Morgunblaðið - 16.10.2001, Side 10

FRÉTTIR
10 ÞRIÐJUDAGUR 16. OKTÓBER 2001 MORGUNBLAÐIÐ
FJÖLDI ályktana var samþykktur
á 34. landsfundi Sjálfstæðisflokks-
ins sem um 1.200 manns sóttu og
lauk á sunnudag í Laugardalshöll-
inni.
Ályktun um að Ríkisútvarpinu
verði breytt í hlutafélag í eigu rík-
isins var samþykkt með miklum
meirihluta á sunnudag. Pétur H.
Blöndal alþingismaður lagði ásamt
öðrum landsfundarfulltrúum fram
breytingartillögu um að hlutafé
Ríkisútvarpsins yrði selt, en út-
varpsráð starfaði áfram og byði
verkefni Ríkisútvarpsins út til allra
fjölmiðla. Þrisvar þurfti að greiða
atkvæði um tillögu Péturs með
handauppréttingu þar sem mjótt
var á munum. Að lokinni þriðju at-
kvæðagreiðslu sagði Halldór Blön-
dal fundarstjóri að tillagan hefði
verið felld með sjónarmun. Lands-
fundur telur einnig að skyldu-
áskrift að fjölmiðlum skuli þegar í
stað afnumin og hlutverk ríkisins á
þessum markaði endurskoðað.
Mikill hiti var í mönnum þegar
menningarmálin voru rædd. Ungir
Heimdellingar komu með ýmsar
róttækar hugmyndir inn á fund í
menningarmálanefnd, eins og að af-
nema alla styrki til menningar-
tengdrar starfsemi. Þeir gagn-
rýndu Ásthildi Sturludóttur,
formann nefndarinnar, og sögðu
málið ekki hafa fengið neina efn-
islega meðferð í nefndinni og að
reynt hefði verið að kæfa það. Sátt
náðist með því að skipa sáttanefnd.
Í ályktun um skattamál er lögð
áhersla á hækkun skattleysis-
marka. Sérstakur tekjuskattur á
einstaklinga verði þegar á næsta
ári lækkaður úr 7% í 4% og síðan
afnuminn árið 2003. Fyrstu skref
verði jafnframt tekin til að lækka
staðgreiðslu einstaklinga úr 38,8% í
35%. Tekjuskattur á fyrirtæki verði
lækkaður úr 30% í 10%, en þegar
hafði verið tilkynnt að þetta hlutfall
færi niður í 18%. Þá er lagt til að
verðbólgureikningsskil verði af-
numin og fyrirtækjum sem hafa
tekjur í erlendri mynt verði heim-
ilað uppgjör í erlendum gjaldmiðli.
Dregið verði úr tekjutengingu
barnabóta og skerðing vaxtabóta
verði lækkuð úr 6% í 5% af tekjum.
Í efnahagsmálum er lögð megin-
áhersla á að greiða niður skuldir
ríkissjóðs, lækka tekjuskatta ein-
staklinga og fyrirtækja enn frekar,
afnema sérstakan tekjuskatt, ein-
falda skattkerfið og leggja af skatta
og gjöld sem skekkja samkeppnis-
stöðu fyrirtækja. Einnig að draga
úr öllum höftum á innflutning og af-
nema tolla og vörugjöld. Sömuleiðis
afnema allar hömlur á fjárfestingu
erlendra aðila í íslenskum fyrir-
tækjum og lágmarka opinber af-
skipti af atvinnulífinu.
12 mánaða fæðingarorlof
millifæranlegt milli foreldra
Umræður um jafnréttismálin
snerust m.a. um nýsamþykkt lög
um fæðingarorlof mæðra og feðra.
Mikill meirihluti fundarmanna
samþykkti breytingartillögu um að
endurskoða þyrfti ýmis ákvæði lag-
anna, þannig að réttur foreldra til
töku fæðingarorlofs verði að fullu
millifæranlegur, „svo fæðingaror-
lofið nýtist eins og hverri fjölskyldu
kemur best“. Þorsteinn Davíðsson,
Gunnlaugur Sævar Gunnlaugsson
og Illugi Gunnarsson lögðu tillög-
una fram. Geir H. Haarde fjármála-
ráðherra var meðal þeirra sem
samþykktu breytingartillöguna, en
Þorgerður Katrín Gunnarsdóttir
þingmaður meðal þeirra sem
greiddu atkvæði á móti.
Þá var samþykkt ályktun um fjöl-
skyldumál þar sem hvatt er til að
stefnt verði að 12 mánaða fæðing-
arorlofi. Tillaga um að setningin um
12 mánaða fæðingarorlofið yrði
tekin út var felld með þorra at-
kvæða. Þetta er í fyrsta skipti sem
landsfundur flokksins ályktar um
svo langt fæðingarorlof.
Sömuleiðis var samþykkt að
leggja beri Kvikmyndaskoðun rík-
isins niður. Þá er lagt til að nýsam-
þykktum tóbaksvarnarlögum verði
breytt „svo að tjáningarfrelsi al-
mennings og réttur fólks til að ráða
yfir fasteignum sínum verði virtur“,
eins og segir í ályktun fundarins.
Þá telur landsfundur að endur-
skoða þurfi ákvæði laga um dóm-
stóla sem fjalla um skipun Hæsta-
réttar í einstökum málum, þannig
að tryggt sé að sjö dómarar skipi
dómstólinn í sérstaklega mikils-
verðum málum er varða túlkun á
stjórnarskránni. Einnig að breyta
þurfi ákvæðum um deildaskiptingu
réttarins þannig að seta dómara í
einstökum málum fari ekki eftir
starfsaldri þeirra, heldur séu þeir
valdir eftir hlutkesti.
Markaðsvæðing
orkugeirans fyrirhuguð
Landsfundur lýsti einörðum
stuðningi við áform um uppbygg-
ingu nýrrar stóriðju á Austurlandi
og við Hvalfjörð og fyrirhugaðar
virkjunarframkvæmdir sem henni
tengjast. Í ályktun um orkumál er
lögð áhersla á framhald þeirrar
uppbyggingar á sviði orkumála og
orkufrekrar starfsemi. Einnig lýsir
fundurinn ánægju með fyrirhugaða
markaðsvæðingu í orkumálum.
Ólafur F. Magnússon borgar-
fulltrúi lagði fram breytingartillögu
við ályktunina sem var kolfelld.
Ólafur lagði m.a. til að tryggt verði
við fyrirhugaða einkavæðingu í
orkumálum að orkulindir í eigu al-
mennings færist ekki í hendur
einkaaðila.
Í heilbrigðismálum var lögð
áhersla á eflingu einkarekinnar
heilsugæslu og hvetur fundurinn til
þess að Sjálfstæðisflokkurinn taki
að sér ráðuneyti heilbrigðismála.
Þá telur landsfundur að ríkið eigi
að draga sig úr öllum verslunar-
rekstri. Því skuli ÁTVR lagt niður
þegar í stað og áfengi selt eftir
reglum sem Alþingi setur.
Íbúðalán miðist við
kaupverð íbúðar
Einnig var samþykkt að leggja
áherslu á að afnema tekjutengingu
lífeyrisgreiðslna almannatrygginga
til þeirra sem hafa náð 67 ára aldri.
Í stað grunnlífeyris, tekjutrygging-
ar og heimilisuppbótar eigi sérhver
einstaklingur rétt á tilteknum eft-
irlaunum á mánuði, sem ekki verða
skert með neinum hætti. Lagt er til
að fram fari heildarendurskoðun
laga um almannatryggingar á kjör-
tímabilinu, auk þess sem skattalög-
gjöfin verði samtímis endurskoðuð.
Landsfundur telur að íbúðalán
eigi að miða við kaupverð íbúðar og
einnig að stuðlað skuli að virkum,
frjálsum sparnaði ungs fólks til
fjárfestingar í íbúðarhúsnæði, t.d.
með því að innlegg á sparnaðar-
reikning verði frádráttarbært frá
skatti.
Ríkisútvarpinu breytt í
hlutafélag, en sölu hafnað
34. landsfundi Sjálf-
stæðisflokksins lauk á
sunnudag. Meðal þess
sem landsfundur leggur
áherslu á er að Ríkis-
útvarpinu verði breytt í
hlutafélag í eigu rík-
isins, skattleysismörk
verði hækkuð, orkugeir-
inn markaðsvæddur
og fæðingarorlof lengt
í 12 mánuði og gert að
fullu millifæranlegt
milli foreldra.
Morgunblaðið/Golli
Þrisvar sinnum þurfti að greiða atkvæði um tillögu um sölu RÚV þar sem mjótt var á munum. Eftir þriðju at-
kvæðagreiðslu úrskurðaði fundarstjóri að tillagan hefði verið felld með sjónarmun.
ÚTHLUTUN keilu- og löngukvóta
til krókabáta breytir ekki þeirri
afstöðu Landssambands smábáta-
eigenda um að fella skuli úr gildi
veiðikerfi krókabáta sem tók gildi
með lögum hinn 1. september sl.
Framkvæmdastóri Landssam-
bands smábátaeigenda segir
krókaaflamarkskerfið mismuna út-
gerðarflokkum á kvótaleigumark-
aði.
Samkvæmt gildandi lögum fá
bátar á krókaflamarki úthlutað
kvóta í fjórum tegundum; þorski,
ýsu, steinbít og ufsa. Í fyrirspurn-
artíma á landsfundi Sjálfstæðis-
flokksins um helgina sagði Árni M.
Mathiesen sjávarútvegsráðherra
að til stæði að úthluta krókabátum
á aflamarki kvóta í keilu og löngu
en áfram yrði byggt því veiðikerfi
sem lög kvæðu á um.
Örn Pálsson, framkvæmdastjóri
Landssambands smábátaeigenda,
segir að í lögum um stjórn fisk-
veiða sé skýrt kveðið á um að ef
ný tegund er sett undir kvóta skuli
úthlutun byggja á veiðireynslu síð-
ustu þriggja ára. Þar komi ekkert
fram um að skilja megi undan
ákveðinn flokk skipa. Það að út-
hluta krókabátum ekki aflamark í
keilu og löngu sé því klárlega brot
á lögunum. Hann segir það þó ekki
skipta höfuðmáli þó að krókabát-
um verði úthlutað aflamarki í þess-
um tegundum, styrinn stendur
fyrst og fremst um stjórn veið-
anna. Krafa smábátaeigenda sé
eftir sem áður sú að horfið verði
frá krókaaflamarkskerfinu og tek-
ið upp það kerfi sem var við lýði
áður en lögunum var breytt.
Línuútgerð þarf að
njóta fríðinda
„Smábátaeigendur geta ekki
starfað í krókaaflamarkskerfinu,
hvort sem þeim er úthlutað kvóta í
keilu og löngu eða ekki. Í dag eru
tvö fiskveiðistjórnunarkerfi við
lýði, þar sem kvótasett er í öllum
tegundum sem stjórnvöld telja
nauðsynlegt að takmarka heildar-
afla, annarsvegar aflamark og hins
vegar krókaaflamark. Í aflamarks-
kerfinu geta menn hins vegar valið
um í hvaða veiðarfæri þeir sækja
fiskinn, hvort sem það eru net,
dragnót, troll eða eitthvað annað. Í
krókaaflaaflamarkskerfinu er
mönnum gert að veiða annaðhvort
á handfæri eða línu. Ef menn ætla
hins vegar að veiða þær aukateg-
undir sem nú eru í kvóta þá verða
þeir að nota línu við veiðarnar. Áð-
ur en línubátur fer á sjó er hann
búinn að greiða laun fyrir beitn-
ingu í landi. Þeir sem veiða í net
þurfa ekki að greiða slíkan kostn-
að. Þar kemur því strax fram mis-
munun. Það er því óraunhæft að
ætla smábátaútgerðum að keppa
við aðra á leigukvótamarkaðnum.
Ef halda á uppi öflugri línuútgerð í
landinu verður hún að njóta ákveð-
inna fríðinda,“ segir Örn.
Keila og langa skipta
ekki höfuðmáli
Smábátaeigend-
ur segja króka-
aflamarkskerfið
mismuna útgerð-
arflokkum
DAVÍÐ Oddsson forsætisráðherra
var endurkjörinn formaður Sjálf-
stæðisflokksins á landsfundinum á
sunnudag. Hlaut hann 98% atkvæða
eða 849 atkvæði. Í formannskjörinu
hlaut Geir H. Haarde fimm atkvæði,
Björn Bjarnason tvö, Pétur H. Blön-
dal eitt atkvæði og Þorsteinn Páls-
son eitt atkvæði. Einn atkvæðaseðill
var ógildur en tíu voru auðir.
Alls tóku 869 landsfundarfulltrúar
þátt í atkvæðagreiðslunni. Þegar úr-
slit voru kynnt sagði Davíð nokkur
orð. Kvaðst hann bæði þakklátur og
hrærður fyrir hinn mikla stuðning.
Sagði hann heilmikið þurfa til að
rísa undir slíkum stuðningi og vísaði
til þeirra orða Bjarna Benediktsson-
ar, fyrrv. formanns Sjálfstæðis-
flokksins og forsætisráðherra, að
stundum væri flóknara að stjórna
Sjálfstæðisflokknum en landinu. Á
hinn bóginn benti hann á að land-
stjórnin yrði sér léttara verk með
stuðning þessa öfluga landsfundar
að baki sér.
„Enginn maður getur óskað sér
betra veganestis,“ sagði Davíð og
var ákaft hylltur af landsfundar-
fulltrúum.
Geir H. Haarde fékk 89,4% at-
kvæða í embætti varaformanns
Þá var Geir H. Haarde fjármála-
ráðherra endurkjörinn varaformað-
ur flokksins með 89,4% atkvæða eða
alls 761 atkvæði.
Í varaformannskjörinu hlaut
Björn Bjarnason 27 atkvæði, Gunn-
laugur Jónsson 17 atkvæði og Gunn-
ar Birgisson 12 atkvæði. Auðir seðl-
ar voru 16.
Alls 851 landsfundarfulltrúi tók
þátt í varaformannskjörinu.
Geir var ákaft fagnað eftir að úr-
slitin lágu fyrir. Í stuttu ávarpi sagði
hann það ekki aðeins ánægju að
starfa fyrir Sjálfstæðisflokkinn
heldur væri sóminn mikill að starfa í
umboði svo öflugrar samkomu sem
landsfundur væri.
„Ég tek þetta hlutverk mitt alvar-
lega,“ sagði Geir og kvaðst myndu
leggja sig allan fram.
Kosning í embætti formanns og
varaformanns Sjálfstæðisflokksins
Davíð Oddsson
hlaut 98% atkvæða