Morgunblaðið - 16.10.2001, Page 14
HÖFUÐBORGARSVÆÐIÐ
14 ÞRIÐJUDAGUR 16. OKTÓBER 2001 MORGUNBLAÐIÐ
NEMENDUR í Kópavogsskóla vita
miklu meira um einelti í dag en þau
gerðu áður. Ástæðan er sú að alla
síðustu viku og fram eftir vetri, hef-
ur um lítið annað verið rætt innan
veggja skólans enda þar í gangi
verkefni sem kallast „Vika án einelt-
is og ofbeldis“. Verkefnið er angi af
sérstöku Evrópuverkefni er fjallar
um andlega og félagslega vellíðan í
skóla.
„Vika án eineltis og ofbeldis“ er
einnig hluti af samstarfsverkefni
Landlæknisembættisins, heilbrigð-
isráðuneytisins, Geðræktar, Kópa-
vogsbæjar og fleiri aðila og nefnist
það Heilsuefling í skólum. Verkefnið
er til þriggja ára og er sérstök
áhersla lögð á eflingu geðheilbrigði í
þeim tilgangi að minnka líkur á
áhættuhegðun, s.s. neyslu fíkniefna,
einelti og sjálfsvígum. Einnig er lögð
áhersla á hollt mataræði og hreyf-
ingu og ýmiss konar forvarna-
fræðslu. Leitast er við að allt skóla-
starf, umhverfi skólanna og samstarf
við foreldra og aðra í samfélaginu
miði að því að nemendum líði og
farnist sem best.
„Síðan eru tekin fyrir ákveði mál-
efni, viku í senn,“ útskýrir Signý
Helgadóttir sem er kennari og verk-
efnisstjóri í Kópavogsskóla. „Í fyrra
vorum við með heilsuviku þar sem
áhersla var lögð á meiri hreyfingu og
hollan og góðan mat og núna er það
einelti. En þetta eru málefni sem
þurfa alltaf að vera í umræðunni svo
eftir að vikunni sleppir er áfram unn-
ið með efnið. Við verðum að vinna
eftir hugmyndum sem komnar eru
frá nemendum og kennurum áfram í
vetur en það þarf oft eina viku til að
vekja sérsaka athygli á málefninu.“
Meðal þess sem gert var í vikunni
var að leggja fyrir nemendur skólans
eineltiskönnun. „Þar eru könnuð
samskipti milli nemenda í hverjum
bekk, hvort að viðkomandi telji sig
hafa verið lagðan í einelti eða ekki.“
Signý segir að starfsmenn skólans
taki einnig þátt í verkefninu. Þeir
starfrækja t.d. gönguhóp og í einelt-
isvikunni drógu þeir um um leynivin
sem þeir áttu að vera sérstaklega
góðir við til að efla andann.
Saklaus stríðni
getur verið einelti
Blaðamaður ræddi við fjóra nem-
endur í unglingadeild skólans og
komst að því að þau höfðu lært ým-
islegt um einelti undanfarið. „Við
byrjuðum á því að koma með hug-
myndir að því hvernig hægt væri að
vinna með einelti þessa vikuna,“ seg-
ir Gréta Þórsdóttir Björnsson, nem-
andi í 10. bekk. Ýmsar áhugaverðar
hugmyndir komu fram sem unnið
verður með fram eftir vetri. Efnt var
til slagorðasamkeppni meðal allra
nemenda skólans, stuttmynd var
gerð, sameiginlegt listaverk undir
nafninu „Vinátta“ verður gert, yngri
nemendur gera vinabönd, rætt um
orðanotkun og tilfinningar skrifaðar
í dagbækur, reynslusaga um einelti
og heimsókn frá lögreglu svo eitt-
hvað sé nefnt.
Sjáið þið einelti í ykkar skóla?
Gréta: Nei, voða lítið.
Árdís Hrafnsdóttir (10. bekk): Ég
hef aldrei tekið eftir því.
Kópavogsskóli er ekki fjölmennur
skóli og blaðamaður veltir fyrir sér
hvort það sé ástæðan fyrir því að lítið
er um einelti.
Valgeir Tómasson (9. bekk): „Nei,
ég held að það skipti ekki öllu máli.“
Gréta: „Þetta er auðvitað sam-
heldinn hópur, við höfum verið sam-
an í bekk síðan við vorum sex ára,
svo ég held að það sé kannski ekki
allt í einu tekið upp á því að stríða
einhverjum.“
Valgeir: „Það er alltaf sami kjarn-
inn í þessum skóla og lítið verið að
skipta um kennara. Það eru flestallir
í þessum skóla vinir.“
Meðal þess sem var á dagskrá ein-
eltisvikunnar voru pallborðsumræð-
ur um hvort taka eigi upp skólabún-
inga á Íslandi eður ei. Benedikt og
Valgeir voru meðal þeirra sem tóku
til máls og voru báðir andvígir skóla-
búningum. Í ræðum kom fram að
klæðaburður geti verið undirrót ein-
eltis en að skólabúningar leysi ekki
endilega þann vanda.
Benedikt Kristjánsson (10. bekk):
„Við ræddum um bæði skaðsemi og
nytsemi skólabúninga. Andleg skað-
semi er líka til.“
Krakkarnir eru sammála um að
skólabúningar eigi ekki upp á pall-
borðið hjá ungu fólki á Íslandi en að
gaman hafi verið að ræða málin frá
báðum hliðum. Daginn sem pall-
borðsumræðurnar voru mættu nem-
endur og kennarar í fötum sem þeir
myndu venjulega ekki klæðast í skól-
anum.
Teljið þið árangursríkt að hafa öfl-
uga dagskrá sem þessa um einelti?
Allir: „Já!“
Valgeir: „Við höfum rætt um ein-
elti, aðallega inni í tímum, en líka
okkar á milli utan þeirra.“
Benedikt: „Það skemmtilegasta
sem við höfum gert þessa vikuna
finnst mér vera rökræðurnar um
skólabúningana.“
Gréta: „Mér fannst gaman að
komast að því að það er ekki mikið
um einelti í skólanum.“
Af hverju teljið þið mikilvægt að
tala um einelti?
Benedikt: „Þó að þeir sem eru
lagðir í einelti vilji ekki tala um það,
þá er gott að við hin tölum um það
svo við getum hjálpað þeim sem eru
lagðir í einelti.“
Gréta: „Það er líka gott að tala um
hlutina til þess að við áttum okkur á
því þegar við erum að leggja aðra í
einelti.“
Árdís: „Þá vitum við um hvað mál-
ið snýst og hvað þetta er alvarlegt.
Það sem okkur finnst kannski sak-
laus stríðni getur öðrum fundist
mjög leiðinlegt og upplifað sem ein-
elti.“
Mikilvægt að
ræða um einelti
Morgunblaðið/Kristinn
Benedikt, Gréta, Árný, Signý Helgadóttir, kennari og verkefnisstjóri, Ásdís Óskarsdóttir kennari og Valgeir
voru óvenjulega klædd í lok vikunnar.
Kópavogur
HANN klessir trýninu upp að rúð-
unni, sveinkinn sem prýðir jóla-
sveinaskeiðina í ár enda um engan
annan að ræða en sjálfan Glugga-
gægi. Hönnuður myndarinnar er 11
ára stúlka úr Öskjuhlíðarskóla, Auð-
ur Lilja Ámundadóttir, en tillaga
hennar var valin úr hópi 200 tillagna
sem bárust víðs vegar af Reykjavík-
ursvæðinu í samkeppni um mynd af
karlinum þeim arna.
Verðlaunin voru afhent við hátíð-
lega athöfn í gær í Öskjuhlíðarskóla
og var greinilegt að nemendur og
starfsmenn skólans voru stoltir af
listamanninum. Þetta er í sjöunda
skiptið sem hugmyndir 11 – 12 ára
grunnskólabarna eru nýttar við
gerð jólasveinaskeiðarinnar.
Ætlar að verða fimleikastjarna
Vinningshafinn í ár virtist þó láta
fjölmiðlaathyglina lítið á sig fá og
var mest upptekinn af að sýna blaða-
manni Morgunblaðsins glæsilegt
pilsið sem hún klæddist af tilefninu,
alsett fíneríis-glitri og steinum. Hún
féllst þó á að spjalla svolítið um
myndina sína og keppnina og fyrsta
spurningin snýst um það hvernig
hafi staðið á því að hún tók þátt í
keppninni? „Ég tók eiginlega þátt af
því að ég er í skólanum,“ segir Auð-
ur og bætir því við að allir krakk-
arnir í skólanum hafi verið með í
keppninni. „Ég teiknaði gluggann
og jólasveininn og þegar ég var búin
að því þá sendi Elsa myndina í
keppnina.“ Það er líka greinilegt að
vandað var til verka við gerð mynd-
arinnar. „Ég teiknaði á renning
marga Gluggagægja því við vorum
að æfa okkur fyrst og hita upp fyrir
keppnina,“ segir hún og upplýsir að
sér þyki gaman að teikna og lita.
Auði finnst ekkert skrýtið þótt
jólasveinninn hennar lendi á fíniríis
silfurskeið en segir þó að hún hafi
orðið hissa þegar henni var sagt að
hún hefði unnið keppn-
ina en þegar hún er
spurð að því hvort hún
ætli að verða listamað-
ur þegar hún er orðin
stór svarar hún ákveð-
in: „Nei! Ég ætla að
verða fimleikastjarna,“
enda kemur í ljós að
hún stundar fimleika
hjá íþróttafélaginu
Gerplu í Kópavogi. „Ég
er stundum að sýna fim-
leika,“ bætir hún við.
En hvað finnst henni
þá um það að vera beðin um hvert
fjölmiðlaviðtalið á fætur öðru, eins
og raunin var eftir verðlaunaaf-
hendinguna? „Þau halda örugglega
að ég sé fræg.“ Þegar hún er spurð
að því hvort sú sé raunin svarar hún
hugsandi: „Ég veit það ekki, það er
aldrei að vita.“
Jólasveinn í hippabuxum
Það er Gull- og silfursmiðjan Erna
ehf. sem framleiðir jólasveinaskeið-
irnar en skeiðin í ár er sú tíunda í
röðinni. Að sögn Ragnhildar Sifjar
Reynisdóttur gullsmiðs voru fyrstu
þrjár skeiðarnar framleiddar eftir
gömlum mótum sem fundust í fyr-
irtækinu en það hefur
áður framleitt jóla-
sveinaskeiðar af þessu
tagi. „Svo þegar þessir
þrír voru búnir þurftum
við nýjar hugmyndir og
þá var ákveðið að hafa
svona samkeppni meðal
barna.“
Sara Reynisdóttir
framkvæmdastjóri fyr-
irtækisins segir það hafa
verið tiltölulega einfalt
að velja úr þeim tillögum
sem bárust að þessu
sinni. „Á mjög mörgum myndum
sást bara bakhlutinn á jólasvein-
inum sem var að kíkja inn um
gluggann og það gekk ekki alveg
því við vildum að það sæist í
gluggann og jólasveininn sjálfan.
Þessi mynd kom strax mjög mikið til
greina því það var eitthvað við hana.
Til dæmis er svolítið skemmtilegt
hvernig nefið er alveg klínt upp við
gluggann.“
Hún segir jólasveinamyndirnar
sem bárust hafa verið ákaflega mis-
jafnar. Einn jólasveinninn hafi verið
hálf hippalegur í útvíðum buxum al-
settum blómum og jafnvel hafi verið
dæmi um kvenkyns Gluggagægja.
Hönnuður silfurskeiðar í
Öskjuhlíðarskóla
Morgunblaðið/Golli
Auður tekur við viðurkenningarskjali úr höndum Ragnhildar en að auki
fékk hún 10 þúsund krónur og eintak af silfurskeiðinni í verðlaun.
Jólasveinaskeiðin er
búin til í 200 eintökum
fyrir þessi jól.
Suðurhlíðar
REKSTRARSTYRKIR til einka-
rekinna leikskóla í Mosfellsbæ
hafa verið hækkaðir og er hækk-
unin afturvirk til 1. janúar 2001.
Tillaga þess efnis var samþykkt
á fundi bæjarráðs fyrr í mán-
uðinum.
Að sögn Gunnhildar Sæ-
mundsdóttur, leikskólafulltrúa
bæjarins, er Birkibær, sem
Reykjalundur rekur fyrir börn
starfsmanna sinna, eini einka-
rekni leikskólinn í bæjarfélaginu
í dag. Styrkir bæjarins með
hverju barni voru áður 12.000 kr.
á mánuði óháð dvalartíma en eru
nú 20.000 kr., miðað við fulla
vistun. Gunnhildur segir að
hækkunin sé til samræmis við
rekstrarstyrki annarra sveitarfé-
laga til einkarekinna leikskóla.
Guðrún Sigursteinsdóttir, leik-
skólastjóri á Birkibæ segir auk-
inn rekstrarstyrk koma til með
að minnka þann halla sem er á
rekstri leikskólans en betur megi
ef duga skuli. Víðast annars stað-
ar á höfuðborgarsvæðinu séu
styrkir til einkarekinna leikskóla
hærri.
Birkibær fylgir gjaldskrá leik-
skóla Mosfellsbæjar og leikskóla-
gjöld koma ekki til með að breyt-
ast vegna hækkunar styrksins
enda um að ræða leiðréttingu að
mati Guðrúnar í samræmi við
styrkveitingar til leikskóla í ná-
grannasveitarfélögunum.
Rekstrar-
styrkir hækka
Mosfellsbær