Morgunblaðið - 22.05.2001, Blaðsíða 18
SUÐURNES
18 ÞRIÐJUDAGUR 22. MAÍ 2001 MORGUNBLAÐIÐ
VERIÐ er að koma upp landamæra-
stöð við Njarðvíkurhöfn. Átt er við
aðstöðu til að starfsmenn Fiskistofu
geti skoðað innfluttan fisk af erlend-
um skipum sem verið hafa á veiðum
utan Evrópska efnahagssvæðisins.
Við aðild Íslendinga að Schengen-
samstarfi Evrópusambandsríkja
hafa orðið breytingar á skipulagi
eftirlits með innfluttu hráefni. Pétur
Jóhannsson, hafnarstjóri Hafna-
samlags Suðurnesja, segir að allur
fiskur af erlendum skipum sem ver-
ið hafa að veiðum utan svæðisins
þurfi að fara í gegnum skoðunarstöð
hér á landi. Vandræði hafi skapast á
Suðurnesjum. Þannig hafi skip Atl-
antsskipa ekki getað landað þar
rækju frá Nýfundnalandi og þurft
að landa henni sérstaklega í Reykja-
vík eða Hafnarfirði. Hann segir að
höfnin geti tapað viðskiptum vegna
þessa.
Hafnasamlagið hafði frumkvæði
að því að Haukur Guðmundsson,
sem rekur og leigir út frysti- og
kæligeymslur í húsnæði Sjöstjörn-
unnar við Njarðvíkurhöfn, lagfærði
aðstöðuna hjá sér til þess að hún
fengi viðurkenningu sem landa-
mærastöð.
Haukur er að láta malbika plön,
lagfæra frystiklefa og koma upp að-
stöðu fyrir skoðunarmenn Fiski-
stofu. Stefnt er að því að aðstaðan
verði tilbúin um mánaðamótin því
von er á skoðunarmönnum frá Evr-
ópusambandinu í byrjun júní en þeir
hafa verið beðnir um að taka breyt-
ingarnar út.
Framkvæmdin kostar yfir 20
milljónir kr., að sögn Hauks. Hann
vonast til að geta fengið aukin við-
skipti þegar aðstaðan verður tilbúin.
Segist geta tekið á móti heilum
skipsförmum af rækju eða Rússa-
þorski. Reiknað er með að Fiski-
stofa taki á leigu vinnuaðstöðu fyrir
eftirlitsmenn sína.
Landamærastöð kom-
ið upp við frystihúsið
Ytri-Njarðvík
VERIÐ er að setja upp leiksvæði
fyrir börn við íþróttamiðstöðina í
Vogum. Verður svæðið opið börn-
um á öllum aldri, að sögn Jóhönnu
Reynisdóttur, sveitarstjóra. Leik-
svæðið er varið fyrir norðanáttinni,
hellulagt og afmarkað með tréstólp-
um. Þar verða sett upp ýmis leik-
tæki. Íslenskir aðalverktakar ann-
ast framkvæmdina en starfsmenn
Nesprýði sem er undirverktaki
vinna hluta verksins og voru þeir
þar að störfum á dögunum.
Morgunblaðið/Helgi Bjarnason
Útbúa opið leiksvæði
Vogar
HREPPSNEFND Gerðahrepps
ákvað á fundi sínum í gær að taka til-
boði lægstbjóðanda í stækkun grunn-
skólans í Garði. Tilboðið er 9 millj-
ónum undir kostnaðaráætlun.
Tilboð voru opnuð í framkvæmd-
irnar í gær. Kostnaðaráætlun hljóðaði
upp á 74,7 milljónir kr. Tvö tilboð
voru undir áætluninni, lægra boðið
var frá Húsagerðinni í Reykjanesbæ,
tæpar 65,5 milljónir kr., hitt var frá
Hjalta Guðmundssyni í Reykja-
nesbæ, 66,4 milljónir. Hæsta tilboðið
var frá Byggingaráðgjafanum í
Reykjavík, 79,5 milljónir kr. Að lok-
inni yfirferð verkfræðinga ákvað
hreppsnefnd að taka lægsta tilboðinu.
Verkið felst í að byggja fjórar
skólastofur sem eiga að vera tilbúnar
í júlí á næsta ári. Einnig á að steypa
upp samkomusal við skólann.
Húsagerðin
byggir við
grunnskóla
Garður
UM 120 manns tóku þátt í póst-
göngunni að þessu sinni, en gengið
var frá Gunnuhver við Reykjanes-
vita til Grindavíkur, en það er um
15 km leið. Helga Ingimundardóttir
leiðsögumaður var með í för og
fræddi göngumenn um svæðið, jarð-
fræðina og söguna.
Gangan hefur verið árviss við-
burður frá árinu 1999 á vegum Ís-
landspósts, þó með áratugahefð að
baki, og eru gamlar póstleiðir í ná-
grenni Reykjavíkur gjarnan valdar
enda hugmyndin sú að þátttakend-
ur fái tilfinningu fyrir því hvað póst-
burðarmenn þurftu að leggja á sig á
árum áður. Íslandspóstur bauð
þreyttum og svöngum göngugörp-
unum síðan upp á veitingar á Sjáv-
arperlunni, nýja veitingahúsinu í
Grindavík, að göngu lokinni.
Fengu póststimpil
hjá forsetanum
Bára Sigurjónsdóttir hefur verið
með í göngunni á hverju ári frá
árinu 1991, fyrir utan tvær sem hún
missti af. Hún hefur safnað kortum
sem eru gefin út sérstaklega fyrir
göngumenn hvers árs og haldið
dagbók yfir göngurnar. „Ég svona
skrifaði hjá mér vegalengdir og veð-
urlýsingar. Við fengum eitt árið
stimpil hjá Ólafi Ragnari, forseta
Íslands á Bessastöðum, ég held að
það hafi verið 1999, þegar stóra
gangan var á vegum Íslandspósts,“
sagði Bára.
Þorsteinn Ólafsson, safnstjóri í
Póstminjasafninu, sá um að skipu-
leggja ferðina að þessu sinni. „Hefð-
in er sú að starfsmannastjóri sér
um skipulagninguna. Allir eru vel-
komnir, ekki aðeins starfsmenn Ís-
landspósts, og fá allir gjafir í tilefni
göngunnar. Í ár var það regnhlíf,“
sagði Þorsteinn.
Morgunblaðið/Garðar Páll Vignisson
Mikill skriður var á fólkinu í póstgöngunni sem farin var frá Gunnuhver á Reykjanesi til Grindavíkur.
Fengu regn-
hlíf að gjöf
Grindavík
Póstgangan frá Reykjanesi
FJÓRTÁN danskir unglingar hafa
undanfarna daga verið í heimsókn
á Suðurnesjum ásamt tveimur
kennurum. Þeir voru þrjá daga í
Grunnskóla Sandgerðis og aðra
þrjá í Reykjanesbæ en halda heim-
leiðis í dag.
Unglingarnir eru frá bænum
Humlebæk sem er norðan við
Kaupmannahöfn og heitir skólinn
þeirra Humlebæk lille skole. Skól-
inn er lítill á danska vísu, með 150
nemendur frá 6 til 15 ára aldri.
Krakkarnir gista hjá jafnöldrum
sínum í Sandgerði en nemendurnir
í Grunnskóla Sandgerðis hafa safn-
að í vetur fyrir ferð sem þau fara til
Danmerkur í lok mánaðarins.
Dönsku nemendurnir hafa farið í
heimsóknir á ýmsa staði í Sand-
gerði og kynnst íslenskum ungling-
um og áhugamálum þeirra.
Morgunblaðið/Reynir Sveinsson
Danskir og íslenskir unglingar skemmtu sér vel í æskulýðsmiðstöðinni
Skýjaborg í Sandgerði við dúndrandi rokktónlist.
Danskir unglingar
í heimsókn
Sandgerði
SJÖ ára gamall drengur slas-
aðist nokkuð þegar hann hrap-
aði í Berginu við smábátahöfn-
ina í Keflavík á laugardags-
kvöld. Talið er að hann hafi
fallið 4–5 metra niður í stór-
grýtta fjöru.
Þrír drengir voru að leika sér
á Berginu um kvöldmatarleytið
á laugardag þegar einn þeirra
féll fram af. Lögreglan fékk til-
kynningu um slysið klukkan
tuttugu mínútur yfir sjö um
kvöldið.
Drengurinn fékk skurð á
höfði og áverka á baki og var
fluttur á sjúkrahús. Hann var
þar enn í rannsókn í gærmorg-
un. Talið er að hann sé óbrot-
inn.
Drengur
féll 4–5
metra
Keflavík