Morgunblaðið - 25.02.2001, Blaðsíða 8
FRÉTTIR
8 SUNNUDAGUR 25. FEBRÚAR 2001 MORGUNBLAÐIÐ
Þrír fyrirlestrar Sjálfsbjargar
Sjálfstraust, kyn-
líf og samskipti
Sjálfsbjörg, lands-samband fatlaðra,stendur fyrir fyrir-
lestraröð um sjálfseflingu
og verður fyrsti fyrirlest-
urinn nk. fimmtudag, 1.
mars. Þá mun Jóhann
Ingi Gunnarsson sálfræð-
ingur fjalla um sjálfs-
traust. Fyrirlestrarnir
verða í safnaðarheimili
Háteigskirkju og hefjast
allir klukkan 20 og standa
í um það bil tvær klukku-
stundir. Ragnheiður
Kristiansen kynningar-
og markaðsfulltrúi hjá
Sjálfsbjörgu LSF hefur
átt þátt í að undirbúa
þessa fyrirlestraröð, hún
var spurð um tilgang
hennar? „Þessum fyrir-
lestrum um sjálfseflingu
er ætlað að höfða til fólks með
hreyfihömlun. Um er að ræða
þrjá sjálfstæða fyrirlestra sem
haldnir verða 1. og 14. mars og 4.
apríl, allir á sama stað á sama
tíma. Allir þrír fyrirlesararnir
eru mjög færir og skemmtilegir
með mikla reynslu og þekkingu,
hver á sínu sviði. Fyrstur er Jó-
hann Ingi Gunnarsson sálfræð-
ingur, sem fyrr gat. Annar í röð-
inni er Ragnheiður Eiríksdóttir
hjúkrunarfræðingur sem hefur
haldið fjölda fyrirlestra um kyn-
líf og verið með námskeið um
það efni og er með fasta kynlífs-
pistla í Degi. Þriðji fyrirlesarinn
er Sæmundur Hafsteinsson sál-
fræðingur en hann og Jóhann
Ingi hafa staðið fyrir vinsælum
námskeiðum um sjálfstraust og
samskipti hjá Endurmenntunar-
stofnun Háskóla Íslands.“
– Er sjálfstraust mikilvægara
fyrir fatlaðra en aðra?
„Já, gott sjálfstraust byggist á
sjálfsþekkingu alveg eins og lík-
amlegt form byggist á þjálfun.
Hver og einn þarf að læra að
virkja og nýta þá hæfileika sem
hann hefur og velta sér ekki upp
úr göllunum. Flest okkar verða
fyrir áföllum sem hafa áhrif á
sjálfsímyndina sem síðan hefur
áhrif á sjálfstraustið. Að duga
eða drepast hefur oft verið við-
horfið, en það sem skiptir máli er
að sjálfstraust er færni sem allir
geta lært eða unnið upp. Jóhann
Ingi mun tala um aðferðir til
þess að efla sjálfstraust og
ákveðni einstaklinga og um það
að gott sjálfstraust er grunnur-
inn að góðu lífi. Hann ræðir um
það sem einkennir einstaklinga
sem hafa hátt sjálfsmat og þá
sem eru með lágt sjálfsmat. Það
sem skiptir máli þar er áhrif
hugarfars, viðhorfa og hugsunar
á hegðun og líðan. Þetta skiptir
miklu máli til að geta tekist á við
hlutina á jákvæðan og heilbrigð-
an hátt.“
– Er kynlíf meiri erfiðleikum
bundið hjá einstaklingum sem
eiga við hreyfihömlun að stríða
en hjá öðrum?
„Ragnheiður Eiríksdóttir ætl-
ar í fyrirlestri sínum að leggja
upp með spurninguna:
Er kynlíf munaður eða
lífsnauðsyn? Kynlíf er
að mínu mati ekki
munaður heldur fyrir
alla og er mjög mik-
ilvægur þáttur í lífi
hvers einstaklings. Kynlíf fatl-
aðra hefur lítið verið rætt hér á
landi en mikið verið í umfjöllun á
öðrum Norðurlöndum. Þar hafa
verið gerðar ýmsar kynlífsrann-
sóknir meðal fatlaðra sem Ragn-
heiður mun segja frá. Hún mun
nálgast efnið frá ýmsum hliðum
og fjalla um rétt hvers einstak-
lings til þess að stunda kynlíf.“
– Hvað ætlar Sæmundur Haf-
steinsson sálfræðingur að fjalla
um í sínum fyrirlestri, nánar til
tekið?
„Hann ætlar að fjalla um
hvernig má auka færni sína í
mannlegum samskiptum. Fyrir-
lestur hans heitir: „Árangursrík
samskipti“. Hann mun tala út frá
sjálfsímynd sem hann tengir við
sjálfstraustið. Ef við höfum
vonda tilfinningu fyrir okkur
sjálfum getur það birst með
ýmsu móti, t.d. í feimni, óákveðni
og einangrun eða þá í árásar-
girni eða hroka. Þetta mun hann
tengja við sjálfsímynd einstak-
lingsins, persónuleika og viðhorf.
Maður getur líka sagt að þessi
tilfinning birtist í því hvernig
maður ber sig og hvernig maður
skapar tengsl og hvers eðlis þau
eru. Sæmundur mun einnig sér-
staklega fjalla um tjáningu –
hvaða áhrif fötlun getur haft á
tjáningu. Hvernig tjáskipti eru á
milli fatlaðra og milli fatlaðra og
ófatlaðra. Hann segir að sam-
skiptaþroski byggist á glímu ein-
staklingsins við sjálfan sig. Mót-
læti getur hert fólk eða brotið
það niður. Það mikilvæga er að
þekkja sjálfan sig og sætta sig
við hvað maður getur gert en
ekki að reyna að berjast við það
sem maður getur ekki breytt.
Nauðsynlegt er að læra að lifa á
sem jákvæðastan hátt.“
– Hefur þú sjálf persónulega
reynslu af fötlun?
„Sjálf er ég ófötluð en á fatl-
aða dóttur og ég hef starfað í
foreldrafélögum, bæði í Stokk-
hólmi og hér í Reykjavík. Móðir
mín hefur starfað í
Sjálfsbjörgu um langt
árabil og þannig
kynntist ég starfsem-
inni áður en ég hóf ég
formleg störf. Sjálfs-
björg er eins og kunn-
ugt er félagsskapur hreyfihaml-
aðra. Um það bil 2.800 félagar
eru í Sjálfsbjörgu og er um það
bil helmingur þeirra hreyfihaml-
aður. Sextán Sjálfsbjargarfélög
eru í landinu og sameinast þau í
Sjálfsbjörgu LSF. Þar fer fram
blómlegt starf af ýmsu tagi og
eru fyrirlestrarnir þrír sem áður
var fjallað um hluti af því.“
Ragnheiður Kristiansen
Ragnheiður Kristiansen fædd-
ist á Hvolsvelli 1952. Hún tók
stúdentspróf í Svíþjóð og fil.-
cand.-próf frá Stokkhólmshá-
skóla 1986 í starfsmanna- og
vinnumarkaðsfræðum. Hún hef-
ur starfað að stjórnun og starfs-
mannamálum bæði í Stokkhólmi
og á Íslandi. Nú er hún kynn-
ingar- og markaðsfulltrúi hjá
Sjálfsbjörgu LSF. Ragnheiður á
tvær dætur.
Sjálfstraust
er færni sem
allir geta lært
og unnið upp
Ólafur minn, lofaðu henni Jónínu að standa fyrir framan þig á skíðunum. Okkur veitir
ekki af að fá einhvern í forystuna sem þorir að lumbra á þessum öryrkjalýð, góði.
ÚLFAR Þórðarson, læknir og flug-
áhugamaður, var heiðursgestur á
fundi hjá Flugklúbbi Mosfellsbæjar
nýverið. Ræddi hann þar um flug á
Íslandi á litlum vélum.
„Ég hef átt vélar og flogið dálítið
sjálfur en er löngu hættur því,“
sagði Úlfar er Morgunblaðið ræddi
stuttlega við hann en Úlfar kvaðst
áfram ætla að fylgjast með flugi á
Íslandi þótt aldurinn færðist yfir en
stutt er síðan Úlfar hætti einnig
læknisstörfum.
Úlfar starfaði sem trúnaðar-
læknir Flugmálastjórnar í áraraðir.
Hann kvaðst hafa lært að fljúga á
Englandi árið 1932 þegar hann var
í miðju læknanáminu. „En ég hef
alltaf haft sama áhuga á flugi og
var snemma sannfærður um að
flugið væri tækni framtíðarinnar,“
sagði Úlfar ennfremur. Hann sagði
hafa verið skemmtilegt að heim-
sækja Flugklúbbinn í Mosfellsbæ,
þar væru fyrsta flokks aðstæður
fyrir félagsstarf.
Morgunblaðið/Snorri Snorrason
Nokkrir flugmenn og flug-
áhugamenn með langa sögu úr
fluginu. Frá vinstri: Úlfar Þórð-
arson, Jóhannes R. Snorrason,
Hörður Sigurjónsson, Dagfinn-
ur Stefánsson og Þorsteinn
Jónsson.
Alltaf sami
flugáhuginn