Morgunblaðið - 09.06.2001, Blaðsíða 28

ÚR VERINU
28 LAUGARDAGUR 9. JÚNÍ 2001 MORGUNBLAÐIÐ
STÝRIMANNASKÓLANUM í
Reykjavík var slitið við hátíðlega at-
höfn 1. júní s.l. Þetta voru 110. skóla-
slit frá stofnun skólans árið 1891. At-
höfnin hófst með píanóleik Ástríðar
Sigurðardóttur, sem lék tónlist eftir
Bach og Liszt.
Minnst var látinna sjómanna og
fyrri nemenda skólans, sem hafa
andast á skólaárinu. Sérstaklega var
minnst tveggja sjómanna, sem fór-
ust við störf sín á sjónum, Friðriks
Friðrikssonar skipstjóra, sem fórst
með skipi sínu Ingimundi gamla á
Húnaflóa, hinn 8. október s.l. og
Sveins Birkis Sveinssonar, sem tók
út af togaranum Björgvin norðaust-
ur af landinu 26. janúar s.l.
Í dagskóla Stýrimannaskólans
voru 50 nemendur; nokkrir nemend-
ur eru í fjarnámi og á haust- og vor-
önn voru haldin námskeið fyrir 30
rúmlesta skipstjórnarréttindi. Í fjar-
skiptum (GMDSS), meðferð á
hættulegum farmi (IMDG) og slysa-
hjálp voru haldin mörg námskeið.
Samtals luku 52 prófum til skip-
stjórnarréttinda á skólaárinu, þar af
í dagskóla Stýrimannaskólans 27, en
25 á átta vikna kvöldnámskeiðum (30
rl.).
Við þessi skólaslit útskrifuðust
fyrstu nemendurnir með skipstjórn-
arpróf 2. stigs eftir nýrri skipan
skipstjórnarnámsins, en Stýri-
mannaskólinn tók upp áfangakerfi
frá og með skólaárinu 1998.
Í lok næstu haustannar 2001 munu
fyrstu nemendur ljúka skipstjórnar-
prófi 3. stigs, farmannaprófi, eftir
þessu nýja skipulagi og einnig
nokkrir sem ljúka 1. og 2. stigi.
Auk 30 rúmlesta kvöldnámskeiða
voru eins og undanfarin ár haldin
námskeið fyrir starfandi skipstjórn-
armenn.
Í alþjóðlega neyðar- og öryggis-
fjarskiptakerfinu, GMDSS, voru
haldin 7 tíu daga námskeið og luku
því námi, auk nemenda, 57. Síðan
vorið 1994 hafa verið haldin 90 nám-
skeið og hafa 730 lokið því námi.
Áformað er að halda tveggja til
þriggja daga upprifjunarnámskeið í
GMDSS næsta haust.
Í samvinnu við Slysavarnaskóla
sjómanna og Landspítalann í Foss-
vogi var haldið eitt námskeið í með-
ferð slasaðra og notkun lyfjakistu og
luku því 7 starfandi skipstjórnar-
menn. Þessi námskeið taka fjóra
daga. Eitt grunnnámskeið í meðferð
hættulegra efna í þurrflutningaskip-
um var haldið og luku því 8. Gerðar
eru strangar kröfur um framvísan
þessara skírteina við komu til hafna
og verður að endurnýja skírteinin á
minnst tveggja ára fresti. Þrjú upp-
rifjunarnámskeið voru haldin og
luku þeim 31.
Samtals luku því 128 sérstökum
námskeiðum sem voru haldin utan
dagskólans á skólaárinu.
Við skólaslitin voru mættir fjöl-
margir eldri nemendur skólans sem
áttu útskriftarafmæli.
Fyrir hönd 50 ára prófsveina tal-
aði Sigurður Árnason skipherra og
færðu þeir bekkjarbræðurnir skól-
anum vandað veggspjald af útskrift-
arárgangi Stýrimannaskólans 1951.
Kristján Þ. Jónsson skipherra tal-
aði fyrir hönd 30 ára prófsveina og
gáfu þeir 100 þúsund krónur í Lána-
og styrktarsjóð nemenda Stýri-
mannaskólans.
Fyrir hönd 20 ára útskriftarnema
talaði Gunnar Halldór Gunnarsson
og gáfu þeir skólabræður í tækjasjóð
skólans.
Jóhann Bjarnason framkvæmda-
stjóri Radíómiðunar h.f. færði skól-
anum að gjöf MaxSea skipstjórnar-
tölvu af fullkomnustu gerð, sem
sýnir sjávarbotninn og umhverfið í
þrívídd og bregður upp mynd af haf-
svæðinu framundan skipinu og vörp-
unni. Jóhann ávarpaði nemendur og
óskaði þeim og Stýrimannaskólanum
allra heilla. Landssamband íslenskra
útvegsmanna hefur ávallt sent Stýri-
mannaskólanum vegleg verðlaun til
þess nemanda, sem skarar fram úr í
siglingafræði á efsta stigi fiskimanna
eða skipstjórnarprófi 2. stigs, sem
veitir ótakmörkuð réttindi á fiskiskip
af hvaða stærð sem er og hvar sem
er. Stefán Viðar Þórisson Reyðar-
firði fékk verðlaunin í þetta skipti,
vandað skipsúr og loftvog.
Stefán Viðar fékk einnig verðlaun
frá skólanum fyrir góðan námsár-
angur. Úr verðlauna- og styrktar-
sjóði Páls Halldórssonar, skólastjóra
Stýrimannaskólans 1900-1937, voru
honum veitt bókaverðlaun fyrir
kunnáttu, háttprýði og skyldurækni
eins og segir í skrautrituðu skjali,
sem fylgir verðlaununum. Guðmund-
ur Rúnar Jónsson Mosfellsbæ sem
lauk skipstjórnarprófi 1. stigs var
verðlaunaður fyrir góðan námsár-
angur.
Fyrir góða frammistöðu í tungu-
málum voru verðlaunaðir: Jóhannes
Haraldsson Reykjavík, sem lauk 2.
stigi, fyrir góða kunnáttu í íslensku.
Guðmundur Rúnar Jónsson, Mos-
fellsbæ, í ensku og Ólafur Birgir
Georgsson, Vestmannaeyjum, sem
lauk sjárvarútvegsbraut og 30 rúml.
prófi, fyrir kunnáttu í dönsku, sem
danska sendiráðið veitir.
Þórarinn Friðjónsson, ritstjóri og
framkvæmdastjóri útgáfufyrirtæk-
isins SKERPLU, sendir við hver
skólaslit öllum nemendum sem ljúka
prófum til skipstjórnarréttinda
almanak SKERPLU, áritað, sem var
afhent við skólaslitin. Innritun í
Stýrimannaskólann stendur nú yfir,
en sérstök kynning á náminu verður
á Sjómannadaginn niðri við Reykja-
víkurhöfn.
Frá skólaslitum Stýrimannaskólans í Reykjavík fyrsta júní. Talið frá vinstri. Bergþór Hávarðsson, sem lauk
fyrsta stigi skipstjórnarprófs, Stefán Daniel Ingason, fyrsta stig, Jón Pétursson, lauk 200 tonna réttindaprófi,
Sævar Sigurðsson, 200 tonna réttindi, Helgi Aage Torfason, annað stig skipstjórnarprófs, Stefán Þórisson, ann-
að stig, Ragnheiður Sveinþórsdóttir, annað stig, Guðjón Ármann Eyjólfsson skólameistari, Jóhannes S. Har-
aldsson, annað stig, og Bergur Garðarsson, 200 tonna réttindi.
52 luku prófum til
skipstjórnarréttinda
Skólaslit Stýrimannaskólans í Reykjavík
SÍLDARVINNSLAN í Neskaupstað
hefur verið að flaka og frysta síld síð-
an á mánudag og gengur það vel að
sögn Freysteins Bjarnasonar, út-
gerðarstjóra SVN. Síldin hefur verið
fryst af þremur skipum, Beiti, Berki
og færeyska skipinu Kronborg. Hafa
þau hvert um sig landað 200 til 300
tonnum af síld til vinnslu, en þau eru
með kælitanka til að halda síldinni
ferskri.
Skipin eru að veiðum norðaustast í
Síldarsmugunni og er stíf tveggja
sólarhringa sigling heim með síldina.
Því verður hún ekki hæf til manneldis
án þess að vera í kælingu. Jafnframt
hefur verið nokkur áta í síldinni og
segir Freysteinn að skipin hafi geymt
þá síld í nótinni í sólarhring sem fara
átti til manneldis, til að láta hana
spýta.
Hann segir að þetta sé þokkaleg-
asta síld, þó fremur horuð og ekki sú
allra stærsta. Vinnslan gengur vel og
fer síldin á ýmsa markaði. Það er
skortur á síld um þessar mundir og
er til dæmis fyrsti farmurinn þegar
farinn í skip. Fyrir vikið er verðið á
síldinni þokkalegt að mati Freysteins
en með þessu er verðmæti síldarinn-
ar til útflutnings margfaldað.
Auk hinna þriggja fyrrnefndu
skipa hafa Súlan og Áskell EA landað
síld hjá Síldarvinnslunni, sem nú hef-
ur tekið á móti ríflega 4.000 tonnum.
„Þetta er allt að lifna á ný eftir
dvalann og eftir sjómannadag fer
síldin að fitna, svo þetta lítur bara allt
vel út,“ segir Freysteinn.
Samkvæmt upplýsingum Samtaka
fiskvinnslustöðva hefur verið til-
kynnt um löndun á 11.500 tonnum af
síld, en leyfilegur heildarafli er um
132.000 tonn. Aðeins hefur verið
landað á þremur stöðum, í Neskaup-
stað og á Eskifirði og Seyðisfirði. Öll
skip verða að vera í landi á sjómanna-
daginn næstkomandi sunnudag.
Síldin fryst
ERLENT
ÁTTA börn á aldrinum sex til átta
ára létu lífið í gærmorgun þegar
maður vopnaður hnífi gekk ber-
serksgang í japönskum barnaskóla.
Maðurinn, sem á við geðræn
vandamál að stríða, æddi inn í fjórar
skólastofur í Ikeda-barnaskólanum í
úthverfi Osaka. Þar stakk maðurinn
að minnsta kosti 26 börn og þrjá
kennara. Æðiskast mannsins stóð
yfir í 12 mínútur. Ellefu hinna særðu
voru fluttir á sjúkrahús í Ikeda þar
sem þrír létust og tveir eru í lífs-
hættu. Hinir sex, þar á meðal 27 ára
gamall kennari sem hjálpaði til við
að yfirbuga árásarmanninn, eru lítið
særðir, að sögn yfirskurðlæknis á
sjúkrahúsinu.
„Vildi að þið tækjuð
mig af lífi“
Lögreglan hefur staðfest að mað-
urinn heiti Mamoru Takuma. Hann
var handtekinn með aðstoð tveggja
kennara við skólann, en var sagður
ófær um að svara spurningum um
ódæðið, þar sem hann hafði tekið inn
gríðarstóran skammt róandi lyfja.
Að sögn lögreglunnar í Osaka var
maðurinn vart með meðvitund við
handtökuna. Þó er haft eftir lögreglu
að þá hafi Takuma sagt: „Ég er orð-
inn þreyttur á öllu. Ég er búinn að
gera margar sjálfsvígstilraunir en
dey ekki. Ég vildi bara að þið næðuð
mér og tækjuð mig af lífi.“ Maðurinn
hefur áður komist í kast við lögin en
hann var handtekinn árið 1999, fyrir
að byrla kennurum við skóla, sem
hann vann áður í, róandi lyf.
Japanir slegnir
Japanir eru stoltir af lágri glæpa-
tíðni í landinu og því er fjöldamorðið
í barnaskólanum mikið áfall. For-
sætisráðherra landsins, Junichiro
Koizumi, sagði sér vera mjög brugð-
ið og lét í ljós samúð með aðstand-
endum hinna látnu. Þá sagði Atsuko
Toyama, menntamálaráðherra Jap-
ans, að atburðir sem þessir ættu ekki
að geta gerst. „Mig tekur þetta mjög
sárt. Við munum reyna að bregðast
við með því að setja starfshóp í málið
og rannsaka staðreyndir þess.“
Þetta er mesta fjöldamorð sem
framið hefur verið í Japan síðan 12
manns létust í eiturgasárás sem sér-
trúarsöfnuður gerði á neðanjarðar-
lestarstöð í Tókýó árið 1995. Þá lét-
ust 12 manns og þúsundir veiktust af
völdum gassins.
Reuters
Móður nemanda í Ikeda-barnaskólanum í Japan er hér fylgt út úr skól-
anum eftir að maður, vopnaður hnífi, varð átta börnum að bana.
Átta börn myrt
í skóla í Japan
Ikeda, Japan. AFP
TIMOTHY McVeigh,
maðurinn sem varð 168
manns að bana í sprengju-
tilræði í Oklahoma árið
1995, býr sig nú undir að
dauðadómi yfir honum
verði framfylgt. Að sögn
lögfræðinga McVeighs
hefur hann hafnað frekari
tilraunum til að stöðva af-
tökuna eftir að dómstóll í
Oklahoma neitaði sl. mið-
vikudag að veita honum
frestun. McVeigh verður
tekinn af lífi á mánudag
með banvænni sprautu.
Aðstandendur þeirra sem
létust í sprengjutilræðinu
og einhverjir þeirra, sem
komust lífs af, alls 300
manns, munu fylgjast með
aftökunni.McVeigh
Aftöku McVeighs
ekki frestað
RÍKISSAKSÓKNARI Belgíu krafð-
ist þess í gær að fjórir hútúar, sem
fundnir hafa verið sekir um stríðs-
glæpi í Rúanda, yrðu dæmdir í lífs-
tíðarfangelsi.
Kviðdómur í máli hútúanna –
tveggja nunna, prófessors og fyrr-
verandi ráðherra – fann þá seka um
að hafa aðstoðað róttæka hútúa við
að myrða þúsundir tútsa í Rúanda
1994. Talið er að um 800.000 manns
hafi þá látið lífið fyrir morðsveitum
hútúa.
Þetta er í fyrsta sinn sem kvið-
dómur dæmir meinta stríðsglæpa-
menn frá öðru landi. Réttað var yfir
hútúunum samkvæmt lögum frá
1993 sem veita belgískum dómstól-
um lögsögu í stríðsglæpamálum þótt
glæpirnir hafi ekki verið framdir í
Belgíu.
Ríkissaksóknari Belgíu, Alain
Winants, sagði að dæma ætti hú-
túana í lífstíðarfangelsi til að sýna að
Belgía væri ekki griðastaður fjölda-
morðingja.
Sögulegt dómsmál í Belgíu
Hútúar dæmdir fyrir
stríðsglæpi í Rúanda
Brussel. Reuters.