Morgunblaðið - 05.07.2001, Blaðsíða 37
SKOÐUN
MORGUNBLAÐIÐ FIMMTUDAGUR 5. JÚLÍ 2001 37
ákveðið að draga mjög úr takmörk-
unum til að tryggja samkeppnis-
hæfni markaðarins og Eftirlitsstofn-
un EFTA hefur sent Norðmönnum
aðvörun um að takmörkunin stangist
á við EES-samninginn. Í EES-ríkj-
um eru takmarkanir á eignarhaldi al-
mennt með sama hætti og hér á
landi. Þær koma ekki í veg fyrir
stóra eignarhluta en tryggja að
ákveðnar hæfisreglur og eftirlit sé til
staðar um eigendur þeirra.
Með þessu hefur ríkisstjórnin skil-
greint stefnu sína með ítarlegum
hætti og lokið málinu. Ég hvet alla þá
sem áhuga hafa á þessu máli að
kynna sér vel greinargerð og skýrslu
með frumvarpinu sem hægt er að
finna á vefsíðu Alþingis, althingi.is.
Söluferillinn
Framkvæmdanefnd um einkavæð-
ingu hefur verið falið að hafa umsjón
með sölu Landsbankans til kjölfestu-
fjárfestis. Nú þegar hefur verið aug-
lýst eftir ráðgjöfum til að vinna að
undirbúningi sölunnar með íslensk-
um stjórnvöldum. Verkefni ráðgjaf-
ans er m.a. að gera tillögu um hverjir
eigi að taka þátt í lokuðu útboði,
semja skilmála og vinnureglur vegna
lokaðs útboðs, veita ráðgjöf um lág-
marksverð og gera tillögur um hvaða
tilboði skuli tekið. Gera má ráð fyrir
að þessi ferill muni taka um sex mán-
uði.
Áhugi kjölfestufjárfesta
Á þessu stigi er ekki vitað um
áhuga kjölfestufjárfesta á kaupum í
Landsbankanum. Slíkar ákvarðanir
um fjárfestingar eru teknar á við-
skiptalegum grunni að lokinni um-
fangsmikilli athugun á innri stoðum
Landsbankans og ytra umhverfi
hans.
Áhugi erlendra banka og annarra
kjölfestufjárfesta á Landsbankanum
mun koma í ljós en svo miklir hags-
munir eru í húfi fyrir íslenskan fjár-
málamarkað og viðskiptavini hans að
sjálfsagt er að láta á það reyna hvort
viðunandi tilboð kemur frá aðila sem
myndað getur trausta kjölfestu í
bankanum.
Stjórnvöld hafa ástæðu til að vera
bjartsýn um að vel takist til við þessa
sölu, ekki síst vegna þess að ákvörð-
un hefur verið tekin um sölu svo
stórs hluta bankans. Kjölfestufjár-
festar hafa almennt þá stefnu að
eignast stóra hluti í bönkum því að
það gefur þeim færi á að koma stefnu
sinni í framkvæmd.
Undanfarna daga hefur því verið
varpað fram að aðgengi að íslenska
fjármálamarkaðnum væri það opið
að erlendir bankar væru nú þegar
komnir á markaðinn hefðu þeir
áhuga á því. Þetta á ekki við rök að
styðjast. Langflestir bankar vilja
eignast starfandi banka í stað þess að
leggja út í þann kostnað sem er sam-
fara stofnun nýs banka. Hér má
einnig nefna að ekki eru nema þrjú
ár síðan að SE-bankinn sótttist eftir
að komast inn á íslenskan fjármála-
markað en var hafnað. Ekki eru nein
rök fyrir því að álykta að óreyndu
máli að erlendir bankar hafi ekki
áhuga á að fjárfesta í íslenskum
bönkum.
Lokaorð
Ákvörðun ríkisstjórnarinnar um
sölu Landsbankans er skynsamleg.
Hún beinist að kjölfestufjárfestum
sem geta styrkt bankann. Þetta er í
samræmi við alþjóðlega framkvæmd
og viðurkennd viðhorf þar sem bank-
ar út um allan heim eru að búa sig
undir harðnandi samkeppni.
Forsætisráðherra benti á í viðtali
við Morgunblaðið 24. júní sl. jákvæð
efnahagsleg áhrif af innstreymi er-
lends fjármagns vegna sölu Lands-
símans og Landsbankans til erlendra
aðila. Það er hárrétt, en ákvörðun
ríkisstjórnarinnar er hins vegar
fyrst og fremst tekin með hagsmuni
Landsbankans og viðskiptavina hans
að leiðarljósi. Takist vel til með sölu
til kjölfestufjárfestis mun sam-
keppnisstaða Landsbankans styrkj-
ast, lánshæfismat hans batna, kostn-
aðarhlutfall lækka og möguleiki
gefst á fleiri öflugum dreifileiðum
fyrir víðtækara framboð fjármála-
þjónustu.
Höfundur er viðskipta- og
iðnaðarráðherra.
FRÉTTIR
Í KVÖLD verður aðdragandi að
stofnun þjóðgarðsins á Þingvöllum
til umræðu í fimmtudagskvöldgöngu
þjóðgarðsins á Þingvöllum. Einar
Á.E. Sæmundsen fræðslufulltrúi
mun fjalla um stofnun þjóðgarðsins
sem markaði tímamót í náttúru-
verndarmálum á Íslandi.
Farið verður klukkan 20 frá
Flosagjá og gengið verður milli
nokkurra staða í þinghelginni. Gang-
an tekur um eina og hálfa klukku-
stund. Þátttaka í göngunni er ókeyp-
is og allir eru velkomnir. Nánari
upplýsingar veita landverðir í þjón-
ustumiðstöð þjóðgarðsins.
Fimmtudags-
kvöld á
Þingvöllum
MÁNUDAGINN 2. júlí sl. hófst
fjögurra vikna alþjóðlegt sumar-
námskeið í íslensku í Háskóla Ís-
lands. Námskeiðið er einkum ætl-
að erlendum stúdentum.
Stofnun Sigurðar Nordals
gengst fyrir námskeiðinu og ann-
ast skipulagningu þess en mennta-
málaráðuneytið hefur veitt styrk
til að unnt sé að halda námskeiðið.
Þetta er í þrettánda skiptið sem
stofnunin sér um undirbúning al-
þjóðlegs sumarnámskeiðs í ís-
lensku.
Þátttakendur eru 44 að þessu
sinni og koma frá 17 löndum, flest-
ir frá Bandaríkjunum, Kanada,
Bretlandi, Þýskalandi og Japan.
Þeim er skipt í þrjá hópa í ís-
lenskunáminu eftir kunnáttu en
margir þeirra hafa þegar lagt
stund á íslensku heima fyrir, m.a.
hjá sendikennurum í íslensku.
„Auk þess að nema íslensku
gefst stúdentunum tækifæri til að
hlýða á fyrirlestra um náttúru Ís-
lands, sögu Íslendinga og menn-
ingu, heimsækja menningarstofn-
anir og skoða sig um á
sögustöðum.
Mikill áhugi er á að læra ís-
lensku víða um lönd, ekki síst í
Norður-Evrópu og Norður-Amer-
íku. Með ári hverju berast fleiri
umsóknir um hvers konar ís-
lenskunám fyrir útlendinga hér á
landi. Miklu fleiri stúdentar sækja
um alþjóðlegt sumarnámskeið í ís-
lensku en unnt er að sinna.
Nútímaíslenska er einnig kennd
á mörgum stöðum erlendis. Minna
má á að nú starfa fjórtán íslensku-
lektorar í átta Evrópulöndum með
stuðningi íslenskra stjórnvalda.
Annast Stofnun Sigurðar Nordals
þjónustu við þá,“ segir í fréttatil-
kynningu frá Stofnun Sigurðar
Nordals.
Alþjóðlegt námskeið í íslensku