Morgunblaðið - 28.09.2001, Blaðsíða 13

Ráðstefna um almannavarnir liður í áhættumati
fyrir Stór-Reykjavíkursvæðið
HÆTTULEG efni og áhætta í dag-
legu lífi var meðal þess sem rætt var
á ráðstefnu um almannavarnir sem
haldin var í Ráðhúsinu í gær. Ráð-
stefnan var liður í áhættumati sem
verið er að gera fyrir allt höfuðborg-
arsvæðið.
Ráðstefnan var skipulögð af al-
mannavarnanefndum höfuðborgar-
svæðisins sem til stendur að sameina
í eina. Að sögn Hrólfs Jónssonar
slökkviliðsstjóra var ráðstefnan hluti
af áhættumati sem verið er að gera
fyrir allt svæðið. „Við erum að skoða
þá áhættu sem skapast af okkar dag-
lega lífi, ekki vegna náttúruhamfara,
stríðs eða einhvers slíks heldur fyrst
og fremst vegna flutnings hættulegs
varnings, geymslu hans, framleiðslu
og þess háttar. Síðan förum við að-
eins í fræðilegar skilgreiningar á því
hvað áhætta í rauninni er og hvort
við getum sett einhver mörk um það
hvaða áhætta er ásættanleg í okkar
samfélagi.“
Misjafnt hversu vel er staðið
að flutningum hérlendis
Hann segir að þegar talað sé um
flutning á hættulegum efnum hér-
lendis sé að mestu leyti um eldsneyt-
isflutninga að ræða. „Hættulegur
varningur er skilgreindur sam-
kvæmt alþjóðlegum reglum í átta
flokka og allur sá varningur sem
undir það fellur þarf að flytjast með
sérstökum hætti.“
Efnin sem um ræðir eru að sögn
Hrólfs sprengifim og eldfim efni,
eitruð efni, geislavirk efni, loftteg-
undir sem geta valdið hættu, efni
sem geta valdið sjálfíkveikju og efni
sem geta myndað eldfimar loftteg-
undir ef þau komast í snertingu við
vatn, ætandi efni og loks eldnærandi
efni en það eru að sögn Hrólfs efni
sem ekki er hægt að slökkva í ef
kviknar í þeim á annað borð því þau
framleiða sjálf súrefni og brenna út í
eitt.
Hann telur ærið misjafnt hvernig
staðið er að flutningum á þessum
efnum hérlendis. „Ég held að olíufé-
lögin og öll stærri fyrirtækin hafi
mjög góða stjórn á þessu en ég er
ansi hræddur um að oft sé pottur
brotinn varðandi stykkjavöru sem
fer með almennum flutningabílum.“
Þarf hugsanlega að breyta
lögum fyrir sameiningu
Hrólfur telur nauðsynlegt að auka
eftirlit og fræðslu til að tryggja að
farið sé eftir þeim reglum sem gilda.
„En auðvitað er þetta stöðugt í
vinnslu því það er alltaf verið að
skoða flutningsleiðirnar og unnið að
því að fá betri yfirsýn yfir það líka.“
Hann nefnir í því sambandi erindi
sem Árni Þór Sigurðsson hélt um
möguleika á að koma á fót gagna-
banka um þau efni sem kæmu til
landsins, hvar þau væru geymd,
hvert þau færu og svo framvegis.
„Ég held að það væri mikið fram-
faraskref ef það væri unnt að koma
slíkum gagnabanka í gagnið.“
Aðspurður hvenær samruni al-
mannavarnanefnda höfuðborgar-
svæðisins verði að veruleika segir
hann að það sé óljóst. „Það er búið að
samþykkja þetta í öllum sveitar-
félögunum en það þarf að kanna
hvort hugsanlega þurfi að breyta
lögum. Þar segir að það skuli vera al-
mannavarnanefnd í hverju lögsagn-
arumdæmi og þetta svæði nær yfir
þrjú lögsagnarumdæmi. Og ef það
þarf að breyta lögum þá tekur þetta
einhvað lengri tíma en ella.“
Hættu-
leg efni
í brenni-
depli
Morgunblaðið/Júlíus
Fjöldi fagfólks sótti ráðstefnuna í gær, þar á meðal lögreglumenn.
Höfuðborgarsvæðið
HÖFUÐBORGARSVÆÐIÐ
MORGUNBLAÐIÐ FÖSTUDAGUR 28. SEPTEMBER 2001 13
Barnafatnaður
Verslunin hættir með barnafatnað
Allar buxur kr. 500
Allir gallar frá kr. 1.000
Nýbýlavegi 12, Kóp., sími 554 4433.