Morgunblaðið - 18.09.2001, Blaðsíða 12

FRÉTTIR
12 ÞRIÐJUDAGUR 18. SEPTEMBER 2001 MORGUNBLAÐIÐ
FRAMKVÆMDASTJÓRN Starfs-
greinasambands Íslands (SGS) sam-
þykkti um helgina ályktun þar sem
lýst er eindregnum stuðningi við
uppbyggingu atvinnulífs á Austur-
landi með þeim virkjunar- og stór-
iðjuframkvæmdum sem þar eru
áætlaðar á næstu árum. Halldór G.
Björnsson, formaður sambandsins,
segir að þetta sé mikið hagsmuna-
mál fyrir félagsmenn SGS. Hann
hvetur til þess að lífeyrissjóðirnir
gerist eignaraðilar að álveri ef í ljós
komi að það sé hagkvæmt eins og
flest bendi til.
Starfsgreinasambandið er lang-
stærsta aðildarfélag ASÍ. Í fram-
kvæmdastjórninni eiga sæti 24 ein-
staklingar og samþykktu þeir
ályktunina samhljóða en þrír sátu
hjá. Starfsgreinasambandið hefur
ekki áður ályktað um þessar tilteknu
framkvæmdir en á síðasta þingi
Verkamannasambandsins var sam-
þykkt stuðningsyfirlýsing við álver á
Austurlandi.
Halldór sagði að það hefði verið
full eining innan framkvæmda-
stjórnarinnar um að SGS ætti að
hafa skoðun á uppbyggingu atvinnu-
lífs á Austurlandi enda snerti það
hagsmuni félagsmanna.
„Við sjáum ekki í hendi okkar ann-
an kost til atvinnuuppbyggingar á
þessu svæði. Sjórinn er ekki fullur af
fiski, að því er manni er sagt. Við er-
um sannfærð um að þetta hefur mik-
ið gildi fyrir byggð í landinu. Auðvit-
að nýtur allt landið góðs af þessu ef
þetta tekst vel sem ég hef fulla trú á.
Það er mjög alvarlegt mál ef menn
eru komnir í þá stöðu að aðalatvinnu-
vegir þjóðarinnar megi helst hvergi
vera,“ sagði Halldór.
Hefði mikla grósku í för með
sér á Austurlandi
Í greinargerð með ályktuninni
segir að þróun atvinnu- og efnahags-
mála hafi verið dapurleg á Austur-
landi undanfarin ár. Lítil nýsköpun
hafi átt sér stað á svæðinu undanfar-
ið, atvinnuvegir einhæfir, kjör oft
slæm og fólksflótti mikill. Ljóst sé að
mikið þurfi til að snúa þeirri
óheillaþróun við. Til að svo megi
verða sé nauðsynlegt að auka fjöl-
breytni í atvinnulífi á Austurlandi og
gera landshlutann eftirsóknarverð-
ari í augum íbúanna og annara lands-
manna með aukinni eftirspurn eftir
vinnuafli í ólíkum greinum atvinnu-
lífsins, bæði í grunnatvinnugreinum
svo og hvers konar þjónustugrein-
um.
„Samkvæmt framangreindu er
fullljóst að fyrirhuguð virkjunar- og
stóriðjuáform á Austurlandi munu
hafa mikil og jákvæð áhrif á upp-
byggingu atvinnulífs í fjórðungnum
og þjóðfélagið allt. Fram hefur kom-
ið að við framkvæmdir við Kára-
hnjúkavirkjun muni ársverkum á
Austurlandi fjölga um 3%. Einnig
hefur komið fram að samhliða bygg-
ingu virkjunarinnar verði ráðist í að
reisa tvær háspennulínur á Austur-
landi sem muni krefjast 180 árs-
verka, sem dreifast á þrjú ár. Þá eru
fyrirhugaðar framkvæmdir við
fyrsta áfanga álvers við Reyðarfjörð
á árunum 2003-2006, gerð jarðganga
og bygging íbúðar- og atvinnuhús-
næðis. Áætlað er að um 450 störf
verði til við rekstur fyrsta áfanga ál-
versins, og alls um 600 störf þegar
það er fullbyggt. Þá er einnig áætlað
að tvöfalt fleiri störf til viðbótar
skapist á landsvísu vegna margfeld-
isáhrifa, þar af tæpur helmingur á
Austurlandi. Ljóst er að umræddar
framkvæmdir myndu hafa í för með
sér mikla grósku í atvinnumálum á
Austurlandi og störfum myndi fjölga
til mikilla muna. Jafnframt mun fjöl-
breytni starfa aukast, eftirspurn
yrði eftir mannafla í flestum iðn-
greinum, einnig almennum verka-
mannastörfum og fjölmörgum þjón-
ustugreinum. Þá mun álverið
tryggja fjölda tiltölulega vel laun-
aðra starfa um ókomin ár og aug-
ljóslega verða mikil lyftistöng fyrir
sveitarfélög og samfélagið í heild
m.a. vegna aukinna útsvarstekna,
fasteignaskatta, hafnar- og vöru-
gjalda o.fl.,“ segir í ályktuninni.
Halldór sagðist vera eindregið
þeirrar skoðunar að lífeyrissjóðirnir
ættu að taka þátt í byggingu álvers.
„Okkur í stjórn lífeyrissjóðanna ber
auðvitað að gæta fyllstu varkárni í
fjárfestingum sjóðanna, en mér
finnst skynsamlegra að fjárfesta í
fyrirtæki á Íslandi en að við séum að
kaupa hlutabréf vítt og breitt um
heiminn,“ sagði Halldór og bætti við
að hlutabréf hefðu almennt verið að
lækka í verði, ekki síður erlendis en
hér heima.
Starfsgreinasamband Íslands samþykkir ályktun um virkjanamál á Austurlandi
Styður eindregið
stóriðju og virkjanir
MIKIÐ veiðiskot kom í Vatna-
mótunum fyrir helgina og var t.d.
tveggja daga holl sem lauk veið-
um á hádegi föstudagsins með 50
sjóbirtinga, eða kvótann. Að sögn
Birgis Sumarliðasonar, sem hefur
áralanga veiðireynslu á þessu
svæði, hafa hann og félagar hans
ekki séð svona lífleg Vatnamót í
tuttugu ár.
„Hluta af tímanum voru miklir
vatnavextir og mikið í Skaftánni,
en þegar vatnsborðið lækkaði
komu fín skot og hvert af öðru.
Einn í hópnum tók t.d. eitt skiptið
tíu fiska í beit. Mest voru þetta
fjögra til sjö punda fiskar og
margir þeirra grálúsugir,“ sagði
Birgir. Á sama tíma hefur verið
treg veiði í bergvatnsánum í kring
um Klaustur, Geirlandsá, Gren-
læk, Hörgsá og Fossálum. Það er
hins vegar mál manna að miðað
við gönguna í Skaftá sé aðeins
tímaspursmál hvenær fer að
glæðast í bergvatnsánum.
Bleikjureytingur
í Eldvatni
Eitthvað á annað hundrað
bleikjur hafa verið færðar til bók-
ar í Eldvatni á Brunasandi, einnig
nokkrir sjóbirtingar og einn sjö
punda lax. Bleikjan er víða í ánni
og hafa menn helst fengið hana á
flugu. Eitt hollið var með mjög at-
hyglisverðan afla, á þriðja tug
fiska, þar af 12-14 stykki á bilinu
fjögur til sex pund. Sjóbirtingarn-
ir eru fáir, flestir í kring um fjög-
ur pund og veiddir neðarlega, í ár-
mótunum við Hverfisfljót.
Stóra Laxá komin í gang
Segja má að haustveiðin sé
byrjuð í Stóru Laxá, eitt holl á
svæðum 1-2 var með 17 laxa og
annað með 15 stykki. Um líkt leyti
settu menn í níu laxa á svæði 3 og
náðu sex þeirra. Áberandi er hve
mikið af laxinum er á bilinu 10 til
16 pund. Sá stærsti til þessa
veiddist á föstudaginn, 20,5 punda
hængur sem veiddist á hvítan
Tóbíspón í Kvíslamótum á svæði
1. Í sama holli var einn 17 punda í
Flatastreng, en annars er a.m.k.
helmingur af veiðinni þessa dag-
anna tekin í Kálfhagahyl. Stór-
rigningar hafa gert ána illveiðandi
tímabundið og hafa sum hollin
misst út vaktir að meira og minna
leyti vegna þessa. Slangur hefur
einnig verið af birtingi í ánni,
margt af þeim fiski hefur verið 3-4
pund og ágætis viðbót við laxinn.
Með 15 laxa hollinu voru komnir
102 laxar á land á svæðum 1-2.
SVFR með Leir-
vogsá til 2008
Stjórn Stangaveiðifélags
Reykjavíkur hefur framlengt
leigu sína á Leirvogsá til loka ver-
tíðarinnar 2008, en fyrri samning-
urinn náði út vertíðina 2003. Að
sögn Bergs Steingrímssonar,
framkvæmdastjóra SVFR, er
mikil ánægja með þennan samn-
ing í herbúðum félagsins, enda sé
Leirvogsá með bestu laxveiðiám
landsins. Á fimmtudag voru
komnir 420 laxar á land úr ánni,
en veitt er á tvær stangir. Að sögn
Bergs er ekki mikill kostnaðar-
auki á ferðinni, en sá sem er, fer í
aukna fiskrækt í ánni og er það að
frumkvæði bænda við ána.
Kjartan Sigurðsson og Árni Eyjólfsson veiddu þessa tvo 17 og 5
punda laxa á Breiðunni í Soginu fyrir landi Alviðru fyrir skömmu.
Þeir fengu gesti, 7. bekk úr Hlíðarskóla sem var í námsferð í Al-
viðru og var að leggja í kynnisferð í Öndverðarnes.
ERU
ÞEIR AÐ
FÁ’ANN?
Mok í Vatnamótunum
INGVI Hrafn Óskarsson, aðstoðar-
maður dóms- og kirkjumálaráð-
herra, var kjörinn formaður Sam-
bands ungra sjálfstæðismanna
(SUS) til næstu tveggja ára á 36.
þingi sambandsins sem haldið var á
Seltjarnarnesi um helgina. Ingvi
Hrafn var einn í framboði og naut
stuðnings 83% þeirra þingfulltrúa
sem atkvæði greiddu. Hefur hann
því tekið við formennsku af Sigurði
Kára Kristjánssyni.
Varaformaður var kjörinn Haf-
steinn Þór Hauksson laganemi en
hann var sömuleiðis einn í kjöri til
embættis varaformanns. Þá var á
þinginu kjörin aðalstjórn SUS en í
henni sitja 25 manns úr öllum kjör-
dæmum landsins auk formanns og
varaformanns. Ingvi Hrafn hefur á
síðustu árum gegnt starfi fyrsta
varaformanns SUS en hann var for-
maður Heimdallar, félags ungra
sjálfstæðismanna í Reykjavík, á ár-
unum 1998 til 1999.
Ingvi Hrafn segir í samtali við
Morgunblaðið að þingið hafi farið vel
fram en mun meiri átök voru á
þinginu fyrir tveimur árum þegar
Sigurður Kári Kristjánsson og Jónas
Þór Guðmundsson tókust á um for-
mannsembættið. „Það voru mikil
átök fyrir tveimur árum. Þetta þing
fór fram með mun friðsamari hætti.
Ég held því að það sé hægt að álykta
sem svo að það sé ágætis sátt í sam-
tökunum núna,“ segir Ingvi Hrafn.
Aðspurður kveðst hann ekki búast
við neinum meiriháttar áherslu-
breytingum í stjórn sambandsins
þótt hann hafi tekið þar við forystu
en hann tekur þó fram að nýjum
mönnum fylgi alltaf einhverjar
breytingar í áherslum.
Ingvi Hrafn ítrekar að þing SUS
nú um helgina hafi verið tileinkað
skattamálum og ríkisútgöldum –
enda yfirskrift þingsins: Lægri
skatta! – og bendir á að í stjórnmála-
ályktun þingsins leggi ungir sjálf-
stæðismenn höfuðáherslu á að tekju-
skattur á einstaklinga og fyrirtæki
verði lækkaðir verulega og að stimp-
ilgjöld, stór hluti vörugjalda, eign-
arskattar, erfðafjárskattar og sér-
stakur tekjuskattur verði aflagðir
með öllu sem fyrst.
Þá bendir Ingvi Hrafn á að lands-
fundur Sjálfstæðis-
flokksins verður hald-
inn 11. til 14. nóvember
nk. og segir mikilvægt
að ungir sjálfstæðis-
menn „komi þar inn
sterkir með sínar hug-
myndir,“ eins og hann
orðar það. „Ennfremur
mun kjörtímabil mitt
mótast af sveitar-
stjórnarkosningum
sem verða haldnar
næsta vor og alþingis-
kosningum sem verða
ári síðar. Ungir sjálf-
stæðismenn munu
leggja sitt af mörkum
til að tryggja Sjálfstæðisflokknum
góða útkomu í þeim kosningum.“
Í stjórnmálaályktun þingsins um
lækkun tekjuskatta á einstaklinga
og fyrirtæki segir m.a.: „Þegar til
lengri tíma er litið myndu skatta-
lækkanir leiða til þess að samkeppn-
ishæfni og afkoma íslenskra fyrir-
tækja myndi aukast og skatttekjur
ríkisvaldsins sömuleiðis. Aukin
starfsemi erlendra fyrirtækja hér á
landi mun skila íslensku atvinnulífi
þekkingu, viðskiptatækifærum og
aukinni framlegð. Skattalækkanir
veita okkur ekki aðeins skilvirkara
ríkisvald heldur einnig sterkara og
fjölbreyttara atvinnulíf. Nauðsyn-
legt er að gera sér grein fyrir þeirri
hindrum sem íslenska krónan er fyr-
ir íslenskt efnahagslíf og möguleika
okkar til að laða að erlent fjármagn.
Til lengdar verður ekki hjá því kom-
ist að taka upp sterkan gjaldmiðil í
stað krónunnar.“
Í ályktuninni fordæmir SUS einn-
ig „þau hrikalegu hryðjuverk sem
beint var gegn bandarísku þjóðinni
með árásunum á New York borg og
Washington D.C.,“ eins og það er
orðað í ályktuninni. „Árásum þess-
um er beint gegn frelsi og lýðræði í
heiminum og kallar á alþjóðlega
samstöðu gegn hryðjuverkamönnum
og aðilum sem skjóta skjólshúsi yfir
þá eða hjálpa þeim á aðra lund. Lýsir
SUS yfir stuðningi við allar þær að-
gerðir sem notast verður við til að
finna og refsa þeim sem bera ábyrgð
á ódæðunum sem unnin voru gegn
bandarísku þjóðinni og heiminum
öllum þriðjudaginn 11.
september 2001.“
Í stjórnmálaályktun-
inni kemur einnig fram
að SUS telji að rök
standi ekki til þess að
Íslendingar sæki um
aðild að Evrópusam-
bandinu (ESB).
Þá lýsir SUS í álykt-
uninni yfir stuðningi
við þann grundvöll sem
núverandi fiskveiði-
stjórnunarkerfi Íslend-
inga byggir á. Þar segir
SUS ennfremur: „SUS
leggur engu að síður
til að lögum um stjórn
fiskveiða verði breytt þannig að afla-
heimildir verði skilgreindar sem bein
eignarréttindi og framsal aflaheim-
ilda gefið algjörlega frjálst. SUS
skorar á ríkisstjórn Davíðs Oddsson-
ar að fella alfarið niður úthlutun
byggðakvóta og sjómannaafslátt.
Fjárfestingar erlendra aðila í sjávar-
útvegi eiga að vera heimilar. SUS
hafnar sérstakri gjaldtöku á sjávar-
útveginn. Einnig hafnar SUS öllum
hugmyndum um svokallaða fyrning-
arleið í greininni. Það verður aldrei
sátt um sósíalisma á Íslandi.“
Kosið í nýja stjórn
Kosið var í nýja aðalstjórn SUS. Í
Reykjavík náðu eftirfarandi kjöri:
Andrés Arndrésson, Arna Hauks-
dóttir, Friðjón R. Friðjónsson, Gísli
Hauksson, Guðrún Inga Ingólfsdótt-
ir, Gunnlaugur Jónsson, Haukur Örn
Birgisson, Magnús Þór Gylfason,
Margrét Leósdóttir og Sigurður
Kjartan Hilmarsson. Í Suðvestur-
kjördæmi náðu kjöri: Hafsteinn Þór
Hauksson, Halldór Karl Högnason,
Haukur Þór Hauksson, Magnús Örn
Guðmundsson, Pétur Árni Jónsson,
Ragnhildur Guðmundsdóttir.
Í Suðurkjördæmi náðu kjöri: Ein-
ar Sigurðsson, Kjartan Ólafsson
Vídó, Georg Brynjarsson og Ingvar
Pétur Guðbjörnsson.
Í Norðausturkjördæmi náðu kjöri:
Jens Garðar Helgason, Páll Snorra-
son og Þorvaldur Makan. Og í Vest-
urkjördæmi náðu kjöri: Bergþór Óla-
son, Kristján Jónsson og Magnús
Jónsson.
Ingvi Hrafn Óskarsson nýr formaður SUS
Vilja lækka skatta
á fyrirtæki
og einstaklinga
Ingvi Hrafn Óskarsson