Morgunblaðið - 28.09.2001, Blaðsíða 2

FRÉTTIR
2 FÖSTUDAGUR 28. SEPTEMBER 2001 MORGUNBLAÐIÐ
Sundmennirnir Jakob og Örn á
heimleið frá Bandaríkjunum / C1
Eiður Smári skoraði glæsilegt
mark í Búlgaríu / C4
Fylgstu
með
nýjustu
fréttum
www.mbl.is
4 SÍÐUR
Sérblöð í dag
Á FÖSTUDÖGUM
Morgunblaðinu í
dag fylgir blað frá
Landssamtökum
hjartasjúklinga,
„Velferð“.
DR. FRIÐRIK Ein-
arsson fyrrv. yfir-
læknir á Borgarspít-
alanum er látinn, 92
ára að aldri.
Friðrik var fæddur
á Hafranesi við
Reyðarfjörð 9. maí
1909. Foreldrar hans
voru Einar Friðriks-
son bóndi þar og
kona hans, Guðrún
Hálfdánardóttir.
Friðrik varð stúdent
frá M.A. 1931, cand.
med. frá Háskóla Ís-
lands 1937 og frá
Kaupmannahafnarháskóla 1943 og
dr. med. frá HÍ 1958. Hann hlaut al-
mennt lækningaleyfi á Íslandi 1939
og í Danmörku 1943, en þar stund-
aði hann framhaldsnám í 9 ár og
hlaut sérfræðingsleyfi í handlækn-
ingum og kvensjúkdómum árið
1949.
Friðrik var læknir á Landspít-
alanum á árunum 1946–1963, yfir-
læknir á skurðdeild Borgarspítalans
1963–1977 og læknir endurhæfing-
ar- og langlegudeildar Borgarspít-
alans í Hafnarbúðum 1977–1982. Þá
var hann stundakennari við lækna-
deild Háskóla Íslands frá 1954 og
dósent á árunum 1959–1976.
Friðrik gegndi ýmsum félags- og
trúnaðarstörfum og sat m.a. í stjórn
Læknafélags Reykjavík-
ur 1950–1953, í bæjar-
stjórn Reykjavíkur
1950–1954, var kosinn í
byggingarnefnd Borgar-
spítalans 1954, sat í
stjórn Krabbameins-
félags Íslands 1956–1978
og í almannavarnanefnd
Borgarspítalans 1970–
1978, þar sem hann var
lengst af formaður. Þá
sat hann í stjórn Nord-
isk Kirurgisk Forening
1961–1983 og var forseti
samtakanna 1979–1981.
Ennfremur sat hann í
stjórn Þvagfæraskurðlæknafélags
Norðurlanda 1962–1980 og var for-
maður Skurðlæknafélags Íslands
1973–1975.
Friðrik var gerður að heiðurs-
félaga í Skurðlæknafélagi Íslands
1977, í Nordisk Urologisk Forening
1980, í Dansk Kirurgisk Selskab
1981, í Nordisk Kirurgisk Forening
1983 og í Heila- og taugalækninga-
félagi Íslands 1998. Þá var hann
sæmdur krossi riddara af Danne-
brog 1958 og riddara af 1. gráðu
Dannebrog 1966, riddarakrossi
hinnar íslensku fálkaorðu 1970 og
stórriddarakrossi árið 1977.
Friðrik lætur eftir sig eiginkonu,
Ingeborg Einarsson, f. Korsbæk, og
fjögur börn þeirra.
Andlát
FRIÐRIK
EINARSSON
SETTUR umboðsmaður Alþingis,
Helgi I. Jónsson héraðsdómari, hefur
skilað af sér fjórum álitum í málum
jafnmargra prófessora við lagadeild
Háskóla Íslands. Vék Tryggvi Gunn-
arsson, umboðsmaður Alþingis, sæti í
umfjöllun um þessi mál.
Prófessorarnir leituðu hver í sínu
lagi til umboðsmanns þar sem þeir
sættu sig ekki við úrskurð kjara-
nefndar frá júlí 1998 um launakjör og
mat á þeirra störfum við deildina og
birtum fræðigreinum. Voru gerðar
athugasemdir við málsmeðferð kjara-
nefndar, hvernig fyrri fræðistörf pró-
fessoranna voru metin og hvernig
þeim var raðað í nýja launaflokka.
Kvartað var undan ófullnægjandi
rökstuðningi kjaranefndar um launa-
kjör en í álitum setts umboðsmanns
telur hann rökstuðninginn vera full-
nægjandi.
Settur umboðsmaður beinir því
hins vegar til kjaranefndar að endur-
skoða reglur um hvernig meta eigi
fræðigreinar sem birtast í erlendum
fræðiritum og hvernig meta eigi fyrri
störf manna. Í tveimur álitanna minn-
ir settur umboðsmaður á að staða lög-
fræði innan Háskólans sé frábrugðin
mörgum öðrum greinum sem hafi al-
þjóðlega skírskotun. Fræðigreinar í
lögfræði séu langflestar þjóðlegar og
veki því almennt ekki áhuga útlend-
inga. Íslenskir lagaprófessorar hafi
því minni möguleika en starfsbræður
þeirra í öðrum greinum til að fá grein-
ar eftir sig birtar á erlendri tungu.
Í einu málanna er þeim tilmælum
beint til kjaranefndar að taka til með-
ferðar beiðni viðkomandi prófessors
um rökstuðning fyrir mismunandi
mati á fræðiritum hans og afgreiða
hana í samræmi við fyrirmæli stjórn-
sýslulaga, komi fram ósk þessa efnis
frá honum. Sami prófessor kvartaði
undan því að kjaranefnd hefði ekki
veitt honum leyfi til að tjá sig munn-
lega fyrir nefndinni um málið. Settur
umboðsmaður Alþingis telur prófess-
orinn hins vegar hafa gert glögga
grein fyrir sínum sjónarmiðum skrif-
lega og því hafi ekki verið þörf á
munnlegum málflutningi.
Kjaranefnd
endurskoði
matsreglur
Umboðsmaður Alþingis um mál fjög-
urra lagaprófessora við Háskólann
ÍSLENSK lögregluyfirvöld
hafa fengið fyrirspurnir og
lista yfir fólk sem grunsemdir
eru um að tengist hryðjuverk-
unum í Bandaríkjunum.
Jón H. Snorrason, yfirmað-
ur efnahagsbrotadeildar Rík-
islögreglustjórans, sagði í
samtali við Morgunblaðið að
þær spurningar sem beint
hefði verið til þeirra af þessum
sökum sneru að því hvort við-
komandi einstaklingar væru
hér, hefðu verið hér eða eitt-
hvað væri vitað um aðgerðir
þeirra hér á landi.
Jón sagði að unnið hefði ver-
ið að því að svara þessum
fyrirspurnum. Við værum
þátttakendur í alþjóðlegu
samstarfi og eitt af hlutverk-
um ríkislögreglustjóraemb-
ættisins væri að vera í sam-
skiptum við erlend lög-
regluyfirvöld og sinna erind-
um af þessu tagi.
Fyrir-
spurnir til
íslenskra
lögreglu-
yfirvalda
Hryðjuverkin
í Bandaríkjunum
HÆSTIRÉTTUR staðfesti í
gær úrskurð Héraðsdóms
Norðurlands vestra um gæslu-
varðhald til 30. september yfir
manni sem tekinn var með fíkni-
efni í bíl skammt frá Blönduósi
um síðustu helgi.
Lögreglan á Blönduósi stöðv-
aði bílinn seint að kvöldi laug-
ardags í hefðbundnu eftirliti.
Þegar ökumanninum var gefið
merki um að stansa sáu lög-
reglumenn hvar pakka var
fleygt út úr bílnum áður en hann
stöðvaðist. Laganna verðir
námu staðar til að taka pakkann
upp af veginum en þá var bíln-
um fyrir framan þá ekið í burtu
á miklum hraða. Veitti lögreglan
honum eftirför og eftir eltingar-
leik um 12 kílómetra leið eftir
Langadal, þar sem ekið var á
130-140 km hraða, tókst að
stöðva bílinn. Tveir menn voru
handteknir og var gæsluvarð-
halds krafist yfir þeim báðum.
Það var farþeginn sem kærði
gæsluvarðhaldið.
Neytti hass fyrir akstur
Í pakkanum fundust 140 e-
töflur, e-töflumulningur og 250
grömm af hassi. Ökumaðurinn
viðurkenndi við yfirheyrslu að
hafa neytt hass fyrir aksturinn.
Farþeginn, sem býr á Akureyri,
sagðist hafa verið beðinn að
sækja pakka á ákveðinn stað
skammt vestan við Blönduós og
hefði sér verið boðið hass að
launum. Fékk hann félaga sinn
til að aka sér vestur og voru þeir
á leið til baka til Akureyrar þeg-
ar lögreglan gómaði þá.
Síðastliðinn mánudag var svo
einn maður til viðbótar handtek-
inn á Akureyri og einnig úr-
skurðaður í gæsluvarðhald.
Fjórði maðurinn var handtekinn
á miðvikudag og viðurkenndi
hann að hafa skipulagt og fjár-
magnað kaupin á fíkniefnunum.
Reyndi
að stinga
lögregl-
una af
Gæsluvarðhald
staðfest vegna
fíkniefnamáls
FÓLKSBIFREIÐ var ekið í veg fyr-
ir mótorhjól á Bústaðavegi við Bú-
staðakirkju seint í gærkvöldi og var
ökumaður hjólsins fluttur meðvit-
undarlaus á slysadeild.
Samkvæmt upplýsingum lögregl-
unnar virtist hann þó óbrotinn og
komst til meðvitundar á slysadeild,
en kvartaði yfir verk í baki. Orsakir
slyssins voru þær að fólksbifreið tók
u-beygju á veginum og stansaði
þvert á hinni akbrautinni með þeim
afleiðingum að mótorhjólið lenti
beint á hlið bílsins. Engan sakaði í
fólksbílnum en hjól og bíll skemmd-
ust nokkuð og fjarlægði lögreglan
ökutækin af götunni. Tilkynning
barst um slysið rétt fyrir hálfellefu.
Bíll ók í veg fyrir mótorhjól
Morgunblaðið/Kristinn
SLÖKKVILIÐ höfuðborgarsvæðis-
ins var kallað að fjölbýlishúsi í Rima-
hverfi í Grafarvogi í gær.
Tilkynnt var um mikinn reyk úr
kjallara hússins og í ljós kom að
kveikt hafði verið í rusli í geymslu-
gangi. Nokkrar reykskemmdir urðu
í húsinu en litlar sem engar skemmd-
ir vegna elds. Reykurinn var frekar
svartur vegna gúmmíkapla sem voru
innan um ruslið. Ekki er vitað hverj-
ir voru þarna að verki.
Kveikt í rusli
í kjallara
fjölbýlishúss