Morgunblaðið - 05.07.2001, Blaðsíða 29
LISTIR
MORGUNBLAÐIÐ FIMMTUDAGUR 5. JÚLÍ 2001 29
SUMARTÓNLEIKARNIR við orgelið hóf-
ust sl. sunnudagskvöld með tónleikum ungs org-
elleikara, Eyþórs Inga Jónssonar, sem stundar
framhaldsnám í orgelleik og kórstjórn í Svíþjóð.
Óhætt er að fullyrða, að hér er á ferðinni efnileg-
ur tónlistarmaður, sem trúlega á eftir láta heyra
til sín svo eftir verði tekið. Tónleikarnir hófust á
reisulegu Preambulum í G-dúr eftir Heinrich
Scheidemann (1596-1663), sem lærði hjá föður
sínum, David, og einnig hjá Sweelinck og tók við
stöðu föður síns sem orgelleikari við Katrínar-
kirkjuna í Hamborg. David átti þátt í útgáfu
sálmabókar, ásamt feðgunum Hieronymus og
Jacob Praetoríusi (ekki af sömu ætt og Michael
Praetorius), þar sem sálmalagið var í efstu rödd
en ekki í tenórröddinni, eins og áður hafði tíð-
kast. Heinrich var frægur kennari og meðal
nemenda hans var Reinken, Fabricius og Weck-
mann. Eyþór lék verkið með nokkuð þykkri
raddskipan, þar sem lágraddirnar „skyggðu“ að
nokkru á efri raddirnar.
Eftir J.S. Bach lék Eyþór kóralforspil úr 3.
hefti Clavier-Übung, Dies sind die heilgen zeh-
en Gebot og er í þessu kóraforspili unnið með
sálmalagið (cantus firmus) í canon (keðju), en
var mjög fallega mótað af Eyþóri, bæði í leik og
raddskipan. Á eftir þessu fallega verki kom són-
ata í B-dúr, op. 65, sú fjórða af sex, eftir Mend-
elssohn. Í þessum verkum reynir Mendelssohn
að samhæfa rómantíkina og kontrapunktískar
vinnuaðferðir J.S. Bachs. Í fyrsta og síðasta
kaflanum var raddskipanin allt of bólgin en í
góðu jafnvægi í miðþáttunum. Að öðru leyti var
sónatan leikin af öryggi og með töluverðum til-
þrifum.
Nun freut euch, (BUXWV 210) kóralfantasía
eftir Buxtehude, var næsta viðfangsefni, en í
þessari kóralfantasíu, ásamt nr. 223, og nokkr-
um öðrum verkum, er unnið sérstaklega yfir
hverja hendingu sálmsins, þannig að verkið
skiptist í röð aðgreindra og andstæðra kafla og
var þessi aðferð einnig notuð er norður-þýsku
orgelleikarnir léku af fingrum fram. Fantasían
var hið besta flutt og sama má segja um org-
elsvítu nr. 2 úr L’orgue mystique eftir franska
orgelleikarann Charles Tournemire, er lærði
m.a. hjá d’Indy og tók við stöðu orgelleikara við
kirkju heilagrar Klóthildar, á eftir Cesari
Franck. Hann var frægur fyrir leik sinn af fingr-
um fram og samdi óperur, sinfóníur (8), marg-
vísleg kammerverk og L’orgue mysticque, sem
eru 5 þátta svítur fyrir alla sunnudaga kirkju-
ársins. Ef allar svíturnar eru jafn tilbrigðalitlar
og sú nr. 2, sem var eitt allsherjar hljóma mall,
væri meirháttar mál að lenda í því að hlusta á
þetta verk í heild, þrátt fyrir að það væri eins vel
flutt og hjá Eyþóri. Tónleikunum lauk með org-
elforspilinu Wir glauben all an einem Gott, eftir
meistara J.S. Bach, úr 3. hefti Clavier-Übung,
glæsilegu „organo pleno“-verki, sem var leikið
af mikilli reisn, en full þykkri raddskipan, sem
er freistandi, þegar leikið er á Klais-orgel Hall-
grímskirkju. (Það var nokkuð áberandi að það
vantaði á að sumar háraddir orgelsins væru
hreinar.) Það fer ekki á milli mála, að í Eyþóri
Inga Jónssyni má eiga von í góðum orgelleikara
og verður fróðlegt að fylgjast með framgangi
hans í framtíðinni, því svo sem heyrt verður af
einum konsert, hefur hann þegar öðlast það ör-
yggi í leik, sem ætti að nýtast honum vel í hinni
erfiðu og tímafreku glímu við verk meistaranna.
Efnilegur
tónlistarmaður
TÓNLIST
H a l l g r í m s k i r k j a
Eyþór Ingi Jónsson flutti verk eftir Scheide-
mann, J.S. Bach, Mendelssohn, Buxtehude og
Tournemire. Sunnudagurinn 1. júlí 2001.
SUMARTÓNLEIKAR
VIÐ ORGELIÐ
Jón Ásgeirsson
LJÓÐA- og tónlistarkvöld verður
haldið í Tónskóla Sigursveins,
Hraunbergi 2 í kvöld, fimmtudags-
kvöld, kl. 20. Þetta er sjálfstætt
framhald af námskeiðinu „Hug-
leiðsla í dagsins önn“ sem hófst í síð-
ustu viku. Farið verður í einfaldar
hugleiðsluæfingar, lesin þýdd ljóð á
íslensku eftir Sri Chinmoy og hljóm-
sveit mun leika og syngja lög eftir
hann.
Ljóða- og tónlistarkvöldið er
ókeypis og á vegum Sri Chinmoy
miðstöðvarinnar.
Ljóða- og
tónlistarkvöld
Gallerí Reykjavík, Selið
Sýningu Olgu Pálsdóttur, Ímynd
íslenskra kvenna, lýkur á laugardag.
Sýningin er opin daglega frá 13–18.
Sýningu lýkur
LÁTTU þér líða vel er sjálfs-
hjálparbók eftir Jane Alexander í
þýðingu Helgu Soffíu Einarsdóttur.
Í kynningu segir m.a.: „Ekki er
leitast við að predika ákveðna stefnu
í heilsurækt, slökun, hugleiðslu,
mataræði eða hreyfingu, heldur er
bókin safn af því besta á þessum
sviðum. Hér má því finna ráð úr al-
exanderstækni, reiki, næringar-
fræði, hugleiðslu, jóga, shiatsu og
hómópatíu jafnt sem heilræði ættuð
úr tímaskipulagningu í fyrirtækjum
og streituráðgjöf. Bókin er byggð á
þeirri hugsun að fólk geti auðveld-
lega teflt saman aðferðum og ráð-
leggingum úr ólíkustu áttum til að
létta sér lífið og láta sér líða vel.“
Útgefandi er Bókaútgáfan For-
lagið. Anna Cynthia Leplar hannaði
kápu. Bókin er 159 bls., prentuð í
Singapúr. Verð 1.880. kr.
Nýjar bækur
♦ ♦ ♦
FEÐGARNIR Guðjón Þ. Kristjáns-
son og Björgvin Guðjónsson opna
sýningu í Listasetrinu Kirkjuhvoli,
Akranesi, á laugardag.
Verkin eru aðallega unnin með
þurrpastel og olíupastel, en einnig
akrýl og olíu. Þemað í verkunum er
manneskjan og stemmningar af
ýmsu tagi. Guðjón hefur tekið þátt í
samsýningum með myndlistarfólki
úr Baðstofunni í Keflavík og Nýrri
vídd í Sandgerði.
Björgvin er fæddur árið 1975 og
stundar nú nám í grafískri hönnum
við Myndlistaskólann á Akureyri.
Myndefni hans er landslag og fig-
úratífar myndir, unnar í þurrpastel
og akrýl.
Við opnum sýningarinnar mun
frændi þeirra feðga Ólafur Kjartan
Sigurðarson, barítonsöngvari,
syngja nokkur lög.
Listasetrið er opið alla daga nema
mánudag frá kl. 15–18 og lýkur sýn-
ingunni 12. ágúst.
Feðgar sýna
á Akranesi
♦ ♦ ♦
♦ ♦ ♦