Morgunblaðið - 22.04.2001, Blaðsíða 48

48 SUNNUDAGUR 22. APRÍL 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
KÆRU kattaeigendur.
VIÐ erum hér nokkrir þrestir,
sem höfum dvalið hér í vesturbæ í
vetur í skjóli og góðu yfirlæti hjá
nokkrum góðum konum, sem hafa
látið út góðgæti, brauð, fitubita o.fl.
Veðrið hefur verið mjög gott í vetur,
lítið um rok og rigningu og í haust
var mikil uppskera af rifsi og reyni-
berjum og er það við höndina, svo
við ákváðum að fara hvergi. Nú er-
um við búnir að æfa sönginn og nú
erum við farnir að syngja aríur til
þess að heilla þrastastelpurnar. Við
ætlum nefnilega að stofna fjöl-
skyldu. Sennilega verðum við í
gamla kirkjugarðinum þar sem við
höfðum hreiður í fyrra. Það fór nú
illa fyrir okkur, þar sem við misstum
öll börnin okkar og þá var nú mikil
sorg og mikið kveinað. Við reyndum
að bjarga þeim, en það tókst aldrei.
Kisurnar eru svo sniðugar, þær
komast langt upp í tré, þær hafa svo
gaman af því að leika sér við fugla.
Þær eru svoddan klaufar kisurnar,
þær meiða og drepa alla litlu ung-
ana. Þeir eru svo vitlausir greyin,
þeir hafa ekki vit á að passa sig. Við
þrestirnir ætlum að bera fram heita
bón um það að þið leyfið kisunum
ykkar að vera inni á meðan ungarnir
okkar eru að læra að fljúga, tína
orma og svoleiðis.
Tilvonandi þrastapabbar.
SONJA SCHMIDT,
Sólvallagötu 4, Reykjavík.
Kattaeigendur
Frá Sonju Schmidt:
Í MORGUNBLAÐINU 6. apríl sl.
er sagt frá erindi sem Indriði H.
Þorláksson ríkisskattstjóri hélt á
aðalfundi Samtaka ferðaþjónust-
unnar um svarta atvinnustarfsemi.
Þar tiltók hann að sífellt færðist í
vöxt að ýmis ráðgjöf og þjónusta
væri auglýst í því augnamiði að kom-
ast hjá „eðlilegri og réttlátri“ skatt-
heimtu. Þá vísar Indriði til þess að
það viðhorf virtist ríkja í þjóðfélag-
inu að skattsvik væru eins konar „al-
þýðusport“ sem í lagi væri að stunda
meðan þau kæmust ekki upp. Þá var
haft eftir Indriða að vísasta leiðin til
að snúa þessari þróun við væri að fá
almenning til að skilja að skattsvik
væru fremur lúaleg afbrot og í raun
ekki annað en að „seilast í vasa
náungans“. Indriði virðist þó ekkert
hafa minnst á að meðan hann gegnir
stöðu ríkisskattstjóra verður hann
sjálfur að sýna þessu skilning áður
en hann getur ætlast til þess af al-
menningi. Það virðist fara í taugarn-
ar á ríkisskattstjóra að nú hafi það
sport, sem hingað til hefur aðeins
verið stundað af hinum valdameiri
að einhverju ráði, náð vinsældum
meðal alþýðunnar. Þá er fyrst hægt
að fjalla um það á lægra plani og
kalla það „alþýðusport“. Haft var
eftir Indriða: „Réttlát og eðlileg
skattheimta.“ Í sporum ríkisskatt-
stjóra myndi allt fólk með sómatil-
finningu í meðallagi skammast sín
fyrir að láta slík orð falla sem Indr-
iði gerði hafandi í huga það misræmi
sem er í skattframkvæmd í landinu
háð skattumdæmum og ekki síður
hvaða starfsstéttir eiga í hlut. Þrátt
fyrir að skattyfirvöld hafi lengi haft
vitneskju um að mörg meðalstór fyr-
irtæki í landinu hafi stundað stór-
felld skattsvik í formi peningaþvætt-
is gegnum skúffufyrirtæki erlendis
hefur ekkert verið gert til að upp-
ræta slíkt. Skyldi það vera vegna
þess að þeir sem standa að þessum
skattsvikum eiga vini á réttum stöð-
um í stjórnsýslunni? Þá er rétt að
benda á að samkvæmt skilgreining-
um ríkisskattstjóra á dagpeninga-
greiðslum eiga þeir sem atvinnu
hafa af því að ferðast ekki rétt á frá-
drætti á móti fengnum dagpening-
um. Samt sem áður er flugliðum hjá
Flugleiðum hf. (aðilum sem sannan-
lega hafa atvinnu af því að ferðast)
leyft að komast upp með að færa til
frádráttar fengna dagpeninga án
þess þó að sanna ferðakostnað. Sam-
kvæmt dómi Hæstaréttar 124/2000
var launþega synjað um heimild til
frádráttar á móti fengnum dagpen-
ingum í samræmi við skattmat rík-
isskattstjóra þar sem launþeginn
gat ekki sannað með óvefengjanleg-
um hætti hver raunverulegur ferða-
kostnaður hans var. Æðstu embætt-
ismenn þjóðarinnar eru á botnlaus-
um dagpeningagreiðslum jafnvel
þótt í mörgum tilfellum sé jafnframt
allur kostnaður greiddur fyrir þá á
ferðalögum. Ekki fer neinum sögum
af því að ríkisskattstjóri hafi nokk-
urn tímann krafið þessa aðila um að
sanna að raunverulegur ferðakostn-
aður þeirra sé í samræmi við það
sem fært hefur verið til frádráttar á
skattframtali. Pétur H. Blöndal al-
þingismaður hefur undanfarið þusað
mikið yfir því að sjómenn njóti
skattaafsláttar. Ákvæði um þennan
skattaafslátt er þó að finna í lögum
og er upphæð hans hreint smánar-
leg samanborið við þau undanskot
sem flugliðar hjá Flugleiðum hf.
njóta án þess að fyrir þeim undan-
skotum sé nokkurn lagabókstaf að
finna. Þau skattsvik sem umræddir
flugliðar hafa fengið að stunda í
skjóli athafna ríkisskattstjóra í ára-
raðir virðast ekki fara mikið fyrir
brjóstið á fyrrnefndum alþingis-
manni né starfssystkinum hans,
hvar í flokki sem þau eru. Á meðan
ríkisskattstjóri getur ákveðið upp á
sitt eindæmi hverjir fái óáreittir að
stunda skattsvik þarf hann ekki að
búast við því að hinn almenni borg-
ari sofi illa yfir því að hafa skotið
undan einhverjum smáaurum sem
annars hefði að öllum líkindum verið
sólundað í lúxusólifnað hástéttarinn-
ar. Hvaða hvatir ríkisskattstjóra
skyldu liggja að baki því að aðstoða
heilu starfsstéttirnar við að „seilast í
vasa náungans“? Það er ekki nema
„réttlátt og eðlilegt“ meðan hinir
æðri stela undan í skjóli valdamikilla
vina að hinn almenni borgari leiti
allra leiða til að koma sér hjá skatt-
greiðslum. Þó ekki sé hægt að kenna
Indriða krógann hundrað prósent á
hann sinn part í honum. Og meðan
Indriði viðheldur sömu stefnu mun
með tímanum króginn verða við
hann kenndur.
ÖRN GUNNLAUGSSON,
Galtalind 4, Kópavogi.
Skattsvikakróginn
Frá Erni Gunnlaugssyni: