Morgunblaðið - 03.11.2001, Side 6

FRÉTTIR
6 LAUGARDAGUR 3. NÓVEMBER 2001 MORGUNBLAÐIÐ
STURLA Böðvarsson samgöngu-
ráðherra átti í gærmorgun fund
með Marinus Heijl, aðstoðarfram-
kvæmdastjóra tæknisviðs Alþjóða-
flugmálastofnunarinnar, ICAO, í
Montreal í Kanada þar sem boðuð
verkföll íslenskra flugumferðar-
stjóra um miðjan mánuðinn voru
helsta umræðuefnið. Heijl sat
Flugþing í vikunni og hefur verið
að kynna sér starfsemi Flugmála-
stjórnar í leiðinni og rætt við ís-
lenska embættismenn.
Í samtali við Morgunblaðið sagði
Heijl að ICAO hefði miklar
áhyggjur af stöðu mála á Íslandi
og boðuðum verkföllum, sem eiga
að verða daglega í hálfan mánuð,
hafi samningar ekki tekist við rík-
ið fyrir 16. nóvember. Heijl sagði
að ítrekuð hefði verið sú afstaða
sem fram kom í bréfi forseta
ICAO til samgönguráðherra í febr-
úar sl., þegar flugumferðarstjórar
boðuðu síðast til verkfalls, að
stofnunin myndi ekki sætta sig við
neina truflun á flugumferð og
myndi bregðast við af alvöru til að
tryggja áframhaldandi flug yfir
nyrsta hluta Atlantshafsins.
Alvarlegri staða en í síðustu
aðgerðum í febrúar
Hann sagði stöðuna nú enn al-
varlegri en í febrúar vegna nýrrar
ógnar af völdum hryðjuverka og
slæmrar stöðu flugfélaganna af
þeim völdum. Langt verkfall væri
óviðunandi fyrir alþjóðaflugið, það
gæti haft gríðarleg áhrif á afkomu
flugfélaganna.
„Ísland gegnir mikilvægu hlut-
verki í stjórnun alþjóðlegrar flug-
umferðar. Flugmálastjórn hefur
leyst sín verkefni vel af hendi sem
við hjá ICAO erum afar ánægðir
með. Sérstakar ráðstafanir eru
gerðar ef truflun verður á flug-
umferð og þetta er því miður ekki
í fyrsta sinn sem íslenskir flug-
umferðarstjórar hóta verkfallsað-
gerðum. Okkar verkefni er að
minna hérlend stjórnvöld á sitt
hlutverk og hvaða skuldbindingar
fylgja gerðum samningum um
flugumferðarstjórnina. Ísland hef-
ur tekið á sig þá ábyrgð að bjóða
flugumferðarstjórn á vissu flugs-
væði og þarf að sinna ákveðnum
skyldum. Upp geta komið óumflýj-
anlegar aðstæður sem trufla flug-
umferð, eins og hryðjuverk eða
rafmagnsleysi, og þá er gripið til
varaáætlunar sem unnið er eftir.
Ef ítrekuð verkföll starfsmanna
við flugumferðarstjórn koma upp
þá er það mjög alvarlegt, bæði fyr-
ir alþjóða flugumhverfið og al-
menning. Bjóða þarf upp á alþjóð-
lega flugumferðarstjórn á öruggan
og stöðugan hátt. Ég veit að ís-
lensk stjórnvöld gera sér fyllilega
grein fyrir þessu og taka á málinu
af festu,“ sagði Marinus Heijl.
Mikil ógnun við flugið og
setur ferðaþjónustu í uppnám
Sturla Böðvarsson sagði við
Morgunblaðið að fundi loknum að
farið hefði verið yfir stöðu mála
með Heijl, sem þekkti samninginn
vel sem Ísland framfylgir um al-
þjóðlega flugumferðarstjórn. Hann
myndi síðan gefa yfirmönnum sín-
um hjá ICAO skýrslu um stöðuna
hér á landi.
„Boðaðar aðgerðir flugumferð-
arstjóra eru mjög alvarlegar.
Vinnustöðvun á hverjum degi í
þetta langan tíma er mikil ógnun
við allt flug og setur alla ferða-
þjónustu í uppnám. Auðvitað bind
ég vonir við að samningar takist,“
sagði Sturla. Hann sagði málefni
flugumferðarstjóra hafa verið
rædd á ríkisstjórnarfundi í gær og
þar var farið yfir stöðu mála.
Með þeim Sturlu og Heijl á
fundinum voru Þorgeir Pálsson
flugmálastjóri, Ásgeir Pálsson,
framkvæmdastjóri flugumferðar-
sviðs Flugmálastjórnar, Jón Birgir
Jónsson, ráðuneytisstjóri í sam-
gönguráðuneytinu, Jóhann Guð-
mundsson, skrifstofustjóri í ráðu-
neytinu, og Jakob Falur
Garðarsson, aðstoðarmaður ráð-
herra.
Yfirmaður hjá Alþjóðaflugmálastofnuninni, ICAO,
um boðuð verkföll flugumferðarstjóra
Óviðunandi staða
fyrir alþjóðaflugið
Morgunblaðið/Ásdís
Sturla Böðvarsson samgönguráðherra og aðstoðarframkvæmdastjóri
tæknisviðs Alþjóðaflugmálastofnunarinnar, Marinus Heijl.
Á ALLRAHEILAGRAMESSU 2.
nóvember lagði sendiherra
Frakka á Íslandi, Louis Bardollet,
krans að minnisvarða franskra
sjómanna, sem fórust við Ísland á
langri fiskveiðisögu þeirra á Ís-
landsmiðum. Sem kunnugt er
varð mannfall þeirra mikið hér
við land og fjöldi þeirra var hér
jarðsettur. „Vestast í Víkurgarði“
eins og Guðmundur Guðmunds-
son skólaskáld orðaði það í
þekktu minningarljóði, var í lok
þorskveiðitíma Frakka hér við
land skógur af trékrossum á leið-
um þessara frönsku sjómanna
vestast í Reykjavíkurkirkjugarði.
Þegar krossarnir höfðu grotnað
og nöfnin mörg horfið var þeim
um miðja síðustu öld safnað sam-
an og reistur minnisvarði í Suð-
urgötukirkjugarði á þeim stað
sem þeir hvíldu flestir. Frakkar
hafa tekið upp þann sið að leggja
á allraheilagramessu ár hvert
krans frá sendiráðinu að þessum
minnisvarða og minnast í við-
urvist íslenskra og erlendra gesta
þessara samskipta þjóðanna, sem
Louis Bardollet, sagði í ávarpi að
hefðu verið einstaklega hlýleg
um leið og hann þakkaði aðstoð
Íslendinga við þá. Við athöfnina
flutti sr. Rolland bæn og minntist
þessara látnu sjómanna.
Morgunblaðið/Þorkell
Í minningu
franskra
sjómanna
PERSÓNUVERND gerði athuga-
semd við reglugerð um gerð lyfseðla
og ávísun lyfja vegna fortakslauss
ákvæðis um að á lyfseðli eigi að til-
greina við hverju nota eigi lyfið og í
kjölfarið var ákvæðinu breytt á þann
veg að lækni sé í undantekningatil-
vikum heimilt að sleppa því að geta
við hverju lyf sé gefið. Sigurbjörn
Sveinsson, formaður Læknafélags Ís-
lands, segir að þessi breyting á reglu-
gerðinni sé ófullnægjandi og komi
ekki til móts við sjónarmið lækna.
Ákvæðið er í 23. gr. reglugerðar nr.
111/2001, sem gefin var út 22. janúar í
vetur, tók gildi 1. apríl, en var breytt
14. júní síðastliðinn og hljóðar svo:
„Útgefandi lyfseðils skal tilgreina á
lyfseðli hvernig, hvenær og við hverju
nota á ávísað lyf, á þann hátt að auð-
skilið sé fyrir notanda þess. Í und-
antekningartilvikum má læknir
sleppa að geta við hverju lyf er notað
telji hann það þjóna hagsmunum
sjúklings.“
Sigurbjörn sagði að breytingin sem
gerð hefði verið á reglugerðinni væri
ófullnægjandi og kæmi alls ekki til
móts við sjónarmið lækna hvað þetta
snertir. Auðvitað eigi það að vera í
hendi sjúklings og læknis að hve
miklu leyti viðbótarupplýsingar séu
gefnar á lyfseðli.
Sigurbjörn sagði að aðdragandinn
að þessu næði til nokkurra ára og
mætti rekja til þess að lyfjafræðingi
hefði verið heimilað að afgreiða lyf
undir öðru heiti en læknar skrifuðu
upp á, ef um sama lyfið var að ræða en
undir öðru heiti. Læknar hefðu flestir
verið sáttir við þá ákvörðun í sjálfu
sér, en komið hefði í ljós hætta á rugl-
ingi lyfja hjá sjúklingum vegna þess
að þeir gátu verið með sama lyfið und-
ir höndum undir tveimur heitum.
Þess vegna hefðu læknar tekið upp að
skrifa með skömmtunarfyrirmælun-
um við hverju lyfið væri notað, en þar
hefði ekki verið um sjúkdómsgrein-
ingar að ræða heldur upplýsingar um
við hverju lyfið væri. Þetta hefði síðan
verið fært inn í reglugerð og gert að
skyldu við endurskoðun hennar.
Læknafélag Íslands hefði gert alvar-
legar athugasemdir við það og í fram-
haldinu hefðu þessu verið breytt
þannig að læknar væru ekki lengur
skyldaðir til þessa ef þeir töldu það í
þágu sjúklingsins að gera það ekki.
Hins vegar væri of skammt gengið í
þeirri breytingu sem gerð hefði verið
og breytingin því ófullnægjandi.
Sigurbjörn sagðist reikna með að
læknar myndu hér eftir sem hingað til
meta það hvort nauðsynlegt væri að
upplýsingar þessa efnis kæmu fram á
lyfseðlinum og gera það í samkomu-
lagi við viðkomandi sjúkling.
Sigurbjörn bætti því við að upplýs-
ingar á lyfseðli vegna greiðsluskyldu
Tryggingastofnunar væru allt annað
mál, en í Morgunblaðinu í gær kom
fram að greiðsluskilmálar Trygginga-
stofnunar gætu verið háðir því við
hverju lyfið væri. Þær breytingar
hefðu verið gerðar til hagræðis og
snúi að því að í völdum tilvikum geti
læknir gefið upp ákveðið númerabil
yfir sjúklinga til þess að ríkið taki full-
an þátt í greiðslu lyfsins. Kæmi það í
stað lyfjaskírteinis áður.
Hörður H. Helgason, lögfræðingur
hjá Persónuvernd, sagði að stofnunin
hefði tekið upp málið að eigin frum-
kvæði og ákveðið hefði verið að ekki
væri ástæða til að gera frekari at-
hugasemdir að svo stöddu eftir að
heilbrigðisráðneytið hefði ákveðið að
verða við athugasemdum Persónu-
verndar.
Formaður Læknafélags Íslands um lyfseðla
Ófullnægjandi breyt-
ingar á reglugerðinni
RANNSÓKN lögreglunnar í
Reykjavík á tjóni Ólafs Hólms
Guðbjartssonar, bónda á
Sjávarhólum á Kjalarnesi,
sem misst hefur 50 ær eftir
hundsbit hefur ekki leitt til
þess að dýrbíturinn eða -bít-
arnir hafa náðst.
Lögreglan hefur haft málið
til rannsóknar sem dýrbitsmál
síðan í lok september og hef-
ur á þeim tíma yfirheyrt fólk
á bæjunum í nágrenni við
Ólaf og aflað frekari gagna.
Þá hafa hundaeftirlitsmenn
hjá heilbrigðiseftirlit Reykja-
víkur, sem rannsóknin er unn-
in í samráði við, gert sínar
kannanir og litið eftir lausum
hundum á svæðinu.
Að sögn Jónasar Hallsson-
ar aðstoðaryfirlögregluþjóns,
er litið alvarlegum augum á
málið og hvetur hann fólk ein-
dregið til að láta lögregluna
vita ef vart verður við lausa
hunda.
Dýrbítar
á Kjal-
arnesi
ekki
fundnir