Morgunblaðið - 22.05.2001, Blaðsíða 23

ÚR VERINU
MORGUNBLAÐIÐ ÞRIÐJUDAGUR 22. MAÍ 2001 23
Daily til afgreiðslu strax
Einn með öllu á gamla genginu
Verð aðeins kr. 3.700.000
S M I Ð S B Ú Ð 2 - G A R Ð A B Æ - S Í M I 5 4 0 0 8 0 0
______________________________
B Í L A R F Y R I R A L L A
20
ára
Daily City Truck 2000
Loftfjöðrun að aftan.
Skjár til að sjá aftur og inní kassann.
Fjarstýrðar samlæsingar og rafdrifnar rúður
Vindskeið á topp, samlit.
Samlitur kassi frá CityBox. L=4100 H=1970 B=2110
Sautján rúmmetrar, burður tvö tonn.
Þrjár hurðir í annari hlið og ein í hinni.
Foco vörulyfta 1000 kg.
ABS hemlar, öryggisloftpúði, 100 % driflás og margt fleira.
án VSK
FISKAFLI landsmanna síðastliðinn
aprílmánuð var alls 26.501 tonn en
fiskaflinn í aprílmánuði árið 2000 var
til samanburðar 72.396 tonn. Sam-
drátturinn nemur 45.895 tonnum og
skýrist hann af lítilli sjósókn vegna
verkfalls sjómanna. Smábátar með
aflamark rúmlega tvöfölduðu afla
sinn frá því í apríl 2000, lönduðu alls
4.865 tonnum samanborið við 2.242
tonn í aprílmánuði árið 2000. Afli
krókabáta er svipaður milli ára en
afli togara og skipa með aflamark er
mun minni en árið áður.
Botnfiskaflinn síðastliðinn apríl-
mánuð var 22.774 tonn en var 57.704
tonn í apríl 2000, skel- og krabba-
dýraaflinn fer úr 2.840 tonnum í apríl
2000 í 749 tonn síðastliðinn apríl-
mánuð.
Heildaraflinn það sem af er árinu
er 946.007 tonn sem er 52.747 tonn-
um minna en veiðst hafði á sama
tíma í fyrra. Mikill samdráttur í veiði
á botnfiskafla og kolmunna í apríl
skýrir þennan mismun en helgast af
ríflega 6 vikna verkfalli sjómanna,
eins og áður segir.
Fiskaflinn í apríl
Mun minni
vegna verkfalls

 



  






    !" 

 





  
#$%
# 
#!&!
#$%
#

 '(
&!

)
*+ ,)
*- 
  




 



 
  „MÉR líst ekkert á þessa kvótasetn-
ingu smábáta, því ég stend í skítnum
í þessu dauðadæmda kerfi, 40 dögum
og 30 tonna þorskþaki og fer svo í
kvóta 1. september og fæ 15 tonn
miðað við óbreyttan afla frá því í
fyrra,“ segir Marteinn Karlsson,
trillukarl í Ólafsvík, en hann komst
ekki á sjó í gær vegna veðurs.
Þetta er þriðja sumarið sem Mar-
teinn rær í 40 daga kerfinu og hann
segist hafa farið skelfilega út úr öllu
kerfinu. „Búið er að hirða af mér á
þriðja hundrað tonn af kvóta á þrem-
ur bátum,“ segir hann.
Að sögn Marteins byrjaði hann
með Sómabát 1986. „Þá voru smá-
bátaveiðarnar frjálsar. Tveimur ár-
um síðar lét ég smíða 10 tonna
Gáskabát til að róa á línu á veturna
og gerði það í tvö ár. Þá lét ég narra
bátinn út úr mér og þremur mán-
uðum eftir að ég seldi hann var hann
kvótasettur. Ég seldi bátinn á gang-
verði og kaupandinn fékk 80 tonn af
kvóta fyrir ekki neitt. Sá sem keypti
fyrrnefndan Sómabát fékk 50 tonna
kvóta. Þegar ég seldi Gáskabátinn
keypti ég aftur sex tonna Sómabát
og fiskaði mikið í handfærin en svo
komu kerfisbreytingar. Fyrst daga-
kerfið, þar sem mátti veiða í ákveðið
marga daga á ári en ekkert þak á
veiðinni. Svo kom þriggja ára
reynslutími til að ávinna sér kvóta en
meðan þau voru að líða var þetta tek-
ið út og búið til dagakerfi þar sem
línu- og handfærabátar voru settir í
sama pottinn. Þar með vorum við
verr settir sem vorum á handfærum.
Því fór ég út í það að láta smíða nýj-
an sex tonna línubát, fékk mér beitn-
ingaaðstöðu og fleira. Heildarkostn-
aðurinn var um 20 milljónir, en ég
seldi hinn bátinn fyrir sex milljónir í
sóknardagakerfinu. Sex mánuðum
síðar var reynslutíminn settur inn
aftur og þar með var ég búinn að
tapa honum og stend nú eftir í skítn-
um í þessu dauðadæmda kerfi.“
Marteinn á nú Magnús Árnason
SH, fjögurra tonna línubát, og segir
að áður en kvótasetningunni hafi
verið frestað í fyrra, hafi hann fengið
úthlutað 17 tonnum af þorski, en síð-
an hafi komið 12% skerðing. Verði
frekari skerðing megi hann búast við
að fá ekki að veiða nema 10 til 15
tonn af þorski og ekkert annað, en
undanfarin tvö ár hafi hann veitt 16
til 20 tonn af ufsa, sem hafi verið
frjálst, fyrir utan 30 tonnin af þorski.
„Það eina sem ég get tekið á hand-
færin er ufsi og nú fæ ég að veiða 400
kíló af ufsa,“ segir Marteinn. „Þetta
er ekki glæsilegt, en það eru margir
hér í sama kerfi sem eru miklu verr
settir en þetta, fá fimm eða sex tonn í
kvóta.“
„Stend í skítnum í þessu
dauðadæmda kerfi“
Marteinn Karlsson við smábátahöfnina í Ólafsvík í gær.
Morgunblaðið/Ásdís