Morgunblaðið - 02.08.2001, Blaðsíða 2
FRÉTTIR
2 FIMMTUDAGUR 2. ÁGÚST 2001 MORGUNBLAÐIÐ
Fylgstu
með
nýjustu
fréttum
www.mbl.isRúnar Kristinsson verður ́frá
keppni í tvo mánuði / B1
Kristín Rós Hákonardóttir með tvö
gull á EM fatlaðra í sundi / B1
4 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
HEILDARGREIÐSLUR til lækna
að meðtöldum rekstrarkostnaði námu
um 8,1 milljarði kr. á árinu 2000 en
voru um 4,3 milljarðar kr. á árinu
1992 og hafa því hækkað um 86% á
þessum tíma. Þetta kemur fram í út-
tekt Ríkisendurskoðunar á greiðslum
opinberra aðila til lækna á árinu 2000
sem gerð var að beiðni heilbrigðis- og
tryggingamálaráðuneytisins.
Könnunin náði til 1.037 lækna en
854 lækna árið 1992. Heildargreiðslur
eru blanda af beinum launagreiðslum,
verktakagreiðslum og greiðslum frá
sjúklingum.
Greiðslur til lækna
hækkuðu um 53%
Að frádregnum rekstrarkostnaði
vegna verktakagreiðslna námu með-
allaunagreiðslur til lækna á árinu
2000 6,5 milljónum kr. en voru á árinu
1992 4,2 milljónir kr. sem er 53%
hækkun. Í úttekt Ríkisendurskoðun-
ar segir að sú hækkun sé í samræmi
við almenna launaþróun hér á landi á
tímabilinu 1993 til 2000. Meðallaun
lækna á fyrrnefndu tímabili hafa
hækkað umfram neysluvísitölu um
25%. Háls-, nef- og eyrnalæknar
fengu hæstu meðaltalsgreiðsluna, um
14,4 milljónir kr., á árinu 2000 en
svæfinga- og gjörgæslulæknar 11,8
milljónir kr. og augnlæknar um 11,6
milljónir kr. Hæstu heildargreiðsluna
í fyrra fékk svæfinga- og gjörgæslu-
læknir, alls 38,3 milljónir kr.
Athygli vekur að meðallauna-
greiðslur til heimilislækna hafa lækk-
að mest umfram launavísitölu 1993–
2000, eða um 17%, en laun skurð-
lækna hækkað mest, um 17%.
Hæstu laun sem þekkjast í sér-
greinum í úttekt Ríkisendurskoðunar
eru laun rannsóknarlæknis, um 19,3
milljónir kr., og fæðingar- og kven-
sjúkdómalæknis, um 15,9 milljónir kr.
Hæstu meðallaun í úttektinni eru
laun skurðlækna og svæfinga- og
gjörgæslulækna, um 8,7 milljónir kr.,
en næst koma þvagfæralæknar með
um 8,1 milljón kr. Verulegur munur
er á hæstu og lægstu meðallaunum
lækna eftir sérgreinum og getur
munurinn numið allt að tvöföldum
meðallaunum.
Fram kemur í úttektinni að 51% af
launum lækna er greitt vegna vinnu á
sjúkrahúsum, 26% af heilbrigðis-
stofnunum og heilsugæslustöðvum,
18% af læknastofum og 3% af skólum
o.fl.
Við samanburð á heildarlaunum
lækna með sérgreinar, sem starfa
innan og utan Fjórðungssjúkrahúss
Akureyrar og Landspítala – háskóla-
sjúkrahúss, kom í ljós að þau eru um
20% hærri hjá þeim sem starfa án
svonefndra fastlaunasamninga þrátt
fyrir að læknar með fastlaunasamn-
inga, er starfa eingöngu hjá sjúkra-
húsunum, hafi um 27% hærri launa-
greiðslur frá þeim. Að mati
Ríkisendurskoðunar má áætla að
heildarvinnuframlag lækna sem
starfa utan sjúkrahúsanna sé um 15–
25% meira en lækna með fastlauna-
samninga.
Þegar heildargreiðslur til lækna
eru sundurliðaðar kemur í ljós að föst
heildarlaun þeirra voru 3,2 milljarðar
í fyrra, sem er um 40% af heildar-
greiðslunum. Á árinu 1992 var hlutfall
fastra launa af heildargreiðslum 26%
og hefur hlutur fastra launa af heild-
argreiðslum því aukist um 14 pró-
sentustig. Greiðslur vegna yfirvinnu
og álags vegna vakta námu í fyrra um
2,1 milljarði kr. sem er 26% af heild-
argreiðslum sem er sama hlutfall og
árið 1992, verktakagreiðslur námu
um 2,3 milljörðum kr. sem er 29% af
heildargreiðslum en þetta hlutfall var
34% á árinu 1992, hluti sjúklinga í
greiðslum til sérfræðinga og heimilis-
lækna var tæpar 570 milljónir kr.
Meðallaunagreiðslur til lækna 6,5 milljónir á síðasta ári
Heildargreiðslur til
lækna 8,1 milljarður
TALVERÐAR skemmdir urðu á
þaki í fiskverkunarhúsinu Hafnar-
búðinni við Hrannargötu 4 í Kefla-
vík í gær. Að sögn Brunavarna
Suðurnesja barst tilkynning um
eldinn laust eftir klukkan 5 í gær-
dag. Greiðlega gekk að ráða nið-
urlögum eldsins og var búið að
slökkva hann einum og hálfum
tíma eftir að slökkvilið kom á stað-
inn.
Að sögn slökkviliðsmanna leit
þetta ekki vel út í fyrstu og var út-
lit fyrir að eldurinn myndi breiðast
út í samliggjandi hús og í önnur
fyrirtæki. Skemmdir urðu einnig af
völdum vatns og reyks en slökkva
þurfti eldinn ofan frá þar sem ekki
var unnt að komast að honum ann-
ars staðar frá. Við það rann vatn
greiðlega um húsakynnin. Ekki er
vitað um skemmdir á samliggjandi
húsum en bjarga þurfti frystum
sjávarafurðum úr nærliggjandi
húsi. Eldsupptök eru enn ókunn en
hugsanlegt er að þau megi rekja til
bilunar í rafmagni. Rannsókn máls-
ins er í höndum lögreglu.
Eldur í fiskverkunarhúsi í Keflavík
Skemmdir tals-
verðar á þaki
Ljósmynd/Páll Ketilsson
DAVÍÐ Oddsson, forsætisráðherra,
sagðist í fréttum Ríkisútvarpsins í
gær rétt vera farinn að lesa yfir úr-
skurð Skipulags-
stofnunar. „Ég
held að það sé of
fljótt að segja til
um það hvort hún
er að dæma allar
framkvæmdir í
virkjunarmálum
norðan jökla úr
leik. Það væri þá
mjög mikil
ákvörðun og mikið vald sem þessi
stofnun væri búin að taka sér ef hún
væri að gera það,“ sagði ráðherrann.
Spurður hvaða mat hann legði á
ályktun í tilkynningu Landsvirkjunar
að Skipulagsstofnun væri hér með
búin að dæma virkjunarmál norðan
Vatnajökuls úr leik, sagðist Davíð
ekki hafa séð tilkynningu Landsvirkj-
unar þessa efnis: „En samkvæmt
lokasíðum skýrslunnar sýnist mér þó
að þannig mætti leggja út af efninu og
þá er það gríðarmikil ákvörðun sem
ókjörnir fulltrúar þjóðarinnar eru að
taka á sínum kontór og mikill má
máttur þeirra vera.“
Of fljótt að
segja til um
niðurstöður
ÞESSAR kynjaverur sem standa í
túnfætinum á Ósi í Bolungarvík
hafa í sumar vakið óskipta athygli
vegfarenda. Að sögn Högna Jóns-
sonar, bónda á Ósi, heitir kerlingin
Sigurást Ermenga en karlinn er
kallaður Þursi. Hann kvað það
meira til gamans gert að búa þau
skötuhjú til og væru þau hvorki
fuglahræður né tröllafælur.
„Þetta var nú bara svona hug-
detta, mamma sá eitthvað líkt þessu
úti í Þýskalandi,“ sagði hann og
bætti við að þetta væri annað sum-
arið sem svona væri gert. Hann
sagði jafnframt að þetta mætti kalla
samvinnuverkefni þriggja bæja í
sveitinni því heyrúllurnar kæmu frá
þeim á Ósi, handleggirnir frá Geira-
stöðum og fatnaðurinn frá Flötum.
Kann að fjölga í fjölskyldunni
Högni segir að þau skötuhjú fái
að standa uppi fram eftir hausti, en
það ráðist dálítið af því hvernig
heyið haldi sér. Það mun vera nokk-
uð um að vegfarendur sem eiga
þarna leið um Vestfjarðaveg stoppi
og virði parið betur fyrir sér, enda
um myndarfólk að ræða. Högni seg-
ir uppi hugmyndir um að það fjölgi í
fjölskyldunni hjá þeim og við bætist
„eitt lítið kvikindi“. Stúlkan heitir
Hekla Gunnarsdóttir og er sex ára,
en glöggt má sjá af samanburðinum
hvað þau hjónin eru tröllvaxin.
Tröllin í túnfætinum
Morgunblaðið/Ómar
HALLDÓR Ásgrímsson utanríkis-
ráðherra sagðist eiga von á því að
þessi úrskurður Skipulagsstofnunar
yrði kærður. „Þá
heldur ferlið
áfram samkvæmt
lögum og við
verðum að bíða
og sjá hvað út úr
því kemur. Ég
get ekki sagt að
þessi úrskurður
Skipulagsstofn-
unar komi mér
sérstaklega mikið á óvart eftir að
hafa lesið umfjöllun Náttúruverndar
ríkisins, Landgræðslu ríkisins og
fleiri um málið. Mér sýnist að það sé
mjög byggt á þeim umsögnum.“
Samkvæmt lögunum um umhverf-
ismat tekur umhverfisráðherra end-
anlega ákvörðun ef úrskurður Skipu-
lagsstofnunar er kærður. „Ég held
að það hljóti að teljast eðlilegt að mál
af þessari stærðargráðu endi á því
borði. Hér er um að ræða stærstu
virkjun sem nokkurn tímann hefur
verið ætlunin að ráðast í hér. Það er
eðlilegt að um það mál séu skiptar
skoðanir,“ sagði Halldór.
Kemur mér
ekki mikið
á óvart
Úrskurður Skipulagsstofnunar
vegna Kárahnjúkavirkjunar