Morgunblaðið - 28.09.2001, Blaðsíða 15
AKUREYRI
MORGUNBLAÐIÐ FÖSTUDAGUR 28. SEPTEMBER 2001 15
KFUM og K á Akureyri er að byrja
með TTT-deild fyrir krakka á aldr-
inum 10 til 12 ára, drengi og stúlkur.
Fyrsti fundur vetrarins verður
næstkomandi mánudag, 1. október
og hefst hann kl. 17 í félagsheimilinu
í verslunarmiðstöðinni Sunnuhlíð, 2.
hæð, og er gengið inn að sunnan.
Á fundinum fá börnin að kynnast
Guði og Jesú með söng, bæn og hug-
leiðingu út frá frásögnum í Bibl-
íunni. Auk þess verður margt
skemmtilegt á dagskránni, leikir og
uppákomur. Húsið er opnað kl. 16.30
og verður á staðnum dót og leiktæki
til að leika sér að þar til fundurinn
byrjar.
TTT-deild
fyrir krakka
VETRARSTARF Akureyrar-
kirkju hefst formlega á sunnu-
dag, 30. september. Fjöl-
skylduguðsþjónusta verður
með prestum kirkjunnar kl. 11
sem og nýráðnum djákna sókn-
arinnar, Ingunni Björk Jóns-
dóttur.
Opið hús verður í Safnaðar-
heimili eftir guðsþjónustuna
þar sem boðið verður upp á
léttar veitingar og safnaðar-
starfið í vetur verður kynnt.
Börnin fá afhent efni sem notað
verður í sunnudagaskólanum
og hægt verður að skrá sig á
námskeið á vegum kirkjunnar.
Þá munu ýmis sjálfstæð félög
og hópar sem aðstöðu hafa í
húsakynnum kirkjunnar kynna
starfsemi sína. Meðal þess sem
kynnt verður á opna húsinu er
sunnudagaskólinn, æskulýðs-
félagið, TTT-starf, fermingar-
fræðsla, biblíulestrar, mömmu-
morgnar, Samhygð, Sjálfs-
hjálparhópur foreldra, tónlist-
arstarfið, samverur eldri
borgara, vinaheimsóknir kirkj-
unnar, Kvenfélag Akureyrar-
kirkju, Bræðrafélag Akureyr-
arkirkju og djáknaþjónusta á
FSA. Kór Akureyrarkirkju
syngur á opna húsinu og Kross-
bandið leikur undir fjöldasöng.
Akureyrarkirkja
Fjölbreytt
safnaðar-
starf kynnt
á opnu húsi
ÍÞRÓTTA- og tómstundaráð Akur-
eyrar hefur óskað eftir því við
rekstrarstjórn Skautahallarinnar að
settar verði reglur um almenna
notkun öryggishjálma í Skautahöll-
inni. Þetta er gert í kjölfar fyrir-
spurnar frá bæjarbúa um reglur
vegna notkunar öryggishjálma í
Skautahöllinni á Akureyri. Fyrir-
spurnin var send íþrótta- og tóm-
stundafulltrúa sem ekki kannaðist
við að slíkar reglur væru fyrir hendi.
Í kjölfar þessa hefur ráðið einnig
mælst til þess að slíkar reglur verði
settar á skíðasvæðinu í Hlíðarfjalli
fyrir komandi vetur. Því má gera ráð
fyrir að öll börn verði með hjálma
þegar þau bregða sér á skauta eða
skíði í vetur.
Hjálmar á
skautum og
skíðum
INGILEIFUR Jónsson verktaki á
Svínavatni í Grímsnesi og menn
hans vinna nú að því að leggja 40
mm plaströr frá Vatnsfelli í Rang-
árvallasýslu þvert yfir hálendið, að
Þormóðsstöum í Sölvadal í Eyja-
fjarðarsveit og þaðan áfram til Ak-
ureyrar. Fyrirtækið Ljósvirki ehf. í
Reykjavík sér svo um að leggja ljós-
leiðara í rörið.
Bjarni Magnússon frá Selfossi
sagði að lagning plaströrsins hefði
gengið mjög vel og að þeir hefðu
náð að plægja rörið niður á 20 km
kafla á einum degi þegar best gekk.
Á hálendinu var það hins vegar víða
nokkuð erfitt, þar sem yfir urð og
grjót var að fara. Þar sem aðstæður
voru hvað verstar var gripið til þess
ráðs að hylja rörið með jarðvegi.
Verkið er unnið fyrir Fjarska,
dótturfyrirtæki Landsvirkjunar, og
sagði Ingileifur að áætluð verklok
væru 15. október nk.
Ljósleiðari
lagður yfir
hálendið
Eyjafjarðarsveit
Morgunblaðið/Benjamín
Plaströr fyrir ljósleiðarann lögð eftir eystri bökkum Eyjafjarðarár, í landi Ytri-Tjarna.