Morgunblaðið - 25.02.2001, Blaðsíða 16
LISTIR
16 SUNNUDAGUR 25. FEBRÚAR 2001 MORGUNBLAÐIÐ
Vatnslitasýning
Smiðjunnar
Til sýnis verða verk eftir:
Ásgrím Jónsson,
Gunnlaug Scheving,
Þorvald Skúlason,
Mugg,
Kjarval,
Jón Engilberts,
Hafstein Austmann,
Eiríkur Smith,
Jón Axel,
Guðrúnu Svavu,
Björgu Örvar,
Hörpu Björns,
Hlíf Ásgríms.
Kjartan Guðjónsson.
Gunnlaugur Scheving
Sunnudaginn 25. febrúar kl. 16.00 opnum
við sölusýningu á vatnslitaverkum nokkurra
listamanna. Sýningin stendur til 7. mars.
Sýningin er opin alla virka daga frá kl. 10-18,
laugardaga kl. 12-14
Erum að leita eftir verkum gömlu meistaranna
fyrir næstu sýningu okkar.
Hágæða innrömmun
SMIÐJAN
Innrömmun - Art Gallerý
Ármúla 36, sími 568 3890.
Opið í dag, sunnudag, kl. 16-18
Í SMIÐJUNNI art gallerí, Ármúla
36, verður opnuð sýning á vatnslita-
myndum í dag kl. 16. Til sýnis verða
m.a. verk eftir Ásgrím Jónsson, Guð-
rúnu Svövu, Gunnlaug Scheving,
Hafstein Austmann, Jón Axel, Jón
Engilberts, Kjarval, Mugg, Þorvald
Skúlason, Hörpu Björnsdóttur,
Björgu Örvar og Hlíf Ásgrímsdóttur.
Sýningin stendur til 7. mars.
Vatnslitamyndir
í Smiðjunni
ÞAÐ var troðfullt á Múlanum á
fimmtudagskvöldið síðasta er Rúnar
Georgsson lék þar ásamt kvartett sín-
um og sérstökum gesti, kanadísk-ís-
lenska flautuleikaranum Rosemary
Kajoka sem lék fjórar sömbur með
kvartettinum; allt frá Corcovado til
Samba de uma nota so.
Tónleikarnir hófust á blúsnum
fræga eftir Mercher Ellington:
Thing’s Ain’t What They Used to Be.
Rúnar blés hann af innlifun, en
greinilegt var og kom engum sem til
þekkir á óvart, að hann er ekki í þeirri
þjálfun sem margir yngri blásarar
okkar eru, enda spilar hann ekki oft
opinberlega núorðið. Eyþór og Rúnar
náðu strax vel saman, en Valdimar og
Matthías voru dálítið utangátta, en í
fimmta laginu á efnisskránni, Misty
eftir Erroll Garner, small kvartettinn
alltí einu saman. Rúnar blés ballöð-
una meistaralega og Eyþór þræddi
hljómaganginn vendilega. Matthías
lék með burstum og náðu þeir Valdi-
mar loksins að leika án áreynslu – og
svinga. Rúnar blés með örlitlum
Websterblæ þarna, en í sömbunum
var hann nær Stan Getz. Þeir sem eru
vanir hinum harða sterka tóni Rúnars
fengu að heyra dálítið mýkri tón og
vonandi fær hann tækifæri til að leika
meira á næstunni og þróa og þroska
hinn mildari spilamáta sem hann hef-
ur nú tileinkað sér.
Í kjölfar Misty sigldi önnur djass-
klassík, kynningarlag meistara Duk-
es Ellingtons, Take The A Train eftir
Billy Strayhorn, sem einnig var vel
spilað. Lagið sem Rúnar blés best eft-
ir hlé var ballaðan sígilda eftir Johnny
Green: Body and Soul. Eyþór var
pottþéttur að vanda og Matthías góð-
ur með burstana. Afturá móti var
bassinn veiki hlekkurinn, en þess ber
að geta að hinn kornungi og efnilegi
bassaleikari hljóp í skarðið fyrir Þórð
Högnason á síðustu stundu. Hann
stóð sig yfirleitt með prýði þetta
kvöld og það var dálítið gaman þegar
hann lék slappbassa a la Pops Foster í
Watermelon Man þarsem Rúnar ýlfr-
aði uppá gamla mátann.
Rosemary Kajoka er klassísk-
menntaður flautuleikari en blés
sömburnar áheyrilega. Þar náði
Matti flugi á trommurnar og Rúnar
var óborganlegur í gestískri túlkun
sinni á Jobim.
Það var gaman að heyra Rúnar
þetta fimmtudagskvöld í fyrsta skipti
á nýrri öld og vonandi verður þess
ekki langt að bíða að hann láti til skar-
ar skríða að nýju og þá með æfða
hljómsveit og vandaða efnisskrá.
Annar eins náttúrutalent og Rúnar
hefur varla komið fram í íslenskum
djassi og leitt til þess að vita að hann,
einsog margir eldri djassleikarar
okkar, heyrist nær aldrei. Það er töff
að leika djass og sjaldnast nokkuð
uppúr því að hafa og menn letjast í ár-
anna rás við að sinna listinni í hjá-
verkum.
Rúnar á ljúfari
nótunum
DJASS
M ú l i n n í H ú s i
m á l a r a n s
Rúnar Georgsson tenórsaxófón,
Eyþór Gunnarsson píanó, Valdimar
Kolbeinn Sigurjónsson bassa og
Matthías M. D. Hemstock trommur.
Gestur: Rosemary Kajoka flautu.
Fimmtudagskvöldið 22. febrúar.
KVARTETT
RÚNARS GEORGSSONAR
Vernharður Linnet
TRÍÓ Margrétar Eirar leikur á Ozio
við Lækjargötu í kvöld, sunnudags-
kvöld, kl. 20.30. Tríóið skipa, auk
Margrétar Eirar sem sér um söng,
Karl Olgeirsson píanóleikari og Jón
Rafnsson bassaleikari.
Leikin verða popplög í djassút-
setningum m.a. af fyrstu sólóplötu
Margrétar sem út kom síðasta haust.
Einnig verða fluttir djassstandardar.
Sunnudagsdjass
á Ozio
Aríur og ljóða-
söngvar í
Hömrum
SÖNGTÓNLEIKAR verða haldnir í
söngskólanum Hömrum, tónleikasal
Tónlistarskóla Ísafjarðar, í kvöld,
þriðjudagskvöld, kl. 20.30. Flytjend-
ur eru Ingunn Ósk Sturludóttir
mezzósópran og Guðrún Anna Tóm-
asdóttir píanóleikari. Flutt verða
þjóðlagaútsetningar eftir Jóhannes
Brahms, ljóðasöngvar eftir Granad-
os, Tsjækovskí, Sigvalda Kaldalóns,
Atla Heimi Sveinsson og aríur eftir
G. Bizet. Ingunn Ósk hefur haldið
fjölda tónleika hér heima og erlend-
is. Hún hefur búið vestur á fjörðum
um árabil og er nú búsett í Vigur.
OPIÐ HÚS verður milli kl. 14 og
18 í Söngskólanum í Reykjavík í
dag, sunnudag. Staðið verður fyrir
fjölbreyttri dagskrá sem fer fram
bæði í skólabyggingunni við Hverf-
isgötu 45 og í Smára við Veghúsa-
stíg 7.
Opna húsið er haldið í tilefni af
Degi tónlistarskólanna í gær, og
vonast Söngskólinn til að með því
að vera með dagskrá sína í dag
verði uppákomum í tengslum við
daginn betur dreift um alla
helgina. „Markmið Dags tónlistar-
skólanna er að kynna tónlistar-
skólana í landinu og þá starfsemi
sem þar fer fram, en hún er mörg-
um hulin. Fæstir vita hversu gíf-
urlegt nám og kennsla fer fram í
tónlistarskólunum sem skilar sér
með ólíkum hætti inn í tónlistarlíf
landsins,“ segir Garðar Cortes
skólastjóri Söngskólans.
Dagskráin hefst kl. 14 í Smára
þar sem Garðar Cortes kynnir
skólann og skólastarfið, en Söng-
skólinn hefur verið starfræktur
sem sjálfseignarstofnun frá því
haustið 1978. Milli kl. 15 og 16
gefst gestum og gangandi kostur á
að sækja söngtíma og/eða fylgjast
með söngkennslu. Þennan dag-
skrárlið telur Garðar einna
skemmtilegastan, en hann segir
þessa opnu söngtíma hafa hlotið
góðar viðtökur þegar Söngskólinn
var síðast með opið hús árið 1995.
„Það var alveg ótrúlega góð þátt-
taka. Það var allavegana fólk að
koma í tíma og voru menn ófeimnir
að láta reyna á sönghæfileika sína,
þótt allar dyr stæðu opnar.“ Garð-
ar segir að miðað við þátttökuna í
dagskránni fyrir sex árum, megi
búast við að 200–300 manns heim-
sæki skólann þennan dag.“
Nemendaópera Söngskólans hef-
ur starfað frá árinu 1982 og mun
hún halda óperusýningu í tónleika-
sal skólans, Smára, í tilefni dags-
ins, fyrri hluta kl. 14.15 en þann
síðari kl. 16.45. Um er að ræða
gamanóperuna „Gondólagæjarnir“
eftir Gilbert og Sullivan.
Kaffitími verður í opna húsinu
milli kl. 16 og 16.30, en þá verður
boðið upp á kaffi, heitt súkkulaði,
gosdrykki, heimabakaðar kleinur
og pönnukökur. „Hér er verið að
halda upp á mikilvæga hefð í starf-
semi Söngskólans, en kaffitími er
alltaf haldinn á þessum tíma í dag-
legri starfsemi skólans. Þetta er al-
gerlega „heilagur“ tími, þá er aldr-
ei sungin nóta, og kennararnir
hittast allir á kaffistofunni, en
nemendur safnast saman í nem-
endaherberginu. Þessari hefð hef-
ur verið haldið í um tuttugu ár, en
hún stuðlar mjög að tengslum og
samheldni kennaranna,“ segir
Garðar.
Dagskránni lýkur með samsöng
sem hefst kl. 17.30 og munu þá
nemendur, kennarar og söngglaðir
gestir stilla saman strengi sína.
„Þeir sem sótt hafa söngtíma í til-
efni dagsins verða eflaust vel und-
irbúnir auk þess sem mönnum
gefst tækifæri til að sjá hvernig
farið er að þegar við búum til kóra
og kórsöng. Það má benda á að
héðan útskrifast á hverju ári
söngvarar sem styrkja kóra og
sönglífið í landinu að ótöldum þeim
sem gera garðinn frægan í óperu-
húsum hérlendis og erlendis,“ seg-
ir Garðar og bætir því við að hann
voni að fólk muni nýta sér það
tækifæri sem opna húsið skapar til
að kynnast starfsemi Söngskólans
og því hlutverki sem hann gegnir í
þjóðlífinu og menningu landsins.
Opið hús í Söngskólanum í Reykjavík kl. 14 til 16 í dag
Gestum og gangandi gefst
kostur á að sækja söngtíma
Morgunblaðið/Golli
Óperudeild Söngskólans í Reykjavík flytur Gondólagæjana í dag.
DR. SIGURBJÖRN Ein-
arsson biskup vígir nýtt
orgel Hjallakirkju við
hátíðarguðsþjónustu kl.
11 í dag. Jón Ólafur Sig-
urðsson organisti Hjalla-
kirkju leikur á orgelið
og Kór Hjallakirkju
syngur, trompetleikarar
eru Guðmundur Haf-
steinsson og Jóhann I.
Stefánsson.
Sérstakir vígslu-
tónleikar verða í kvöld
20.30 og frumflytur Jón
Ólafur nýja útsetningu
Jóns Þórarinssonar á Te
Deum. Verkið var frum-
flutt í hljómsveitargerð
fyrir tveimur vikum en
Jón hefur nú umskrifað
verkið fyrir orgel Hjalla-
kirkju og tvo trompeta.
Flytjendur eru, auk Jóns
Ólafs, Kór Hjallakirkju,
Marta Guðrún Halldórs-
dóttir, sópran, Gísli
Magnason, tenór, Guðmundur Haf-
steinsson og Jóhann I. Stefánsson
trompetleikarar og Lenka Mátéová
á orgel. Stjórnandi er Jón Ól. Sig-
urðsson.
Þá leikur Jón Ólafur einleik á
orgelið verk eftir Buxtehude, Bach
o.fl. og kynnir nokkra af mögu-
leikum hins nýja orgels. Auk þess
verður samleikur á tvo trompeta og
orgel.
Röð orgeltónleika verða í kirkj-
unni fram eftir vikunni og hefst
tónleikaröðin með leik Kjartans
Sigurjónssonar organista Digra-
neskirkju á mánudag. Þriðjudaginn
27. febrúar leikur Björn Steinar
Sólbergsson, organisti við Akureyr-
arkirkju. Miðvikudaginn 28. febr-
úar leikur Jörg E. Sondermann,
organisti í Hveragerði. Tónleika-
röðinni lýkur með leik Marteins H.
Friðrikssonar, dómorganista,
fimmtudaginn 1. mars. Allir tón-
leikarnir hefjast kl. 20.30.
Tuttugu og sjö
raddir
„Hið nýja orgel Hjallakirkju er
smíðað í orgelsmiðju Björgvins
Tómassonar á Blikastöðum. Org-
elið hefur 24 sjálfstæðar raddir sem
skiptast á tvö hljómborð og fótspil
sem einnig hefur þrjár fram-
lengdar raddir þannig að orgelið
nýtist sem 27 radda hljóðfæri,“ seg-
ir Jón Ólafur.
„Sjálft orgelhúsið er fellt inn í
hvelfingu á einum vegg kirkjunnar.
Pípurnar í framhlið orgelsins
mynda einkenni (logo) kirkjunnar
og mynd af kirkjunni er felld inn í
nótnapúltið á spilaborðinu. Hljóm-
gun orgelsins er unnin af Björgvin
Tómassyni og Reinhard Tzchöck-
el.“
Orgelvígslutónleikar
í Hjallakirkju
Morgunblaðið/Jim Smart
Hið nýja orgel Hjallakirkju.
♦ ♦ ♦
♦ ♦ ♦