Morgunblaðið - 16.10.2001, Side 43

FRÉTTIR
MORGUNBLAÐIÐ ÞRIÐJUDAGUR 16. OKTÓBER 2001 43
AÐALFUNDUR Vinstri hreyfing-
arinnar – græns framboðs í Reykja-
vík verður haldinn í Norræna hús-
inu, í dag, þriðjudag kl. 20. Á
dagskrá eru venjuleg aðalfundar-
störf, kjör landsfundarfulltrúa og
umræða um borgarmál.
Fundarstjóri verður Birna Þórð-
ardóttir.
Aðalfundur VG
í Reykjavík
Misritun föðurnafns
Síðastliðinn laugardag birti Morg-
unblaðið grein eftir Guðrúnu Rögn-
valdardóttur framkvæmdastjóra
Staðlaráðs Íslands í tilefni Staðla-
dagsins, sem þá var. Nafn hennar
misritaðist í blaðinu og biðst Morg-
unblaðið afsökunar á því.
LEIÐRÉTT
OPINN fundur verður miðvikudag-
inn 17. október kl. 20 í húsnæði
Menntaskólans við Hamrahlíð. Frá-
sögn þátttakenda á Heimsmóti ungs
fólks og námsmanna sem haldið var í
Alsír 8.-16. ágúst síðastliðinn. Mótið
var sótt af um 6.700 manns frá 143
löndum.
Barátta ungs fólks
fyrir betri heimi
SAGNAKVÖLD með írska sagna-
og seiðmanninum Shivam O’Brien
verður á efri hæð Kaffis Reykjavíkur
í kvöld, þriðjudagskvöld, kl. 20.30.
Shivam segir kynngimagnaðar sög-
ur sem opna leið inn í heim dulúðar,
hetjudáða og frelsunar. Shivam fær
til liðs við sig nokkra tónlistarmenn
sem aðstoða við að töfra fram seið-
magnað andrúmsloft, segir í frétta-
tilkynningu.
Shivam er stofnandi Spirit Horse
Foundation í Wales á Bretlandi, op-
ins samfélags sem býður ýmis nám-
skeið sem umbreyta og opna nýjar
gáttir innra með þátttakendum.
Hann leiðir einnig kvöldnámskeið
með sagnalist og seiðmennsku annað
kvöld, miðvikudagskvöld, í Reykja-
dal, Mosfellsdal.
Írskt sagnakvöld
RÖGNVALDUR J. Sæmundsson
M.Sc. heldur fyrirlestur í Háskólan-
um í Reykjavík í dag þriðjudag kl.
12.05 um rannsóknir á uppvexti
tæknifyrirtækja sem hann hefur
stundað við Chalmers tækniháskól-
ann í Gautaborg.
Fyrirlesturinn er opinn öllum.
Fyrirlestur í Háskól-
anum í Reykjavík
SKÓGRÆKTARFÉLÖGIN á höf-
uðborgarsvæðinu halda opinn
fræðslufund í stóra sal Ferðafélags
Íslands í Mörkinni 6 í dag þriðjudag
kl. 20, í umsjón Skógræktarfélags
Garðabæjar.
Guðmundur Magnússon, kennari
og handverksmaður og Ólafur
Oddsson, kynningar- og fræðslu-
fulltrúi Skógræktar ríkisins, kynna
fjölþættar nytjar skógarins.
Þeir kynna skólaverkefnið
„Skógurinn og nýting hans“, sem
unnið er að í 10 skólum í Reykjavík
um þessar mundir.
Gréta og Gummi leika nokkur
lög eftir Bach og Bartok á við-
arstrokhljóðfæri.
Aðgangur er ókeypis og allir vel-
komnir á meðan húsrými leyfir.
Boðið upp á kaffi, samkvæmt því
sem segir í fréttatilkynningu.
Opið hús skógræktarfélaganna
RÁÐSTEFNA á matvæladegi Mat-
væla- og næringarfræðafélags Ís-
lands (MNÍ) verður haldinn föstu-
daginn 19. október kl. 12.30-17 í
Hvammi, Grand Hóteli í Reykjavík.
Matvæladagurinn hefur verið hald-
inn frá 1993 og er nú haldinn í 9. sinn.
Fjallað verður um þróun matvöru-
verðs og áhrif stjórnvalda á verðlag,
skoðað hvernig lífsstíll tengist
neysluvenjum og fjallað um stefnu
íslenskra stjórnvalda í manneldis-
málum. Dr. Aileen Robertson frá
Evrópuskrifstofu World Health
Organisation (WHO) fjallar um þró-
un og framkvæmd við mótun mann-
eldis- og neyslustefnu.
Fjöregg MNÍ verður afhent, en
það er verðlaunagripur sem veittur
er fyrir lofsvert framtak á matvæla-
sviði.
Þróun matvöruverðs
og neysluvenjur
GARÐYRKJUMIÐSTÖÐIN á
Reykjum í Ölfusi hefur ákveðið að
efna til málstofu u.þ.b. einu sinni í
mánuði yfir vetrartímann í Garð-
yrkjuskólanum.
Björn Gunnlaugsson, tilrauna-
stjóri Garðyrkjuskólans, heldur fyr-
irlestur fimmtudaginn 18. október
kl. 16 í húsakynnum Garðyrkjuskól-
ans á Reykjum, Ölfusi, og flytur er-
indi sem hann nefnir Þróun orku-
notkunar í garðyrkju, en
meðhöfundur erindisins er Magnús
Á. Ágústsson, ráðunautur.
Aðgangur er ókeypis og öllum
heimill. Boðið upp á kaffi.
Málstofur við
Garðyrkjuskólann
SAMHJÁLP kvenna, hópur til
stuðnings konum sem greinast með
brjóstakrabbamein, verður með opið
hús í Skógarhlíð 8, húsi Krabba-
meinsfélagsins, í dag þriðjudag 16.
október kl. 20.
Sigurður Björnsson læknir flytur
erindi: Hvers vegna þarf að greina
krabbamein sem fyrst? Fundurinn
er liður í októberátaki varðandi ár-
vekni um brjóstakrabbamein. Í mán-
uðinum er vakin athygli á þessum
sjúkdómi, líkt og gert er í mörgum
öðrum löndum, frætt um hann og
konur hvattar til að nýta sér boð leit-
arstöðvar Krabbameinsfélagsins um
röntgenmyndatöku.
Opið hús hjá
Samhjálp kvenna
„SAMBAND eldri borgara og Skál-
holtsskóli standa að nýnæmi í fé-
lagsstarfinu nú á haustmánuðum,“
segir í fréttatilkynningu frá Skál-
holtsskóla. Efnt verður til Fræðslu-
og orlofsdaga í Skálholti 29.–31.
október með fjölbreyttri dagskrá.
„Hvern dag verður fjallað um áhuga-
vert málefni bæði í fyrirlestrum og
hópumræðum þar sem lögð er
áhersla á að tengja málefnið aðstæð-
um nútímans.
Fyrsta daginn verður fjallað um
fjölmiðla og áhrif þeirra, bein og
óbein, á líf eldri borgara, hvernig
megi njóta þeirra og hafa áhrif á þá.
Umsjá: sr. Bernharður Guðmunds-
son fjölmiðlafræðingur.
Annan daginn verður Skálholts-
staður skoðaður frá sjónarhorni
kirkjusögu, menningarsögu og hag-
sögu og fjallað um veraldarvafstur
og viðkvæm örlög á þeim stað.
Umsjá: sr. Sigurður Sigurðarson
vígslubiskup.
Þriðja daginn verður litið á síðustu
70 árin frá sögulegu sjónarhorni og
upprifjun þátttakenda á eigin
reynslu. Umsjá: Þórunn Valdimars-
dóttir, sagnfræðingur og rithöfund-
ur. Skipulagðar verða kvöldvökur og
gönguferðir um hið sögufræga um-
hverfi Skálholts. Allir eru velkomnir
til kvöld- og morgunbæna að hætti
fyrri tíðar í Skálholtskirkju, sem allt-
af er opin,“ segir þar jafnframt.
Skráning fer fram í félögum eldri
borgara á ýmsum stöðum og í Skál-
holtsskóla. Netfang: skalholtsskoli-
@kirkjan.is
Fræðslu- og orlofsdagar
eldri borgara í Skálholti
MÁLSTOFA umhverfis- og bygg-
ingarverkfræðiskorar verkfræði-
deildar Háskóla Íslands verður hald-
in 17. október kl. 16.15 í stofu 158 í
VR-II við Hjarðarhaga 2-6.
Kynning á Norðlingaölduveitu og
tilgangi hennar verður í stofu 158.
Rætt verður um helstu fram-
kvæmdaþætti og umfang þeirra.
Jafnframt verður fjallað um breyt-
ingar á tilhögun framkvæmdar frá
upphaflegum hugmyndum og for-
sendur þeirra breytinga. Fjallað
verður um náttúrufar og sérstöðu
framkvæmdasvæðisins, þ.m.t. hluta
Þjórsárvera og á hvaða þætti hefur
verið lögð á áhersla í mati á umhverf-
isáhrifum. Gefið er yfirlit yfir rann-
sóknir í tengslum við matsvinnu og
sagt frá stöðu matsvinnunnar. Fyr-
irlesari er verkefnisstjóri matsins,
Guðjón Jónsson hjá VSÓ Ráðgjöf.
Allir velkomnir. Fundarstjóri:
Birgir Jónsson, skorarformaður.
Norðlingaöldu-
veita kynnt
AÐALFUNDUR Sögufélags Barða-
strandarsýslu verður haldinn laug-
ardaginn 20. október í Félagsheim-
ilinu á Patreksfirði klukkan 14 og er
öllum opinn.
Helstu markmið félagsins er að
safna og skrá þjóðlegan fróðleik úr
Barðastrandarsýslu og vekja áhuga
héraðsbúa á þjóðlegum fræðum, á
sögu og minjum héraðsins og hvetja
yfirvöld og almenning til að varð-
veita gamla muni, skjöl, mannvirki
og annað sem kann að hafa sögulegt
gildi fyrir héraðið.
Áhugasamir hafi samband við Jó-
hann Ásmundsson, netfang muse-
um@hnjotur.is
Sögufélag Barða-
strandarsýslu
LAUF, Landssamtök áhugafólks um
flogaveiki, halda fræðslufund um að-
stoð sálfræðinga við flogaveika,
fimmtudaginn 18. október kl. 20, í
húsnæði Öryrkjabandalagsins, Há-
túni 10b, kaffistofu á jarðhæð. Fyr-
irlesari er Eiríkur Örn Arnarson sál-
fræðingur.
Veitingar eru seldar í fundarhléi
gegn vægu gjaldi til styrktar fé-
lagsstarfi samtakanna. Frekari upp-
lýsingar eru veittar á skrifstofu.
Aðstoð sálfræðinga
við flogaveika