Morgunblaðið - 22.05.2001, Blaðsíða 19
LANDIÐ
MORGUNBLAÐIÐ ÞRIÐJUDAGUR 22. MAÍ 2001 19
HÚSASMIÐJAN hefur opnað nýja
verslun á Egilsstöðum. Þetta er 15.
verslun fyrirtækisins og í henni munu
til að byrja með starfa 4–5 starfs-
menn. Það virðist ætla að verða tölu-
verð samkeppni á byggingarvöru-
markaði á Héraði, því fyrir er
byggingavöruverslun Kaupfélags
Héraðsbúa, sem nýverið hóf samstarf
við BYKO. Þriðja verslunin er hjá
Trésmiðju Fljótsdalshéraðs í Fella-
bæ.
Í samtali við Ólaf Þór Júlíusson,
markaðsstjóra Húsasmiðjunnar,
sagði hann verslunina vera um 600 m2
að stærð. Hún er í leiguhúsnæði og
var húsið, sem stendur við Miðás,
hannað samkvæmt óskum fyrirtæk-
isins. Þar verður einnig til húsa Hrað-
hreinsun Austurlands, sem flytur sig
um set frá Miðvangi. Ólafur segir að
mönnum lítist vel á markaðssvæðið
og er sannfærður um að það sé hags-
bót fyrir Austfirðinga að fá Húsa-
smiðjuna austur. „Við verðum með
sambærilega vöru og þjónustu á Eg-
ilsstöðum og annars staðar í verslun-
um okkar og það er regla að í öllum
verslununum er sama verðlag.“
Aðspurður um starfsmenn í nýju
versluninni segir hann að eingöngu
verði ráðið fólk af svæðinu. Þá sé það
skilyrði hjá Húsasmiðjunni að heima-
menn séu fengnir til að stýra búðun-
um. Verslunarstjóri á Egilsstöðum
verður Hafsteinn Jónasson trésmið-
ur.
Ekki er um formlega opnun að
ræða fyrr en eftir viku og segir Ólafur
að sá tími verði notaður til að slípa og
samkeyra nýju verslunina við sameig-
inlegt tölvukerfi Húsasmiðjubúðanna
um allt land.
Stefnir í harða samkeppni á byggingavörumarkaði eystra
Morgunblaðið/Steinunn Ásmundsdóttir
Húsasmiðjan opnar nýja verslun við Miðás á Egilsstöðum.
Húsasmiðj-
an opnuð
á Egils-
stöðum
Egilsstaðir
Á VORI hverju er haldið út í óvissuna
með sunnudagaskólabörn úr Breiða-
bólstaðarprestakalli í Rangárvalla-
prófastsdæmi. Ferðir þessar eru
ígildi nokkurs konar skólaslita og
enginn nema einn veit hvert haldið
verður.
Börnin bjóða foreldrum sínum með
sér í ferðina og stundum veitir ekki af
að hafa stuðning þeirra sem eru ver-
aldarvanari, sérstaklega þegar árin
eru fá og sentimetrarnir takmarkaðir.
Að þessu sinni var haldið í Þórs-
mörk þar sem var gengið, gamnað,
grillað og guðað. Eftir vel heppnaða
dvöl í Húsadal var haldið sem leið lá
að Seljalandslaug undir Eyjafjöllum,
ferðarykið skolað af og buslað í laug-
inni áður en haldið var heim.
Þegar heim að Stórólfshvolskirkju
á Hvolsvelli var komið voru allir
þægilega þreyttir og afar sáttir.
Lífsglaðir ferðalangar
Fljótshlíð
Morgunblaðið/Önundur Björnsson
Ferð sunnudagaskólans á Hvolsvelli.
UNGMENNASAMBAND Austur-Húnvetn-
inga (USAH) stóð fyrir samkeppni um gerð
heimasíðu fyrir USAH. Jón Albert Óskarsson á
Blönduósi varð hlutskarpastur að mati dóm-
nefndar og að sögn formanns USAH, Björgvins
Þórs Þórhallssonar, er fyrirhugað að semja við
sigurvegarann um frekari útfærslu heimasíð-
unnar.
Björgvin sagði að þær forsendur sem kepp-
endur hefðu þurft að leggja áherslu á við gerð
heimasíðunnnar væru: stjórn USAH, aðildar-
félög þess, saga, lög og fréttir. USAH boðaði til
fundar í Héraðsbókasafninu á Blönduósi þar
sem úrslit í samkeppninni voru kynnt. Jón Al-
bert hlaut fyrstu verðlaun eins og fyrr greinir,
Sólmundur Hrafn Raimundsson hlaut önnur
verðlaun og Sunnefa Þórarinsdóttir varð þriðja.
Ungmennasamband A-Húnvetninga
Samkeppni um heimasíðu
Blönduós
Morgunblaðið/Jón Sigurðsson
Verðlaunahafar í samkeppninni. Sólmundur Hrafn Rai-
mundsson, Jón Albert Óskarsson og Sunnefa Þórarinsdóttir.
MIKILL fjöldi ferðamanna
heimsótti Stykkishólm og ná-
grenni um síðustu helgi. Líktist
það helst góðum sumardegi.
Að sögn forráðamanna Sæ-
ferða fór skip þeirra fjórar ferðir
á laugardaginn og flutti yfir 300
farþega. Til Hildibrands í Bjarn-
arhöfn komu nokkur hundruð
ferðamenn um helgina. Á ferð-
inni voru hópar félagasamtaka
og skólaárgangar að halda upp á
útskriftarafmæli. Yfir 100 manna
hópur stúdenta frá MR 1976 kom
í dagsferð. Þá voru Lionsmenn
frá Patreksfirði og Njarðvík í
gistingu. Kór Strandamanna hélt
tónleika í Stykkishólmi á laug-
ardag.
Morgunblaðið/Gunnlaugur Árnason
Lionsmenn frá Patreksfirði heimsóttu félaga sína í Stykkishólmi
um helgina. Hér er verið að leggja af stað í Grandferð með Sæferð-
um. Var gestunum skilað á Brjánslæk að aflokinni veislu. Siglingin
yfir fjörðinn tók aðeins eina klukkustund og 28 mínútur, í stað þess
að Breiðafjarðarferjan Baldur er þrjá tíma að sigla þessa leið.
Fjöldi ferða-
manna í
Stykkishólmi
Stykkishólmur
BÖRNIN á leikskólanum Klettaborg
í Borgarnesi eru að læra að dansa.
Það er Ásrún Kristjánsdóttir, dans-
kennari á Akranesi, sem kemur einu
sinni í viku í fimm skipti, og kennir
börnunum sporin. Kennslunni er
skipt eftir deildum og á meðfylgj-
andi mynd má sjá krakkana á „Katt-
holti“ stíga dans í anda Sollu stirðu.
Danskennslan hefur tíðkast á vorin
um nokkurra ára skeið og sér For-
eldrafélag leikskólans alfarið um
kostnaðinn. Mikil og almenn ánægja
er hjá krökkunum með dansinn og
ljóst að hann er kærkomin viðbót
við leik og störf á leikskólanum.
Börnin læra dans í leikskólanum
Borgarnes
Morgunblaðið/Guðrún Vala Elísdóttir
Krakkar á deildinni „Kattholt“ á Klettaborg hafa gaman af dansinum.