Morgunblaðið - 28.09.2001, Blaðsíða 14

AKUREYRI
14 FÖSTUDAGUR 28. SEPTEMBER 2001 MORGUNBLAÐIÐ
ENSKUSKÓLI
Enskuskóli á Suður-Englandi.
Frábært tækifæri að læra ensku.
Viðurkenndur skóli,
100 kennslustundir á mánuði,
fæði og húsnæði innifalið.
Uppl. í síma 862 6825
Jóna María, eftir kl. 17.
FJÖGUR leikrit verða á vetrardag-
skrá Leikfélags Akureyrar á kom-
andi vetri, tvö íslensk og tvö erlend.
Þá verður boðið upp á gestasýningu
fyrir börn, Leikhúskórinn sýnir gam-
anóperu og Leikfélag Menntaskólans
á Akureyri sýnir söngleik í Sam-
komuhúsinu. Einnig verður bryddað
upp á þeirri nýjung í vetur að bjóða
upp á leiklistarnámskeið fyrir alla
aldurshópa.
Fyrsta sýning vetrarins verður 19.
október næstkomandi þegar ærsla-
fulli gleðileikurinn Blessað barnalán
eftir Kjartan Ragnarsson verður
frumsýndur. Leikstjóri er Þráinn
Karlsson en ellefu leikarar taka þátt í
uppfærslunni. Um er að ræða eitt
vinsælasta gamanleikrit allra tíma á
Íslandi, en það var sett upp í Iðnó fyr-
ir rúmum 20 árum og sló þá öll að-
sóknarmet. „Við ætlum af stað með
pompi og prakt og sýna nú loks á ný
þennan geysivinsæla gamanleik, en
hann vakti mikla lukku á sínum
tíma,“ sagði Sigurður Hróarsson
leikhússtjóri þegar hann kynnti vetr-
ardagskrána í vikunni.
Næsta verkefni er Slavar eftir
Tony Kushner í leikstjórn Halldórs
E. Laxness en það verður frumsýnt
18. janúar næstkomandi. Yrkisefni
þess er fall Sovétríkjanna og skipbrot
sósíalismans í Austur-Evrópu, en
sögusviðið er Moskva vorið 1985 og
Síbería árið 1992. Leikritið hefur far-
ið sigurför um Bandaríkin og verið
sett upp í flestum stórborgum Evr-
ópu. Um er að ræða frumflutning
verksins hér á landi, en Sigurður
Hróarsson þýddi verkið. Tony
Kushnes er bandarískur og hefur
hlotið fjölda merkra verðlauna fyrir
leikrit sín, m.a. Pulitzer-verðlaunin
og Tony-verðlaunin. Leikrit þetta er
kraftmikið, ögrandi og nýstárlegt að
allri gerð og byggingu.
Gullbrúðkaup í
Græna hattinum
Þriðja verkefni vetrarins er ein-
þáttungurinn Gullbrúðkaup eftir
Jökul Jakobsson í leikstjórn Skúla
Gautasonar. Það verður sýnt í Græna
hattinum og er áætlað að frumsýna í
febrúar næstkomandi. Áhorfendum
býðst á þessari sýningu að kaupa mat
fyrir sýningu.
Saga af pandabirni sögð af saxó-
fónleikara sem á kærustu í Frankfurt
er heiti á fjórða og síðasta leikriti
vetrarins og verður það frumsýnt 12.
apríl næsta vor. Það er eftir Matéi
Visniec, Sigurður Hróarsson er leik-
stjóri og þýddi hann jafnframt leik-
ritið. Þetta verður frumflutningur
þessa verks á Íslandi, en það var
frumsýnt í París árið 1994 og hefur
verið sýnt við góðan orðstír um Evr-
ópu. Ástin og lífið á mörkum draums
og veruleika er yrkisefni þessa ljóð-
ræna leikrits, sem hlaut heiðursverð-
laun franska rithöfunda- og tón-
skáldafélagsins strax eftir frum-
flutning þess.
Helena fagra og Hárið
En það verður ýmislegt fleira um
að vera í Samkomuhúsinu í vetur.
Leikhúskórinn sýnir í samvinnu við
Leikfélag Akureyrar gamanóperuna
Helenu fögru eftir Jacques Offen-
bach í leikstjórn Skúla Gautasonar,
en Roar Kvam er tónlistarstjóri.
Frumsýning er áætluð skömmu fyrir
páska og verður sýnt alla páskahelg-
ina.
Leikbrúðuland kemur með gesta-
sýninguna Prinsessan í hörpunni
næsta vetur, en þetta verk var frum-
flutt á Listahátíð í Reykjavík á síð-
asta ári og er fyrir börn á öllum aldri.
Efni þess er sótt í Völsungasögu en
Böðvar Guðmundsson skrifaði hand-
ritið.
Leikfélag Menntaskólans á Akur-
eyri sýnir hinn vinsæla söngleik Hár-
ið í Samkomuhúsinu í apríl næstkom-
andi í leikstjórn Hrafnhildar
Hafberg. Loks má nefna að síðar í
vetur mun Íslenski dansflokkurinn
bjóða upp á gestasýningu.
Leiklistarnámskeið verða í boði í
vetur, en um er að ræða nýjung í
starfsemi Leikfélags Akureyrar. Alls
verða í boði sjö mismunandi nám-
skeið fyrir alla aldursflokka, allt frá
3ja ára aldri og til eldri borgara. Þau
fyrstu hefjast í byrjun nóvember
næstkomandi.
Metnaðarfull dagskrá
„Það verður eitthvað skemmtilegt
um að vera í Samkomuhúsinu í allan
vetur. Við bjóðum upp á fjölbreytta
og metnaðarfulla dagskrá en ekki síst
skemmtilega,“ sagði Sigurður.
Sala áskriftarkorta er hafin, en þau
er hægt að nálgast í miðasölu leik-
félagsins eða hjá Pennanum-Bókval.
ÁRLEG Ljóðaganga Gilfélagsins og
Skógræktarfélags Eyfirðinga verð-
ur farin í Vaðlaskógi á morgun,
laugardaginn 29. september.
Farið verður með rútu frá Deigl-
unni kl. 13:30 og kostar farið 500 kr.
Gengið verður um Vaðlaskóg und-
ir leiðsögn Hallgríms Indriðasonar
og Aðalsteins Svans Sigfússonar. Áð
verður á nokkrum stöðum og lesin
upp ljóð og aðrar bókmenntir og
hlýtt á tónlist, auk þess sem Skóg-
ræktarfélag Eyfirðinga býður upp á
ketilkaffi að hætti skógarmanna.
Meðal annars verða lesin ný ljóð
eftir Sigmund Erni Rúnarsson, ljóð
eftir Erling Jón Valgarðsson og
fleiri munu koma fram. Þátttakend-
ur mega gjarnan stíga á stokk og
fara með kvæði að eigin vali.
Áætlað er að gangan taki tvo og
hálfan til þrjá tíma og þátttakend-
um er bent á að klæða sig eftir að-
stæðum og vera vel búnir til fót-
anna.
Gilfélagið og Skóg-
ræktarfélag Eyfirðinga
Ljóðaganga
um Vaðlaskóg
ÞRJÁR ríkisskipaðar nefndir komu
saman til fundar á Jafnréttisstofu í
vikunni en þar var fjallað um jafnrétti
kynjanna. Nefndirnar sem um ræðir
eru nefnd um jafnrétti kynjanna við
opinbera stefnumótun, nefnd um
konur og efnahagsleg völd, en þær
starfa á vegum forsætisráðuneytis-
ins, og jafnréttisráð sem starfar á
vegum félagsmálaráðuneytis.
Nefndarmenn báru saman bækur
sínar og lögðu á ráðin um samstarfs-
verkefni og hvernig best mætti ná
markmiðum um samþættingu jafn-
réttis- og kynjasjónarmiða í opin-
berri stefnumótun og stjórnsýslu.
Fundurinn þótti heppnast vel, að
sögn Valgerðar H. Bjarnadóttur,
framkvæmdastýru Jafnréttisstofu,
og kom fram að nefndirnar þrjár
gætu grætt mikið á samstarfi og sam-
ræðum.
Aðalumræðuefni fundarins var
kynbundinn launamunur og hvernig
stjórnvöld, háskólar og hinn almenni
vinnumarkaður gætu í sameiningu
unnið að því að uppræta þann mun.
Þá skiptist nefndarfólk á skoðunum
um hversu mikill árangur hefði náðst
í jafnréttismálum, m.a. hvaða árangri
framkvæmdaáætlun ríkisstjórnar-
innar hefði skilað.
Nefnd um jafnrétti kynja við op-
inbera stefnumótun hélt í framhald-
inu fund þar sem rætt var um sam-
þættingu jafnréttismála í opinbera
kerfinu, um aðferðir við að flétta
kynjasjónarmið inn í fjárlagagerð og
gerð nýrrar framkvæmdaáætlunar
ríkisstjórnarinnar í jafnréttismálum.
Loks var rætt um leiðir til að upp-
ræta kynbundna fordóma í kerfum
og meðal almennings.
Á sérstökum fundi jafnréttisráðs
var fjallað um skýrslu um kynbund-
inn launamun á Íslandi sem Ingólfur
V. Gíslason, ritari ráðsins og sérfræð-
ingur á Jafnréttisstofu, er að vinna.
Rætt um árangur
í jafnréttismálum
UPPBYGGINGU brekkunnar neð-
an við Sigurhæðir, hús skáldsins sr.
Matthíasar Jocumssonar, er að
mestu lokið en undanfarin þrjú ár
hafa staðið þar yfir umfangsmiklar
framkvæmdir, sem kostað hafa um
15 milljónir króna.
Hönnuður verksins er Halldór
Jóhannsson landslagsarikitekt en
það hefur verið unnið af starfsfólki
umhverfisdeildar bæjarins.
Tryggvi Marinósson, umhverf-
isstjóri Akureyrarbæjar, sagði að
bæjarbúar hefðu látið í ljós mjög já-
kvæð viðbrögð við þessari fram-
kvæmd, enda brekkan tekið hreint
ótrúlegum breytingum frá því að
framkvæmdir hófust.
Þar hafa verið byggðir timb-
urveggir, pottar sem gróðri hefur
verið plantað í og tröppur, auk þess
sem þar hefur verið útbúinn lækur
úr miðri brekkunni.
Brekkan neðan Sigurhæða tekur miklum breytingum
Morgunblaðið/Kristján
Félagarnir Viggó og Aðalsteinn að skoða lækinn í brekkunni neðan Sigurhæða.
Fram-
kvæmdum
að ljúka
UNGMENNI frá Humboldt-
menntaskólanum í Ulm í Suður-
Þýskalandi eru væntanleg til Akur-
eyrar í kvöld, föstudagskvöld, en þau
taka þátt í samskiptaverkefni ásamt
félögum í skólafélaginu Hugin í
Menntaskólanum á Akureyri.
Verkefnið hefur hlotið styrk frá
Evrópusambandinu, þ.e. áætluninni
„Ungt fólk í Evrópu“. Alls taka 27
Huginsfélagar þátt í verkefninu og
21 frá Humboldt-menntaskólanum.
Verkefnið hefur hlotið nafnið
Náttúrulegt! Umhverfi og umhverf-
isvitund í evrópskum samanburði.
Hér á landi verður vatnið, kalt og
heitt til umfjöllunar, auk fiskveiða og
fiskvinnslu. Í Þýskalandi verða líf-
ræn ræktun, vatnshreinsun, skóg-
fræði, loftmengun og flokkun sorps
undir smásjánni. Samskiptamál
verða enska og þýska.
Í nógu að snúast
Þjóðverjarnir koma til Akureyrar
á föstudag, 28. september og verða
til 5. október og munu Akureyring-
arnir endurgjalda heimsókn þeirra
2. til 10. desember næstkomandi.
Meðal þess sem ungmennin mun
taka sér fyrir hendur er verkefna-
vinna af ýmsu tagi, ratleikur um Ak-
ureyri, íþróttakeppni í Kjarnaskógi,
heimsókn í Norðurorku, viðtöl verða
tekin við bæjarbúa, farið verður í
Mývatnssveit með viðkomu í Kröflu,
Laxárvirkjun verður heimsótt,
Hveravellir í Reykjahverfi, Fiskiðju-
samlag Húsavíkur og Hvalasafnið
einnig. Þá verður eins konar þjóðhá-
tíð með íslenskum mat og lokahóf á
dagskránni. Þýsku ungmennin koma
við í Bláa lóninu á leið norður og
enda á Gullfoss- og Geysisferð á
heimleiðinni.
Um sjálfstætt verkefni innan ESB
er að ræða þótt þátttakendur séu
nemendur í tveimur skólum. Hóp-
stjórar hér á landi eru Sigrún Að-
algeirsdóttir og Harpa Sveinsdóttir,
en margir starfsmenn MA taka einn-
ig þátt í verkefninu auk þess sem
stjórn Hugins hefur lagt hönd á
plóginn.
ESB styrkir samskiptaverkefni ungs
fólks á Akureyri og í Ulm í Þýskalandi
Umhverfi og
umhverfisvitund
í brennidepli
Morgunblaðið/Kristján
Nemendur Menntaskólans á Akureyri sem taka þátt í umhverfisverk-
efni sem styrkt er af ESB. Í öftustu röð eru leiðbeinendurnir Sigrún
Aðalgeirsdóttir t.v. og Harpa Sveinsdóttir.
Leikfélag Akureyrar kynnir fjölbreytta vetrardagskrá
Íslenskir gleðileikir og frum-
flutningur erlendra leikrita