Morgunblaðið - 22.05.2001, Blaðsíða 20

VIÐSKIPTI
20 ÞRIÐJUDAGUR 22. MAÍ 2001 MORGUNBLAÐIÐ
Í GÆR ákvað stjórn Tæknivals að
ganga til viðræðna við Aco um
sameiningu fyrirtækjanna. Í til-
kynningu frá Tæknivali segir að
með sameiningu þeirra yrði til
stærsta tölvu- og upplýsingatækni-
fyrirtæki á landinu með tækni-
lausnir og búnað frá Sony, Cisco,
Compaq, Fujitsu Siemens, Apple,
Microsoft, Panasonic og Thomson
auk fjölda annarra viðurkenndra
aðila.
„Með sameiningu yrði jafnframt
rennt sterkari stoðum undir rekst-
urinn þannig að fyrirtækin stand-
ist betur þær sveiflur sem ríkja í
íslensku starfsumhverfi.“
Sameiginleg velta sex
til sjö milljarðar
Ætla má að sameiginleg velta
Tæknivals og Aco sé á bilinu sex
til sjö milljarðar króna á ári. Opin
kerfi eiga 31% í Tæknival og 26%
hlut í Aco en bæði fyrirtækin voru
rekin með nokkru tapi á fyrsta
fjórðungi ársins sem skýrir að
hluta minnkandi hagnað hjá Opn-
um kerfum.
Árni Sigfússon, framkvæmda-
stjóri Tæknivals, segir að viðræð-
ur séu á frumstigi en eðlilegt og
skylt sé að greina frá að slíkar við-
ræður standi fyrir dyrum.
Bjarni Ákason, framkvæmda-
stjóri Aco, segir að Tæknival hafi
átt frumkvæðið að viðræðunum og
stjórnendur Aco ætli sér að skoða
málin og sjá hvað Tæknivalsmenn
hafi fram að færa.
Við birtingu ársuppgjörs Tækni-
vals um miðjan febrúar tilkynntu
stjórnendur félagsins að gert væri
ráð fyrir 11% veltuaukningu á
þessu ári og að hagnaður ársins
eftir skatta yrði yfir 120 milljónir
króna. Árni Sigfússon, fram-
kvæmdastjóri Tæknivals, gat þess
einnig að fyrirtækið myndi leggja
á borð áætlun um hagnað á hverj-
um ársfjórðungi á yfirstandandi
ári til þess að viðskiptalífið gæti
fylgst glöggt með. Ljóst er að veð-
ur hafa skipast skjótt í lofti í
rekstri Tæknivals: félagið var rek-
ið með 88,5 milljóna tapi á fyrsta
ársfjórðungi og rekstrartekjur
stóðu nánast í stað milli tímabila.
Þurfum að herða róðurinn
enn frekar
Aðspurður um afkomuna á
fyrsta ársfjórðungi segir Árni að
gengisbreytingar hafi haft veruleg
áhrif á afkomuna eins og hjá öðr-
um fyrirtækjum. Kostnaðarliðir
hafi verið þyngri á fyrirtækinu en
gert hafi verið ráð fyrir, bæði
vegna opnunar Office 1 verslana
sem samkvæmt áætlun áttu að
skila tekjum á fyrsta ársfjórðungi,
þ.e. tekjur hefðu átt að byrja að
koma inn í mars. Framkvæmdir
hafi hins vegar dregist þannig að
tekjurnar byrji ekki að koma inn
fyrr en á öðrum fjórðungi en allur
kostnaður hafi fallið til á fyrsta
fjórðungi og það sé úr takti við
áætlanir. Veltuauking hjá BT hafi
numið 10% en kostnaður vegna
fjölgunar verslana og aukningar á
verslunarrými hafi einfaldlega ver-
ið meiri en sem nemi veltuaukn-
ingunni.
Ljósu punktarnir í rekstrinum
séu í kjarnaþjónustu eða þjónustu
við stórnotendur, þar hafi afkoma
verið betri en áætlað var. Einnig
sé öll tækniþjónusta á áætlun.
Gengisbreytingar, tafir á opnun
Office 1 og kostnaðaraukning hjá
BT séu meginskýringarnar á frá-
viki frá áætlunum. „Þetta kom
þyngra niður en við gerðum ráð
fyrir og þetta liggur þungt á okk-
ur, fyrirtækið hefur ekki mikið þol
af þessu tagi og þess vegna þarf að
bregðast við og við höfum reyndar
þegar sagt að við myndum leita
leiða til þess að herða róðurinn og
auka hagræðinguna,“ sagði Árni.
Aðspurður segir Árni að samein-
ingarviðræður við Aco séu eðlilega
hluti af því að styrkja Tæknival í
erfiðara umhverfi.
Sameiningarviðræð-
ur Tæknivals og Aco
VINNSLUSTÖÐIN hf. hefur und-
irritað samning um kaup á öllum
hlutabréfum í Jóni Erlingssyni ehf. í
Sandgerði. Samningurinn er með
fyrirvara um samþykki stjórnar
Vinnslustöðvarinnar og hefur félag-
ið frest til 31. maí til að fullnusta
kaupsamninginn. Helstu eignir Jóns
Erlingssonar ehf. eru fiskvinnsluhús
í Sandgerði, vélbáturinn Æskan GK
222 auk aflaheimilda sem nema
1.750 þorskígildistonnum.
Sigurgeir Brynjar Kristgeirsson,
framkvæmdastjóri Vinnslustöðvar-
innar, segir að með þessum kaupum
sé Vinnslustöðin fyrst og fremst að
verða sér úti um auknar aflaheim-
ildir. Æskan sé lítið skip sem ekki sé
í útgerð og verði það væntanlega
ekki. Sigurgeir segir að miðað við
750 til 800.000 tonna úthlutun í
loðnu þá hafi Vinnslustöðin haft
10.700 tonna þorskígildiskvóta en
eftir þessi kaup aukist kvóti fyrir-
tækisins um liðlega 15% eða í um
12.450 þorskígildistonn. Fram-
leiðslugetan sé fyrir hendi hjá
Vinnslustöðinni og því þurfi ekki að
leggja í neinar fjárfestingar vegna
aukins kvóta. Samningurinn kveður
meðal annars á um heimild Vinnslu-
stöðvarinnar til að framselja hluta
hins keypta til þriðja aðila og segir
Sigurgeir að menn hafi einfaldlega
viljað hafa þennan fyrirvara inni í
samningnum, ekki séu neinar áætl-
anir um að selja þriðja aðila. Verði
kaup Vinnslustöðvarinnar á hluta-
bréfum í Jóni Erlingssyni ehf. stað-
fest er gert ráð fyrir að fiskvinnslu-
hús fyrirtækisins í Sandgerði verði
selt en Vinnslustöðin hf. haldi eftir
aflaheimildum, bátnum og veiðar-
færum.
Aflaheimildir
aukast um 15%
Vinnslustöðin kaupir Jón Erlingsson
Æskan er kvótamikið skip þótt það sé aðeins ellefu brúttólestir að stærð.
HAGNAÐUR Opinna
kerfa var 4,1 milljón
króna eftir skatta sam-
anborið við 102 milljónir
árið áður. Rekstrar-
hagnaður fyrir fjár-
magnsgjöld og afskriftir
(EBITDA) var 103 millj-
ónir króna en 239 millj-
ónir árið áður. Að sögn
Frosta Bergssonar,
stjórnarformanns Op-
inna kerfa, munar mest
um að á fyrsta ársfjórð-
ungi í fyrra hafi verið
mikill söluhagnaður
eigna hjá Skýrr hf., dótt-
urfyrirtæki Opinna kerfa. Þá sé ljóst
að hlutdeildarfélög Opinna kerfa,
Tæknival og Aco, dragi niður afkom-
una en nokkur taprekstur var á báð-
um þessum félögum á fyrsta fjórð-
ungi ársins.
Rekstur móðurfélags
gekk mjög vel
Rekstrartekjur samstæðunnar
stóðu nánast í stað á milli tímabila og
voru 1.412 milljónir. Frosti segir að
rekstur móðurfélagsins hafi gengið
mjög vel, veltuaukningin hafi verið
um 22% og rekstrarhagnaður fyrir
skatta og fjármagnsliði hafi numið
60 milljónum, sem er um 13% aukn-
ing. „Aukningin í rekstrartekjum og
rekstrarhagnaði móðurfélagsins er
meiri en gert var ráð fyrir í áætl-
unum. Vörubirgðir hafa aukist að-
eins, en viðskiptakröfur hafa dregist
saman miðað við síðustu áramót. Við
erum ánægðir með aldurssamsetn-
ingu birgða og viðskiptakrafna og
hefur vel tekist til í
umsjón með þeim.“
Neikvæð áhrif hlut-
deildarfélaga
Áhrif dótturfélag-
anna Tölvudreifingar
og Skýrr voru jákvæð
um átta milljónir
króna fyrir skatta en
voru jákvæð um 79
milljónir árið áður.
Áhrif hlutdeildar-
félaga voru samtals
neikvæð um 37 millj-
ónir króna á fyrstu
þremur mánuðum
ársins en voru jákvæð um 10 millj-
ónir árið áður. Frosti segir að þar
muni mest um Tæknival en taprekst-
ur þar hafi verið verulegur það sem
af er árinu og rekstur Aco hafi einnig
skilað verulegu tapi.
Aðspurður um sameiningarvið-
ræður Tæknivals og Aco segist
Frosti telja að þau geti náð fram
mikilli hagræðingu með samruna,
það séu góðar líkur á að þarna geti
orðið til sterk eining, ef menn beri
gæfu til þess að ná saman.
Frosti segir að Opin kerfi hafi ekki
selt hlutabréf úr safni sínu á fyrsta
fjórðungi ársins og því sé ekki um að
ræða söluhagnað eigna á tímabilinu.
Í ársskýrslu fyrirtækisins fyrir árið
2000 kemur fram, að í áætlunum fyr-
ir rekstrarárið 2001 sé gert ráð fyrir
að hagnaður eftir skatta verði yfir
280 milljónir og segir Frosti að for-
ráðamenn félagsins telji ekki ástæðu
til að breyta þeirri áætlun að svo
stöddu.
Minni hagnaður
Frosti
Bergsson
Fjórðungsuppgjör Opinna kerfa hf.
Í MORGUNBLAÐINU á laugar-
dag sagði Henrik Stensen upplýs-
ingafulltrúi SAS að markmið nýrrar
yfirstjórnar SAS-flugfélagsins séu
skýr og félagið ætli sér að taka
virkan þátt í endurskipulagningu
evrópsks flugmarkaðar á næstu
fimm til tíu árum. Aðspurður um
möguleg kaup á hlutabréfum í
Flugleiðum sagði Stensen að ekki
liggi fyrir beinar áætlanir um slíkt
og að félagið haldi öllum mögu-
leikum opnum í því sambandi.
Hörður Sigurgestsson stjórnar-
formaður Flugleiða segir að Flug-
leiðir séu í markaðssamstarfi við
SAS um flug og tengingar innan
Evrópu. Undanfarin misseri hafi
félagið einnig verið með samstarf á
flugleiðum til Boston, Baltimore,
Minneapolis og Orlando í Banda-
ríkjunum frá öllum höfuðborgum
Norðurlanda. Hörður segir að
Flugleiðir hafi áhuga á því að efla
það markaðssamstarf ef það finnist
möguleikar til þess en SAS fljúgi
ekki beint á neina af þessum stöð-
um.
Kaupa 68% í Braathens
Á mánudag keypti SAS 68% í
norska flugfélaginu Braathens á um
12 milljarða íslenskra króna. Að
sögn Harðar eru kaup SAS á
Braathens staðfesting á því að það
sé ekki markaður fyrir samkeppni í
innanlandsflugi. Í viðtali við Fin-
ancial Times nýverið sagði nýr for-
stjóri SAS að félagið ætlaði sér að
vera virkur þátttakandi í þeirri
endurskipulagningu sem myndi
fara fram á evrópskum flugmarkaði
næstu fimm til tíu ár. Hörður segir
að flugmarkaðurinn í Evrópu hafi
verið á mikilli hreyfingu undanfar-
ið. Flugbandalög hafi verið að
myndast án þess að um hafi verið
að ræða miklar eða beinar eigna-
tengingar. Áhersla Flugleiða sé hér
eftir sem hingað til að reka öflugt
flugfélag með tíðar ferðir bæði til
Evrópu og Ameríku. Þetta hafi
meðal annars orðið til þess að
ferðamannastraumurinn hingað til
lands hefur tvöfaldast á skömmum
tíma. Hörður segir að það séu eng-
in áform eða umræður um eigna-
tengl við SAS að svo stöddu.
Frekara samstarf við
SAS ekki í burðarliðnum
Hörður Sigurgestsson, stjórnarformaður Flugleiða