Morgunblaðið - 22.05.2001, Side 25
ERLENT
MORGUNBLAÐIÐ ÞRIÐJUDAGUR 22. MAÍ 2001 25
COLIN Powell, utanríkisráðherra
Bandaríkjanna, lýsti í gær stuðningi
sínum við tillögur þær er lagðar voru
fram fyrr um daginn og miða að því
að binda enda á ófriðinn fyrir botni
Miðjarðarhafs. Tilnefndi Powell sér-
stakan sendimann til Mið-Austur-
landa sem ganga á eftir því að frið-
arviðræður hefjist á ný.
„Samningaviðræður eru eina leið-
in til að koma á varanlegum og al-
tækum friði,“ sagði Powell þegar
hann lýsti sig fylgjandi niðurstöðum
rannsóknarnefndar undir forystu
Georges Mitchells, fyrrverandi öld-
ungadeildarþingmanns í Bandaríkj-
unum.
Orð Powells eru til marks um
breytta stefnu ríkisstjórnar Georges
W. Bush sem tók við völdum í
Bandaríkjunum fyrir fjórum mánuð-
um og hefur hingað til verið treg til
að taka beinan þátt í friðarumleitn-
um fyrir botni Miðjarðarhafs. Powell
hvatti til þess að deiluaðilar legðu
niður vopn skilyrðislaust, svo sem
kveðið er á um í skýrslu Mitchell-
nefndarinnar. „Nú er augljósara en
nokkru sinni að átök munu ekki leiða
til lausnar á þessari deilu,“ sagði
Powell.
Hann tilnefndi William Burns, er
taka á við embætti aðstoðarutanrík-
isráðherra og hafa Mið-Austurlönd
sem sérsvið, sem sérstakan sam-
starfsmann Ísraela og Palestínu-
manna við að framkvæma þær til-
lögur sem koma fram í niðurstöðum
Mitchell-nefndarinnar. Báðir aðilar
hafa farið lofsamlegum orðum um
skýrslu nefndarinnar en engu að síð-
ur hafnað nokkrum þáttum hennar.
Enn fremur kvaðst Powell hafa gefið
sendiherra Bandaríkjanna í Jórdan-
íu fyrirmæli um að vera til taks ef
deiluaðilar þyftu á að halda.
Engin áform um fund
Powell heldur í dag til Afríku og
Evrópu og sagðist ekki hafa nein
áform um að hitta neinn frá Mið-
Austurlöndum. Á því gæti þó orðið
breyting. Háttsettir bandarískir
embættismenn hafa færst undan því
að eiga fund með Yasser Arafat, for-
seta heimastjórnar Palestínumanna,
fyrr en hann hafi gert meira til að
stöðva ofbeldisverk sinna manna.
Ariel Sharon, forsætisráðherra Ísr-
aels, kom aftur á móti í heimsókn í
Hvíta húsið skömmu eftir að Bush
tók við embætti.
Stjórn Bush hefur ekki fylgt for-
dæmi Bills Clintons og ýmissa
arabaleiðtoga sem telja að viðræðum
skuli haldið áfram jafnvel þótt ófrið-
ur geisi. Ísraelar krefjast þess að
friður komist á áður en þeir kanna
möguleikana á að hefja viðræður við
Palestínumenn. Palestínumenn vilja
að þegar viðræður hefjast verði tek-
inn upp þráðurinn þar sem frá var
horfið – tilboði Ísraela um palest-
ínskt ríki, svo að segja allan Vest-
urbakkann og Gaza-svæðið, auk yf-
irráða í Austur-Jerúsalem.
Dick Cheney, varaforseti Banda-
ríkjanna, sagði á sunnudag að
Bandaríkjastjórn vonist til þess að
skýrsla Mitchell-nefndarinnar geti
orðið grundvöllur að forsendum þess
að hægt verði að draga úr óeirðum
og „byrja að byggja einhvern vísi að
trausti.“
Annan tekur undir
Kofi Annan, framkvæmdastjóri
Sameinuðu þjóðanna, tók í sama
streng og Powell í gær og hvatti
deiluaðila í Mið-Austurlöndum til að
grípa nú tækifærið og fara að þeim
tillögum er fram komi í skýrslu
nefndar Mitchells um hvernig binda
megi enda á blóðbaðið á svæðinu.
Annan sagði enn fremur við
fréttamenn að tilmæli Arababanda-
lagsins um að öll arabaríki skeri á
stjórnmálatengsl við Ísrael „myndi
ekki gera auðveldara um vik að
koma á samkomulagi.“
Aftur á móti sagði Annan það hug-
hreystandi að Hosni Mubarak
Egyptalandsforseti hefði gefið í skyn
að hann myndi halda áfram að láta til
sín taka í friðarumleitunum. Kvaðst
Annan enn fremur vona að Abdullah
Jórdaníukonungur myndi einnig
taka áfram þátt í að reyna að koma á
friði. „Við þurfum á að halda þátt-
töku Mubaraks,“ sagði Annan.
Utanríkisráðherra Bandaríkjanna lýsir stuðningi við tillögur Mitchells
Orð Powells talin til marks um
breytta stefnu stjórnar Bush
APColin Powell ræðir við fréttamenn í Washington í gær.
Washington, Sameinuðu þjóðunum. AP, Reuters.
FORSETI Taívans, Chen
Shui-bian, lagði í gær af stað í
heimsókn til New York, þrátt
fyrir hörð mótmæli Kínverja,
sem álíta Taívan hluta af Kína
og leggjast gegn því að er-
lendar þjóðir taki á móti taív-
önskum stjórnmálamönnum.
Leiðtogi Taívans hefur
aldrei fyrr heimsótt New
York. Chen Shui-bian fékk á
síðasta ári leyfi til að stoppa
stutt við í Los Angeles á leið
annað, en hafðist þá að mestu
við á hótelherbergi sínu. Nú
mun Chen hins vegar dvelja í
tvo daga í New York og hafa
svigrúm til að ferðast um
borgina og hitta fólk að máli.
Forsetinn mun meðal annars
eiga fundi með 20 bandarísk-
um þingmönnum og Rudolph
Giuliani, borgarstjóra í New
York, auk þess sem áformað
er að hann heimsæki listasöfn
og fjármálahverfið Wall
Street.
Á miðvikudag heldur Chen
svo áleiðis í tíu daga ferð um
fimm Mið-Ameríkuríki.
Það er stefnubreyting af
hálfu Bandaríkjastjórnar að
leyfa heimsókn forseta Taív-
ans til New York og búist er
við að málið verði til þess að
auka enn á spennu í samskipt-
um Bandaríkjanna og Kína.
Forseti
Taívans
í New
York
LOUIS Freeh, yfirmaður banda-
rísku alríkislögregunnar FBI, skor-
aði í gær á ríki Mið- og Austur-
Evrópu að taka höndum saman til
að stemma stigu við smygli á fólki
til Vesturlanda og lýsti því sem
„mansali nútímans“.
Freeh sagði á fundi með innan-
ríkisráðherrum tólf landa í Mið- og
Austur-Evrópu í Búkarest að ekk-
ert eitt ríki gæti barist gegn þessu
böli upp á eigin spýtur. Hann sagði
að ríkin í þessum heimshluta þyrftu
að taka höndum saman til að safna
upplýsingum og grípa til aðgerða
gegn smygli á fólki milli landa,
ólöglegum innflutningi fólks,
hermdarverkum, skipulagðri
glæpastarfsemi og eiturlyfjasmygli.
Freeh sagði að um milljón
kvenna og barna væri smyglað milli
landa á ári hverju, þar af um 45–
50.000 til Bandaríkjanna einna.
„Þetta er mansal nútímans – konur
og börn eru svipt frelsinu og reisn
sinni, hneppt í þrældóm og knúin til
vændis, barin og svívirt,“ sagði
hann.
Freeh tilkynnti nýlega að hann
hygðist láta af embætti sem yfir-
maður FBI í næsta mánuði. Emb-
ættismenn frá Interpol og Europol
sátu einnig fundinn í Búkarest.
Ríki Mið- og Austur-Evrópu taki höndum saman
Yfirmaður FBI hvetur til
aðgerða gegn „mansali“
Búkarest. AFP.
Teg. 4022
Stærðir: 23-36
Litir: Bordo/grátt,
Kaki/grátt,
Blátt/grátt
Verð 4.495
Teg. 3925
Stærðir: 28-40
Litir: Grátt/blátt,
Kakí/grátt
Verð 4.495
Teg. 4028
Stærðir: 23-30
Litir: Rauðir og bláir
Verð 3.995
Teg. 3957
Stærðir: 28-35
Litir: Bleikir, ljósbláir
Verð 4.495
Teg. 4019
Stærðir: 23-30
Litir: Kakí og bláir
Verð 4.495
Teg. 3983
Stærðir: 23-30
Litir: Bláir, rauðir
Verð 4.495
Teg. 4020
Stærðir: 28-35
Litir: Rautt/beige,
blátt og beige
Verð 4.995
Kringlunni
sími 568 9212
Domus
sími 551 8519
Glerártorgi, Akureyri
sími 461 5900