Svavar Gestsson sendi-
herra og Guðrún Ágústsdóttir,
kona hans, sýndu þeim hjónum ís-
lenskudeild Manitoba-háskóla en
Íslendingar gáfu á síðasta ári
fimmtíu milljónir króna til þeirrar
deildar. Að því loknu hélt fjár-
málaráðherra svo fyrirlestur um
vanda smáþjóða á alþjóðavett-
vangi við viðskiptadeild háskólans.
Geir hóf fyrirlestur sinn á því
að tala um samskipti Íslands og
Kanada í gegnum árin og sagði
meðal annars frá því að Íslend-
ingar ættu Vestur-Íslendingum
ýmislegt að þakka því vestur-
íslenskir sjómenn hefðu til dæmis
kennt íslenskum sjómönnum að
frysta fisk á sínum tíma og að
Vestur-Íslendingar hefðu átt stór-
an þátt í því að stofna Eimskipa-
félag Íslands. Um hundrað og
fimmtíu manns sóttu fyrirlest-
urinn.
Um kvöldið voru fjármálaráð-
herra og eiginkona hans svo gest-
ir í móttöku sem Peter Liba, vara-
ríkisstjóri Manitoba fylkis, hélt til
heiðurs Svavari Gestssyni sem á
næstu mánuðum flytur frá Winni-
peg eftir tveggja ára starf sem að-
alræðismaður Íslands. Gestir í
móttökunni voru ræðismenn ann-
arra þjóða, Neil Bardal, aðalræð-
ismaður Íslands í Gimli, og Gary
Doer, forsætisráðherra Manitoba.
Fjármálaráðherra er sjöundi
ráðherra ríkisstjórnar Íslands sem
heimsækir Manitoba á síðustu
fjórtán mánuðum.
Fjármálaráðherra í heimsókn í Kanada
Morgunblaðið/Jón Einarsson Gústafsson
Svavar Gestsson ræðir við Geir H. Haarde og Ingu Jónu Þórðardóttur.
Íslendingar
eiga Vest-
ur-Íslend-
ingum mik-
ið að þakka
BOLLUDAGURINN er á mánudag-
inn og mikið er um að vera í bak-
aríum landsins við að baka bollur,
þeyta rjóma og krem. Arnþrúður
María Felixdóttir vinnur hjá Jóa
Fel og hefur eflaust í mörg horn að
líta um helgina.
Morgunblaðið/Árni Sæberg
Bolludagur
♦ ♦ ♦
ÞRJÚ loðnuskip með fullfermi biðu
löndunar í Vestmannaeyjahöfn í
gærmorgun.
Annir voru við höfnina því auk
loðnulöndunar var verið að umskipa
um 500 tonnum af saltfiski og frysti-
vöru úr leiguskipi Eimskips í 25
frystigáma um borð í Skógafoss sem
halda átti áleiðis til Kanada.
Annir í
Eyjahöfn