Morgunblaðið - 16.12.2001, Síða 8

FRÉTTIR
8 SUNNUDAGUR 16. DESEMBER 2001 MORGUNBLAÐIÐ
Kid Timer takmarkar aðgang barna
Skammtar tíma
í tölvunni
BÖRN nota heimilis-tölvur í vaxandimæli og sums stað-
ar er jafnvel talað um
vandamál í þeim efnum,
ekki hvað síst vegna þess
að erfitt hefur verið að
fylgjast með því hvað
börnin eru að bardúsa, t.d.
á Netinu. Margt barnið
rekst í tíma og ótíma inn á
óæskileg svæði Netsins og
önnur liggja yfir ofbeldis-
leikjum. Nú hefur Birgir
Daníel Birgisson hjá fyrir-
tækinu Netlist búið til nýtt
forrit, „Kid Timer“, sem
gerir foreldrum kleift á
einfaldan máta að hafa eft-
irlit með börnum sínum við
notkun heimilistölvunnar.
Morgunblaðið ræddi við
Birgi á dögunum.
Hvað er Kid Timer og hvernig
virkar það?
„Kid Timer er einfalt og öflugt
forrit sem skammtar tíma og fylg-
ist með tölvunotkun á heimilinu.
Með Kid Timer geta foreldrar á
auðveldan hátt haft náið eftirlit
með tölvunni rétt eins og þeir
stæðu yfir barninu. Kid Timer
gerir heimilistölvuna að öruggari
leikvelli með auknu eftirliti og
kemur í veg fyrir óhóflega notkun.
Þetta er einfalt og öflugt forrit
með stillanlega tímaskömmtun og
skjákanna sem fylgist með öllu
sem fram fer á tölvuskjánum. Það
samanstendur af eftirlitsmynda-
vél sem skráir reglulega það sem
birtist á skjánum og stillanlegum
tímavara. Með því er hægt að
ákvarða tíma fyrirfram sem við-
komandi dvelur við tölvuna. Hægt
er að setja upp notendaskrá fyrir
yngri tölvunotendur heimilisins.
Foreldrar fara inn í Kid Timer-
stjórnkerfið og slá inn þann tíma
sem þau telja að æskilegt sé að
börn þeirra dvelji við tölvuna
hverju sinni. Skjákanninn eða eft-
irlitsmyndavél tekur myndir af
skjánum með reglulegu millibili
eftir því sem óskað er við uppsetn-
ingu hjá viðkomandi notanda.
Forritið er einfalt að setja upp í
tölvunni og ekki þarf við hann
neinar viðbætur eða reglulegar
uppfærslur til að halda forritinu
virku. Það krefst PC tölvu með
Windows 95, 98 eða ME „Mill-
ennium Edition“
Hver var kveikjan að þessu for-
riti?
„Innan fjölskyldunar og hjá
vinafólki varð ég fljótt var við hve
miklum tíma börnin eyddu í tölv-
unni. Sum þeirra eyddu öllum frí-
tíma sínum í tölvunni og það
yfirleitt alveg eftirlitslaust. Kom
það fljótt til tals á heimilunum að
þetta væri orðið vandamál sem
jókst stöðugt. Þetta átti sterkan
þátt í að hugmyndin varð til.“
Er hugmyndin þín, eða er ein-
hvers konar erlend fyrirmynd?
„Já, hugmyndin er mín og
kviknaði hún fyrst fyrir þremur
árum. Hún er í raun mjög einföld,
en þó hefur ekki enn komið nein
vara á markað, hvorki
hérlendis né erlendis,
sem getur talist sam-
keppnishæf. Að vísu
hafa verið til um nokk-
urt skeið hinar og þess-
ar síur fyrir Netið sem eiga að sía
burt ýmsan óþverra sem börn
gætu rekist á, á flakki sínu um
Netið. En vandamálið með svona
síur er að þær verða fljótt úreltar
og þarf því stöðugt að uppfæra
þær og í raun eru þær aldrei full-
komlega öruggar. Kid Timer
kemur að vandanum frá annarri
hlið með svokallaðri eftirlits-
myndavél eða skjákanna. Hann
fylgist með barninu og geta því
foreldrar séð hvaða vefsíður barn-
ið heimsótti á flakki sínu um Net-
ið, hvað það er að gera á spjallrás-
unum, tölvuleikjum, sem sagt allt
það sem það tekur sér fyrir hend-
ur í tölvunni. Með þessu móti lær-
ir barnið það fljótt að mamma og
pabbi vita hvað það gerir í tölv-
unni og stuðlar þetta því að heil-
brigðari notkun heimilistölvunn-
ar.“
Á ekki bara að treysta bless-
uðum börnunum?
„Þörfin fyrir svona hugbúnað
hefur skapast jafnt og þétt á und-
anförnum árum og í dag er hún
orðin gífurleg. Það er staðreynd
að börn eyða of miklum tíma fyrir
framan tölvuskjáinn og að mestur
hluti þess tíma fer í tölvuleiki og
Netið. Oft og tíðum eru þau einnig
eftirlitslaus í tölvunni og frítíminn
fer nánast allur í að strádrepa
þúsundir misfríðra skepna í hin-
um og þessum ofbeldisleikjum,
eða vafra um Netið inn á vafasam-
ar síður. Með þessari óhóflegu
notkun á heimilistölvunni missir
hún marks sem mikilvæg miðstöð
upplýsinga og kennslu og verður
lítið annað en ruslakarfa eða dóta-
kassi.
Heimilistölvan getur að sjálf-
sögðu boðið upp á skemmtilega af-
þreyingu en sömuleiðis misholla
og Kid Timer gerir foreldrum
kleift að hafa vakandi auga með
því sem börnin aðhafast í tölvunni
og kemur í veg fyrir óhóflega
notkun. Kid Timer hindrar og að
börn sem eru ein heima
eyði öllum deginum eft-
irlitslaust fyrir framan
tölvuskjáinn og ein-
angri sig þannig frá
kunningjum og vinum.
Með Kid Timer skammta foreldr-
arnir börnum sínum tíma í tölv-
unni og þau þurfa ekki að rífast
um það sín á milli hvert þeirra eigi
að nota tölvuna. Slík vandamál
verða úr sögunni.“
Markmið?
„Að Kid Timer verði staðlaður
búnaður í heimilistölvum, leikja-
tölvum og stafrænum sjónvörpum
framtíðarinnar.“
Birgir Daníel Birgisson
 Birgir Daníel Birgisson er
fæddur í Reykjavík árið 1980.
Einnig uppalinn í höfuðstaðnum.
Birgir er útskrifaður af tölvu-
fræðibraut Iðnskólans í Reykja-
vík með forritun og þróun sem
sérsvið. Hann vann ýmis sölu- og
þjónustustörf með námi en fyrir
tveimur árum stofnaði hann
Netlist sem hefur m.a. haft með
höndum verkefni fyrir Lands-
bankann, Olís, Hjálparstarf
kirkjunnar, Gott fólk-McCann
Erickson o.fl. Hann er makalaus
og barnlaus.
… stuðlar að
heilbrigðari
notkun
Það er kominn tími á þetta. Sú gamla búin að sukka villt og brjálað í útlöndum og Palli P.
alltaf að pína aumingjana, þú búinn að brjóta gleraugun og ekki hef ég verið bestur.