Morgunblaðið - 13.05.2001, Blaðsíða 22

22 SUNNUDAGUR 13. MAÍ 2001 MORGUNBLAÐIÐ
ÞAÐ fyrsta sem ég gerðieftir að ég lét af störfumvar að fara í frí til Kan-anríeyja,“ sagði Stefán.„Ég held að það hafi ver-
ið skynsamlegt að slíta sig strax í
burt frá bankanum eftir að hafa
verið í hringiðunni í öll þessi ár og
komast í annað umhverfi. Það er
óneitanlega mikið álag að vera í
starfi bankastjóra og nauðsynlegt
að venja sig á annan lífsmáta þeg-
ar maður hættir.“
Stefán hóf störf sem almennur
starfsmaður bankans árið 1958
fram til ársins 1966 er hann varð
fyrsti starfsmannastjóri bankans
og kom það í hans hlut að móta
það starf. Hann var settur fram-
kvæmdastjóri stofnlánadeildar
landbúnaðarins, árið 1974 til ársins
1983. Deildin heyrði undir Bún-
aðarbankann en er nú sérstök
stofnun. Í ársbyrjun 1984 tók Stef-
án við sem bankastjóri og varð síð-
an aðalbankastjóri árið 1997.
Miklar breytingar
„Ég þekki bankann mjög vel eft-
ir öll þessi ár,“ sagði hann. „Á
þessum tíma hafa orðið miklar
breytingar á starfsemi fjármála-
stofnana, sérstaklega á síðustu 10–
15 árum, eftir lagabreytingu, sem
varð á árunum 1984–85 þegar
bankar fengu heimild til að ákveða
vexti og síðan með breytingu á lög-
um um bankastofnanir árið 1986.
Fram að því þurfti samþykki
Seðlabankans fyrir stofnun útibúa
og hafði bankinn algert einræð-
isvald um hvar þau voru sett niður.
Með þessum breytingum á lögum
varð til allt annað starfsumhverfi.
Bankarnir voru gerðir ábyrgari í
rekstri sínum, þar sem þeir fengu í
sínar hendur mikið ákvörðunar-
vald. Síðan verða enn lagabreyt-
ingar árið 1993 og 1996 þegar
bönkunum er heimilað að reka
verðbréfafyrirtæki en áður voru
sérlög um verðbréfafyrirtækin,
sem gerðu ráð fyrir að þau störf-
uðu sjálfstætt.
Þetta er sú umgjörð sem ger-
samlega breytti allri starfsemi
bankanna. Búnaðarbankinn tók
fyrst þátt í verðbréfastarfsemi inn-
an Kaupþings ásamt með spari-
sjóðunum, en bankinn átti 50%
hlut þar frá árinu 1990. Eftir
ágætt samstarf varð það niðurstað-
an að það væru það miklir hags-
munaárekstrar milli okkar og
þeirra að við töldum æskilegt að
stofna verðbréfafyrirtæki inni í
bankanum þegar lög heimiluðu og
seldum þá sparisjóðunum okkar
hlut í Kaupþingi. Ég tel að það hafi
verið mjög til bóta að heimila
resktur verðbréfafyrirtækja inni í
bönkunum þannig að þeir gætu
veitt alhliða bankaþjónustu.“
Samstarf bankanna
Stefán sagði að samstarf bank-
anna og sparisjóðanna til langs
tíma með sameiginlegum rekstri
Reiknistofu bankanna hefði verið
heillaspor. Stefán var formaður
stjórnar í sjö ár, en 14 ár í stjórn.
„Við höfum talið að grunnstarf-
semi, sem allir bankar þurfa að
hafa, sé þar best fyrir komið,“
sagði hann. „Síðan hafa bankarnir
byggt upp sínar tölvudeildir hver
hjá sér með sinni sérþjónustu.
Samkeppnisþjónustan er þannig
byggð upp hjá hverjum banka fyrir
sig en hjá Reiknistofu bankanna
eru keyrð öll grunnverkefni og
bókhald. Ég hef fundið það þegar
ég hef sótt fundi erlendra reikni-
stofnana, t.d. á Norðurlöndum, að
þeir öfunda okkur af þessari sam-
eiginlegu þjónustu sem við höfum
byggt upp hjá Reiknistofunni.
Þeim hefur ekki tekist að byggja
upp eina stöð hjá sér en með þessu
móti má segja að fram fari alls-
herjar uppgjör á reikningum milli
bankanna innbyrðis á hverjum
degi fyrir utan dagsuppgjör.“
Samvinna bankanna
Í níu ár var Stefán formaður
Sambands viðskiptabankanna auk
þess sem hann sat í stjórn sam-
bandsins þau ár, sem hann var
bankastjóri. „Þetta samstarf hefur
verið mjög gott öll þessi ár. Þar
kynntist maður vel starfsfélögum
sínum í bankakerfinu og á þaðan
góðar minningar,“ sagði hann.
„Lengi hefur verið samstarf við
Norðurlöndin og í seinni tíð þá hef-
ur komist á samstarf við evrópska
banka og þar með er fylgst með á
sviði Evrópumála. Starfsemi Sam-
bands viðskiptabanka snýst um
samstarfsvettvang milli bankanna
og eins kemur það sameiginlega
fram gagnvart stjórnvöldum. Það
fær til umsagnar lagafrumvörp og
þar með tækifæri til að koma fram
með sín sjónarmið.“
Einróma rödd
Stefán tók við stöðu bankastjóra
af Þórhalli Tryggvasyni og meðal
samstarfsmanna hans voru þeir
Magnús Jónsson og Stefán Hilm-
arsson.
„Ég hafði mjög náið samstarf við
þáverandi bankastjóra bankans þá
Morgunblaðið/Þorkell
Stefán Pálsson, fyrrverandi bankastjóri Búnaðarbankans.
Stefán Pálsson, bankastjóri
Búnaðarbankans, lét nýlega
af störfum eftir 42 ára sam-
fellt starf hjá bankanum,
þar af rúm 17 ár sem banka-
stjóri. Í samtali við Kristínu
Gunnarsdóttur um störf
hans hjá bankanum, áhuga-
mál og framtíðina sagði
hann að hann hefði ávallt
kappkostað að rödd bank-
ans væri einróma.
Rödd bankans væri ávallt
Ég skorast ekki und-
an því að viður-
kenna að það voru
ákveðnir vaxtarverk-
ir hjá verðbréfafyr-
irtækjunum og þar
vorum við ekki und-
anskildir.