Morgunblaðið - 22.05.2001, Blaðsíða 37

UMRÆÐAN
MORGUNBLAÐIÐ ÞRIÐJUDAGUR 22. MAÍ 2001 37
HREPPSNEFND
Bessastaðahrepps bauð
sveitarstjórnarmönn-
um á höfuðborgarsvæð-
inu, ásamt fulltrúum frá
Vatnsleysustrandar-
hreppi, til fundar um
sameiningarmál sveit-
arfélaga fyrir um einu
ári síðan. Í framhaldi
þess fundar voru haldn-
ir fundir með fulltrúum
frá Kópavogi, Garðabæ,
Hafnarfirði og Bessa-
staðahreppi um sam-
einingarmál. Ekki
reyndist áhugi á við-
ræðum um víðtæka
sameiningu. Hafnfirð-
ingar hafa lýst áhuga sínum á við-
ræðum um sameiningu Hafnarfjarð-
ar, Garðabæjar og Bessastaða-
hrepps. Hugur bæjaryfirvalda í
Garðbæ hneigist til sameiningar
Garðabæjar og Bessastaðahrepps.
Nú á síðustu vikum hafa fulltrúar
Garðabæjar og Bessastaðahrepps
fundað og tekið saman staðreyndir
um fjármál, skipulagsmál og fleira.
Staða í dag
Bæjarstjórn Garðabæjar sam-
þykkti í fyrravor að óska eftir form-
legum viðræðum við hreppsnefnd
Bessastaðahrepps um sameiningu
þessara sveitarfélaga. Hreppsnefnd
Bessastaðahrepps hefur ekki tekið
afstöðu til þess erindis en samþykkti
á síðasta fundi sínum að efna til
könnunar og leita afstöðu íbúa til
þess hvort fara eigi í formlegar sam-
einingarviðræður við Garðbæinga.
Sem þá gæti leitt til þess að kosið
yrði um þann valkost í formlegum
kosningum.
„Mega“ íbúar tjá sig?
Vonir fulltrúa Sjálfstæðisfélagsins
í hreppsnefnd Bessastaðahrepps um
að almenn könnun meðal íbúa yrði
samþykkt samhljóða urðu að engu.
Með miklu fjaðrafoki, málæði og
órökstuddum fullyrðingum settu
fulltrúar Á- og H-lista sig upp á móti
tillögunni. Tillagan var samþykkt
með fjórum atkvæðum fulltrúa Sjálf-
stæðisfélagsins gegn þremur at-
kvæðum fulltrúa Á- og H-lista. Einn-
ig var samþykkt að halda kynn-
ingarfund um málið gegn atkvæðum
þessara tveggja framboða.
Fulltrúar sem kenna sig við lýð-
ræði og grasrót fóru mikinn í afstöðu
sinni gegn tillögunni um skoðana-
könnun. Meira að segja þeir sem
tóku þátt í umræddum viðræðum
sveitarfélaganna. Jafnvel þrátt fyrir
að vera minnt á að hafa á síðasta
kjörtímabili undirritað samstarfs-
samning þar sem því var lýst yfir „að
farið yrði að vilja íbúa“ í þessum efn-
um.
Með afstöðu sinni vilja hrepps-
nefndarfulltrúar Á- og H-lista koma í
veg fyrir að íbúar Bessastaðahrepps
fái tækifæri til þess að segja sitt álit á
hugsanlegri samein-
ingu við nágrannasveit-
arfélag.
Kynningarfundur –
könnun meðal íbúa
Nú upp úr næstu
mánaðamótum munu
íbúar í Bessastaða-
hreppi verða spurðir út
í afstöðu sína til máls-
ins. En áður en að því
kemur verður kynning-
arefni borið út til kjós-
enda og haldinn verður
borgarafundur þar sem
könnunin verður
kynnt. Í svo stóru máli,
sem sameining sveitar-
félaga er, hlýtur að vera eðlilegt að
standa svona að verki. Sameining
sveitarfélaga er stórmál og ætti að
vera hafin yfir pólitískt dægurþras.
En viska þriggja fulltrúa í hrepps-
nefnd Bessastaðahrepps (Á- og H-
lista) er svo mikil að þeirra vilji er að
7 manna hreppsnefnd taki af skarið
um sameiningu eða ekki. Þau vilja
hunsa eðlilegan og lýðræðislegan
rétt íbúa til þess að tjá sig um þetta
stóra mál. En hvað þá með hina tæp-
lega þúsund kjósendurna?
Niðurstaða könnunar
Ég vona að íbúar í Bessastaða-
hreppi fái frið til þess að taka þátt í
væntanlegri skoðanakönnun. Niður-
staða könnunarinnar mun liggja fyr-
ir á næsta fundi hreppsnefndar í júní
og mun þá verða leiðbeinandi um
framhaldið fyrir fulltrúa í hrepps-
nefnd.
Kjörnir fulltrúar í hreppsnefnd
hljóta að skoða þá möguleika sem
upp koma þegar leitað er leiða til að
bæta hag íbúa sinna. Hvort samein-
ing sé lausnarorðið eða ekki, hlýtur
þó að vera ljóst að sá möguleiki gæti
orðið valkostur fyrir íbúa Bessa-
staðahrepps að kjósa um. Hvað
finnst þér? Eigum við ekki að skoða
með sjálfum okkur mögulega kosti
og galla, kjósandi góður?
Og taka síðan afstöðu!
Könnun meðal
íbúa í Bessa-
staðahreppi
Guðmundur
G. Gunnarsson
Höfundur er oddviti hreppsnefndar
Bessastaðahrepps.
Sameining
Ég vona, segir
Guðmundur G.
Gunnarsson, að íbúar í
Bessastaðahreppi fái
frið til þess að taka þátt
í væntanlegri
skoðanakönnun.
UM daginn skoðaði
ég nýja íbúðarhverfið í
Garðabæ sem nefnt er
Ásahverfi. Gaman þótti
mér að sjá hve vel upp-
byggingu þess miðar
og ljóst er að ekki verð-
ur þess langt að bíða að
hverfið verði fullbyggt
og garðar komnir í
blóma.
Á leiðinni til baka fór
ég með ströndinni inn
Arnarnesvoginn að
svæðinu þar sem skipa-
smíðastöðin Stálvík var
með athafnasvæði sitt.
Þvílík sjón! Gamlar
hrörlegar byggingar í
niðurníðslu, alls konar járnarusl á
víð og dreif, varnargarður út í vog-
inn, skiparenna og gömul uppfyllt
bryggja. Það fyrsta sem mér datt í
hug var: Garðabær bær í blóma,
burt með þennan ó-sóma. Já, það er
ekki að undra að verktakafyrirtæki
sem Bygg og Björgun skyldu fá þá
snjöllu hugmynd að reisa bryggju-
hverfi á þessum umtalaða stað.
Það yrði Garðabæ til mikils sóma.
Fjölmargar ástæður eru fyrir því að
reisa slíkt íbúðarhverfi við voginn og
á hæfilega stórri landfyllingu. Meðal
annars þessar:
 Núverandi ástand Stálvíkursvæð-
isins er bænum til vansa og svæð-
ið þarf að nýta á skynsamlegan
hátt.
 Samkvæmt aðalskipulagi Garða-
bæjar er gert ráð fyrir íbúðar-
byggð við Arnarnesvog.
 Bryggjuhverfið tengir Ásahverfið
og Grundahverfið.
 Nýtt íbúðarhverfi
sem fellur að iðnað-
arhverfinu sem fyrir
er.
 Nýr skóli verður
reistur við voginn og
þjónar þeim hverfum
sem eru vestan við
Hafnarfjarðarveg.
 Leikskóli verður í
bryggjuhverfinu.
 Íbúðir í bryggju-
hverfinu verða flest-
ar 3–4 herbergja, en
slíkar íbúðir vantar
tilfinnanlega í
Garðabæ.
 Eldri borgarar hafa
ályktað að bryggjuhverfið sé góð-
ur kostur.
 Ungt fólk í Garðabæ og annars
staðar af landinu sér þarna gullið
tækifæri.
Höfundur bryggjuhverfisins er
arkitektinn Björn Ólafs. Á skipu-
lagsuppdráttum sem hann hefur
gert koma fram þrjár tillögur um
mismikla landfyllingu. Á kynningar-
skilti á Garðatorgi sem Bygg og
Björgun létu gera sést hvernig þess-
ar landfyllingar koma út. Mat mitt
er að tillaga númer þrjú með
minnstu landfyllinguna falli vel að
heildarmyndinni og umhverfinu, en
hún er nær eingöngu þar sem nátt-
úrunni hefur þegar verið spillt,
þ.e.a.s. núverandi bryggja og varn-
argarður eru, og ætti því ekki að
raska meiru en þegar er orðið.
Bygg og Björgun, sem eru öflugir
verktakar með mikla reynslu, sjá um
verkframkvæmd frá A til Ö. Því má
álykta að bryggjuhverfið, sem verð-
ur um 780 íbúða hverfi, verði hag-
kvæm framkvæmd og íbúðir verði
boðnar á sanngjörnu verði. Verktak-
arnir hafa lagt metnað sinn í að
kynna þessa framkvæmd á faglegan
hátt fyrir Garðbæingum og þeim er
málið varðar. Skýrsla um umhverf-
ismat var unnin af Verkfræðistof-
unni Hönnun og hefur Skipulags-
stofnun ríkisins óskað eftir umsögn
um hana. Málið er nú til skoðunar
hjá umhverfis- og skipulagsnefndum
Garðabæjar og bæjarstjórn.
Ég efast ekki um að ráðamenn
Garðabæjar taki jákvæða afstöðu til
málsins og að bryggjuhverfið við
Arnarnesvog muni rísa. Þannig megi
framtíðaríbúar hverfisins sjá sólina
hverfa við sjóndeildarhringinn að
kvöldi dags, þegar værð færist yfir
íbúa við voginn, bæði menn og fugla.
Bryggjuhverfi í Garðabæ
Tómas
Kaaber
Skipulagsmál
Ég efast ekki um að
ráðamenn Garðabæjar
taki jákvæða afstöðu til
málsins, segir Tómas
Kaaber, og að bryggju-
hverfið við Arnarnesvog
muni rísa.
Höfundur er rafiðnfræðingur
búsettur nálægt Arnarnesvogi.
ÞEGAR dró að síð-
ustu jólum kom út
„Hundabókin okkar“,
frá bókaútgáfunni
Muninn.
Þetta var ekki dæmi-
gerð jólabók, heldur
var og er handbók um
þær hundategundir
sem til eru hér á landi.
Ég hafði grúskað í
þessu efni um nokk-
urra mánaða skeið sem
ritstjóri bókarinnar og
efnishöfundur. Mér
fannst það merkilegast
að hér töldust vera 74
viðurkenndar hunda-
tegundir sem hægt var
að gera grein fyrir í máli og mynd-
um. Íslenski fjárhundurinn er þar á
meðal.
Tilgangur þessarar bókar var og
er að miðla fróðleik um nákvæmlega
þetta meginefni hennar, rækilega
kynnt í bak og fyrir og í efnisinn-
gangi. En auk þess eru í bókinni
ágrip af hundasögunni almennt, sem
teygir sig milljónatugi ára aftur í
tímann, og af sögu hundanna hér á
landi allt frá landnámi þar sem fátt
er þó um heimildir. Einnig grunn-
upplýsingar um hundahald, upplýs-
ingar um ræktunarsamtök, einnig
um lög varðandi hundahald og
ábendingar um reglur sveitarfélag-
anna, auk heimildaskrár.
Þetta er fyrsta handbókin um
meginefnið, hundategundir á Ís-
landi, sem út hefur komið. Með hana
í höndunum geta þeir sem íhuga
hundahald, vanir sem óvanir, kynnt
sér hvaða viðurkenndar hundateg-
undir eru til á landinu, mismunandi
að notum, útliti, eðli og umhirðu.
„Hundabókin okkar“ hefur það fram
yfir erlendar bækur um hundateg-
undir að hún er einskorðuð við þær
tegundir sem hér eru til og raunhæft
er að skoða sem tegundir til þess að
velja úr. En ekki verður hlaupið að
innflutningi nýrra tegunda eða
hunda yfirleitt, vegna mikillar fyr-
irhafnar og kostnaðar.
Það er á hinn bóginn
jafn ljóst að leita má ít-
arlegri upplýsinga um
þessar 74 hundateg-
undir víða í erlendum
bókum og á Netinu.
Eini grunnurinn að
slíkri leit er tegunda-
skráin í „Hundabókinni
okkar“.
Umsögn
jólasveinsins
Mér sem ritstjóra
bókarinnar var og er
annt um þetta afkvæmi
eins og öll önnur. Það
kom þess vegna flatt
upp á mig, þegar um-
sjónarmaður bókaumsagna í Morg-
unblaðinu hristi af sér umsögn um
„Hundabókina okkar“ 21. desember
sl., og fann bókinni flest til foráttu.
Þessi jólasveinn var í svo arfavit-
lausu skapi að hann taldi bókina nán-
ast engu bæta við um hundahald á
Íslandi! Þótt þetta sé fyrsta bókin
um viðurkenndar hundategundir á
landinu!
Ég reyndi eftir á að leiða hann af
villu síns vegar án þess að nokkru
yrði um þokað. Ritstjóri Morgun-
blaðsins vildi ekki taka ábyrgð á
háttalagi þessa starfsmanns síns,
enda hefði hann skrifað umsögnina
undir eigin nafni! Einu gilti þótt
hann væri jafnframt umsjónarmaður
bókaumsagna blaðsins. Og þar við
sat. Mér var vissulega gefinn kostur
á að andmæla þessum héraðsdómi
með greinarstúf eins og þessum. En
af langri reynslu minni í fjölmiðlun,
þótti mér það þunnur þrettándi.
Háskaleikur
Eftir að þessi fáránlega og óaft-
urkræfa umsögn um „Hundabókina
okkar“ birtist í Morgunblaðinu hóf-
ust, óháð henni, margra vikna vanga-
veltur í blaðinu um menningargagn-
rýni í blaðinu, og þær margvíslegu
og veigamiklu skorður sem hún
verður að sæta, eigi hún að vera
marktæk. Gagnrýni er alltaf háska-
leikur, sem getur valdið óverjandi
skaða. Og þar sem gagnrýnin er
huglægt mat er lengi hægt að bulla
út og suður án þess að gagnrýnand-
inn missi andlitið.
Gagnrýnandi í Morgunblaðinu
hefur stöðu eins konar héraðsdóm-
ara af því að blaðið hefur sett hann í
hlutverk sem er merkt með sérstök-
um efnistitlum í blaðinu, á skýrt af-
mörkuðum síðum þess. Þetta er ein
sérstaða Morgunblaðsins meðal ís-
lenskra fjölmiðla, og greinilega
vandasamt hlutverk eins og marka
má af kveðjugrein Matthíasar Jo-
hannessen ritstjóra, Reykjavíkur-
bréfi um síðustu áramót og fleiri
vangaveltum ritstjórnar blaðsins um
þetta viðfangsefni, menningargagn-
rýni.
Héraðsdómur Morgunblaðsins er
oftast skipaður einum dómara í
hverju máli. Álit hans er nánast end-
anlegt af hálfu blaðsins, sem ber þó
enga ábyrgð á honum, af því að hann
skrifar undir nafni. Það fer ekki á
milli mála að ritstjórn Morgunblaðs-
ins hefur ekki áhyggjur af menning-
argagnrýni í blaðinu út af eintómum
smámunum. Ábyrgðin er raunveru-
leg. En án raunverulegs ábyrgðar-
manns. Á þessu þarf augljóslega að
taka af meiri alvöru en gengur í leik-
húsi jólasveinanna.
„Hundabókin okkar“
Þessi bók er óumdeilanlega mikil
viðbót í íslenskum hundafræðum,
sem handbók um 74 hundategundir á
landinu. Sú eina sinnar tegundar.
Smekkur ræður hins vegar mati á
því hversu vel tókst til um efnistök
og frágang. Þessi bók á erindi við
alla fróðleiksþyrsta hundavini á Ís-
landi með sínum kostum og göllum.
Hundabók og
um hundabók
Herbert
Guðmundsson
Gagnrýni
Þessi bók, segir
Herbert Guðmundsson,
er óumdeilanlega mikil
viðbót í íslenskum
hundafræðum.
Höfundur er ritstjóri og eigandi
NESTORS – markaðshugmynda &
markaðsþjónustu.
M O N S O O N
M A K E U P
litir sem lífga