Morgunblaðið - 18.03.2001, Blaðsíða 53

FRÉTTIR
MORGUNBLAÐIÐ SUNNUDAGUR 18. MARS 2001 53
GUÐMUNDUR Eyjólfsson skíða-
göngumaður í leiðangrinum „Frá
strönd til strandar 2001“ gisti í
Hrafnsfirði aðfaranótt laugardags
og áætlar að komast upp á Dranga-
jökul í dag, sunnudag. Hann lét vita
af sér á föstudagskvöld og lét vel af
sér en sagðist hafa farið aðeins hæg-
ar yfir en hann bjóst við vegna þess
hversu göngulandið var illt yfirferð-
ar.
Guðmundur hefur verið á ferðinni
í hálfa viku, en hann lagði af stað úr
Hornvík á miðvikudag. Leiðangrin-
um hyggst hann ljúka í byrjun apríl í
Vopnafirði.
Guðmundur
stefnir á
Drangajökul
FÉLAGSMENN í Félagi háskóla-
menntaðra starfsmanna Stjórnar-
ráðsins (FHSS) hafa greitt atkvæði
um kjarasamning félagsins við fjár-
málaráðherra f.h. ríkissjóðs sem
undirritaður var 27. febrúar sl.
Niðurstöður atkvæðagreiðslunnar
eru þær að samningurinn var sam-
þykktur með 126 atkvæðum með
(76,4%) en 39 greiddu atkvæði á móti
(23,6%). Einn seðill var ógildur, 290
voru á kjörskrá, þátttaka var því
56,8%.
Samþykktu
kjarasamning
GJALDSKRÁ Íslandspósts fyrir
bréfapóst innanlands, þyngri en 250
g böggla innanlands og póstflutning
til útlanda hækkar frá og með 19.
mars. Ekki verður hækkun á bréfum
innanlands undir 250 g en þau eru
75% af heildarbréfamagni sem Ís-
landspóstur flytur.
Meðaltalshækkun á gjaldskrá
verður um 12%, þar af tæp 10% í
bögglum og tæp 15% í bréfum yfir
250 g og bréfum til útlanda.
Markmiðið með gjaldskrárhækk-
uninni er að bæta afkomu þeirra
þjónustugreina sem um ræðir en
hún hefur ekki verið viðunandi á
undanförnum misserum.
Með hækkuninni er einnig verið
að mæta almennum kostnaðarhækk-
unum í þjóðfélaginu. Hækkun á
þjónustu til útlanda má rekja til
kostnaðarhækkana erlendis og
óhagstæðra gengisbreytinga.
Gjaldskrá
Íslandspósts
hækkar
NORSKI pólfarinn Børge Ousland
hefur lagt að baki 248 km á leið sinni
yfir Norður-Íshafið, frá Síberíu til
Kanada. Hann ætlar að verða fyrst-
ur manna til að ganga hina 1.720 km
vegalengd einn síns liðs án utanað-
komandi stuðnings, en tveir landar
hans náðu því markmiði í fyrra. Þeir
luku göngunni á 109 dögum og
reyndust, þegar upp var staðið hafa
gengið rúma 2.100 km. Ousland teflir
djarft og ætlar að ljúka göngunni á
90 dögum sem þýðir að hann verður
að ganga um 19 km á dag að með-
altali. Eftir hálfan mánuð á ísnum er
dagsmeðaltal hans 20,6 km. Til gam-
ans má geta þess að gönguhraði hans
er 2,25 km á klukkustund, þar sem
hann mjakar sér áfram með 165 kg
þungan sleða í eftirdragi. Til sam-
anburðar má nefna að gönguhraði
manns á flatlendi án nokkurs bún-
aðar er í kringum 6 km á klst. Þessa
dagana er tæplega 30 stiga frost hjá
Ousland og hefur gengið á ýmsu.
Hvítabirnir hafa orðið á vegi hans og
sleði hans brotnaði með þeim afleið-
ingum að senda varð honum nýjan
með þyrlu. Vekur það áleitnar
spurningar hvort það teljist utanað-
komandi stuðningur við leiðangurinn
– nokkuð sem Ousland ráðgerði að
reiða sig ekki á í upphafi.
Pólfarinn
mjakar
sér áfram
á ísnum
Morgunblaðið/Jón Svavarsson
Norðmaðurinn Børge Ousland, í
heimsókn sinni á Íslandi í fyrra.
OPNUÐ hefur verið ný nuddstofa,
Hjá Lísu, Ármúla 44 á 3. hæð. Eig-
andi er Lísa Jörgensen. Hún lærði
punktanudd í Dansk Akupressur
Institut í Kaupmannahöfn og út-
skrifaðist þaðan árið 1994.
Boðið er upp á heilnudd sem er
blanda af venjulegu nuddi og nál-
astunguaðferð og teygjur sér-
staklega fyrir hrygginn. Einnig eru
gefin ráð hvað varðar mataræði,
vítamín og steinefni. Stofan er opin
alla virka daga milli kl. 9 og 17.
Haldið verður námskeið í punkt-
anuddi dagana 24. og 25. mars nk.
fyrir nuddara og sjúkraþjálfara.
Nánari upplýsingar fást á stofunni.
Morgunblaðið/Árni Sæberg
Lísa Jörgensen á nuddstofu sinni í Ármúla.
Ný nuddstofa
í Ármúla
♦ ♦ ♦
♦ ♦ ♦