Morgunblaðið - 18.09.2001, Blaðsíða 4

FRÉTTIR
4 ÞRIÐJUDAGUR 18. SEPTEMBER 2001 MORGUNBLAÐIÐ

 

 
   
 
 
   


Til sölu MMC Pajero 3200 DID
GLS nýskráður 24.08.2000, sjálf-
skiptur, diesel, ekinn 14 þ. km,
leðurinnrétting, sóllúga.
Ásett verð 4.390.000
STJÓRN fulltrúaráðs sjálfstæðis-
félaganna á Seltjarnarnesi hefur
ákveðið að viðhafa prófkjör um val
frambjóðenda Sjálfstæðisflokksins
við næstu bæjar- og sveitarstjórn-
arkosningar. Fer prófkjörið fram
laugardaginn 3. nóvember næstkom-
andi og hefur þegar verið auglýst
eftir framboðum til prófkjörsins.
Skv. upplýsingum sem fengust á
skrifstofu Sjálfstæðisflokksins er
þetta fyrsta prófkjörið sem ákveðið
hefur verið að efna til vegna kom-
andi sveitarstjórnarkosninga innan
Sjálfstæðisflokksins.
Skv. prófkjörsreglunum skal
framboð vera bundið við flokksbund-
inn einstakling, enda liggi fyrir
skriflegt samþykki hans um að hann
gefi kost á sér til prófkjörs. Fram-
bjóðendur skulu vera kjörgengir í
næstu bæjar- og sveitarstjórnar-
kosningum. 20 flokksbundnir sjálf-
stæðismenn, búsettir á Seltjarnar-
nesi, skulu standa að hverju
framboði og enginn flokksmaður
getur staðið að fleiri framboðum en
6. Er kjörnefnd heimilt að tilnefna
prófkjörsframbjóðendur til viðbótar
frambjóðendum, eftir að framboðs-
fresti lýkur.
Sigurgeir Sigurðsson, bæjarstjóri
á Seltjarnarnesi og oddviti sjálf-
stæðismanna um áratuga skeið, hef-
ur lýst því yfir að hann verði ekki í
framboði í næstu kosningum.
Seltjarnarnes
Sjálfstæð-
ismenn
undirbúa
prófkjör
SIGURÐUR Pétur Snorrason, að-
stoðarframkvæmdastjóri Pink
Sheet, sem er hlutabréfamarkaður
með óskráð hlutabréf, er búsettur
á Manhattan og fékk í gærdag að
fara í fyrsta sinn inn í íbúð sína frá
því að hryðjuverkin áttu sér stað í
síðustu viku. Þegar Morgunblaðið
náði tali af honum í gærkvöldi var
hann nýkominn út úr íbúð sinni,
sem er í um 150 metra fjarlægð frá
WTC-byggingunni. Hann var þá
búinn að bíða ásamt fleiri íbúum
frá því á laugardag að komast inn.
„Ég var rétt í þessu að komast út
úr íbúðinni með það allra nauðsyn-
legasta. Ég fékk um fimm mínútur
undir lögreglueftirliti. Íbúðin er í
góðu ástandi en mikið rusl fyrir ut-
an og rústir WTC-turnanna aðeins
rétt hjá,“ segir Sigurður Pétur.
Hann segir að fyrsta hópnum
hafi verið hleypt inn á laugardag-
inn og þá undir lögreglufylgd en
íbúar fá einungis 5-10 mínútur til
að ná í persónulega hluti. Engum
hópi var hleypt inn á sunnudaginn
en í gærdag var síðan tveimur hóp-
um hleypt inn. Sigurður Pétur var
í þeim seinni ásamt tveimur öðrum
leigjendum og tveimur lögreglu-
mönnum. Hann segir þá hafa hald-
ið hópinn allan tímann. Hann
kveðst hafa farið inn í bygginguna
með mjög ákveðið plan og það
fyrsta sem hann gerði var að
hlaupa og ná í ferðatöskurnar sín-
ar svo hann kæmi sem mestu fyrir.
Tók hann m.a. helstu föt sín og
vinnupappíra af skrifborðinu sínu.
Mikill reykur gaus upp
„Á laugardaginn beið ég í tvo
klukkutíma eftir því að fá að kom-
ast inn. Við fengum loks að fara í
gegnum lögreglu- og herhliðið sem
er hér í kring en þegar við vorum
að ganga áleiðis að byggingunni
gaus upp meiri reykur. Þá þurftu
allir að snúa til baka,“ segir hann.
Inntur eftir því hvernig sé um-
horfs þarna nú segir hann mjög
mikinn reyk vera á svæðinu. „Það
er heilmikill mökkur yfir öllu og
hann er meiri en hann var í morg-
un. Ástæðu þess veit ég ekki. Hér
eru þúsundir manna við störf, bæði
lögregla, her og hjálparsveitir.“
Sigurður Pétur segir að eftir því
sem hann best viti sé hann eini Ís-
lendingurinn sem búi á þessu svæði
en hann hefur dvalið undanfarna
daga á hóteli í New Jersey ásamt
kærustu sinni sem er kanadísk.
Íbúð hennar er hinum megin við
turnana miðað við hans íbúð en
hún komst einnig inn í sína íbúð í
gær.
Hyggstu flytja aftur inn í íbúðina
þína ef það verður hægt? „Ég er
ekkert farinn að hugsa um það.
Sumir segja að hægt verði að flytja
inn í íbúðina í næstu viku, aðrir
segja eftir sex mánuði og enn aðrir
að það verði aldrei hægt.“
Fékk að fara í fimm
mínútur inn í íbúð sína
ÁHRIF boðaðs verkfalls sjúkraliða
yrðu töluverð á Landspítala – há-
skólasjúkrahúsi, að sögn Önnu Stef-
ánsdóttur, hjúkrunarforstjóra
sjúkrahússins, en þar starfa um 550
sjúkraliðar. Fyrir hádegi í dag munu
hjúkrunarstjórnendur á sjúkrahús-
inu koma saman til fundar til að bera
saman bækur sínar og fara yfir hver
áhrif hugsanlegs verkfalls yrðu.
Fyrsta þriggja daga verkfall sjúkra-
liða af þremur hefst 1. október, náist
samningar ekki fyrir þann tíma.
Anna segir að áhrifin yrðu mis-
mikil eftir deildum. „Verkfall kæmi
mikið niður á svokölluðum bráða-
deildum, eins og skurðlækninga-
deildum og lyflækningadeildum, þar
sem sjúkraliðar gegna veigamiklu
hlutverki,“ segir Anna. Hún segir að
á svokölluðum neyðarlistum, sem
farið verður yfir á fundi hjúkrunar-
stjórnenda í dag, sé geðheilbrigðis-
þjónusta algjörlega undanþegin
verkfalli sem og mjög stór hluti öldr-
unarþjónustu.
Anna segist ekki vita hversu
margir þeirra 550 sjúkraliða sem á
sjúkrahúsinu starfa myndu leggja
niður störf, né hversu mikið yrði að
draga úr starfsemi sjúkrahússins.
Það muni skýrast á fundinum í dag.
Anna segir að enn sé ekki byrjað að
draga úr innlögnum á sjúkrahúsið til
að undirbúa verkfallið. „Ef ekki
verður búið að semja í byrjun næstu
viku förum við að skoða það að
draga saman í starfseminni,“ segir
Anna.
Hjúkrunarforstjóri Landspítala – háskólasjúkrahúss
Áhrif verkfalls sjúkra-
liða yrðu töluverð
SAMKEPPNISRÁÐ hefur komist
að þeirri niðurstöðu að sú ákvörðun
Eignarhaldsfélags Kringlunnar hf.
og síðar Þyrpingar hf. að meina
skyndibitastaðnum Jarlinum í
Kringlunni að selja hamborgara á
nýjum veitingastað í Kringlunni hafi
brotið gegn ákvæðum samkeppnis-
laga.
Í niðurstöðu samkeppnisráðs seg-
ir að það sé mat ráðsins að Jarlinn
hafi a.m.k. frá október 1997 mátt
vænta þess að fyrirtækið fengi að
selja hamborgara á veitingastað sín-
um í nýrri viðbyggingu Kringlunnar.
Sé vart unnt að leggja annan skiln-
ing í gögn málsins en að Þyrping hafi
í raun lofað fyrirsvarsmönnum Jarls-
ins að þeir gætu haldið áfram svip-
uðum veitingarekstri á hinum nýja
stað. Gögn málsins beri og með sér
að þetta hafi verið skilningur fyrir-
svarsmanna Jarlsins og þeir hafa
upplýst að þeir hafi frá október 1997
unnið að því að flytja Jarlinn á hinn
nýja stað.
„Er það mat samkeppnisráðs að
sú hegðun Þyrpingar að banna síðan
Jarlinum að selja hamborgara og
ganga til samninga við annan veit-
ingastað um það rými sem Jarlinum
var á sínum tíma lofað hafi falið í sér
óréttmæta viðskiptahætti í skilningi
20. gr. samkeppnislaga. Hér skiptir
máli að ekkert hefur komið fram í
málinu sem bendir til þess að Þyrp-
ing hafi á nokkurn hátt greint Jarlin-
um frá eða varað Jarlinn við að
breytingar af þessum toga stæðu
til,“ segir síðan í niðurstöðu ráðsins.
Ágreiningi um hamborgarasölu í
Kringlunni skotið til samkeppnisráðs
Þyrping braut
samkeppnislög
MAGNÚS Ásgeirsson, innkaupa-
stjóri eldsneytis hjá Olíufélaginu hf.
Esso, telur farsælast að halda bens-
ín- og olíuverði óbreyttu hér á landi
fyrst um sinn, þrátt fyrir að heims-
markaðsverð hafi hækkað síðastlið-
inn föstudag.
Að hans sögn hafa OPEC-ríkin,
með Sádi-Arabíu og Venezúela í
broddi fylkingar gefið út þá yfirlýs-
ingu að þau ætli að bæta Bandaríkja-
mönnum upp þá olíu sem hugsanlega
kynni að vanta ef truflanir verði á af-
greiðslu eldsneytis þangað á næst-
unni vegna árásanna í síðustu viku.
„Birgðir í Bandaríkjunum fyrir
viku voru meiri en búist hafði verið
við og allar líkur eru á að birgðir hafi
verið meiri í lok síðustu viku en
menn áttu von á því ekki hefur notk-
unin aukist,“ segir Magnús. „Undir
venjulegum kringumstæðum myndi
þetta þýða lækkun á olíuverði en ég
held að það sé skynsamlegt, vegna
þeirra aðstæðna sem nú ríkja, að
fara mjög varlega því erfitt er að
fullyrða í hvora áttina þróunin á
heimsmarkaðsverði komi til með að
verða.“
Sveiflur hafa verið á heimsmark-
aðsverði undanfarna daga og segir
Magnús of snemmt að segja til um að
svo stöddu hvort hækkun eða lækk-
un komi til með að verða á eldsneyti
hér á landi.
Engar ákvarðanir hafa verið teknar um hækkun olíuverðs
Ýmsar blikur á lofti
BILUN kom upp í reykhreinsibún-
aði í þriðja ofni Járnblendiverk-
smiðjunnar á Grundartanga í gær.
Af þeim sökum neyddist fyrirtækið
til að hleypa óhreinsuðum reyk beint
út í andrúmsloftið. Smári Guðjóns-
son aðstoðarframleiðslustjóri sagði
þetta slæmt fyrir umhverfið og lögð
hefði verið öll áhersla á að gera við
hreinsibúnaðinn sem fyrst. Um sjö
klukkutíma tók að gera við bilunina.
Að sögn Smára er beint fjárhags-
tjón Járnblendifélagsins ekki mjög
mikið vegna bilunarinnar. „En okkur
finnst alvarlegt þegar við þurfum að
hleypa út reyk.“
Smári sagði að samkvæmt starfs-
leyfi Járnblendifélagsins þyrfti fé-
lagið að tilkynna Hollustuvernd rík-
isins ef verksmiðjan sleppti út reyk í
meira en þrjár klukkustundir sam-
fleytt. Verksmiðjunni eru sett viss
mörk varðandi reyklosun, en Smári
sagði að þetta atvik í gær væri vel
innan þeirra marka.
Þriðji ofn Járnblendiverksmiðj-
unnar er nýjasti ofn verksmiðjunnar.
Byrjunarerfiðleikar voru í rekstri
reykhreinsibúnaðar ofnsins þegar
hann var tekinn í notkun. Smári
sagði að eftir að tókst að yfirvinna
byrjunarerfiðleikana hefði rekstur
búnaðarins gengið vel.
Bilun í
reyk-
hreinsi-
búnaði
Morgunblaðið/Þorkell
Mikil mengun barst frá Járnblendiverksmiðjunni í gær meðan hreinsibúnaðurinn var bilaður.