Morgunblaðið - 18.03.2001, Blaðsíða 29

hún allan tímann. Er skemmst frá
því að segja að það var mikill léttir
að komast á áfangastað þó ekki
væri nema til að losna undan því að
heyra „Jailhouse Rock“ einu sinni
enn.
Jakuxar og hefðbundnir
búskaparhættir
Áður en komið var til Songpan
stigu um borð menn sem vildu selja
okkur hestaferðina. Kom í ljós að
hestaferðin með þremur leiðsögu-
mönnum, mat og gistingu í þrjá
daga og tvær nætur myndi kosta
okkur þrjú samtals um 5.400 kr. ís-
lenskar. Aðstæður og búnaður voru
reyndar nokkuð langt frá því sem
við Vesturlandabúar eigum að venj-
ast en leiðsögumennirnir hlóðu und-
ir okkur og við þurftum ekki að
gera neitt nema að stíga á bak og
njóta ferðarinnar. Þeir elduðu ofan
í okkur, reistu tjöldin, lögðu á hest-
ana og löguðu kraftmikið te sem
þeir nefndu hestate.
Frá Songpan var farið yfir hrygg
yfir í næsta dal sem var iðagrænn
og var þar eins og tíminn hefði
staðið í stað. Hús byggð með hefð-
bundnum stíl úr tré og steini, hús-
dýr ráfuðu um í þorpinu og börn og
fólk unnu vinnu sína án allra nú-
tímahjálpartækja sem við Vestur-
landabúar eigum að venjast. Á
hryggnum voru jakuxar á beit og
kipptu sér lítið upp við þó að við
ferðalangarnir riðum í gegnum hóp-
inn. Í dalnum sem við riðum niður í
var ætlunin að skoða tvær sérstæð-
ar náttúruperlur, annars vegar
Zhaga-fossinn sem rennur í mjúk-
um leirfarvegi og hins vegar krist-
altæra lind.
Leiðsögumennirnir okkar voru
tveir karlmenn um fimmtugt og
ungur strákur innan við tvítugt.
Þeir voru ráðnir einungis til að fara
með okkur í þessa ferð og þeirra
vinna var stopul. Hestaleigan réð
þá einungis til að fara með okkur í
þessa þrjá daga og þeir áttu hest-
ana og allan búnað. Hestaleigan
þjónaði einungis hlutverki millilið-
ar. Eftir það sneru þeir aftur til
Songpan og gat þá liðið aftur lang-
ur tími þar til þeir fengju næsta
túr. Þeir sögðu að á sumrin væri oft
tiltölulega mikið að gera en á vet-
urna væri ástandið oft frekar dap-
urt og litlir möguleikar að vinna
fyrir sér með þessu móti. Síðustu
tvö árin sögðu þeir að hefðu verið
slæm og mun verri en árin þar á
undan. Þess vegna þyrftu þeir að
treysta á að sumarvertíðin kæmi
vel út.
Kínverjar, sem nú eru farnir að
ferðast mikið innanlands, hefðu
engan áhuga á að fara í ferðir sem
þessar vegna þess að það þætti ekki
nógu fint að hossast í marga daga á
hestum. Þeir kysu mikið fremur að
fara í þægilegum loftkældum lang-
ferðabifreiðum. Um fimm klukku-
stunda akstur frá Songpan er þjóð-
garður sem nefnist Jiuzhaigou.
Þjóðgarður þessi er vinsæll meðal
kínverskra ferðamanna en sú um-
ferð fer algerlega framhjá Songpan.
Hestaleigurnar þar treysta því á út-
lendinga sem eru reiðubúnir að
leggja á sig langa ferð um lélega
vegi til að komast á staðinn. Út-
lendingar yrðu að taka venjulegan
áætlunarbíl og þægindin væru langt
frá því sem þeir ættu að venjast.
Leiðsögumennirnir voru þess vegna
ekki mjög bjartsýnir á framhaldið.
Þeir sáu fyrir sér að umferð um það
svæði sem þeir færu með erlenda
ferðamenn um ætti eftir að þyngj-
ast en þeir sjálfir ættu ekki eftir að
bera mikið úr býtum með aukinni
umferð innlendra ferðamanna.
Eigandinn nýtur
mikillar virðingar
Þegar við komum aftur til þorps-
ins eftir ferðina beið okkar eigandi
hestaleigunnar sem greinilega naut
mikillar virðingar innan þorpsins en
hann er brautryðjandi þessa rekstr-
ar. Hann byrjaði seint á tíunda ára-
tugnum en skrifstofa hans var enn
mjög fábrotin, nokkrir stólar, hita-
könnur með tei og veggur veggfóðr-
aður með póstkortum frá hinum
ýmsu ferðalöngum sem höfðu komið
til Songpan og sent leigunni kort
frá sínu heimalandi. Við sátum og
spjölluðum í nokkurn tíma, hann
sagði okkur frá þorpinu, hestaleig-
unni, viðskiptunum og fólkinu og ég
sagði honum og leiðsögumönnum
frá Íslandi, veðrinu og íslenska
hestinum sem er ekki ósvipaður
þeim sem við riðum í ferðinni. Því
miður gafst ekki tími til að vera
lengur á þessum slóðum og rútan til
Chengdu fór í bítið morguninn eftir.
Með söknuði kvöddum við leiðsögu-
mennina og eigandann, drukkum
síðustu hestaskálina og föðmuð-
umst. Eftir að ég kom aftur heim
sendi ég þeim kort af íslenskum
hestum í vetrarbúningi og kafalds-
byl. Vonandi hefur það ratað rétta
leið til Songpan þannig að félag-
arnir sjái með eigin augum íslenska
hestinn og íslenska veðráttu sem
þeir voru svo áhugasamir um.
Unnið að byggingu búddamusteris. Ekki má nota rafmagnsverkfæri og er öll vinna unnin með handverkfærum.
Hestarnir í ferðinni. Þeir eru svipaðir á hæð og íslenski hesturinn.
Erduo hai-fjallalindin sem er ein af náttúruperlunum á svæðinu.
MORGUNBLAÐIÐ SUNNUDAGUR 18. MARS 2001 29
Margar gerðir
og stærðir
Verð frá
kr. 75.500
Útiarinn/grill
úr náttúrulegu efni
Heimsferðir bjóða nú einstakt
tækifæri í 2 vorferðir til Costa
del Sol, 24. apríl og 8. maí á
hreint ótrúlegu verði. Þú getur
valið um 14 nætur, eða 28 nætur, og nýtur fegursta
tíma ársins á þessum vinsælasta áfangastað við Mið-
jarðarhafið og getur valið um frábæra gististaði á
ströndinni, í göngufæri við veitingastaði, skemmti-
staði og strandlífið. Meðan á dvölinni stendur nýtur
þú traustrar þjónustu fararstjóra Heimsferða, sem
bjóða þér spennandi kynnisferðir til heillandi staða
Andalúsíu.
24. apríl
og 8. maí til
Costa del
Sol
í 14 daga
frá 47.885
47.885 kr.
M.v. hjón með 2 börn, 2-11 ára,
24. apríl, 14 nætur. Santa Clara,
íbúð með 1 svefnh., flug, gisting,
skattar.
59.930 kr.
M.v. 2 studíó, Bajondillo, 24. apríl,
14 nætur, flug, gisting, skattar.
Aðeins 50
sæti á
sértilboði
Skógarhlíð 18, sími 595 1000. www.heimsferdir.is
Iðnbúð 1, 210 Garðabæ
sími 565 8060
Nýtt Nýtt
Afskorin blóm
20% afsláttur í mars