Morgunblaðið - 21.04.2001, Blaðsíða 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 21. APRÍL 2001 VERÐ Í LAUSASÖLU 165 KR. MEÐ VSK.
ÁHRIFA af völdum verkfalls sjómanna, sem hef-
ur staðið samfleytt frá 1. apríl, er víða farið að
gæta í þjóðfélaginu af fullum þunga. Rekstur
margra fyrirtækja er að stöðvast og fiskvinnslu-
fólki á atvinnuleysisskrá fjölgar stöðugt. Telur
forstjóri Vinnumálastofnunar að eftir helgi verði á
annað þúsund manns í fiskvinnslu komið á skrá.
Ótalinn er þá sá fjöldi fiskvinnslufólks sem fyrir-
tækin hafa haldið á launaskrá þrátt fyrir hráefnis-
skort. Aðeins í gær bárust tilkynningar um 300
manns á atvinnuleysisskrá frá fjórum fiskvinnslu-
stöðvum á Austfjörðum.
Arnar Sigurmundsson, formaður Samtaka fisk-
vinnslustöðva, telur að af um 6 þúsund ársstörfum
í fiskvinnslu gæti áhrifa verkfallsins nú á um fjög-
ur þúsund störf. Fisksölufyrirtækin eru farin að
ókyrrast, einkum þau sem selja ferskan fisk á
markaði erlendis, enda eru veiðar að hefjast á
ýmsum mikilvægum tegundum. Úthafskarfaveið-
ar á Reykjaneshrygg gáfu af sér um 3,5 milljarða
króna útflutningsverðmæti á síðasta ári þannig að
mikið er í húfi.
Áhyggjur vegna úthafskarfaveiða
Jóhannes Már Jóhannesson, sölustjóri SÍF,
segir fulla ástæðu vera til að hafa áhyggjur dragist
verkfall sjómanna á langinn. „Við sjáum fram á
það að margra ára markaðsstarf geti verið í hættu.
Viðskipti okkar byggjast upp á langtímasamning-
um og viðskiptasamböndum. Þau bera tjón af því
ef enginn er fiskurinn til að selja,“ segir Jóhannes
Már.
Þórður Friðjónsson, forstjóri Þjóðhagsstofnun-
ar, segir að eftir því sem lengra líði á verkfallið fari
áhyggjur manna vaxandi. Áhrifin til þessa hafi
ekki verið mikil á þjóðarbúið og svigrúm sé til að
vinna upp veiðitap í flestum kvótabundnum fisk-
tegundum.
„Smám saman versnar ástandið og teflir fram-
haldinu í meiri tvísýnu. Ef verkfallið dregst fram
eftir maí gæti það farið að hafa veruleg áhrif á út-
flutningsframleiðsluna,“ segir Þórður.
Fisksölufyrirtækin segja sjómannaverkfallið setja markaðsstarfið í hættu
Áhrifa á 4.000 störf í
fiskvinnslu farið að gæta
 Áhrifin/34–35
 Sjónarmið deiluaðila/12
Tilkynningar um 300 at-
vinnulausa bárust í gær
Morgunblaðið/Jim Smart
BLÍÐVIÐRIÐ lék við nemendur
Verslunarskóla Íslands þegar þeir
fengu sér snúning á Ingólfstorgi á
peysufatadegi sem haldinn var í
gær.
Peysufata-
dagur
KRÍAN er komin til landsins. Hún
sást á Höfn í Hornafirði seinni-
partinn í gær en ekki er vitað til
þess að kríur hafi áður sést hér
jafnsnemma.
Björn Arnarson á Höfn í Horna-
firði sagði í samtali við Morg-
unblaðið að krían hefði sést í Ós-
landinu rúmlega fimm í gær og
hefðu það verið fjórar kríur sam-
an. Þetta væri óvenju snemmt en
áður hefði hún sést 23. apríl svo
vitað væri með vissu. Hins vegar
hefði gamall sjómaður sagt hon-
um fyrir nokkrum árum að það
væri ekkert óalgengt að sjá kríur
í kringum sumardaginn fyrsta úti
á sjó, þannig að hún væri sjálfsagt
komin eitthvað fyrr upp undir
landið áður en hún sæist á landi.
Krían
er komin
TIL umræðu eru í stjórnkerfi
Reykjanesbæjar hugmyndir um að
byggja nýtt sameiginlegt íþrótta-
svæði á Neðra-Nickelsvæðinu, ofan
við Reykjaneshöllina. Á bak við liggur
sú hugsun að íþróttavellirnir í Kefla-
vík og Njarðvík verði þá nýttir til ann-
arrar uppbyggingar.
Hugmyndin kom upphaflega fram í
skipulags- og byggingarnefnd sem er
að láta vinna hana frekar og fram hef-
ur komið að tómstunda- og íþrótta-
nefnd telur hana athyglisverða. Stef-
án Bjarkason íþróttafulltrúi segir að
aðalleikvangurinn í Keflavík sé illa
farinn og þurfi að kosta miklu til hans.
Spurning sé hvort rétt sé að fjárfesta
í honum eða framtíðaraðstöðu. Þá
bendir hann á að Reykjaneshöllin hafi
leyst gömlu malarvellina af hólmi.
Ellert Eiríksson, bæjarstjóri
Reykjanesbæjar, segir að unnið sé að
uppbyggingu æfingasvæða íþrótta-
félaganna í Njarðvík og Keflavík og
telur hann ekki tímabært að leggja
niður núverandi velli og byggja upp
sameiginlega að nýju. Hann bendir
einnig á að Neðra-Nickelsvæðið, sem
nú er varnarsvæði en bæjaryfirvöld
hafa áhuga á að fá til umráða, sé eins
og íþróttasvæðin í miðju bæjarins og
ekki síður verðmætt byggingarland.
Reykjanesbær
Hugmyndir
um nýtt
íþróttasvæði
 Suðurnes/16
VALGERÐUR Sverrisdóttir iðnað-
arráðherra hefur skipað formlega
viðræðunefnd sem mun ræða við
forsvarsmenn Norðuráls á
Grundartanga um mögulega stækk-
un álversins úr 90 þúsund tonnum í
180 þúsund tonn.
Páll Magnússon, aðstoðarmaður
iðnaðarráðherra, sagði að Norðurál
hefði starfsleyfi fyrir 180 þúsund
tonna álveri og því myndi fyrirtæk-
ið ekki þurfa að framkvæma sér-
stakt umhverfismat vegna fyrir-
hugaðrar stækkunar. Hins vegar
myndi þurfa að fara fram
umhverfismat ef álverið yrði stækk-
að frekar.
Viðræðunefndin var skipuð í síð-
asta mánuði í kjölfar óformlegra
viðræðna sem forsvarsmenn
Norðuráls áttu við stjórnvöld.
Falið að fara yfir
samninga sem í gildi eru
Formaður nefndarinnar verður
Þorgeir Örlygsson ráðuneytisstjóri
en einnig eiga sæti í nefndinni þeir
Garðar Ingvarsson, framkvæmda-
stjóri orkusviðs Fjárfestingarstof-
unnar, Helgi Bjarnason, skrifstofu-
stjóri í iðnaðarráðuneytinu, Páll
Sveinsson hæstaréttarlögmaður og
Kristján Sveinsson, skrifstofustjóri
í iðnaðarráðuneytinu.
Viðræðunefndinni er falið að fara
yfir samninga sem í gildi eru milli
Norðuráls og ríkisins annars vegar
og viðkomandi sveitarfélaga hins
vegar. Einnig mun nefndin vinna að
samningagerð vegna fyrirhugaðrar
stækkunar álversins en aðallega er
um hafnar-, fjárfestingar- og lóða-
samninga að ræða.
Viðræðunefndinni er falið að
ræða við orkuframleiðendur um þá
virkjunarkosti sem til greina koma
miðað við áætlun Norðuráls. Páll
sagði að auk Landsvirkjunar kæmi
til greina að ræða við Orkuveitu
Reykjavíkur og Hitaveitu Suður-
nesja um þetta mál.
Rætt við Norður-
ál um stækkun