Morgunblaðið - 07.04.2001, Blaðsíða 2

Haukar lögðu FH-inga í
tvíframlengdum leik /B4
Íslenskir frjálsíþróttamenn
ekki á Smáþjóðaleikana /B1
4 SÍÐUR20 SÍÐUR
Sérblöð í dag
Á LAUGARDÖGUM L a u g a r d a g u r7.
a p r í l ˜ 2 0 0 1
MEÐ Morg-
unblaðinu í
dag fylgir
blað frá
Grif fli.
Blaðinu verð -
ur dreift á
höfuðborg-
arsvæðið.
FRÉTTIR
2 LAUGARDAGUR 7. APRÍL 2001 MORGUNBLAÐIÐ
DAVÍÐ Oddsson forsætisráðherra mælti í gær fyr-
ir frumvarpi til laga um Seðlabanka Íslands, eins og
hann boðaði að gert yrði á ársfundi bankans nýlega.
Með frumvarpinu er sjálfstæði Seðlabanka aukið
og gerðar breytingar á hlutverki hans.
Fram kom í máli forsætisráðherra að með sam-
þykki frumvarpsins muni Seðlabankinn búa við
sams konar starfsskilyrði og seðlabankar í flestum
iðnríkjum. Sagði hann helstu breytingar sem frum-
varpið geri ráð fyrir vera þær að starfsemi Seðla-
banka Íslands verði sett skýrt markmið um að
tryggja stöðugt verðlag. Ráðherra komi að því að
skilgreina það markmið en bankinn hafi fullt sjálf-
stæði í ákvörðunum um hvernig markmiðinu verði
náð með beitingu þeirra stjórntækja sem hann býr
yfir. Ríkisstjórnin mun eftir sem áður ákveða geng-
isstefnuna, þó í samræmi við meginmarkmið lag-
anna um stöðugt verðlag.
Frumvarpið gerir ráð fyrir að þrír bankastjórar
sitji í bankastjórn Seðlabankans og að ákvörðunar-
vald í peningamálum verði í höndum bankastjórn-
ar. Bankastjórn mun ein taka ákvörðun um beit-
ingu stjórntækja bankans í stað þess að eiga um
það samráð við ráðherra. Þá er skipunartími
bankastjóra lengdur úr fimm árum í sjö en fjöldi
skipunartímabila takmarkaður og ráðherra skipar
bankastjóra og formann bankastjórnar sérstak-
lega. Einnig er kveðið á um fjölgun í bankaráði og
að það kjósi sér sjálft formann úr eigin röðum.
Hlutverk þess er líka eflt nokkuð. Ríkissjóði verður
óheimilt að taka lán hjá bankanum. Þá er í frum-
varpinu kveðið á um að bankastjórn setji starfs-
reglur um undirbúning, rökstuðning og kynningu
ákvarðana sinna í peningamálum og að opinberlega
skuli gerð grein fyrir slíkum ákvörðunum og for-
sendum þeirra.
Forsætisráðherra upplýsti á þingi að Alþjóða
gjaldeyrissjóðurinn hafi þegar lýst yfir ánægju með
þær breytingar sem séu að verða á starfsemi Seðla-
bankans.
Í yfirlýsingu, sem gefin var út í síðustu viku kem-
ur fram, að hann telji að breytingin muni leiða til
meiri stöðugleika í efnahagslífi hér á landi í framtíð-
inni. Forsætisráðherra kvaðst sannfærður um að
breytingin myndi reynast til heilla fyrir land og
þjóð.
Frumvarpinu vel tekið
Almennt var gerður mjög góður rómur að efni
frumvarpsins við fyrstu umræðu þess. Þannig vildu
ýsmir þingmenn stjórnarandstöðunnar að áfram
verði stöður bankastjóra auglýstar, en skv. frum-
varpinu verður slíkt ekki gert. Davíð benti á að slíkt
væri aðeins gert í einu ríki og eðli starfsins væri
slíkt að ekki væri rétt að auglýsa það. Það væri ein-
faldlega ekki heiðarlegt, þar sem þegar hefði verið
ákveðið hver fengi það.
Þá gerði Össur Skarhéðinsson, formaður Sam-
fylkingarinnar, tillögu um þrjár veigamiklar breyt-
ingar í þá átt að efla enn frekar sjálfstæði bankans.
Össur vill fremur að aðeins einum bankastjóra
verði falin stjórn Seðlabankans, í stað þriggja eins
og frumvarpið segir til um. Össur benti á að tveir
núverandi seðlabankastjórar séu fyrrverandi for-
ystumenn í stjórnmálum, báðir fyrir núverandi
stjórnarflokka
„Ákvörðun um peningastefnu er tekin í samráði
forsætisráðherra og meirihluta bankastjórnar. Það
er því einboðið að ákvörðunin um peningastefnu og
vexti verður á næstu árum í höndum þungavigt-
armanna úr núverandi stjórnarflokkum. Til að taka
af allan vafa um sjálfstæði bankans ætti því að hafa
aðeins einn seðlabankastjóra og ráða í þá stöðu upp
á nýtt,“ sagði Össur.
Vill ákvæði um hæfniskröfur
Hann benti aukinheldur á að fráleitt sé annað en
setja inn ákvæði um hæfniskröfur til bankastjóra,
en slíkt tryggi í senn aukið sjálfstæði, auki hæfni til
vaxtaákvarðana og komi ekki síst í veg fyrir „að
Seðlabankinn verði áfram einskonar pensjónat fyr-
ir uppgjafa stjórnmálamenn sem þurfa að finna
grösuga bithaga“, eins og hann orðaði það.
Í þriðja lagi lagði Össur til að sett verði á lagg-
irnar sérstök peningastefnunefnd, líkt og í Eng-
landsbanka, og víðar sem taki ákvörðun um vaxta-
breytingar.
Forsætisráðherra um lagafrumvarp um Seðlabanka
Mun reynast til heilla
fyrir land og þjóð
ÞAÐ er ekki alltaf sem Morg-
unblaðið þarf að elta uppi frétt-
irnar, því stundum gerist það að
þær koma fljúgandi í höfuðstöðv-
arnar, eins og þessi smyrill, sem
settist á handrið á 5. hæð Morg-
unblaðshússins í gær, alls
ósmeykur. Eða kannski var hann
bara þreyttur, því íslenskir
smyrlar eru farfuglar að stærst-
um hluta og koma einmitt til
landsins í apríl.
Morgunblaðið/Golli
Horft um heim allan
HAFBERG Þórisson, garðyrkju-
bóndi í Lambhaga, segir að fram-
kvæmdastjóri Fengs (áður Banana-
sölunnar) hafi haft í hótunum við sig
vegna þess að hann hafi ekki verið til í
að gera einkasölusamning við fyrir-
tækið. Hafberg segir hins vegar frá-
leitt að setja öll fyrirtæki sem dreifa
grænmeti og ávöxtum undir sama
hatt. Hann hafi t.d. átt mjög góð sam-
skipti við Mötu og Ávaxtahúsið í
gegnum árin og einnig hafi verið gott
að eiga viðskipti við Ágæti áður en
eigendaskipti urðu á fyrirtækinu.
Hafberg sagði að framkvæmda-
stjóri Bananasölunnar (nú Fengs)
hefði árið 1998 hótað að flytja inn sal-
at sem Hafberg hefur framleitt ef
hann vildi ekki gera einkasölusamn-
ing við fyrirtækið. Hann sagði að
þetta hefði gerst með þeim hætti að
hann hefði komið með 40 kassa af
grænmeti sem starfsfólk Bananasöl-
unnar hefði pantað. Þá hefði nýr eig-
andi Bananasölunnar, Pálmi Haralds-
son, komið og sagt að hann vildi ekki
kaupa vöruna þar sem hann væri ekki
með samning um innlegg við fyrir-
tækið. Hafberg sagði að eftir nokkur
orðaskipti hefði hann tekið vöruna til
baka og selt hana öðrum.
Hafberg sagðist hafa átt mikil og
góð viðskipti í gegnum árin við Mötu,
Ávaxtahúsið og Ágæti. Þessi fyrir-
tæki hefðu alltaf reynt að koma á
móts við óskir hans, en hann hefði líka
lagt sig fram um að veita þeim góða
þjónustu.
Hafberg sagði að eftir að Bananar
hf., dótturfyrirtæki Fengs, eignaðist
Ágæti fyrir milligöngu Búnaðarbank-
ans hefði orðið breyting á afstöðu fyr-
irtækisins. „Aðeins 10 dögum eftir að
Ágæti var komið inn á gólf hjá Banön-
um hf. fékk ég þau skilaboð frá fyr-
irtækinu að það vildi ekki kaupa mína
vöru vegna þess að ég vildi ekki gera
einkasölusamning við fyrirtækið.
Þetta gekk í nokkra daga, en síðan
hafa þeir keypt af mér vegna þess að
þá vantar þær grænmetistegundir
sem Lambhagi framleiðir.“
Hafberg sagði að einkasölusamn-
ingur þýddi að hann yrði skuldbund-
inn til að selja aðeins einu fyrirtæki.
Það þýddi að hann yrði að sætta sig
við það verð og greiðsluskilmála sem
það ákvæði. Þessir samningar væru
andstæðir lögum. Hann sagðist ein-
faldlega selja þeim sem vildi kaupa.
Sínir bestu viðskiptavinir hefðu verið
Mata, Ávaxtahúsið og gamla Ágæti.
Ekki náðist í Pálma Haraldsson,
framkvæmdastjóra Fengs, í gær.
Garðyrkjubóndinn í Lambhaga segir
að haft hafi verið í hótunum við sig
Krafðist þess að fá
einkasölusamning
MEÐAL muna á uppboði á vegum
Uppboðshúss Jes Zimsen, sem hefst
í dag, laugardag kl. 14 í Hafnarstræti
21, eru skartgripir, sem tollgæslan á
Keflavíkurflugvelli tók af konu frá
Taílandi, sem reyndi að smygla þeim
inn í landið í október 1998. Um er að
ræða alls 1,6 kg af 21 karats gulli,
sem deilt er niður á 6 uppboðsnúmer.
Boðnir verða upp gullhringir auk
hálsmena, armbanda og margs
fleira, allt frá 10 gr eyrnalokkum upp
í 70 gr hálsmen. Góssið keypti Upp-
boðshúsið af Innkaupastofnun ríkis-
ins á 1,4 milljónir króna, en það var í
fyrsta skipti sem opnuð voru tilboð í
skartgripi hjá Ríkiskaupum.
Þórir Örn Árnason lögmaður mun
annast uppboðið á skartgripunum,
sem kostuðu innflytjandann nærri
eina milljón króna, sem endaði í rík-
issjóði fyrir smygltilraunina.
1,6 kg af
gulli á upp-
boði í dag
RAGNHEIÐUR Torfadóttir, rektor
Menntaskólans í Reykjavík, hyggst
láta af störfum hinn 1. ágúst nk.
Ragnheiður hefur
starfað við skól-
ann í fjörutíu ár.
Hún réðst fyrst
til skólans sem
kennari en frá
1995 hefur hún
sinnt störfum
rektors. Ragn-
heiður er 63 ára
gömul.
Rektor er skip-
aður til fimm ára í
senn. Skipunartíma Ragnheiðar lýk-
ur hinn 1. ágúst. Í samtali við Morg-
unblaðið í gær sagðist hún hafa ritað
menntamálaráðherra bréf í janúar
og greint honum frá ósk sinni um að
láta af störfum þá.
Ragnheiður Torfa-
dóttir, rektor MR
Lætur af
störfum 1.
ágúst
Ragnheiður
Torfadóttir
SNJÓ hefur kyngt niður í Bláfjöllum
undanfarna sólarhringa og í gær var
kominn þar 30 til 50 cm nýfallinn
snjór. Í gærmorgun þurfti að moka
snjó af bílaplaninu og ryðja Bláfjalla-
afleggjarann í fyrsta skiptið í vetur.
Starfsmenn svæðisins unnu af
kappi í gær við undirbúning helgar-
innar, svo hægt verði að opna allt
svæðið í dag. Má reikna með mikilli
aðsókn og sannkallaðri páska-
stemmningu um helgina, að sögn
starfsmanna í Bláfjöllum.
Í tilefni dagsins fá allir þeir sem
eiga afmæli í dag, laugardag, frítt í
lyfturnar.
Bláfjöll
Allt svæðið
opið í dag
♦ ♦ ♦
♦ ♦ ♦