Morgunblaðið - 28.09.2001, Blaðsíða 52

Morgunblaðið/Júlíus
Gestir Hótels Lindar fengu skjól í strætisvagni meðan á slökkvistörfum stóð.
ALLT tiltækt lið Slökkviliðs höfuð-
borgarsvæðisins var kallað út í gær-
kvöldi þegar eldur kom upp í djúp-
steikingarpotti í eldhúsi veitinga-
hússins Carpe diem á 1. hæð Hótels
Lindar við Rauðarárstíg. Tilkynnt
var um eldinn klukkan 19:49. Eldur-
inn læsti sig í gufugleypi og leiddi
þaðan í loftræstistokk sem liggur upp
á þak hótelsins.
Hátt í hundrað gestir voru skráðir
á hótelið, þar af um 20 á sjúkrahóteli
Rauða krossins, en ekki var unnt að fá
nákvæmar upplýsingar um heildar-
tölu gesta í gærkvöldi. Urðu allir að
yfirgefa hótelið. Strætisvagn var
fenginn sem bækistöð fyrir fólkið á
meðan unnið var að slökkvistörfum
en farið var með 15 manns á Land-
spítala í Fossvogi. Samkvæmt upp-
lýsingum frá Slökkviliði höfuðborgar-
svæðisins var einungis grunur um
reykeitrun í einu tilfelli.
Búið var að ráða niðurlögum elds-
ins um tíuleytið í gærkvöldi. Ekki
þótti óhætt að láta gesti gista á hót-
elinu í nótt og var þeim útveguð gist-
ing á Hótel Loftleiðum og Hótel Esju
en ljóst þótti að sumum yrði fundinn
staður á Landspítala – háskólasjúkra-
húsi. Fengu gestir að fara í lögreglu-
fylgd til herbergja sinna að ná í nauð-
synlegar föggur.
Verið að elda kjúkling
Verið var að djúpsteikja kjúkling
þegar eldurinn kom upp. Samkvæmt
upplýsingum slökkviliðs var enn eld-
ur í djúpsteikingarpottinum þegar
slökkvilið bar að. Greiðlega tókst að
slökkva eldinn en fljótlega kom upp
eldur í millilofti yfir borðsalnum sem
loftstokkarnir liggja um. Kom eldur-
inn upp vegna hitans frá loftstokkn-
um. Greiðlega gekk að slökkva þann
eld. Hins vegar reyndist erfiðara að
slökkva eldinn í loftstokknum en
hann var kominn efst í stokkinn í risi
hússins og í blásarabúnað í loftræsti-
kerfi í risi. Þaðan barst síðan reykur
um loftræstikerfið niður á neðri hæð-
ir hótelsins. Slökkviliðsmenn áttu erf-
itt um vik vegna þrengsla en tókst að
lokum að slökkva eldinn með því að
dæla froðu inn í stokkinn.
Lögð áhersla á að koma fólki út
Að sögn Jóns Viðars Matthías-
sonar varaslökkviliðsstjóra á vett-
vangi í gær var mikill reykur í and-
dyri hótelsins þegar slökkvilið bar að
þannig að áhersla var lögð á að koma
fólki út sem fyrst. Mestur reykur var í
anddyri og á fjórðu hæð hótelsins sem
hýsir sjúkrahótel Rauða krossins. Að
sögn Jóns Viðars varð að reykræsta
ganginn áður en hægt var að hleypa
fólkinu út úr herbergjunum. „Þess
vegna tók dálítinn tíma að koma sjúk-
lingunum út. Þetta var aðallega fólk
sem átti erfitt með gang þarna uppi.“
Ragna Guðmundsdóttir er gestur á
sjúkrahótelinu á Hótel Lind. Hún var
að lesa blöðin frammi í setustofu á
fjórðu hæð þegar brunabjallan fór í
gang. „Við fórum strax að horfa svona
og fundum ekki neitt strax en svo
sáum við að reykurinn kom eins og út
úr þvottaherbergi sem er uppi.“
John og Rae Waller frá Ástralíu
eru búin að vera að ferðast um landið
en voru nú í herbergi sínu á annarri
hæð að undirbúa för af landi brott í
morgun. „Við heyrðum viðvörunar-
bjölluna hringja í um það bil fimm
sekúndur, svo þagnaði hún. Þá
hringdi hún einu sinni eða tvisvar og
þagnaði aftur. Loks hringdi hún í
kringum 10 sekúndur og þagnaði enn.
Þannig að allir voru að kíkja út úr
herbergjunum, spyrjandi sig hvað um
væri að vera.“ John sagðist þá hafa
fundið brunalykt sem líktist því þegar
plast brennur. „Á þeirri stundu
slokknaði á einhverjum ljósum og það
kviknaði á neyðarlýsingunni. Á þeim
tímapunkti ákváðum við að það borg-
aði sig að koma sér út, og í þann mund
sem við gerðum það fylltist gangur-
inn á annarri hæð af reyk.“
Hátt í 100 gestir urðu
að yfirgefa hótelið
Allt tiltækt slökkvilið kallað að Hótel Lind í gærkvöldi vegna eldsvoða
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 28. SEPTEMBER 2001 VERÐ Í LAUSASÖLU 190 KR. MEÐ VSK.
STJÓRN Flugleiða kom saman til
langs fundar í gær, þar sem ákvarð-
anir um niðurskurð, uppsagnir og að-
haldsaðgerðir voru teknar. Jafn-
framt var ákveðin allt að 10%
hækkun flugfargjalda frá og með 1.
október. Samkvæmt upplýsingum
Morgunblaðsins hefur verið ákveðið
að um 300 starfsmönnum Flugleiða
verði sagt upp nú um mánaðamótin
og taka uppsagnirnar gildi á mánu-
daginn kemur, 1. október. Uppsagnir
ná jafnt til starfsmanna félagsins hér
á landi sem erlendis og taka bæði til
flugliða og annarra starfsmanna fé-
lagsins. Starfsmenn Flugleiða eru
nálægt því að vera 2.500.
Samkvæmt upplýsingum Morgun-
blaðsins verður ferðum félagsins til
og frá Bandaríkjunum fækkað um
þriðjung, eða úr 27 ferðum á viku í
18. Enginn áætlunarstaður í Banda-
ríkjunum verður felldur niður, en
ferðum til Boston fækkar úr sjö á
viku í fjórar, til New York úr sjö í
fimm, til Minneapolis úr sex í fjórar
og til Baltimore úr sjö í fimm. Þetta
jafngildir 32% samdrætti í Banda-
ríkjaflugi Flugleiða.
Eins og áður hefur verið greint frá
hefur einnig verið tekin ákvörðun um
að hætta áætlunarflugi Flugleiða til
Halifax í Kanada.
Þá hefur stjórn Flugleiða ákveðið
samkvæmt upplýsingum Morgun-
blaðsins að fækka áætlunarferðum
sínum til áfangastaða í Evrópu um-
talsvert, þótt samdrátturinn þar
verði ekki jafnmikill og í Bandaríkja-
fluginu.
Flugferðum til Amsterdam í Hol-
landi verður fækkað um tvær í viku.
Hætt verður að fljúga síðdegisflug til
London. Þá verða áætlunarferðir til
Óslóar í Noregi og Stokkhólms í Sví-
þjóð sameinaðar í eitt áætlunarflug á
laugardögum og sunnudögum.
Hætt að bjóða heitan mat
Niðurskurður í áætlunarflugi til
Bandaríkjanna og Evrópu þýðir að
Flugleiðir þurfa ekki á jafnmörgum
flugvélum að halda og verður einni
Boeing 757-200 skilað.
Þá mun hafa verið ákveðið að
skera verulega niður þjónustu og
kostnað í áætlunarferðum Flugleiða
til Evrópu, hvað varðar veitingar.
Þannig mun ekki verða boðið lengur
upp á heitan mat á Evrópuleiðunum,
heldur einungis samlokur og þess
háttar.
Morgunblaðið hefur heimildir fyr-
ir því að miklar áhyggjur hafi komið
fram á stjórnarfundinum í gær með
stöðu félagsins, stöðu bókana hjá
flugfélögum yfirleitt og að vissra efa-
semda hafi gætt, um að hér væri nóg
að gert. Niðurstaða fundarins mun
hafa verið sú, að stjórnin var sam-
mála um að ráðast þegar í þessar að-
gerðir, en þess var jafnframt getið,
að hér kynni að vera um fyrstu að-
gerðir að ræða, því ef þær dygðu ekki
til, þá yrði þegar að undirbúa frekari
niðurskurð og aðhaldsaðgerðir.
Stjórn Flugleiða ákveður aðhaldsaðgerðir, niðurskurð og hækkun fargjalda
Um 300 starfsmönn-
um verður sagt upp
30% fækkun á ferðum til og frá
Bandaríkjunum. Minni fækkun ferða
til Evrópu en flugleiðir sameinaðar
TOLLGÆSLAN á Keflavíkurflug-
velli stöðvaði síðdegis í gær 36 ára
gamlan Austurríkismann, sem var á
leið með Flugleiðavél frá Amster-
dam í Hollandi til New York í
Bandaríkjunum, með að talið er á
bilinu 40 til 60 þúsund e-töflur.
Markaðsvirði þessara fíkniefna á
svonefndu götuverði er áætlað 140
til 160 milljónir króna.
Samkvæmt upplýsingum Morg-
unblaðsins voru það hinar hertu eft-
irlits- og öryggiskröfur á Keflavík-
urflugvelli sem gegndu lykilhlut-
verki í því hvernig tókst að upplýsa
um þessa bíræfnu smygltilraun.
Fór í nákvæma
gegnumlýsingu
Austurríkismaðurinn fór inn í
flugstöð Leifs Eiríkssonar, eftir að
vélin lenti á Keflavíkurflugvelli, eins
og aðrir farþegar, sem voru á leið
vestur um haf. Hann vakti athygli
tollvarða á Keflavíkurflugvelli og í
framhaldinu var farangur hans
gegnumlýstur í sérstakri bifreið
sem embættið á Keflavíkurflugvelli
er með að láni frá Tollgæslunni í
Reykjavík. Við fyrstu gegnumlýs-
ingu taldist innihaldið vera grun-
samlegt og því var farangurinn lát-
inn í nákvæmari gegnumlýsingu og
þá uppgötvaðist hið gríðarlega
magn af e-töflum, eins og áður
greinir.
Til samanburðar má geta þess, að
e-töflufjöldinn sem Kio Briggs var
talinn reyna að smygla inn til lands-
ins var 2 þúsund töflur.
Austurríkismaðurinn er í haldi
lögreglunnar á Keflavíkurflugvelli
og frekari rannsókn málsins verður í
höndum rannsóknardeildar lögregl-
unnar á Keflavíkurflugvelli. Reiknað
var með því að lögreglumenn þyrftu
að telja e-töflur fram eftir nóttu
enda skiptu þær tugum þúsunda.
Útlendingur stöðvaður
af Tollgæslunni á
Keflavíkurflugvelli
Tekinn
með 40–
60 þúsund
e-töflur
ALVARLEGT umferðarslys
varð við Æsustaði í Langadal
í Austur-Húnavatnssýslu um
klukkan 23.30 í gærkvöldi.
Fólksbíl, sem kom að norð-
an, var ekið á hross með þeim
afleiðingum að bifreiðin stór-
skemmdist.
Fernt var í bílnum og slas-
aðist karlmaður alvarlega.
Maðurinn var það mikið slas-
aður að læknir taldi að hann
þyldi ekki flutning til Akur-
eyrar og flaug þyrla Land-
helgisgæslunnar af stað frá
Reykjavíkurflugvelli klukkan
hálfeitt í nótt til að sækja
hann og flytja til Reykjavíkur.
Aðrir sem voru í bílnum
slösuðust ekki, að sögn lög-
reglunnar á Blönduósi.
Þyrlan
sótti slas-
aðan mann
í Langadal