Morgunblaðið - 16.10.2001, Page 11
FRÉTTIR
MORGUNBLAÐIÐ ÞRIÐJUDAGUR 16. OKTÓBER 2001 11
DAVÍÐ Oddsson, forsætisráðherra
og formaður Sjálfstæðisflokksins,
sleit síðdegis á sunnudag 34. lands-
fundi flokksins í Laugardalshöll.
Fundurinn stóð frá fimmtudegi og
sagði Davíð m.a. í lokaávarpi sínu
að á landsfundinum hefðu verið
rædd mörg og mikilvæg mál sem
mótuðu stefnu flokksins til næstu
ára. Þar bæri þó hæst samþykkt
fundarins um sjávarútvegsmál.
Sagðist hann telja að eftir lands-
fund væri Sjálfstæðisflokkurinn vel
vopnum búinn fyrir tvennar að-
steðjandi kosningar og brýndi fólk
til dáða fyrir þær.
„Við höfum ekki enn fundið hin
endanlegu hreinu og órjúfanlegu
sannindi í þessum efnum,“ sagði
Davíð og bætti því við að ef til vill
væri ekki til neinn heilagur sann-
leikur í þessum efnum, frekar en
svo mörgum öðrum. „En það eiga
að vera, og verða að vera, kraft-
miklar umræður um sjávarútvegs-
mál innan vébanda Sjálfstæðis-
flokksins. Öðruvísi miðar okkur
ekki áfram,“ sagði hann.
Davíð sagði ennfremur að enginn
færi í grafgötur um mikilvægi sjáv-
arútvegsins fyrir íslensku þjóðina.
Það væri eðlilegt að sitt sýndist
hverjum um þau mál.
„Það var því nauðsynlegt og til
þess var hvatt, að landsfundur
flokksins samþykkti stefnu sem
hægt væri að nota til þess að ná
eins víðtækri sátt og hægt er meðal
þjóðarinnar um þessi mál um leið
og ekki væri hvikað frá þeim grund-
vallarmarkmiðum sem hljóta að
vera að tryggja sem mesta hag-
kvæmni í nýtingu fiskimiðanna
þjóðinni allri til hagsbóta.“
Sagði hann síðan það vera von
sína að sú tilslökun og sú niðurstaða
sem landsfundurinn hefði komist að
með afgerandi hætti dygði að mestu
leyti til þess að setja niður illvígar
deilur um þennan mikilvæga mála-
flokk. Þannig fengjust vonandi
tækifæri til að ræða betur um
stjórnkerfi fiskveiða og aðra þá
þætti sem snúa að hvernig auka
megi arðinn af greininni, ekki að-
eins hvernig beri að skipta honum.
Formaður Sjálfstæðisflokksins
sagði undir lok ræðunnar að lands-
fundur væri að undanskildu Alþingi
mikilvægasta stjórnmálasamkoma
þjóðarinnar. Að síðustu bað hann
landsfundarfulltrúa um að rísa úr
sætum sínum og hrópa ferfalt húrra
fyrir fósturjörðinni. Að því búnu
lýsti hann því yfir að 34. landsfundi
Sjálfstæðisflokksins væri slitið.
Morgunblaðið/Golli
Kjartan Gunnarsson, framkvæmdastjóri Sjálfstæðisflokksins, óskar Davíð Oddssyni, formanni Sjálfstæðis-
flokksins, og Geir H. Haarde varaformanni til hamingju með kjörið.
Lokaávarp Davíðs Oddssonar við slit landsfundar
Sjálfstæðisflokkur
vel vopnum búinn
BIRNA Lárusdóttir fjölmiðlafræð-
ingur og forseti bæjarstjórnar á Ísa-
firði hlaut flest atkvæði eða 633 af 803
mögulegum í
kosningum til
miðstjórnar Sjálf-
stæðisflokksins á
landsfundi flokks-
ins. Alls voru 21 í
kjöri, en kosið var
að morgni sunnu-
dags.
Úrslit í mið-
stjórnarkjörinu
urðu annars þau
að Guðjón Hjörleifsson bæjarstjóri í
Vestmannaeyjum hlaut 610 atkvæði,
Elínbjörg Magnúsdóttir verkalýðs-
foringi 570 atkvæði, Ragnar Sær
Ragnarsson sveitarstjóri 553 at-
kvæði, Ellen Ingvadóttir skjalaþýð-
andi 506 atkvæði, Ásta Þórarinsdóttir
hagfræðingur 486 atkvæði, Magnús
Þór Gylfason framkvæmdastjóri SUS
457 atkvæði, Magni Kristjánsson
skipstjóri 447 atkvæði, Jón Helgi
Björnsson framkvæmdastjóri 442 at-
kvæði, Birgir Ármannsson lögfræð-
ingur 418 atkvæði og Jón Magnússon
verkfræðingur hlaut 418 atkvæði.
Kosningar til mið-
stjórnar Sjálfstæð-
isflokksins
Birna Lár-
usdóttir hlaut
flest atkvæði
Birna
Lárusdóttir
VIÐ setningu kirkjuþings í gærmorgun boðaði
Sólveig Pétursdóttir dóms- og kirkjumálaráð-
herra að hún myndi leggja fram lagafrumvarp
þar sem veiting embætta sóknarpresta yrði al-
farið færð til biskups. Kvað hún breytinguna lið
í að veita þjóðkirkjunni meira sjálfstæði en hún
hefði enga breytingu í för með sér varðandi
réttarstöðu sóknarpresta.
Í upphafi ávarps síns sagðist Sólveig Péturs-
dóttir telja að þau vatnaskil sem orðið hefðu á
samskiptum ríkis og kirkju með þjóðkirkjulög-
unum í ársbyrjun 1998 hefðu verið heilladrjúg.
Kirkjan hefði fengið meira sjálfstæði til að leysa
mál sín og meira frumkvæði en hlutverk rík-
isvaldsins væri eftir sem áður að styðja þjóð-
kirkjuna.
Varðandi lagafrumvarp um veitingu embætta
sóknarpresta sagði ráðherra að í fyrra hefði
verið óskað álits kirkjuþings á því að dóms- og
kirkjumálaráðherra hætti afskiptum af skipan
sóknarpresta og að biskup skyldi skipa þá sem
og aðra presta. Var erindinu vísað til presta-
stefnu og sagði ráðherra þar hafa verið ályktað
varfærnislega um að slík breyting væri ekki
tímabær. „Eftir að hafa tekið málið til skoðunar
að nýju, m.a. í ljósi álits prófessors í lagadeild
Háskóla Íslands og umsagnar guðfræðildeildar
Háskóla Íslands, hef ég sannfærst æ betur um
að rétt sé að leggja fram frumvarp til laga að
nýju, þar sem veitingarvaldið verði alfarið fært
til biskups Íslands,“ sagði ráðherra. Lagt væri
til að breytt yrði væri að heimilað yrði að ösku
látinna manna yrði dreift yfir sjó, vötn eða
óbyggðir eins og heimilt væri víða á Vesturlönd-
um.
Ráðherra hvatti þjóðkirkjuna til að rétta hlut
kvenna innan kirkjunnar og vinna ötullega að
framgangi þeirra markmiða sem hún hefði sett
sér í jafnréttisáætlun.
Nýr siðferðisvandi mannkyns
Biskup Íslands, Karl Sigurbjörnsson, sagði
mannkyn standa frammi fyrir nýjum siðferð-
isvanda sem væru stórstígar framfarir í lækna-
vísindum. Rannsóknir á stofnfrumum gætu leitt
til lækninga sjúkdóma sem áður voru ólæknandi
og sagði hann hér vakna mikilvægar spurningar
sem snertu mannskilning. „Verður unnt að sam-
ræma grundvallarkröfur kristins mannskilnings
og frelsi vísindanna?“ spurði biskup og sagði af-
ar brýnt að svo yrði. Þá sagði hann framfarir í
fósturgreiningum hafa opnað möguleika á að
greina snemma sjúkdóma, fötlun og frávik í litn-
ingum. „En þessi tækni gerir líka mögulegt að
velja úr einstaklinga á fósturstigi, og koma í veg
fyrir að þeir lifi, einstaklinga sem hugsanlega
gætu orðið byrði á samfélaginu. Við verðum að
gefa þessu gaum og spyrja og leita svara við
þeim siðferðilegu spurningum sem vakna: Vilj-
um við slíkt samfélag, þar sem aðeins hið
„hrausta“ og „heilbrigða“ fær líf? Nei. Okkur
ber að standa vörð um mannhelgina, og gildi
sérhvers einstaklings í margbrotnu litrófi
mannlífsins," sagði biskup.
Jón Helgason, forseti kirkjuþings, ræddi m.a.
um vímuefni í ávarpi sínu. Sagði hann íhugunar-
efni að talið væri að fjármagn til að kosta
hermdarverkin í Bandaríkjunum í síðasta mán-
uði ætti uppruna sinn í hagnaði af sölu eitur-
lyfja. Sagði hann fórnarlömbin sem glötuðu lífi,
heilsu og hamingju vegna neyslu þeirra vera
margfalt fleiri en þá sem féllu og særðust í árás-
inni. Jón sagði umræðuna sem vaknað hefði á
liðnu sumri um börn og unglinga sem á ættu
hættu að lenda á glötunarvegi vegna vímuefna-
neyslu hefði staðið stutt og sömuleiðis þegar
fyrir skömmu hefði verið greint frá hundruðum
unglinga á fermingaraldri sem hefðu leitað með-
ferðar vegnas líkrar neyslu. „Á meðan yfirgnæf-
andi meirihluti þjóðarinnar dýrkar vímuna og
heldur uppi verklegri kennslu í neyslu hinna
löglegu efna, verður vonlítið að koma í veg fyrir
að vímuefnaneysla bitni á heilsu, hamingju og
lífi barna og unglinga,“ sagði Jón.
Kirkjumálaráðherra boðar lagafrumvarp við setningu kirkjuþings í gær
Veiting embætta sóknar-
presta færist til biskups
Morgunblaðið/Ásdís
Nýr kirkjuvefur var opnaður við setningu kirkjuþings. Frá vinstri: Guð-
mundur Þór Guðmundsson, framkvæmdastjóri kirkjuráðs, Árni Svanur
Danielsson vefstjóri og Jón Helgason forseti kirkjuþings.
ÖRYGGISNEFND Ríkisútvarpsins
greip í gær til ráðstafana til að
minnka skaða af völdum hugsan-
legra sýklaárása, m.a. miltisbrands-
árása, eftir að grunsamleg póstsend-
ing barst fréttastofu RÚV í
gærmorgun. Almannavörnum ríkis-
ins var gert viðvart og brugðust þær
við með því að leita upplýsinga hjá
landlæknisembættinu um varnir
gegn sýklaárásum. Þær eru ætlaðar
öllum almenningi og verða birtar á
heimasíðu Almannavarna í dag,
þriðjudag, á slóðinni: www.avrik.is.
Starfsfólk RÚV
afhendi póst
Sú sending sem um ræðir barst
RÚV með hraðsendingu frá Bret-
landi að talið er. Bréf af stærðinni A4
var innan í plastumslagi af stærðinni
A3. Að sögn Jóns Inga Benedikts-
sonar formanns öryggisnefndar
RÚV vaknaði grunur um að bréfin
væru torkennileg, þegar starfsmenn
fréttastofunnar könnuðust hvorki
við bréfið eða sendanda þess. Plast-
umslagið var opnað en bréfið sjálft
látið vera.
Öryggisnefndin hefur tilkynnt
starfsfólki RÚV að afhenda nefnd-
inni allan grunsamlegan póst sem
gæti vakið ugg vegna hugsanlegra
sýklaárása.
Bréfið frá í gær var læst niður og
verður sent í rannsókn til Landspít-
alans. Ekki hefur verið beðið um lög-
reglurannsókn í tengslum við málið
og þá var enginn starfsmaður RÚV
sendur í læknisrannsókn að því er
Jón Ingi sagði Morgunblaðinu.
Sjö manns sitja í öryggisnefnd
RÚV, en hún var skipuð í nóvember
á síðasta ári.
Tólf manns í Bandaríkjunum hafa
greinst með miltisbrand að undan-
förnu og þá lét franska lögreglan 600
starfsmenn frönsku geimferðastofn-
unarinnar yfirgefa bygginguna í gær
eftir að grunsamlegt duft barst í
bréfi.
Miltisbrandur er bráðdrepandi
baktería, sem ekki hefur greinst hér
á landi síðan um miðjan 7. áratuginn.
RÚV og Almannavarnir með við-
búnað vegna hugsanlegra sýklaárása
Póstsending í
sýklarannsókn