Morgunblaðið - 22.04.2001, Page 30

30 SUNNUDAGUR 22. APRÍL 2001 MORGUNBLAÐIÐ
ÖLDUNGADEILD
MENNTASKÓLANS VIÐ HAMRAHLÍÐ
NÝJUNG EFTIR PÁSKA!
Stutt tungumálanámskeið fyrir eldri borgara
Um er að ræða hnitmiðuð námskeið til að gera fólki kleift að bjarga sér á tilteknu tungumáli um það
nauðsynlegasta sem snýr að ferðamanninum, s.s. ferðlög, kurteisisreglur, veitingahús, búðir og
heilsugæsla. Kennt verður tvisvar í viku, klukkutíma í senn í fimm vikur. Gert er ráð fyrir að nem-
endafjöldi á hverju námskeiði verði um 15. Tungumálin sem unnt er að velja um eru enska, franska,
norska, sænska, spænska og þýska.
Framburðarnámskeið í ensku
Á námskeiðinu eru kynnt undirstöðuatriði í enskum framburði. Farið verður í helstu einkenni ís-
lensks framburðar á ensku, muninn á enskum og amerískum framburði og erfið hljóð æfð með að-
stoð hljóðsnældu og æfingaheftis. Nemendur fá þessi gögn til eignar. Námskeiðið er hentugt þeim
sem telja mikilvægt að framburður þeirra sé sem áheyrilegastur og þeim sem þurfa að halda ræður
eða fyrirlestra, t.d. á alþjóðlegum málþingum eða ráðstefnum. Námskeiðið er 12 kennslustundir.
Stutt tölvunámskeið Kennari: Sigurður Haraldsson MCP, netstjóri MH.
a) Windows & Internetið. Þar verður farið í Windows 95/98 stýrikerfin og kennd skráastjórnun með
Windows Explorer, diskameðhöndlun og fleira. Einnig verður Internetið kynnt, helstu hugtök
skýrð (HTTP, HTML, FTP, WWW o.fl.) og kennt verður hvernig á að nálgast upplýsingar á markviss-
an hátt. Námskeiðið er 12 kennslustundir.
b) Námskeið í Word. Farið verður almennt í Word 97/2000; kennt að búa til nýtt skjal, opna og vista
skjöl, blaðsíðuuppsetningar, útlitsbreytingar síðu og texta, neðanmálsgreinar, töflur, textadálkar,
stílar, sjálfvirkt efnisyfirlit, atriðaorðaskrá og ýmislegt fleira eftir því sem tími vinnst til. Gerð verða
verkefni í tímum. Námskeiðið er 12 kennslustundir.
c) Námskeið í Excel. Farið verður í helstu atriði í Excel 97/2000, hvernig unnið er með jöfnur og
hvernig hægt er að láta Excel sjá um alla útreikninga. Gerð verða hagnýt verkefni. Námskeiðið er
12 kennslustundir.
Innritað er í síma 595 5200 mánudaginn 21. apríl til miðvikudagsins 23. apríl nk.
kl. 10.00-18.00. Gert er ráð fyrir að námskeiðsgjald sé greitt við innritun.
Er þetta ekki eitthvað fyrir þig? Komdu þá í heimsókn á heimasíðu okkar! Þar má
finna ýmsar hagnýtar upplýsingar um þessi námskeið. Slóðin er; www. mh.is. Þú
getur einnig hringt í síma 595 5200.
Rektor.
ALLT í einu hefur þaðverið uppgötvað að verðá grænmeti er héróheyrilega hátt. Rétt
eins og okrið hafi dottið af himn-
um ofan. Maður gengur undir manns hönd til
að hneykslast á fákeppni, samráði og vel
smurðri álagningu. Og landbúnaðarráðherra
segir svei, svei og skipar nefnd til að kanna
málið. Og stjórnarandstaðan segir sussum
svei og kemur af fjöllum. Bændur segja: Ekki
ég og sölunefndin segir: Ekki ég og smásal-
arnir segja: Ekki ég og allir benda á vernd-
artollana og hver á annan og áður en nokkur
maður veit af er vorið komið og sumarfríin og
önnur umræðuefni, og grænmetið og ávext-
irnir og blessuð blómin halda áfram að seljast
á gamla góða verðinu eins og ekkert hafi í
skorist.
Hneykslunaraldan gengur yfir.
Það fæst aldrei neinn botn í þetta írafár,
frekar en önnur þau upphlaup, sem tíðkast
hér í fámenninu, hvort sem það eru olíuhækk-
anir, laxafiskeldi, flugvallarmál, umhverfis-
spjöll eða megrunaraðferðir. Mótmælaraddir
deyja út, reiðin hjaðnar og málin sitja eftir í
höndunum á þeim, sem höfðu eitthvað um
þau að segja – og réðu ferðinni. Og fara sínu
fram. Þau sitja áfram eftir hjá þeim sem
ábyrgðina bera á okrinu, vissu af því allan
tímann og ákváðu það með opnum augum.
Hátt verð á grænmeti verður áfram hátt, af
því hagsmunirnir krefjast þess og pólitíkin
verndar hagsmunina og hagsmunaöflin
vernda pólitíkusana.
Einbjörn eltir tvíbjörn og tvíbjörn eltir þrí-
björn og þjóðin eltir þríbjörn.
Hvernig var það líka með kvót-
ann og þjóðarsáttina, sem þeir
lofuðu, foringjarnir, í kosningun-
um síðustu, þegar þjóðin reis upp
og reif kjaft þegar hún loksins
skildi þann stóra glæp sem felst í því að af-
hent var nokkrum útvöldum stærsta auðlind
og sameign þjóðarinnar, óveiddur fiskurinn í
sjónum?
Svona, svona, sögðu frambjóðendurnir og
hagsmunagæslumennirnir og sussuðu á mót-
mælin með því að lofa sáttagjörð um kvótann.
Nefnd var skipuð og önnur nefnd var skipuð
og gott ef ekki er komin þriðja nefndin í málið
og tíminn líður og þjóðin bíður og ekkert ger-
ist. Ekki nokkur skapaður hlutur, af því að
sérhagsmunaaðilarnir sitja ofan á pólitíkus-
unum, svo enginn missi sjónar á hagræðing-
unni og nauðsyninni á að stórútgerðin sitji að
kvótanum ein og sér. Og jafnvel þótt við blasi
að fiskveiðistjórnin leiði ekki til hærri afla-
heimilda og enda þótt öll útgerðarfyrirtækin
skili tapi og þótt fyrir liggi stórfelld skulda-
söfnun í greininni er okkur, fávísum kjósend-
unum, sagt að kvótinn sé best geymdur hjá
þeim, sem fengu hann frítt! Og selja hann fyr-
ir milljarða.
Það bólar ekki á sáttunum og það bólarekki á efndunum og áður en við vitumaf nennir enginn lengur að agnúast út
í kerfi og kvóta, sem er fyrir löngu horfinn í
skuldir. Eða horfinn til Lúxemborgar. Eða
fastur í fasteignum suður á Spáni.
Ekki liggur hann að minnsta kosti í fast-
eignum í íslenskum sjávarplássum.
Næsta mál á dagskrá er að staðfesta lögin
um kvótann á krókabátana, vegna þess að
handfæraveiðarnar þóknast ekki hagsmun-
um stórútgerðarinnar.
Sú raunasaga verður keimlík þeim hinum
fyrri, þar sem einyrkjarnir verða að lúta boði
og banni hagræðingarinnar svokölluðu, sem
einnig dettur af himninum ofan, án þess að
nokkur hafi orðið hennar var. Þar kemur líka
litla gula hænan við sögu og segir af hjartans
einlægni: Hvað, ekki ég, ekki ég. Í framhald-
inu flytur fólkið frá verðlausum eignum sín-
um.
Og svo er skipt um gír og skipt um ráð-
herra og hlustað með athygli á tillögur um að
bæði þingmenn og ráðherrar fái hærri laun,
til að þeir geti betur sinnt hagsmunagæslunni
í landbúnaðinum og sjávarútveginum. Til að
þeir geti betur varist óábyrgum upphlaupum
almennings og fjölmiðla um okur í grænmet-
inu eða sameignina í hafinu. Og svo fara þeir
að tala um jarðgöng í gegnum Vaðlaheiðina
eða klám á nektarbúllum og allir una glaðir
við sitt. Hneykslismálin gleymast og hags-
munagæslumennirnir fá endurnýjað umboð
til að virða þjóðarsálina að vettugi. Enda er
hún á lágu plani og skilur ekki lögmál mark-
aðarins og skilur ekki lögmál útgerðarinnar
og man ekkert stundinni lengur.
Eða viljið þið virkilega afnema verndartoll-
ana á grænmetinu og setja garðyrkjubændur
á hausinn? Viljið þið taka ábyrgðina á því að
útgerðin verði fallít, ef hún fær ekki kvótann
frítt? Er það meiningin að trillukarlarnir fái
að taka frjálsan kvóta frá þeim sem eru guðs-
útvaldir eigendur þorsksins? Og litla gula
hænan segir auðvitað: Ekki ég og kjósandinn
segir: Ekki ég og stjórnmálamaðurinn fórnar
vitaskuld höndum gagnvart flokki sínum og
þjóð og segir með höndina á stjórnarskránni
og biblíunni: Ekki ég.
Ég er stundum að rausa um þetta við kon-
una mína, heima við eldhúsborðið. Örfáir
kverúlantar eru stundum að þvarga um þetta
í blaðagreinum. Einhverjir eru að kvarta fyr-
ir vestan og í grænmetinu er verið að leita að
sökudólgi. Svona til málamynda, meðan ráð-
herrar setja upp undrunarsvip og stjórnar-
andstaðan drepur tittlinga á þingi og spyr:
Hvers vegna var ekkert gert? Hvers vegna
var þetta látið viðgangast?
Svarið er: Það var ekkert gert, vegna þess
að litlu gulu hænurnar, á þingi og úti í þjóð-
félaginu, gerðu aldrei neitt og spurðu aldrei
neins og hlustuðu aldrei á rödd samviskunn-
ar, af því rödd sérhagsmunanna var öðrum
röddum sterkari. Þær þvoðu hendur sínar og
sögðu: Ekki ég, ekki ég.
Þannig er þetta nú í pottinn búið, góðirhálsar. Aðhald okkar, hinna óbreyttuborgara, neytendanna og þolandans,
svo ekki sé nú talað um þjóðina í heild, sem á
auðlindina í hafinu, hefur reynst máttlausara
en vald þeirra einkahagsmuna, sem ráða
ferðinni. Svo mun áfram verða meðan nyt-
samir sakleysingjar líta á sig sem varðhunda
sérhagsmunanna og þjóðin heldur áfram að
kjósa þá.
Hver var að tala um að sagan af litlu gulu
hænunni væri ævintýri fyrir börn?
Litla gula hænan
sagði: Ekki ég
Aðhald okkar hefur reynst máttlausara en vald
þeirra einkahagsmuna, sem ráða ferðinni, segir
Ellert B. Schram. Svo mun áfram verða meðan nyt-
samir sakleysingjar líta á sig sem varðhunda sér-
hagsmunanna og þjóðin heldur áfram að kjósa þá.
HUGSAÐ
UPPHÁTT