Morgunblaðið - 22.05.2001, Blaðsíða 2

FRÉTTIR
2 ÞRIÐJUDAGUR 22. MAÍ 2001 MORGUNBLAÐIÐ
Fylgstu
með
nýjustu
fréttum
www.mbl.isKR-ingar náðu að leggja Skagamenn
að velli í Frostaskjóli / B3
Glæsilegur árangur hjá Alfreð og
Ólafi hjá Magdeburg / B6, B7, B8, B9
16 SÍÐUR48 SÍÐUR
Sérblöð í dag
Á ÞRIÐJUDÖGUM
HERDÍS Sveinsdóttir, formaður
Félags íslenskra hjúkrunarfræð-
inga, segir að markmið félagsins í
kjaraviðræðum við ríkið sé að
hjúkrunarfræðingar fái sambæri-
leg laun og aðrir háskólamenn.
Það sem samninganefnd ríkisins
hafi verið að bjóða fram að þessu
þýði að launaþróun hjúkrunar-
fræðinga verði ekki sú sama og
annarra háskólamenntaðra stétta.
Samkvæmt tölum frá kjararann-
sóknarnefnd opinberra starfs-
manna voru meðaldagvinnulaun
hjúkrunarfræðinga 172 þúsund
krónur á mánuði í lok síðasta árs.
Heildarlaun þeirra voru hins vegar
250 þúsund krónur. Meðaldag-
vinnulaun allra félagsmanna í
BHM voru í lok síðasta árs 182
þúsund krónur samkvæmt upplýs-
ingum frá nefndinni. Heildarlaun
BHM-manna voru hins vegar 246
þúsund krónur á mánuði. Þessar
tölur ná ekki til samninga sem rík-
ið hefur gert á þessu ári, t.d.
samningsins við framhaldsskóla-
kennara.
Herdís segir að um 27% hjúkr-
unarfræðinga séu með dagvinnu-
laun undir 155 þúsund krónum og
77% þeirra séu með minna en 175
þúsund í dagvinnulaun.
„Krafa hjúkrunarfræðinga er að
fá sambærileg laun og aðrir há-
skólamenn. Það sem er verið að
bjóða okkur þýðir að við drögumst
heldur aftur úr öðrum.
Við leggjum einnig áherslu á að
fá umbun fyrir það mikla vinnu-
álag sem er á hjúkrunarfræðing-
um. Í vinnuálagskönnun sem birt
var í desember sl. kemur fram að
vinnuálag á hjúkrunarfræðinga er
mjög mikið. Hjúkrunarfræðingar
komast ekki í frí, þeir komast ekki
heim á réttum tíma, það er verið
að breyta vöktum með skömmum
fyrirvara, það er stöðugt verið að
hringja í hjúkrunarfræðinga til að
fá þá út á aukavaktir o.s.frv.,“
sagði Herdís.
Samninganefndir hjúkrunar-
fræðinga og ríkisins sátu á samn-
ingafundi í gær. Tveggja daga
verkfall hefst hjá hjúkrunarfræð-
ingum um næstu mánaðamót hafi
samningar ekki tekist.
Kjaraviðræður hjúkrunarfræðinga og ríkisins
Leggja áherslu á umb-
un fyrir vinnuálag
FÖTLUÐ börn í grunnskólum og
leikskólum í Reykjavík fá ekki fulla
þjónustu vegna verkfalls þroska-
þjálfa sem hófst sl. föstudag. Þá hef-
ur einu heimili fyrir skammtímavist-
un verið lokað og þjónusta á öðru
slíku heimili er mikið skert. Fundur
var í kjaradeilunni í gær og annar er
boðaður í dag í húsakynnum ríkis-
sáttasemjara, þ.e. vegna þroska-
þjálfa hjá Reykjavíkurborg en fund-
ur með samninganefnd ríkisins
verður síðar í vikunni.
Ágreiningur var um framkvæmd
verkfalls þroskaþjálfa í Reykjavík og
ákvað borgin að vísa honum til
Félagsdóms. Ágreiningurinn snerist
um það hvort lögmætt væri af hálfu
Þroskaþjálfarafélagsins að standa að
því að félagsmenn þess mættu ekki
til starfa að fölskylduheimilinu
Eikjuvogi 9 og skammtímavistheim-
ilinu Álfalandi 6. Þroskaþjálfafélag
Íslands hélt fast við þann skilning
sinn að öllum þroskaþjálfum sem
starfa á tilgreindum heimilum væri
heimilt að fara í verkfall en Reykja-
víkurborg taldi það óheimilt. Til þess
að fá úr þessum ágreiningi skorið
höfðaði Reykjavíkurborg mál fyrir
Félagsdómi og var málið þingfest 19.
maí sl.
Annað skammtímavistheimilið
sem um ræðir, í Álfalandi, veitir
þrjátíu og fjórum börnum þjónustu,
sex börnum í senn. Hitt heimilið, í
Eikjuvogi, veitir um fjórtán börnum
þjónustu, fjórum í senn. Félagsmála-
yfirvöld Reykjavíkurborgar töldu að
heimilin væru á undanþágulista en
Þroskaþjálfafélag Íslands kvaðst
hafa gert athugasemdir við listann á
lögmætan hátt árið 2000. Niðurstaða
dómsins var sú að sýkna Þroska-
þjálfafélagið af kröfum Reykjavíkur-
borgar og vinna því engir þroska-
þjálfar á heimilunum í verkfallinu.
Heimilinu í Eikjuvogi hefur verið
lokað og þjónustan er verulega skert
í Álfalandi.
Krafa Þroskaþjálfafélagsins er að
byrjunarlaun þroskaþjálfa verði 155
þúsund á mánuði en þau eru nú 100
þúsund. Samkvæmt upplýsingum
frá kjararannsóknarnefnd opinberra
starfsmanna voru meðaldagvinnu-
laun þroskaþjálfa sem störfuðu hjá
ríkinu 121 þúsund krónur á mánuði í
lok síðasta árs en heildarlaun þeirra
voru 180 þúsund að meðaltali.
Þroskaþjálfar gengu nýlega úr
BSRB í BHM. Meðaldagvinnulaun
BHM-félaga voru um síðustu áramót
182 þúsund en heildarlaunin námu
246 þúsund á mánuði.
Þroskaþjálfafélagið fékk í gær
stuðning frá starfsbræðrum sínum á
Norðurlöndum, um 125 manns, sem
staddir eru á ráðstefnu í Reykjavík
um þessar mundir.
Verkfall þroskaþjálfa í Reykjavík
Skert þjónusta
við fötluð börn
MAÐURINN sem lést þar sem
hann var við eggjatínslu í Akra-
fjalli um helgina hét Steinar
Viggósson. Hann var á 51. ald-
ursári og búsettur í Köldukinn
15 í Hafnarfirði.
Steinar fór til eggjatínslu á
föstudag og þegar hann kom
ekki heim til sín aðfaranótt
laugardags var lögreglu gert
viðvart. Félagar í Björgunar-
félagi Akraness og þyrla Land-
helgisgæslunnar fóru til leitar.
Um tíuleytið á laugardags-
morgun fannst Steinar látinn
undir Háahnúk í suðurhlíðum
Akrafjalls. Steinar lætur eftir
sig eiginkonu og fjögur börn.
Lést af
slysförum
VERKAMANNAFÉLAGIÐ Hlíf
hélt kynningarfund í gærkvöld meðal
félagsmanna sinna sem eru í verkfalli
hjá Hafnarfjarðarbæ um miðlunartil-
lögu sem sáttasemjari hefur lagt
fram. Atkvæði verða greidd um til-
löguna í dag og þau talin í kvöld.
Verði tillagan samþykkt verður verk-
falli um 400 starfsmanna á leikskól-
um, grunnskólum og gæsluvöllum
bæjarins frestað. Verkfallið hefur
staðið samfleytt yfir frá sunnudegin-
um 13. maí sl. og gerðir samningar
við launanefnd sveitarfélaga hafa í
tvígang verið felldir af félagsmönn-
um.
Skólahald gæti hafist á morgun
Sigurður T. Sigurðsson, formaður
Hlífar, sagði að yrði miðlunartillaga
ríkissáttasemjara samþykkt í dag
yrðu skólarnir væntanlega þrifnir í
kvöld þannig að skólastarf ætti að
geta hafist að nýju á morgun. Magn-
ús Baldursson, skólafulltrúi á skóla-
skrifstofu Hafnarfjarðar, sagði að
skólahald yrði ekki framlengt í Hafn-
arfirði þrátt fyrir verkfallið. Hann
sagðist telja að eitthvað mismunandi
væri milli skóla hvernig skólahaldi
yrði lokið, þ.e. hvort próf yrðu haldin í
öllum námsgreinum eða hvort staðið
yrði að námsmati með öðrum hætti.
Morgunblaðið/Jón Svavarsson
Félagsmenn Hlífar fjölmenntu á kynningarfund um miðlunartillöguna í Hafnarfirði í gærkvöld og hér ræðir
Sigurður T. Sigurðsson, formaður Hlífar, við nokkra félagsmenn en konur eru langfjölmennastar í þeim hópi
sem hefur verið í verkfalli hjá Hafnarfjarðarbæ undanfarna daga.
Verkfall Verkamannafélagsins Hlífar í Hafnarfirði
Atkvæði greidd um
miðlunartillögu í dag
SA greiðir
hugsanlega
úr vinnu-
deilusjóði
ARI Edvald, framkvæmdastjóri
Samtaka atvinnulífsins, segir hugs-
anlegt að útgerðarfyrirtæki sem
urðu fyrir tjóni í sex vikna löngu
verkfalli sjómanna fái greitt úr
vinnudeilusjóði Samtaka atvinnulífs-
ins. Hann sagði að ekki væri greitt
úr sjóðnum fyrr en verkfalli væri
lokið og ljóst hvað fyrirtæki hefðu
orðið fyrir miklu tjóni.
Um síðustu áramót voru 1.550
milljónir í vinnudeilnasjóði SA. Sam-
kvæmt reglum sjóðsins má ekki
greiða nema visst hlutfall úr sjóðn-
um. Þetta þýðir að a.m.k. 1.300 millj-
ónir verða að vera í sjóðnum eftir
greiðslur á þessu ári.
Nokkuð mismunandi er hvað sjó-
menn hafa fengið úr verkfallssjóðum
stéttarfélaga sinna. Vélstjórafélagið
hefur greitt úr sjóði sínum. Far-
manna- og fiskimannasambandið á
hins vegar engan verkfallssjóð og
hafa félagsmenn þess því engar
greiðslur fengið í verkfallinu. Á veg-
um Sjómannasambandsins er ekki
starfandi verkfallssjóður en flest að-
ildarfélög eiga slíka sjóði og hafa
félagsmenn snúið sér til þeirra með
umsóknir um verkfallsbætur.
Verkfall sjómanna
KOSIÐ var í nýja stjórn Seðlabank-
ans á síðasta starfsdegi Alþingis fyrir
þingfrestun um helgina. Nýr aðal-
maður er Hannes Hólmsteinn Giss-
urarson prófessor, tilnefndur af Sjálf-
stæðisflokki. Aðrir aðalmenn í stjórn,
sem hafa verið þar áður, eru Ólafur G.
Einarsson, fyrrum forseti Alþingis og
ráðherra, Jón Sigurðsson fram-
kvæmdastjóri, Davíð Aðalsteinsson,
bóndi og fyrrum þingmaður, Ragnar
Arnalds, fyrrum ráðherra, nú til-
nefndur af Vinstri hreyfingunni,
Þröstur Ólafsson framkvæmdastjóri
og Sigríður Stefánsdóttir sviðsstjóri.
Varamenn í stjórn Seðlabankans voru
kosnir Erna Gísladóttir fram-
kvæmdastjóri, Hilmar Gunnlaugsson
lögfræðingur, Finnur Þór Birgisson
lögfræðingur, Leó Löve lögfræðing-
ur, Kristín Sigurðardóttir fram-
kvæmdastjóri, Hörður Zóphaníasson,
fyrrum skólastjóri, og Tryggvi Frið-
jónsson forstöðumaður.
Ný stjórn Seðlabankans