Morgunblaðið - 02.08.2001, Side 26
ERLENT
26 FIMMTUDAGUR 2. ÁGÚST 2001 MORGUNBLAÐIÐ
ný og betri
wap þjónusta
Með WAP þjónustu mbl.is er hægt að
lesa í símanum nýjustu fréttir,
fjármálaupplýsingar, veðurspá,
atvinnuauglýsingar og fleira áhugavert.
Frekari upplýsingar um WAP og SMS
þjónustu er að finna á forsíðu mbl.is
undir liðnum Fréttaþjónusta mbl.is.
Fylgstu með því nýjasta hvar og hvenær
sem er!
Innlendar fréttir
Erlendar fréttir
Tölvur og tækni
Viðskipti
Gengi gjaldmiðla
Vísitölur
Íþróttir
Atvinnuauglýsingar
Komu-og brottfarartímar
Veðurspá
Fasteignaleit
Stjörnuspá
Fólkið
Æ FLEIRI útgefendur freista þess
nú að auka tekjur af netsíðum blaða
sinna vegna mikils kostnaðar við
þær og minnkandi auglýsingatekna
af sjálfum pappírsútgáfum blað-
anna. News International, fjölmiðla-
fyrirtæki Rupert Murdoch, hefur nú
í huga að taka tíu pund, um 1.500 ís-
lenskar krónur, í árlega áskrift fyrir
aðgang að ákveðnum hlutum vefsíða
Times og Sunday Times og ætlunin
er að reyna að þróa frekar þennan
hluta.
Eftir sem áður verður aðgangur
að fréttasíðum ókeypis, en verið er
að huga að áskrift fyrir einstaka
hluta eins og krossgátuklúbbinn,
Times Crossword Club. Fyrir
áskrifendur mun klúbburinn bjóða
upp á sérstakar krossgátur mánað-
arlega, en einnig vera með efni dag-
lega fyrir krossgátuunnendur. Blöð
eins og Sun og News of the World,
sem einnig eru í eigu Murdochs, eru
þegar farin að taka áskriftar-
greiðslur fyrir einstaka þætti á vef-
síðum blaðanna.
Murdoch slapp ekki við óviturleg-
ar netfjárfestingar í óðanetfjárfest-
ingum undanfarin misseri og fyrir-
tæki hans fór illa út úr nokkrum
þeirra, til dæmis Firedup.com, einn
af mörgum uppboðsstöðum Netsins.
Guardian hefur það eftir talsmanni
News International að eftir að allir
hafi trúað á auglýsingatekjur af
Netinu, sem ekki skiluðu sér, sé
áherslan nú að færast yfir á áskrift-
artekjur og þeirri leið fylgi News
International einnig.
Önnur tekjuleið er einnig að taka
gjald fyrir aðgang að gagnabönkum
netmiðlanna. Financial Times, sem
þykir hafa mjög góðar opnar netsíð-
ur, býður einnig upp á margvíslegt
efni tengt fjármálaheiminum á síð-
um sínum gegn gjaldi. Álitið er að
blaðið hafi tekjur af því, en nýlega
dró netdeild blaðsins saman seglin
og sagði upp fólki.
Murdoch íhugar
netáskriftir
að blöðunum
London. Morgunblaðið.
LÚTERSKA heimssambandið
(LWF) var stofnað nokkru eftir að
síðari heimsstyrjöldinni lauk eða
árið 1947 og átti lúterska kirkjan á
Íslandi þátt í stofnun þess. Forseti
sambandsins, dr. Christian
Krause, sem jafnframt er biskup í
borginni Braunschweig í Þýska-
landi, er nú í einkaheimsókn á Ís-
landi. Krause segir sambandið
vera stækkandi samfélag, en í dag
eiga 133 kirkjur í 73 löndum aðild
að heimssambandinu. Í kirkjunum
eru alls um 65 milljónir lúters-
trúarmanna.
Fyrir hönd þeirra kirkna sem
eru í sambandinu starfar heims-
sambandið að ýmsum málefnum,
til að mynda málefnum flótta-
manna, mannréttindamálum og
þróunarmálum ýmiss konar. Til að
mynda stendur Lúterska heims-
sambandið fyrir mestu flótta-
mannaaðstoð í heimi fyrir utan
flóttamannaaðstoð Sameinuðu
þjóðanna (SÞ). „Á tímum alþjóða-
væðingar trúum við á samstöðu
kristinna manna við að hjálpa þeim
sem minna mega sín,“ segir
Krause. „Við lifum á tímum mikils
óróa og á síðustu árum hefur heim-
urinn tekið miklum breytingum.
Við stöndum því sífellt frammi fyr-
ir nýjum áskorunum og kristnir
menn þurfa að taka saman höndum
til að takast á við þær.“
Árið 1999 undirrituðu fulltrúar
Lúterska heimssambandsins sam-
eiginlega yfirlýsingu um réttlæt-
ingu af trú sem fulltrúar róm-
versk-kaþólsku kirkjunnar
undirrituðu einnig. Dr. Krause
segir yfirlýsinguna hafa verið há-
punktinn á meira en 30 ára ferli,
en viðræður Lúterska heimssam-
bandsins og rómversk-kaþólsku
kirkjunnar hófust árið 1965. „Með
yfirlýsingunni komumst við að
samkomulagi um þann grundvall-
arsannleika sem felst í réttlæting-
arkenningunni. Við viðurkennum
nú sannfæringu hvors annars, við
erum jafningjar,“ segir Krause að-
spurður um það hvaða atriði það
hafi verið sem skiptu sköpum í yf-
irlýsingunni. „Við dýrkum Guð á
ólíkan hátt en viðurkennum nú að
annar skilningurinn er ekki hafinn
yfir hinn. Við sameinumst í Kristi
drottni vorum.“
Þegar dr. Krause er inntur eftir
því hvað heimssambandið geri í því
vandamáli sem vaxandi kynþátta-
fordómar í Evrópu, Norður-Amer-
íku og Ástralíu eru samfara þeim
mikla fjölda flóttamanna sem
streymir til álfanna segir hann að
sambandið vinni af miklum krafti í
málum flóttamanna um allan heim.
„Baráttan gegn kynþáttafordóm-
um er alltaf nátengd straumi
flóttamanna. Við trúum því að það
eigi alltaf að hjálpa fólki að lifa
með reisn hvort sem það er í
þeirra eigin heimalandi eða því
landi sem það hefur leitað hælis í.
Það er hluti af umboði okkar að
hjálpa fólki sem þarf á okkar hjálp
að halda óháð kynþætti, trúar-
brögðum eða stjórnmálaskoðunum
þess,“ segir hann.
Hvenær kviknar líf?
Biskupinn telur fjölda nýrra
áskorana blasa við heimssamband-
inu nú þegar líftækni fleygir fram.
Hann segir siðferðilegar spurning-
ar tengdar vandamálum líffræði og
læknisfræði vera áleitnar.
„Við þurfum að nýju að spyrja
og skilgreina á hvaða tímapunkti
líf kviknar. Þetta er mikilvæg
spurning. Ég get aðeins sagt til
um hver afstaða þýsku kirkjunnar
er, ég tala ekki fyrir hönd allra
þeirra kirkna sem eiga aðild að
sambandinu. Afstaða lútersku
kirkjunnar í mínu heimalandi er sú
að líf kvikni strax við frjóvgun.
Eftir það á ekki að hafa áhrif á
þróun þess á nokkurn hátt.“ Á
hinn bóginn segir Krause að lút-
erska kirkjan taki allt aðra afstöðu
til getnaðarvarna en kaþólska
kirkjan. „Við undirstrikum mikil-
vægi þess að nota getnaðarvarnir.
Ég tel okkur hafa siðferðilega
skyldu til að hvetja til notkunar
verja til að hindra útbreiðslu al-
næmisveirunnar. Ekki síst í Afríku
þar sem sjúkdómurinn er orðið
jafn skelfilegt vandamál og raun
ber vitni.“
Þá er Krause inntur eftir því
hver afstaða Lúterska heimssam-
bandsins til réttindabaráttu sam-
kynhneigðra sé. Hann svarar því
til að hann eigi erfitt með að svara
fyrir sambandið í heild en vill tala
um afstöðu lútersku kirkjunnar í
Þýskalandi. Hann segir afstöðu
hennar vera að virða beri sæmd
samkynhneigðra. „Við teljum að
hjónaband karls og konu sé alls
ólíkt sambandi fólks af sama kyni.
Við viljum ekki veita sambandi
samkynhneigðra blessun kirkjunn-
ar og ég tel að lúterska kirkjan á
Íslandi taki sömu afstöðu,“ segir
hann.
„Í Þýskalandi hafa nýverið verið
sett lög sem viðurkennir samband
samkynhneigðra fyrir lögum. Á
hinn bóginn erum við algerlega
mótfallin því að samkynhneigðum
sé mismunað á nokkurn hátt. Þá
höfum við einnig barist gegn of-
sóknum gegn samkynhneigðum, til
að mynda höfum við veitt þeim
hjálparhönd í Namibíu þar sem
samkynhneigðum karlmönnum
hefur verið kennt um útbreiðslu al-
næmis í landinu.“
Að lokum er biskupinn spurður
út í hvernig heimssambandið hafi
brugðist við þeim vanda sem upp
er sprottinn í Ísrael og svæðum
Palestínumanna eftir að nýtt tíma-
bil ofbeldis og óróa hófst þar í
september síðastliðnum. Krause
segir að sambandið veiti mikla að-
stoð á hernumdu svæðunum. „Við
rekum einn stærsta spítalann á
Vesturbakkanum, auk þess sem
við rekum þar skóla og starfsþjálf-
unarmiðstöð. Á þessu svæði er
fjöldi starfsfólks á okkar vegum.
Við höfum enn fremur tekið þá
ákvörðun að hörfa ekki frá þessu
svæði því við teljum að nærvera
kristinna manna á svæðinu sé mik-
ilvæg,“ segir dr. Krause að lokum.
Ný vandamál í
breyttum heimi
Forseti Lúterska
heimssambandsins,
dr. Christian Krause,
er nú staddur í einka-
heimsókn hér á landi.
Biskupsstofa bauð
blaðamönnum í kaffi
í tilefni af heimsókninni
og Hrafnhildur
Huld Smáradóttir
þáði boðið.
Morgunblaðið/Sigurður Jökull
Dr. Christian Krause, forseti Lúterska heimssambandsins.
Forseti Lúterska heimssambandsins á Íslandi