Morgunblaðið - 18.09.2001, Blaðsíða 2
FRÉTTIR
2 ÞRIÐJUDAGUR 18. SEPTEMBER 2001 MORGUNBLAÐIÐ
VERULEG eftirspurn er nú eftir
starfsfólki í verslunar- og þjónustu-
greinum, meðal annars vegna opn-
unar Smáralindar fyrrihluta næsta
mánaðar. Að öðru leyti er greini-
legur samdráttur á vinnumarkaði frá
því sem var á síðasta ári, einkum í
sérhæfðari störfum, t.a.m. í hugbún-
aðar- og fjármálagreinum.
Starfsmönnum ráðningarþjónustu
ber saman um að róast hafi á vinnu-
markaði frá því sem var á síðasta ári
og fleiri umsóknir berist um hvert
starf en áður. Jafnframt að fyrirtæki
séu nú mun tregari til að ráða fólk og
leiti leiða til endurskipulagningar
hjá sér fremur en að grípa til nýr-
áðninga.
Guðný Harðardóttir, fram-
kvæmdastjóri ráðningarþjónustunn-
ar STRÁ MRI, sagði að almennt
væri meiri eftirspurn nú eftir störf-
um en framboð, ef afgreiðslustörf
væru undanskilin, en opnun Smára-
lindar gerði það að verkum að eft-
irspurn væri eftir fólki í slík störf.
Hins vegar væri samdráttur á vinnu-
markaði almennt, einkum í sérhæfð-
ari störfum eins og innan fjármála-,
tölvu-, hugbúnaðar- og hátækni-
geirans. Fyrirtæki hefðu verið að
skera niður, bæði í almennum og sér-
hæfðum störfum sem og störf milli-
stjórnenda.
Agla Sigríður Björnsdóttir, ráðn-
ingarstjóri Vinna.is, sagði að í upp-
hafi ársins hefði orðið greinileg
breyting á vinnumarkaðnum frá því
sem verið hefði síðastliðin þrjú ár.
Fyrirtæki hefðu farið að draga sam-
an seglin og fækka starfsfólki og
þess hefðu starfsráðningarstofurnar
orðið greinilega varar, auk þess sem
nýráðningar hefðu dregist saman.
Undantekningin væri störf á sviði
verslunar- og þjónustu. Þar hefði
verið komið á jafnvægi á fyrri hluta
ársins bæði vegna samdráttar í öðr-
um greinum og eftirspurnar frá
skólafólki eftir atvinnu. Með tilkomu
Smáralindar hefði hins vegar skap-
ast eftirspurn eftir starfsfólki í þess-
um greinum og nú væri mjög mikill
skortur á fólki í verslunar- og þjón-
ustustörf.
Vinnutíminn
fælir fólk frá
„Það má eiginlega segja að það sé
slæmt ástand í þessum efnum. Það
er erfitt að fá fólk í störf hvort sem
það er í matvöruverslunum, bygg-
ingarvöruverslunum, bensínstöðv-
um eða annars staðar. Þar er skort-
urinn í dag,“ sagði Agla.
Hún bætti því við að vinnutíminn
væri eitt af því sem áhrif hefði í þess-
um efnum. Afgreiðslutími væri lang-
ur og vaktavinna algeng í verslunum.
Það væri mikið framboð á afþreying-
arefni í þjóðfélaginu og yngra fólk í
dag vildi eiga kost á að njóta þess-
arar afþreyingar og væri ekki tilbúið
til að vinna jafn mikla vaktavinnu og
verið hefði áður.
Þórir Þorvarðarson, ráðningar-
stjóri hjá PricewaterhouseCoopers,
sagði að ástand á vinnumarkaði væri
rólegt. Ástandið nú, í samanburði við
þrjú síðustu ár þegar menn hefðu
ekki aðeins ráðið fyrir þá sem hættu
heldur einnig bætt við, væri þannig
að forsvarsmenn fyrirtækja veltu því
vandlega fyrir sér hvort ráða ætti
fólk í stað þess fólks sem hætti eða
hvort hægt væri að skipuleggja vinn-
una með öðrum hætti þannig að ekki
þyrfti að koma til ráðninga.
Greinilegur samdráttur á vinnumarkaði hvað varðar sérhæfð störf
Mikil eftirspurn eftir
fólki í afgreiðslustörf
Fylgstu
með
nýjustu
fréttum
www.mbl.isGuðlaug kinnbeinsbrotnaði
í leik með Brøndby / B1
Arsenal fylgist með
Árna Gauti Arasyni / B2
12 SÍÐUR48 SÍÐUR
Sérblöð í dag
Á ÞRIÐJUDÖGUM
DÆLINGU olíu úr flaki El
Grillo, sem liggur á botni Seyð-
isfjarðar, lauk í gær, fjórum dög-
um á undan áætlun. Að sögn Ein-
ars Sveinbjörnssonar, aðstoðar-
manns umhverfisráðherra, gekk
dælingin vel síðustu daga, en
óhagkvæm veðurskilyrði höfðu
áður tafið aðgerðir.
Allir 36 tankar skipsins voru
kannaðir og fannst olía í 13
þeirra. Magn olíunnar reyndist
vera 91 tonn sem er mun minna
en áður var talið að væri í flakinu.
Að sögn Einars hefur þeirri
kenningu nú verið varpað fram
að annaðhvort hafi El Grillo ekki
verið fulllestað olíu þegar því var
sökkt í síðari heimsstyrjöldinni,
líkt og áður var talið, eða þá að
lúgur skipsins hafi verið opnaðar
og verulegt magn olíu því borist
út í umhverfið skömmu eftir að
skipinu var sökkt en heimildir
kveða á um að stór olíuflekkur
hafi verið á firðinum fyrstu dag-
ana eftir að skipinu var sökkt.
„Það sem skiptir máli er að nú
hefur yfirvofandi olíumengun á
Seyðisfirði verið bægt frá,“ sagði
Einar en þetta er umfangsmesta
hreinsunaraðgerð á þessu sviði
sem ráðist hefur verið í hér við
land. Allar áætlanir um kostnað
hafa staðist sem og um fram-
kvæmdatíma.
Aðdráttarafl fyrir
sportkafara
Verkið gekk að sögn Eyjólfs
Magnússonar, starfsmanns Holl-
ustuverndar ríkisins, mjög vel en
Eyjólfur hefur dvalið um borð í
norska dæli- og köfunarskipinu
Risöy frá því vinna hófst við dæl-
ingu.
Hann segir norska verktakann
Riise Underwater Engineering
AS (RUE), sem hefur séð um
dælinguna úr El Grillo, hafa stað-
ið faglega að verki. RUE hefur
nú lokið störfum við El Grillo en
þrjátíu manna flokkur norskra
kafara og annarra sérfræðinga
sem hefur verið að störfum við
flakið frá 1. september vinnur nú
að frágangi búnaðar og heldur að
sögn Eyjólfs að öllum líkindum
burt frá Seyðisfirði á morgun.
Samkvæmt upplýsingum frá
umhverfisráðuneytinu er nú talið
að El Grillo muni njóta aukins
aðdráttarafls sportkafara þar
sem 134 metra langt flakið liggur
á 50 metra dýpi í miðjum Seyð-
isfirði.
Dælingu lokið úr El Grillo
91 tonni af
olíu var dælt
af hafsbotni
ÓLAFUR Ólafsson, formaður Fé-
lags eldri borgara í Reykjavík og ná-
grenni, segir að vaxandi þungi sé í
umræðunni um að eldri borgarar
bjóði fram á sérlista. Hann segir að
bæði hafi verið þrýstingur um sér-
framboð til Alþingis og sveitar-
stjórna.
Ólafur segir að fleiri og fleiri tali
um að eina leiðin til að rödd eldri
borgara heyrist sé að fara í sérfram-
boð. „Okkur sýnist að menn hafi ekki
brugðist nógu vel við okkar lögmætu
óskum, sem ég kalla svo, sem eru
einfaldlega að ellilaun fylgi almennri
launaþróun í landinu. Það má segja
að það sé meginkjarni málsins,“ seg-
ir Ólafur. Hann segir að 13% kjós-
enda séu á aldrinum 67 ára og eldri
og að sá hópur fari vaxandi.
Ólafur vill ekkert segja um hvort
verið sé að skoða framboð í næstu
sveitarstjórnarkosningum, en segir
að undanfarna mánuði hafi þetta
verið til skoðunar, bæði í Reykjavík
og annars staðar á landinu.
Eldri borgarar
íhuga sérframboð
Lífeyrir fylgi
almennri
launaþróun
KÆRUFRESTUR vegna nýs fasteigna- og brunabóta-
mats rann út í gær. Um það bil 8.000 athugasemdir
höfðu borist Fasteignamati ríkisins síðdegis, líklega
mikill meirihluti vegna brunabótamats, að sögn Hauks
Ingibergssonar, forstjóra Fasteignamatsins.
Aðspurður sagði Haukur að nú biði starfsmanna
stofnunarinnar að taka sérhverja athugasemd til skoð-
unar og afla upplýsinga. „Fyrsta skrefið er að biðja um
frekari upplýsingar frá eigandanum ef upplýsingar frá
honum eru ónógar. Annað skrefið er að kanna hvaða
upplýsingar eru um viðkomandi eign í landsskrá fast-
eigna, í skjalasöfnum stofnunarinnar og hjá bygging-
arfulltrúum. Og þriðja skrefið er skoðun á eigninni.“
Haukur segir það mismunandi í hverju tilfelli fyrir sig
hversu langt þurfi að ganga til að afla nauðsynlegra
upplýsinga. Hann segir þó verulega vinnu framundan
við að vinna úr öllum þessum athugasemdum og búast
megi við að hún muni taka nokkra mánuði.
Morgunblaðið/Þorkell
Örtröð var hjá Fasteignamati ríkisins í gær, síðasta dag kærufrests vegna nýs fasteigna- og brunabótamats.
Erill hjá Fasteignamatinu vegna nýja matsins
Um 8.000 athugasemdir bárust