Morgunblaðið - 16.10.2001, Page 4
FRÉTTIR
4 ÞRIÐJUDAGUR 16. OKTÓBER 2001 MORGUNBLAÐIÐ
Audi A6 1.8 Turbo, nýskr. 08.01 ‘01.
Leðurinnr., sjálfsk., cruise control,
gardínur, álfelgur, ásett verð
3.490.000. Ath. skipti á ódýrari.
Nánari upplýs. hjá Bílaþingi Heklu,
sími 590 5000.
Opnunartímar: Mánud. - föstud.
kl. 10-18 og laugard. kl. 12-16.
Laugavegur 170-174 • Sími 590 5000 • Heimasíða: www.bilathing.is
Netfang: bilathing@hekla.is
SIV Friðleifsdóttir umhverfisráð-
herra segir íslensk stjórnvöld styðja
sjónarmið Íra í málefnum Sellafield-
kjarnorkuendurvinnslustöðvarinnar í
Bretlandi en Bertie Ahern, forsætis-
ráðherra Írlands, krafðist þess um
helgina að stöðinni yrði lokað. Segir
Siv að grannt muni verða fylgst með
afdrifum kærumáls sem varðar opn-
un svokallaðrar MOX-stöðvar í Sel-
lafield, og sem Írar hyggjast stofna
til á grundvelli OSPAR-samningsins
um mengun sjávar í Norður-Atlants-
hafi.
Íslensk stjórnvöld hafa margoft
komið þeirri skoðun á framfæri, bæði
á norrænum vettvangi og í beinum
viðræðum við bresk stjórnvöld, að
æskilegt væri ef Sellafield yrði lokað.
Nú hafa bresk stjórnvöld hins vegar
veitt stjórnendum í Sellafield heimild
til að opna nýja stöð, sem mun end-
urvinna blönduð oxíð (MOX).
Fór írski forsætisráðherrann hörð-
um orðum um þá ákvörðun í ræðu
sem hann hélt um helgina.
Siv tók fram í samtali við Morg-
unblaðið að hér væri ekki um skyndi-
ákvörðun að ræða hjá breskum
stjórnvöldum. Sagði hún að hér væri
verið að taka á uppsöfnuðum vanda,
um væri að ræða eyðingu geisla-
virkra efna frá fyrri endurvinnslu.
Hún sagði að Bretar hefðu rætt
málið á vettvangi OSPAR-samnings-
ins og farið í gegnum ákveðið sam-
ráðsferli, eins og lög gerðu ráð fyrir.
Íslendingar væru hins vegar – líkt og
Írar – lítt hrifnir af málinu og sagði
Siv að fulltrúi Íslands, Davíð Egils-
son, forstjóri Hollustuverndar ríkis-
ins, hefði lýst áhyggjum Íslendinga á
vettvangi OSPAR-samningins.
Siv sagði að kærumál Íra á hendur
Bretum færi í eins konar gerðardóm
sem starfa myndi á grundvelli OSP-
AR-samningsins. „Ég tel fullkomlega
eðlilegt að Írar nýti sér þennan kost
enda eru þeir í svo miklu návígi við
stöðina í Sellafield,“ sagði hún.
Mun mengunin í Írlandshafi hafa
stuðulinn 1000 en stuðullinn er aðeins
50 við vesturströnd Noregs og ein-
ungis 1 við Íslandsstrendur.
Nægir það ekki til að valda meng-
un í sjávarafurðum Íslendinga en Siv
sagði þróun mála í Sellafield eigi að
síður mikið hagsmunamál fyrir Ís-
lendinga þar sem ímynd sjávarafurða
skipti okkur svo miklu máli. Afkoma
íslenska þjóðarbúsins væri nátengd
því að við gætum selt heilnæmar,
ómengaðar sjávarafurðir.
Styðjum sjónarmið Íra
Umhverfisráðherra um kröfur um lokun Sellafield
ásamt lögreglunni á Keflavík-
urflugvelli og er þá bíll við bíl
milli kl. 7 og 8.30 á morgnana.
Segir lögreglan að menn þurfi að
bíða í um hálftíma þegar mest er
að gera, en afgreiðslan gangi vel
og taki menn þessum ráðstöf-
unum með þolinmæði og skilningi
þótt biðröðin nái stundum allt
SPRENGJU- og vopnaleit í bif-
reiðum íslenskra starfsmanna
Varnarliðsins á Keflavík-
urflugvelli er nú fastur liður á
morgnana í ljósi ástands heims-
mála og myndast miklar biðraðir
við hliðið inn á svæðið í upphafi
vinnudaga. Lögregla sjóhers
Varnarliðsins annast leitina
niður á Reykjanesbraut að versl-
un Hagkaups. Lögreglan í Kefla-
vík hefur annast umferðargæslu
við Reykjanesbrautina þar sem
hættuástand getur skapast á veg-
inum vegna kyrrstæðra bíla í bið-
röðinni og eru ökumenn á
Reykjanesbrautinni hvattir til að-
gæslu.
Morgunblaðið/Hilmar Bragi
Biðraðir vegna vopnaleitar
PÓST- og fjarskiptastofnunin hefur
ákveðið að fresta því að hægt verði að
flytja farsímanúmer milli símafyrir-
tækja. Til stóð að þessi möguleiki yrði
fyrir hendi 1. júní í ár en búið er að
fresta því þar til 1. júlí árið 2003.
Að sögn Gústavs Arnar, forstjóra
Póst- og fjarskiptastofnunarinnar, er
nokkuð síðan að samkomulag var gert
um að hægt yrði að flytja símanúmer
milli fyrirtækja og átti það að gerast í
þremur áföngum. Fyrstu tveir áfang-
arnir gengu í gildi hinn 15. febrúar
þegar menn gátu farið að flytja síma-
númer milli símkerfa innan sama
svæðis annars vegar og milli lands-
hluta hins vegar. Hinn 1. júní síðast-
liðinn átti svo síðasti áfanginn að nást
með því að hægt yrði að flytja far-
símanúmer milli farsímakerfa. „Það
varð hins vegar ljóst með vorinu að
fyrirtæki myndu ekki verða tilbúin
með þann hugbúnað sem þyrfti til að
gera það mögulegt og því settum við
niður sérstakan tæknihóp með þátt-
töku fyrirtækjanna til þess að skoða
möguleikana. Sá hópur skilaði
skýrslu í síðasta mánuði og hún var á
þá lund að ennþá væru ekki til hjá
framleiðendum þær lausnir sem pöss-
uðu fyrir íslenskar aðstæður. Þess
vegna höfum við ákveðið að breyta
þessari dagsetningu og þetta verður
sem sagt dregið fram til 1. júlí 2003.“
Aðspurður um hvort samkomulag
hafi verið milli símafyrirtækjanna að
fara þessa leið segir Gústaf að fulltrú-
ar þeirra hafi átt sæti í tæknihópnum.
Komið hafi fram að ákveðnir erfið-
leikar væru í sambandi við fyrirfram-
greidd kort sem séu mjög algeng í
farsímanotkun og ekki væri búist við
að fyrirtækin, sem hafa selt þessum
fyrirtækjum símstöð, verði tilbúin
með lausnir á því fyrr en um áramótin
2002-2003. „Svo þarf að prófa þetta
þannig að okkur fannst að raunhæf-
asta dagsetningin væri 1. júlí 2003.
Eins og gefur að skilja eru fyrirtækin
kannski dálítið misjafnlega ánægð
með þessa niðurstöðu en við því er
ekkert að gera. Við teljum ekki mögu-
legt að hrinda í gegn lausn ef að þau
telja að framleiðendur hafi ekki
möguleikana fyrir hendi.“
Þórólfur Árnason, framkvæmda-
stjóri Tals, sagði að þessi ákvörðun
hefði legið í loftinu eftir að tæknihóp-
ur félaganna hafi verið búinn að fara
yfir málið. Það væri einfaldlega ekki
unnt tæknilega að gera þetta fyrr og
því hefði ákvörðun Póst- og fjar-
skiptastofnunar verið sjálfgefin.
Þórólfur sagði að um mjög flókið
mál væri að ræða vegna þess að gjald-
tökukerfi símafyrirtækja byggði á því
í hvern væri hringt. Ef það væri ekki
lengur þekkt, þ.e.a.s. hvort viðkom-
andi væri að hringja innan sama fyr-
irtækis eða ekki þá þyrfti að umbylta
bæði sím- og gjaldtökukerfum.
Pétur Pétursson, upplýsinga- og
kynningastjóri hjá Íslandssíma, segir
að fyrirtækið harmi að þessu sé seink-
að svona mikið. Íslandssími verði
tæknilega tilbúinn mun fyrr til að
bjóða upp á númeraflutning og taka
við númerum frá öðrum farsímafyr-
irtækjum. Eina tæknilega vanda-
málið sem verið hafi upp á borðum í
þeim efnum hér á landi eins og hjá
farsímafyrirtækjum um allan heim sé
flutningur númera í fyrirfram-
greiddri símaþjónustu. Fyrirtæki hafi
leyst það, og þeir hafi verið tilbúnir til
að leysa það með þeim hætti líka, með
einu föstu gjaldi fyrir að hringja úr
Flutningur farsímanúm-
era frestast til júlí 2003
símum sem væru í slíkri þjónustu í
önnur farsímanúmer. „Við fáum ekki
séð af hverju er þörf á svona löngum
fresti til að bjóða almenningi upp á
jafn sjálfsagða þjónustu og þetta,“
sagði Pétur.
Heiðrún Jónsdóttir, forstöðumaður
upplýsinga- og kynningamála hjá
Símanum, sagði að þessi frestun
kæmi fyrst og fremst niður á neyt-
endum eða viðskiptavinum fyrirtækja
sem væru háðir númerum sínum.
Frestun á gildistökunni væri hins
vegar ákvörðun Póst- og fjarskipta-
stofnunar að höfðu samráði við nefnd
tæknimanna allra fjarskiptafyrir-
tækjanna og byggðist á tæknilegum
annmörkum þar sem búnaður væri
ekki að fullu tilbúinn. Að mati Símans
sé frestunin því óhjákvæmleg.
Heiðrún sagði að ákvæðið hefði
verið sett inn vegna samkeppnissjón-
armiða til að auðvelda nýjum aðilum
að koma inn á markaðinn og ná til sín
viðskiptavinum. Síminn sæi sér mik-
inn hag í því þegar þetta ákvæði tæki
gildi, en auðvitað yrði lagabókstafur-
inn að taka tillit til þess sem væri
tæknilega mögulegt.
SÆLUHÚSIÐ á Holtavörðuheiði,
sem byggt var árið 1980 og sett
þar upp í öryggisskyni fyrir veg-
farendur, hefur verið auglýst til
sölu hjá Ríkiskaupum og að sögn
Magnúsar Vals Jóhannssonar,
umdæmisstjóra Vegagerðarinnar
á Vesturlandi, stendur ekki til að
setja annað hús upp í staðinn á
heiðinni.
Hann segir enga þörf vera fyrir
þessum húsum lengur vegna auk-
innar vegaþjónustu og bættra
fjarskipta. Hann segir slæma um-
gengni í húsinu einnig hafa ráðið
nokkru um þessa ákvörðun að
selja húsið og flytja það burtu af
heiðinni. Dæmi hefðu verið um að
fólk hefði gengið örna sinna í hús-
inu og skemmt innanstokksmuni.
„Þessi sæluhús eru að sumu
leyti barn síns tíma. Þjónustan á
vegunum er allt önnur og betri en
áður. Vegirnir eru mokaðir á
hverjum degi og þeim haldið opn-
um eftir því sem þurfa þykir. Fjar-
skiptin hafa batnað og ökutækin
sömuleiðis. Umgengnin um sælu-
húsið hefur líka verið afleit, ekkert
fær að vera í friði þarna. Við telj-
um þörfina fyrir húsin einfaldlega
ekki vera fyrir hendi og það svarar
varla kostnaði að halda þeim úti
lengur,“ segir Magnús Valur og
bendir jafnframt á að ekki standi
til af hálfu Vegagerðarinnar að
reisa sæluhús á nýrri leið yfir
Kerlingarskarð á Snæfellsnesi um
Vatnaheiði og líklega verði sælu-
húsið á gömlu leiðinni aflagt.
Hægt er að skila inn tilboðum í
sæluhúsið til 23. október hjá Rík-
iskaupum en að sögn Magnúsar
Vals hafa fjölmargir lýst áhuga
sínum á að kaupa, einkum útivist-
arfélög.
Slæm umgengni
og aukin
vegaþjónusta
Sæluhúsið af Holtavörðuheiði
EINN var handtekinn eftir að til
átaka kom á Sæbólsbraut í Kópa-
vogi aðfaranótt laugardags.
Að sögn lögreglunnar í Kópavogi
hafði samkvæmi ungmenna á aldr-
inum 17–19 ára farið úr böndunum.
Húsráðandi mun hafa lent í átök-
um við einn gestinn og síðan vísað
öllum út úr húsinu. Kallað var á
aðstoð lögreglu þar sem fólkið yf-
irgaf ekki svæðið. Lögreglan telur
að um 20 manns hafi verið þar
samankomnir þegar lögregluna
bar að.
Ungmennin fóru ekki eftir til-
mælum lögreglu um að fara til síns
heima og kom til handalögmála
milli þeirra og lögreglu. Liðsauki
var fenginn frá Reykjavík og
Hafnarfirði en hjá lögreglunni í
Kópavogi eru að jafnaði fjórir á
helgarvakt, auk varðstjóra.
Að sögn lögreglunnar í Kópavogi
var nokkrum ungmennum stungið
inn í lögreglubíl á meðan verið var
að róa niður mannskapinn. Eins og
fyrr segir var aðeins einn handtek-
inn.
Ólæti í Kópavogi
Liðsauki
fenginn frá
Hafnarfirði
og Reykjavík