Morgunblaðið - 25.02.2001, Blaðsíða 30

VIÐSKIPTI Á SUNNUDEGI
30 SUNNUDAGUR 25. FEBRÚAR 2001 MORGUNBLAÐIÐ
FIMM lítil fyrirtæki í ferðamanna-
þjónustu ákváðu í haust að ganga
til samstarfs og stofna nýtt fyr-
irtæki, Íslenskar ævintýraferðir.
Fyrirtækin fimm eru Addís, sem
hefur verið í forystu í jeppa- og
vetrarferðum, Langjökull vélsleða-
ferðir, Geysir vélsleðaferðir,
Jöklaferðir á Vatnajökli og Báta-
fólkið. Um 30 manns vinna í fullu
starfi hjá fyrirtækinu auk annarra
lausamanna. Stjórnendur fyrir-
tækisins eru þau Arngrímur Her-
mannsson, Garðar K. Vilhjálms-
son, Jón Kristleifsson og Vilborg
Hannesdóttir. Þau eru öll frum-
kvöðlar á sínu sviði og reynslunni
ríkari eftir að hafa hvert um sig
þróað fyrirtæki sín á undanförnum
árum.
Þrjár milljónir
eftir 20 ár
„Hugmyndin er að Íslenskar
ævintýraferðir verði undir það bú-
ið að taka á móti stórauknum
straumi erlendra ferðamanna sem
kemur til landsins á hverju ári,“
sagði Arngrímur. „Eftir tuttugu ár
má búast við að erlendir ferða-
menn sem hingað koma verði ríf-
lega þrjár milljónir, ef bjartsýn-
ustu spár rætast og við trúum á
þær. Það er því okkar að setja
reglur og byggja upp þá staði sem
við viljum að fjöldinn heimsæki.“
Garðar sagði að með stofnun Ís-
lenskra ævintýraferða yrði stefnan
mun markvissari en 90% viðskipta-
vinanna eru erlendir ferðamenn
enn sem komið er. „Nú förum við
að snúa okkur betur að innan-
landsmarkaði, sem fer vaxandi og
þörfin fyrir þá þjónustu sem við
veitum hefur aukist verulega eftir
því sem íslensk fyrirtæki tengjast
fleiri erlendum fyrirtækjum,“
sagði hann. „Íslensku fyrirtækin
eru farin að snúa sér til okkar
þegar von er á erlendum gestum
sem vilja upplifa eitthvað óvenju-
legt.“
Áhersla á snjó og jöklaferðir
„Í framtíðinni mun allur al-
menningur til dæmis geta farið um
Langjökul á gönguskíðum allt
sumarið efir fyrirfram ákveðnum
brautum sem við munum leggja og
þar verður stærsti golfvöllur í
heimi í framtíðinni,“ sagði Arn-
grímur. „Við verðum með styttri
vélsleða- og jeppaferðir um og yfir
Langjökul og seinna lengri ferðir
um Vatnajökul.“
Ákveðið hefur verið að halda
áfram að byggja upp aðstöðuna við
Langjökul, Vatnajökul, Hvítá og í
nágrenni Reykjavíkur, þ.e. á
Hengilssvæðinu, en þar eru vél-
sleðarnir á veturna. „Við bjóðum
upp á mismunandi afþreyingu en
við leggjum höfuðáherslu á snjó og
jöklaferðir og má segja að við
flytjum okkur eftir snjólínunni á
hverjum árstíma,“ sagði hann.
„Reynsla okkar veitir nýja fyrir-
tækinu ómetanlegt forskot í að
skipuleggja og sjá um ævintýra-
ferðir um Ísland, sem engin önnur
lönd geta boðið uppá. Þótt við
séum tiltölulega nýbyrjuð stöndum
við mörgum löndum framar og
óvíða í heiminum er að finna jafn-
fjölbreytta möguleika á afþrey-
ingu. Með því að sameinast búum
við okkur undir að mæta síauknum
fjölda ferðamanna, erlendum sem
innlendum.“
Markviss
uppbygging
Arngrímur benti á kanna þyrfti
hvert ferðamenn vildu fara og
jafnframt hvert væri æskilegt að
beina þeim. „Hér þarf sameigin-
legt átak okkar og stjórnvalda til
þess að uppbyggingin verði mark-
viss,“ sagði hann. „Við verðum að
vera í góðu samstarfi við opinbera
aðila eins og Náttúruverndarráð,
Vegagerðina, símafyrirtækin, Veð-
urstofuna og fleiri þannig að allir
verði samstíga í að byggja upp
vegi, snyrtiaðstöðu og aðrar lág-
marksþarfir ferðamanna. Við get-
um ekki gert það ein. Reyndar
hefur viðhorf stjórnvalda stórbatn-
að undanfarin ár og er allt annað í
dag en það var fyrir tveimur ár-
um.“
Góð samvinna
við heimamenn
Þau voru sammála um að sam-
vinna við heimamenn á hverjum
stað væri góð og hefði alltaf verið.
Heimamenn hefðu allt frá upphafi
stutt þau og sýnt þeim skilning.
„Við fórum stundum okkar leiðir í
að koma okkur áfram,“ sagði
Garðar. „Og stuðningur við okkar
rekstur er mjög mikill hjá heima-
mönnum. Meðal annars var það
fyrir tilstuðlan þeirra að við kom-
um upp aðstöðu við rætur Lang-
jökuls frá Kili. Það er í raun alveg
ótrúleg skriffinnska sem þarf til að
koma erindum í gegn og þess
vegna er nauðsynlegt að fá stjórn-
völd í lið með okkur. Í raun má
segja að við séum að byggja upp
okkar „hafnaraðstöðu“ við jökul-
rætur fyrir ferðamenn og auðvelda
þeim aðgengi að jöklunum.“
„Við erum að átta okkur á því að
fólk sem vill komast út í óspillta
náttúru eru öflugustu náttúru-
verndarsinnarnir en þetta eru ein-
mitt ferðamennirnir sem við sjáum
um,“ sagði Arngrímur. „Við verð-
um því að standa okkur.“
Á síðasta ári ferðuðust samtals
35 þúsund ferðamenn með fyrir-
tækjunum fimm og ef sá fjöldi er
framreiknaður til 20 ára miðað við
aukningu sl. fimm ára þá munu
750 þúsund ferðamenn koma í hlut
Íslenskra ævintýraferða, að sögn
Arngríms. „Ef sú áætlun stenst þá
mun ársvelta fyrirtækisins verða
um átta miljarðar,“ sagði hann.
Miklar fjárfestingar
Afkoma fyrirtækjanna hefur
verið góð nema hjá þeim sem stað-
ið hafa í miklum fjárfestingum,
þar hefur hún verið lakari. Sam-
einað fyrirtæki á nú fjóra fjalla-
skála með góðri aðstöðu við jökla,
50 snjósleða, sex snjóbíla, fjóra of-
urtrukka og sex ofurjeppa auk
rekstrarbúnaðar og 15 báta og eru
sex þeirra í Skagafirði.
„Í raun er ótrúlegt hvað við höf-
um áorkað miklu að teknu tilliti til
rekstrarumhverfis fyrirtækjanna,“
sagði Arngrímur. „Engin önnur
eins atvinnugrein skilar meira í
ríkissjóð en ferðamenn, sem alltaf
eru að greiða virðisauka í einni eða
annarri mynd og það í gjaldeyri.
Aðrar útflutningsgreinar selja sína
vöru erlendis en okkar vara er
fullunnin hér en samt greidd með
gjaldeyri. Ef við lítum 100 ár fram
í tímann þá blikna veltu- og af-
komutölur stóriðjunnar í saman-
burði við ferðaþjónustuna. Eftir
Morgunblaðið/Jim Smart
Jón Kristleifsson skrifstofustjóri, Vilborg Hannesdóttir gæðastjóri, Garðar K. Vilhjálmsson framkvæmdastjóri og Arngrímur Hermannsson, stjórnarformaður Íslenskra ævintýraferða.
REYNSLA VEITIR
ÓMETANLEGT FORSKOT
eftir Kristínu Gunnarsdóttur

Arngrímur Hermannsson, stjórnarformaður Íslenskra
ævintýraferða hf., er fæddur 1. desember 1953. Hann stofnaði
ferðaskrifstofuna Addís árið 1989 og hefur verið frumkvöðull
í ferðaþjónustu á breyttum jeppum um hálendið og jökla og í
ferðaþjónustu yfir vetrarmánuðina. Hann starfaði um árabil í
Flugbjörgunarsveit Reykjavíkur, í landstjórn björgunarsveit-
anna auk þess að taka þátt í og stjórna leiðöngrum hérlendis
og erlendis. Hann situr nú í afþreyingarnefnd Samtaka
ferðaþjónustunnar.

Garðar K. Vilhjálmsson, framkvæmdastjóri Íslenskra æv-
intýraferða hf., er fæddur 15. október árið 1967. Hann útskrif-
aðist úr eðlis- og stærðfræðideild Verzlunarskóla Íslands árið
1987 og er með BBA-gráðu í fjármálafræði frá Vestur-Georg-
íuháskóla. Hann hóf störf hjá Bílaleigunni Geysi árið 1991,
varð framkvæmdastjóri árið 1994 og stofnaði Geysi-vélsleða-
ferðir árið 1997. Hann tók virkan þátt í stofnun Samtaka
ferðaþjónustunnar og situr þar í stjórn.

Jón Kristleifsson skrifstofustjóri er fæddur 19. janúar árið
1965. Hann hefur unnið við ferðaþjónustu í ýmsum myndum
frá blautu barnsbeini. Fyrst við Ferðaþjónustuna á Húsafelli
með föður sínum Kristleifi, sem stofnaði ásamt öðrum Lang-
jökul ehf. árið 1974. Hann hefur unnið við það fyrirtæki frá
árinu 1993. Hann er húsasmiður að mennt og hefur reist um
40 sumarhús á Húsafelli.

Vilborg Hannesdóttir gæðastjóri er fædd 28. desember árið
1962. Hún hefur unnið við ferðaþjónustu sem fjallaleið-
sögumaður, jeppaleiðsögumaður og bátastjóri í flúðasigl-
ingum. Hún er frumkvöðull í flúðasiglingum á ám og stofnaði
Bátafólkið árið 1995, sem gert hefur út á siglingar á Hvítá og
Jökulsá austari og vestari í samstarfi við ferðaþjónustuna
Bakkaflöt í Skagafirði. Hún er kennari að mennt og starfaði
um árabil í björgunarsveit og er félagsmaður í Alpaklúbbnum.