Morgunblaðið - 18.09.2001, Blaðsíða 60
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 18. SEPTEMBER 2001 VERÐ Í LAUSASÖLU 190 KR. MEÐ VSK.
STURLA Böðvarsson samgöngu-
ráðherra hefur miklar áhyggjur af
100 milljóna króna tapi Flugleiða
sem áætlað er að fyrirtækið hafi
orðið fyrir vegna röskunar á flugi í
kjölfar hryðjuverkanna í Bandaríkj-
unum. Fyrir hefur fyrirtækið átt í
rekstrarerfiðleikum, sérstaklega
vegna verðhækkana á eldsneyti.
Sturla er staddur á Grænlandi
þar sem hann sækir Vestnorden-
ferðakaupstefnuna og segist hann
gera ráð fyrir því að funda með for-
svarsmönnum Flugleiða strax eftir
komuna til landsins, en hann er
væntanlegur hingað til lands á
fimmtudag. Sturla segir að ekki hafi
verið tekin afstaða til þess hvort rík-
ið muni hlaupa undir bagga með fé-
laginu.
Flugleiðir þurftu að aflýsa 26
flugferðum og varð röskun á sjö
ferðum til viðbótar dagana 11.–14.
september. Alls áttu 4.000 farþegar
bókað sæti í þessum ferðum. Þá féll
umtalsverður kostnaður á fyrirtæk-
ið vegna hótelgistingar og aksturs
með farþega sem ekki komust til
Bandaríkjanna fyrstu dagana eftir
hryðjuverkin þar í landi.
„Það er auðvitað ljóst og hefur
verið ljóst síðustu daga að flugfélög-
in munu verða hart úti í þessum al-
varlegu atburðum. Það kemur í
sjálfu sér ekki á óvart að Flugleiðir
verði fyrir skelli, en það er auðvitað
mjög alvarlegt í þeirri kröppu stöðu
sem félagið hefur verið í vegna olíu-
verðshækkana,“ segir samgöngu-
ráðherra.
Þjónusta Flugleiða undirstaða
ferðaþjónustunnar hérlendis
Hann segir ekkert hægt að segja
fyrir um til hvaða ráða verði gripið
að svo komnu máli, það muni skýr-
ast þegar sjái fyrir endann á þessari
þróun og flugið verði komið í meira
jafnvægi. „Á þessu stigi er ekkert
hægt að segja til um hvort ríkisvald-
ið muni koma með einhverjum hætti
til móts við félagið, en það er alveg
ljóst að við eigum mikið undir því að
Flugleiðir standi sig í þessum
hremmingum sem nú ríða yfir, því
flutningar til landsins og frá því eru
svo þýðingarmiklir og þjónusta fé-
lagsins hefur verið undirstaða upp-
byggingar ferðaþjónustunnar á Ís-
landi,“ segir Sturla.
Hlutabréf í Flugleiðum lækkuðu
um 10,5% í einum viðskiptum í gær
og var gengi bréfanna í lok dagsins
1,7. Flugleiðir tilkynntu milliupp-
gjör í ágúst sl. og reyndist tap fé-
lagsins fyrstu sex mánuði þessa árs
nema 1.593 milljónum króna.
Tap Flugleiða vegna hryðjuverkanna 100 milljónir
Samgönguráðherra
fundar með stjórn-
endum Flugleiða
Flugleiðir hafa tapað/10
Á TVEIMUR árum hafa um fimm
þúsund fuglar verið skotnir hvort
ár á og við flugvallarsvæðið í
Keflavík. Björn Ingi Knútsson,
flugvallarstjóri Keflavíkurflug-
vallar, segir fuglalíf í nágrenni
vallarins hafa verið rannsakað
undanfarin ár í samvinnu við Pál
Hersteinsson prófessor og fleiri
en brýnt hafi verið orðið að grípa
til aðgerða til að draga úr hættu á
því að fuglar lendi á flugvélum við
völlinn.
Starfsmenn slökkviliðsins á
Keflavíkurflugvelli hafa gegnum
árin fylgst með fugli innan flug-
vallarsvæðisins og annast fækkun
vargfugls þar. Björn Ingi segir
ekki óeðlilegt að nokkurt fuglalíf
sé við völlinn þar sem hann sé um-
luktur sjó á þrjá vegu. Eftir að
fugl lenti í hreyfli einnar þotu
Flugfélagsins Atlanta sumarið
1999 var hert á aðgerðum vegna
þessarar hættu og tók Flugmála-
stjórn þá að sér að huga að fækk-
un vargfugls utan vallarsvæðisins.
Var einkum hugað að fugli sem
heldur sig norður og vestur af
vellinum á svæði sem er í aðflugs-
línu að tveimur flugbrautanna.
Standa einnig yfir margháttaðar
rannsóknir á hegðun fugla við
flugvallarsvæðið. Björn Ingi segir
tvo menn sinna fuglaveiðum utan
við flugvallarsvæðið og að í fyrra
og í ár hafi verið skotnir um fimm
þúsund fuglar hvort ár.
Flugslysaáætlun
endurskoðuð
Öryggismál á Keflavíkurflug-
velli hafa verið til endurskoðunar
síðustu misserin í framhaldi af
stefnumörkun utanríkisráðuneyt-
isins. Er verið að setja nýja reglu-
gerð um umferð og dvöl manna á
varnarsvæðunum, handbók um
flugverndaráætlun er á lokastigi
en hún snýst um fyrirbyggjandi
aðgerðir til verndar gegn ólög-
mætum aðgerðum, öryggisnefnd
hefur verið sett á laggirnar og
flugslysaáætlun endurskoðuð.
Unnið að bættum öryggismál-
um á Keflavíkurflugvelli
Tíu þúsund
fuglar skotnir
Ný reglugerð/30
VERSLUNARRÁÐI Íslands og
sumum félagsmönnum þess hefur á
undanförnum vikum borist vafasam-
ur tölvupóstur frá Afríku, þar sem
óskað er eftir viðskiptasamböndum
við móttakendur. Í bréfunum er beð-
ið um að móttakandi geymi fé, allt að
tugum milljóna dollara, gegn ríflegri
greiðslu. Sem dæmi má nefna að
heitið er 1,8 milljónum dollara í þókn-
un fyrir varðveislu 12,5 milljóna doll-
ara.
Að sögn Sigríðar Andersen, lög-
fræðings Verslunarráðsins, hafa
nokkur slík bréf borist undanfarnar
fimm vikur, eftir nokkurt hlé.
Talið að glæpamenn séu
að koma þýfi úr landi
Erindi bréfritara er oftast það að
koma fé úr landi, yfirleitt Nígeríu, og
í því skyni er beðið um að móttakandi
tölvupóstsins láti millifæra umrædd-
ar fjárhæðir inn á bankareikning
sinn. Hjá Verslunarráði fengust þær
upplýsingar að ekki væri vitað til
þess að Íslendingar hefðu látið
blekkjast og látið reikningsnúmer sín
í hendur óþekktra aðila. Talið er að
umræddar fjárhæðir sem getið er um
í tölvupóstinum séu þýfi sem glæpa-
menn eru að reyna koma úr landi og
reyni í því skyni að fá grunlaust fólk
til að hjálpa sér. Efni bréfanna er oft
á þá leið að bréfritari segist vera erf-
ingi svimandi fjárhæða en vilji ekki
festa fé sitt í heimalandi sínu vegna
slæms ástands heima fyrir.
Að sögn Sigríðar Andersen hefur
Verslunarráðið ítrekað varað við
tölvubréfum af þessu tagi og segir
hún að félagsmenn Verslunarráðs
kunni að varast þau.
Ríflegum
greiðslum
heitið í
vafasömum
tölvupósti
TÓNLEIKAGESTIR í troðfullri Laugardalshöll
risu ítrekað úr sætum og voru ósparir á fagn-
aðarlætin á tónleikum José Carreras, Sigrúnar
Hjálmtýsdóttur, Kórs Íslensku óperunnar og
Sinfóníuhljómsveitar Íslands undir stjórn Davids
Giménez í gærkvöldi.
Hápunkti náðu fagnaðarlætin eftir hlé, eftir
söng Carreras á Serenöðu eftir Toselli og Musica
proibita eftir Gastaldon og eftir söng Diddúar á
Il Bel sogno eftir Puccini. Fjölmörg aukalög
voru sungin í tónleikalok og lauk tónleikunum
með frægum dúett, Libiamo úr La Traviata, og
var söngvurum, kór og hljómsveit innilega fagn-
að.
Jón Ásgeirsson gagnrýnandi segir í dómi sín-
um í blaðinu í dag m.a.: „Í heild voru þetta sér-
stæðir tónleikar og mörg viðfangsefni lítt þekkt
hér á landi en á söng meistarans, Carreras, og
Sigrúnar bar engan skugga.“
Morgunblaðið/Árni Sæberg
Söngvararnir José Carreras og Sigrún Hjálmtýsdóttir voru ákaft hylltir í lok tónleikanna í Laugardalshöll í gærkvöldi.
Fagnaðarlæti í troðfullri Höll
Á sönginn bar/6