Morgunblaðið - 28.09.2001, Blaðsíða 24

LISTIR/KVIKMYNDIR
24 FÖSTUDAGUR 28. SEPTEMBER 2001 MORGUNBLAÐIÐ
Frumsýningar
What’s The Worst Thing That Could
Happen? Laugarásbíó, Stjörnubíó,
Borgarbíó Akureyri
The In Crowd Sambíóin
Isn’t She Great Háskólabíó.
AI
Bandarísk. 2001. Leikstjóri: Steven Spiel-
berg. Handrit: Spielberg o.fl. Aðalleikendur:
Haley Joel Osment, Jude Law, Frances
O’Connor, William Hurt. Mjög spennandi og
áhrifarík kvikmynd með sterkri ádeilu. End-
inum er þó algerlega ofaukið.
Bíóhöllin, Kringlubíó, Háskólabíó, Nýja bíó
Keflavík, Nýja bíó Akureyri.
Shrek
Bandarísk. 2001. Leikstjórar Andrew And-
erson, Vicky Jenson: Handrit: Ted Elliott, o.fl.
Teiknimynd. Fjörug og væmnislaus ævintýra-
mynd um hressari teknimyndafígúrur en
menn eiga almennt að venjast. Pottþétt
skemmtun fyrir alla fjölskylduna.


½
Bíóhöllin
Crazy/Beautiful
Bandarísk. 2001. Leikstjóri: John Stockwell.
Handrit: Phil Hay og Matt Manfredi. Aðalleik-
endur: Kirsten Dunst, Jay Hernandes, Bruce
Davidson. Skynsamlega gerð og alvarleg en
fyrst og fremst vel leikin unglingamynd um
stúlku sem veit enga leið úr sálarþrengingum
sínum þar til hún kynnist vænum dreng.

Bíóhöllin, Kringlubíó, Nýja bíó Akureyri
Tilsammans
Sænsk. 2001. Leikstjóri og handrit: Lukas
Moodyson. Aðalleikendur: Lisa Lindgren,
Michael Nyqvist, Gustaf Hammarslen. Tragi-
kómedía frá lauslátum tímum kommúna,
blómabarna og frjálsra ásta í pipraðri Gauta-
borg. Leikur, handrit, leikstjórn í óvenju góð-
um höndum.
Háskólabíó
The Tailor of Panama
Bandarísk. 2001. Leikstjóri: John Boorman.
Handrit: John Le Carré o.fl. Aðalleikendur:
Pierce Brosnan, Geoffrey Rush, Jamie Lee
Curtis. Vel úthugsað og sniðugt pólitískt
drama sem kemur á óvart án þess að vera
hnökralaust.
Bíóborgin
Hedwig
Bandarísk. 2001. Leikstjórn og handrit: John
Cameron Mitchell. Aðalleikendur: John
Cameron Mitchell, Andrea Martin, Michael
Pitt. Grófgerð en áhugaverð kvikmyndun á
samnefndum söngleik. Sagan er átakanleg
en tónlistin leiðinleg.
Regnboginn
Rugrats in Paris
Bandarísk. 2000. Leikstjórn: Stig Bergquist,
Paul Demyer. Handrit: J. David Stem of. Ísl.
leikraddir: Edda Heiðrún Backmann, Inga
María Valdimarsdóttir, Rósa Guðný Þórsdótt-
ir, Dofri Hermannsson ofl. Skemmtileg en full
fyrirsjáanleg mynd um káta krakkaorma í leit
að mömmu handa vini sínum.
Kringlubíó, Háskólabíó, Nýja bíó Akureyri
Heartbreakers
Bandarísk. 2001. Leikstjórn: David Mirkin.
Handrit: Robert Dunn o.fl. Aðalleikendur:
Sigourney Weaver, Jennifer Love Hewitt,
Gene Hackman, Ray Liotta. Dægilegasta
svikahrappamynd þar sem Gene Hackman
sérstaklega fer á kostum en Weaver og Hew-
itt eru líka góðar sem svikapar. Myndin er of
lengi að ljúka sér af en er annars fín skemmt-
un.
Stjörnubíó, Regnboginn.
Planet of the Apes
Bandarísk. 2001. Leikstjórn: Tim Burton.
Handrit: William Broyles o.fl. Aðalleikendur:
Mark Wahlberg, Tim Roth, Helena Bonham
Carter. „Endursköpun“ Burtons tekst ágæt-
lega að slepptum endinum en hefur ekki
sömu vigt og fyrri myndin. Wahlberg ágætur í
Heston-rullunni en bestur er þó Tim Roth
sem sérstaklega úrillur api.
Bíóborgin, Regnboginn, Borgarbíó Akur-
eyri.
Bridget Jones’s Diary
Bresk. 2001. Leikstjóri: Sharom Maguire.
Handrit: Helen Fielding. Aðalhlutverk: Renée
Zellweger, Hugh Grant, Colin Firth, Jim
Broadbent. Sagan um ástamál Bridget verð-
ur að hæfilega fyndinni, rómantískri gam-
anmynd. Zellweger gerir margt gott í titilhlut-
verkinu.

½
Háskólabíó
The Fast and the Furious
Bandarísk. 2001. Leikstjóri: Bob Cohen.
Handrit: Del Monte. Aðalleikendur: Vin Dies-
el, Paul Walker, Jordana Brewster. Kappakst-
ursmynd sem heldur manni við efnið og verð-
ur á endanum sæmilegasta sumarafþreying.


½
Bíóhöllin
Jurassic Park III
Bandarísk. 2001. Leikstjóri: Joe Johnston.
Handrit: Peter Buchman, o.fl. Aðalleikarar:
Sam Neill, Villiam H. Macy, Téa Leoni. Fanta-
góð della sem slær hátt upp í fyrstu myndina
að gæðum. Fátt nýtt en allt er fagmannlega
gert, spennan góð og leikararnir fínir.

½
Háskólabíó
Rush Hour 2
Bandarísk. 2001. Leikstjóri: Brett Ratner.
Handrit: Jeff Nathanson. Aðalleikendur: Jac-
kie Chan, Chris Tucker, John Lone. Þeir ná vel
saman, bardagajaxlinn og vélbyssukjaftur-
inn, annað skiptir ekki máli í grín- og
spennumynd þar sem þeir endasendast frá
Hong Kong til Vegas.
Laugarásbíó
Rat Race
Bandarísk. 2001. Leikstjóri: Jerry Zucker.
Handrit: Andrew Breckman. Aðalleikendur:
John Cleese, Rowan Atkinson, Whoopi Gold-
berg, Cuba Gooding. Gamanmynd hlaðin
bröndurum og skondnum karakterum sem
keppa um hver er fyrstur að finna tvær millj-
ónir dollara. Dellumynd, sannarlega, en má
hlægja að henni. Regnboginn, Laugarásbíó, Borgarbíó Ak-
ureyri
A Knight’s Tale
Bandarísk. 2001. Leikstjórn og handrit: Bri-
an Helgeland. Aðalleikendur: Heath Ledger,
Rufus Sewell, Mark Addy. Rokkað feitt á burt-
reiðum? Undarleg samsuða af miðalda-
gamni og nútímarokki sem erfitt er að sjá að
hafi mikinn tilgang en Helgeland reynir hvað
hann getur að láta taka sig alvarlega. Stjörnubíó, Laugarásbíó, Borgarbíó Akur-
eyri
Cats & Dogs
Bandarísk. 2001. Leikstjórn: Lawrence Gut-
erman. Handrit: John Rena. Aðalraddir: Alec
Baldwin, Sean Hayes, Susan Sarandon. Ein-
föld saga og spennandi fyrir krakka. Annars
ósköp klisjukennd og illa leikstýrð. Bíóhöllin, Bíóborgin, Kringlubíó
Swordfish
Bandarísk. 2001. Leikstjóri: Dominic Sena.
Handrit: Skip Woods. Aðalleikendur: John
Travolta, Hugh Jackman og Halle Berry. Flott
mynd með góðu gengi og fínum hasar en
gengur ekki nógu vel upp. Bíóhöllin, Kringlubíó, Bíóborgin, Nýja bíó
Akureyri
Down to Earth
Bandarísk. 2001. Leikstjórar: Paul og Chris
Weitz. Handrit: Chris Rock o.fl. Aðalleikend-
ur: Chris Rock, Regina King, Mark Addy,
Chazz Palminteri. Þessi endurgerð endur-
gerðar hefur fjarska lítið nýtt fram að færa en
leggur allt sitt traust á grínistann Chris Rock.
Háskólabíó
Town and Country
Bandarísk. 2001. Leikstjóri: Peter Chelsom.
Handrit: Michael Laughlin og Buck Henry.
Aðalleikendur: Warren Beatty, Diane Keaton
og Goldie Hawn. Ósmekkleg kvikmynd um
óáhugavert fólk. Sóun á fínum leikurum.

Háskólabíó
Bíóin í borginni
Sæbjörn Valdimarsson/Arnaldur Indriðason/Hildur Loftsdóttir
LEIKKONAN Jacqueline Susann
(Bette Midler) á ekki sjö dagana sæla
þegar umboðsmaður hennar og eig-
inmaður, Irving Mansfield (Nathan
Lane), fær þá hugmynd að hún skrifi
skáldsögu. Það skipti ekki máli þótt
hún hafi aldrei skrifað nokkurn skap-
aðan hlut áður. Hugmyndin er að hún
skrifi um það sem hún þekkir best, líf
kvikmyndastjarnanna.
Vinkona Susann, Florence (Stock-
ard Channing), styður ráðagerðina
og Susann sest niður við skriftir. Út-
koman er The Valley of the Dolls,
sem varð heimsfræg metsölubók.
Bandaríska gamanmyndin Isn’t
She Great, sem frumsýnd er í dag í
Háskólabíói, segir sögu Jacqueline
Susann og hvernig hún gerðist rit-
höfundur. Með helstu hlutverk fara
Bette Midler, Nathan Lane, Stock-
ard Channing, David Hyde Pearce,
Amanda Peet og John Cleese. Leik-
stjóri er Andrew Bergman.
Handritið er byggt á grein um
Susann í blaðinu New Yorker. And-
rew Bergman og framleiðandinn
Mike Lobell lásu greinina þar sem
þeir voru staddir í Miami að kvik-
mynda Striptease. Lobell og Berg-
man hafa lengi unnið saman við gerð
gamanmynda (The Freshman, Ho-
neymoon In Vegas) og þegar um-
boðsmaður þeirra hringdi og spurði
hvort þeir hefðu áhuga á að kvik-
mynda sögu Susann jánkuðu þeir
því.
„Mér fannst saga hennar bara frá-
bær,“ er haft eftir Bergman. „Hún er
mjög fyndin og hún snertir mann
líka. Susann var ákaflega hugrökk
kona; hún var með brjóstakrabba-
mein sem enginn vissi um og hún átti
einhverft barn sem enginn vissi um
og hún var harðákveðin að sigrast á
öllum erfiðleikunum.“
Það kom engin önnur til greina í
aðalhlutverkið en gamanleikkonan
Bette Midler, að sögn framleiðend-
anna. Og Midler leist strax vel á hlut-
verkið. „Ég get svo vel skilið hana
sem persónu. Ég skil hvað það er
sem rekur hana áfram og þessa hug-
mynd eða þrá að vilja skilja eitthvað
eftir sig sem er eftirminnilegt. Ég
held að flestum líði eins og henni í
rauninni. Ég held að Jackie Susann
hafi endurnýjað sig daglega. Og hún
þurfti spennu í líf sitt.“
Nathan Lane fer með hlutverk
umboðs- og eiginmanns Jackie Sus-
ann. „Hann elskaði hana fölskvalaust
og fórnaði sér algerlega fyrir hana,“
segir gamanleikarinn.
Breski háðfuglinn John Cleese
leikur útgefandann Henry Marcus,
sem gaf út Valley of the Dolls.
Cleese, sem leikið hefur undanfarið í
bandarískum gamanmyndum, segist
hafa litist vel á hópinn sem stendur
að myndinni og slegið til. „Þetta lið
virkaði allt saman vel á mig,“ er haft
eftir honum.
Leikarar: Bette Midler, Nathan Lane,
Stockard Channing, David Hyde Pearce,
Amanda Peet og John Cleese. Leikstjóri:
Andrew Bergman (Striptease, Honey-
moon in Vegas, It Could Happen to You).
Leikkona gerist rithöfundur
Bette Midler og Nathan Lane í gamanmyndinni Isn’t She Great.
Háskólabíó frumsýnir bandarísku gam-
anmyndina Isn’t She Great með Bette
Midler og Nathan Lane.
KEVIN Caffrey (Martin Lawrence)
er innbrotsþjófur að atvinnu, sem
hefur smekk fyrir dýrum hlutum.
Max Fairbanks (Danny DeVito) er
milljarðamæringur sem er vanur því
að fá það sem hann vill. Þegar Kevin
brýst inn í sumarhöll millans og
truflar hann í baði með Ungfrú sept-
ember verður allt vitlaust, löggan er
kölluð til og Kevin er færður í fang-
elsi.
En það nægir ekki Max. Á meðan
Kevin er handjárnaður nær hann af
honum gullhring, happagrip miklum
að áliti Kevins sjálfs, og lýgur að
löggunni að hann eigi hringinn.
Þannig nær Max fram hefndum og
stelur í leiðinni frá þjófnum.
En þetta er aðeins upphafið að
langri og strangri baráttu þeirra
tveggja.
Bandaríska gamanmyndin What’s
the Worst That Could Happen? er
frumsýnd í þremur kvikmyndahús-
um í dag og er með Martin Lawr-
ence, Danny DeVito, John Leguiz-
amo, Glenne Headly, William
Fichtner og Carmen Ejogo í aðal-
hlutverkum. Leikstjóri er Sam Weis-
man.
Myndin er byggð á bók með sama
nafni eftir spennusagnahöfundinn
Donald E. Westlake. Hún er í flokki
svokallaðra Dortmunder-bóka höf-
undarins, sem hann hefur sent frá
sér undanfarna þrjá áratugi og hafa
sumar þeirra verið kvikmyndaðar.
Einn af framleiðendum myndar-
innar er Lawrence Turman en hann
var búinn að ráða DeVito í hlutverk
millans áður en nokkur annar var
ráðinn við myndina. „Ég fór til De-
Vitos meira að segja áður en við vor-
um búnir að finna mótleikara hans
vegna þess að hlutverkið var eins og
sniðið á hann. Hann getur verið bæði
grófur og viðkvæmur í senn.“
Um persónu sína í myndinni segir
DeVito: „Hann getur verið þverhaus
og vill hafa hlutina eftir sínu eigin
höfði en hann er líka viðkunnalegur
og það er kraftur í honum.“
Þegar framleiðendurnir voru bún-
ir að tryggja sér DeVito fóru þeir að
leita að þjófnum og grínleikarinn
Martin Lawrence varð fyrir valinu.
„Mér fannst þetta vera áhugaverð
saga,“ er haft eftir leikaranum. „Og
ég taldi að með góðu leikaraliði gæt-
um við gert eitthvað sem væri svolít-
ið öðruvísi.“ Lawrence gerðist einnig
einn af framleiðendum myndarinn-
ar.
Hann var ánægður með samstarf-
ið við leikstjórann, Sam Weisman.
„Hann hefur lag á að laða hið besta
fram í hverjum leikara,“ segir Law-
rence. Og hann var einnig ánægður
með leikarana sem Weisman fékk til
liðs við myndina. „Þetta er allt mjög
hæfileikaríkt fólk,“ segir hann. „Ég
naut þess að starfa með því vegna
þess að hvert og eitt kom með nýja
vídd inn í söguna.“
Leikarar: Martin Lawrence, Danny De-
Vito, John Leguizamo, Glenne Headly,
William Fichtner og Carmen Ejogo.
Leikstjóri: Sam Weisman (George of the
Jungle).
Atriði úr bandarísku myndinni What’s the Worst That Could Happen!
Þjófurinn og millinn
Laugarásbíó, Stjörnubíó og Borgarbíó
Akureyri frumsýna bandarísku gam-
anmyndina What’s the Worst That
Could Happen?
ADRIEN Williams (Lori Heuring)
hefur dvalið á geðsjúkrahúsi en lækni
hennar (Daniel Hugh Kelly) þykir
tími til kominn að hún útskrifist af
sjúkrahúsinu og hún fær vinnu í fín-
um sveitaklúbbi þar sem meðlimirnir
eru moldríkir.
Adrien þráir ekkert frekar en að
falla í fjöldann þegar hún snýr aftur
til samfélagsins en hún er falleg og
vekur athygli ákveðinnar klíku í
klúbbnum. Foringi hennar er Britt-
any Foster (Susan Ward).
Brittany tekur Adrien undir sinn
verndarvæng og leiðir hana um heima
forréttindastéttarinnar og kynnir
hana fyrir öðrum meðlimum klíkunn-
ar m.a. Matt Curtis (Matthew Settle),
kærasta Brittany. Þegar Matt fer að
sýna Adrien meiri áhuga en Brittany
sættir sig við tekur hún til sinna ráða
og brátt gerast ógnvænlegir atburðir.
Þannig er söguþráðurinn í banda-
rísku spennumyndinni The In Crowd,
sem frumsýnd er í Sambíóunum. Með
helstu hlutverk fara Lori Heuring,
Daniel Hugh Kelly, Susan Ward og
Matthew Settle en leikstjóri er Mary
Lambert.
„Við fengum þessa hugmynd,“ seg-
ir stofnandi framleiðslufyrirtækisins
Morgan Creek, James G. Robinson,
„að staðsetja sögu í heimi þar sem út-
litið og framkoman skiptir öllu máli.
Okkur fannst að það gæti verið
áhugavert að búa til sögu í umhverfi
þar sem allt virðist fullkomið og sér-
staklega fólkið en við nánari skoðun
kæmi í ljós að ekki er allt sem sýnist.“
„Mér fannst að þessi mynd gæti
orðið skemmtileg,“ segir leikstjórinn
Lambert, sem áður gerði hrollvekj-
una Pet Sematary, „vegna þess að
hún er sálfræðilegur tryllir um frá-
bærlega fallegt fólk. Þig langar helst
til þess að halda með þeim öllum en
þú veist að í það minnst einn í hópnum
hefur ekkert gott í huga og ég vildi
byggja á þeirri spennu.“
Það eru ungir og efnilegir leikarar í
öllum helstu hlutverkum. Lori Heur-
ing hefur áður leikið í sjónvarpsþátt-
unum Sunset Beach. Hún segir að
boðskapur myndarinnar sé án efa sá
að ekki sé allt gull sem glóir. Hún seg-
ir einnig að myndin fjalli um þrýsting
sem fólk getur orðið fyrir frá öðrum.
„Fljótlega kemst persóna mín að því
að hlutirnir eru ekki eins og hún taldi í
fyrstu og kemst að því að það að vera
tekin í hópinn er alls ekki eins og hún
hélt að það væri.“
Leikarar: Lori Heuring, Daniel Hugh
Kelly, Susan Ward og Matthew Settle.
Leikstjóri: Mary Lambert.
Tekin í
hópinn
Aðalleikararnir í bandarísku
spennumyndinni The In Crowd.
Sambíóin frumsýna bandarísku spennu-
myndina The In Crowd með Susan Ward
og Lori Heuring.